اني جيتكم يا حزب الخباثة واريد منصبي الان

[الافعى السامة]

السلام عليكم شلونكم؟
اريد انتمي الى هذه الحزب وارجو ان تقبلوني بي والمنصب المطلوب بسيط خلي نقيب واذا ما ينفع اقترحولي شي المهم اريد انتمي معلية معلية
ارجو الجواب
اختكم الافعى السامة::26:: ::26:: ::26:: ::26::

[بــدر الزمــان]

للاسف اختي انتي قدمتي سابقا طلب وما التزمتي بشروط الانتماء للحزب
فتم رفض الطلب

[moby moby]

لا حرامات يله خيرها بغيرها الافعى شدي حيلج

[رئيس الحشاشة]

ماطول قدمت طلب وماسوت القوانين يعني مانريدهة

[qasm najaf]

يمعودين على كيفكم وياهه

[النسر الجارح]

احمد ليش تحجي هيج ويه البنية
علاكيفك وياها
يلا ميخالف افعى تلكين غير حزب

[الافعى السامة]

شسوي غير الحاسبة عطلت وما كدرت ادخل نت زين ممكن اقدم مرة ثانية؟؟؟؟
يلة خيرهة ابغيرهة

[هارب من الخدمة العسكرية]

هاي شبيك طير موكتلك افعى السامة صديقتي ليش هيج تكللهة مو كتلك من طرفي اني


وبالقوانين كلتو شهر وهية مصارلهة اسبوعين

افيعو تعالي الحزبنة وبيج خير وتدللين

بس حرمات طير والف وسفة عليك خويي

هية كلتلي حاسبتي حيدر عطلت بلكي تكملي شغلتي وهسا رجعت


تعالي افيعو بعيونة انخليج لو مو طير لو صكر هم اخليج

[النمر الابيض]

يمعودين صدك جذب

الى هالدرجة الحرب مأثرة بمخكم

اخ طير

المسامح كريم

والبنية كالت لك انه حاسبتهة عطلت

متكولي شبيك معصب اليوم

انتظرك على الماسنجر

[الافعى السامة]

تسلمون اخواني حيدر ونمر علة تعاطفكم وياية سشوي الدهر دار بية هم بعيدة عن الوطن وهم طير علية ما اكول غير سلمتك بيد الله

[بــدر الزمــان]

اسف اني اختي
بس القانون هو القانون
وكلنة متغربين
ونجمتع هنا حتى نخفف من الام الغربة

[النمر الابيض]

اسف اني اختي
بس القانون هو القانون
وكلنة متغربين
ونجمتع هنا حتى نخفف من الام الغربة


هذة يا قانون يكول العضو الي يغيب وهو مقدم على على انتماء لحزب

حبيبي طير

هسة عبرهة لخاطري ولخاطر هارب

والله انت مو طير الي اعرفه

معصب ومتتفاهم

متكولي شنو صاير

::1:: ::1::

[رئيس الحشاشة]

اوكي اذا هيج تعالي للخباثة
اوكي احنا نرحب بيج

[Lavender]

هههههههههه اشبيها هية البنية

[هارب من الخدمة العسكرية]

طير دا اكلك افعى السامة صديقة عزيزة عمي اقبلهة وهسا


افيعو ترة الميعرفج ميقيمج وانشاءالله انتي ذهب

طير انطيهة المنصب ولتصير فرد نوب عاد

شفت نمر هاية كدامكم (خوش حلف )

دا اكلة الخاطري وصديقة من طرفي وشت ردة الوافي (لا عيني القانون قانون )

شوف طير احنة هنا دا نضحك مو دا نتعارك لو نقبل هذا ومنقبل هذا والمفروض يشيلون هاية مالت المية مشاركة لان كل اعضاء دجلة نت يحبون ينتمون للاحزاب والهاذا النادي وانتة بالسانك كتلي نجي نتسلى هنا

وخلي يكون عندك شوية احساس


الهارب

[عصارة قلب]

يا سلام تهاوشوا حزبالخباثة هههههه

[الافعى السامة]

مشكورين على هذي الواسطة الحلوة يعني هسة انقبلت؟
وشنو المنصب الي حصلتة؟؟؟؟؟؟؟؟؟؟؟؟

[النمر الابيض]

اختي الافعى السامة

هسة نشوف طير وسالفته

وانشاء الله مقبولة

ولو اعذرينة هالايام

لانه مشغولين بشغلة خاصة بالحزب

وان شاء الله مقبولة

[بــدر الزمــان]

طيب شباب
ما ادام تدخل هارب والنمر
راح اوافق على انضمام الافعى السامة الى الحزب
بس بعد ما هي توافق على شروط الحزب

[هارب من الخدمة العسكرية]

عمي اني نيابة عنها اوافق علة كل الشرووووووووووووووووووووووووووط


وطير حبي سويلها الباج حلو خوش اريدة يطلع مميز

والخاطري

يلة افيعو بلشي بالعلاسة الحرب وياهم واليحجي وياج لتزعلين منة ابد ابد ابد لأن هنا دا نشاقة ولتاخذين الكلام صدك وديري بالج من عصارة ترة هاية ام المقالب والكامرة الخفية

يعني اذا زعلت تركيهة تريد تسوي بيج مقلب

وديري بالج على نفسج واحنة وياج

طيور اريدة المنصب اداري وعسكري استراتيجي

خوش حبي

[عاشق الرومانسية]

الافعى السامة ليش متجين للعلاسة

مو احسنلج من هذولة التعبانين

لتزعلون ها داتشاقة

واذا متجين اقري الفاتحة على نفسج

[هارب من الخدمة العسكرية]

عاشق الرومانسية ترة وراهة اسود افيعو خوش وترة تنعلس


يلة افيعو معليج بيه هذا واحد بوخة كلش

[عاشق الرومانسية]

والله ماكو واحد فارغ وبوخة مثلك

هرب من الخدمة العسكرية

يعني واحد جبان ::237:: ::237:: ::237::

[بــدر الزمــان]

صار حبي هارب
انت تأمر امر
اني راح اعلن انضمامها للحزب
على ضمانتك
اكووول وليدي عاشق ما تخليك خوش ولد وتطلع برة؟؟ وسد الباب وراك وانت طالع
ما نريد متطفلين وفاشلين بموضوع يخص حزبنة
زين حبي؟؟
يلة اطلع قبل لا نخليك وجبة شهية لاسد من اسود الخباثة او الحب الضايع