التعارف الجامعي مهارة اجتماعية ام لواكة

[شلش البغدادي]

التعارف الجامعي مهارة اجتماعية ام لواكة

قبل ايام كنت أبيع نفط بالجامعة قريب من النبكة لفت نظري حديث يدور بين شخصين كانو يتكلمون عن شخص ثالث وكان الحديث هو

الشخص الاول : اكلك وين فلان ؟؟
الشخص الثاني : ما ادري وين راح يمكن راح يوكف يم البنات
الشخص الاول : لوكي يا اخي هذا الولد لوكي
الشخص الثاني : يا اخي اني لو شيصير ما اوغف على بنات اهم شي الكرامه

.......................
فد شغلة خلتني أتسائل المعارف الجامعية واقصد بين الولد والبنات (لان الولد شي تعرف شي حتى بليا تعارف )
هي مهارة اجتماعية يعني نشوف ولد يتكلم مع بنات مو مجرد صباح الخير وبس او هلو وبس لا اقصد حديث كامل وميقتصر على بنات الشعبة بل حتى من غير فروع هل هي مهارة اجتماعية وهبة يتميز بها اشخاص عن اشخاص ام ان الامر كما يصفه البعض لواكة وتوغيف .
واللي يزيد العجب ان هاي الشغلة موجودة بعلوم الحاسبات اكثر من بقية الاقسام فبسبب وجود مجموعتين الولد والبنات يكون التواصل بينهما اصعب يعني خالي بالمدني الله يخلي المدني لاهل المدني واللي يفترون يم المدني نشوف المجموعات المختلطة فاتصور هما متجاوزين الازمة عكس المساكين اهل الحاسبات

زين يا اخي لو اكو قوانين بالتعامل حتى نفتهم شكد الواحد يبقى واكف قبل ان يوغف على الناس وما هي الايام التي لا تحسب والتوغيف زوجي لو فردي
وماهي الحدود بين المزاح واللواكة قابل كل واحد يتشقى هو لوكي

عفيه فهموني مو اليا لا لهذوله الاثنين الشخص الاول والشخص الثاني

شلش البغدادي

[KALIMERO]

والله اني اعتبر الموضوع فد شي عادي مثل ما نحجي ويه الولد نحجي ويه البنات لان ماكو فرق بس اكو بعض المتخلفين واللي ميعرفون شلون يتثقفون يعتبرون الموضوع لواكه وهذا اعتبره فد شي متخلف كلش .... لان بهذا الوقت صار فد شي عادي انه الواحد يكون علاقات عامه ويه كل الناس

[The Boss]

شغلة عادية
تحجي وية ولد تحجي وية بنية

[سلمى البغدادية]

والله شلش موضوعك حلو وعاشت ايدك على هذا الموضوع بس المشكلة انو صدك احنا القسم الوحيد الي دائما تصير بي هيج مفارقات يعني الاقسام البقية ولو موكلها يعني بس شنو دائما يتفادون مثل هيج مواقف بس احنا ما ادري شبينا
والله هو ماكو فرق اذا حجينا وية ولد او وية بنات احنا قابل وين كاعدين لوما احنا بجامعة وبجامعة مختلطة بس بصراحة يعني اكو نوع من الولد والبنات هم يعني بصراحة صدك معارفهم تتسمى لواكة يعني اكو ولد ويانة بالشعبة واعرفهم وهم يكولون لنا خلي نتعرف على فلانة وعرفونة على فلانة وحتى مرة واحد من ذولة الولد كال اي بنية تعرفوها حتى لو من غير قسم عرفونة عليها ومن يكعد يحجي يكول اني اعرف فلانة وفلانة وما ادري منية يعني هذا شتكول علية بلة؟؟؟؟؟؟؟؟ مو لواكة انو عبالك مسوي فد انجاز عظيم انو هو يعرف كم بنية واكو بنات هم نفس الشيء ...
والله اني اختي من احجي لها هيج اشياء تكول لي ايام الجامعة والدوام والدراسة احلى ايام تونسوا بيها شكد متكدرون وعيشوا عمركم وماكو احلى من انو تكونون صداقة حقيقية بلا وغف لو لواكة لو غير شيء مشكووووووررررررررررررر شلش على الموضوع

[lulwa]

هلووو شلش شلونك ؟؟
شنو هالموضوع ؟؟ شكلك صارلك اكثر من هالموقف المذكوور ونزلت الموضوع.......
المهم من راي انو هي حسب طبيعة الولد وتفكيره ورايه ..........زيعني اني وصديقاتي نمشي ويا ولد اكبر سنة من عدنا وكل الي يشوفنا نمشي وياه يسالون منو منكم مكبلة وياه ؟؟؟
مع العلم احنا ال3 علاقتنا بي مجرد زمااالة مو اكثر والولد لان كلش مؤدب ومتحرم ويعرف شلون يتصرف احنا هيج علاقتنا قوية بي...........فتخيل انت !!
بصراحة يعني اني حتى لو اشوف بنية وولد وحدهم يمشون مااكول مكبلييين او شي اعتبرهم زملاء.
بس الي كالته سلمى يمكن قسمنا اكثر الاقسام هيجي يعني اشوف باقي الاقسام انو عادي يطلعون كروب وانو عادي اذا كان الكروب مختلط واذا واذا واذا ........
كلمة اخيرررررة .........التعامل مع المراءة في اي وقت وزمن هو مجرد فن واتقان مهارة لااكثر::13::
تسلللم شلش واتمنى تكون تتقن هالفن

[al7lwa]

شلش يا شلوش وينك اشو مختفي شنو صاير سجاج مضبوط؟
بالنسبة لموضوعك حلو ومهم بنفس الوقت لان احنا حسب ما اعتقد صرنا ثالث وماكو داعي نكول لواكة او غير شي لان هذا القسم حفضناه وخصوصا مرحلتنا يعني كلنا زملاء بس اني اكولك اكو ناس من تريد تتعرف على بنات او بالعكس يتعرفون علمود يكولون احنا نعرف هواية بنات ومن هاي السوالف يعني صدك لواكة
فهي تعتمد على الشخص وعلى تفكيره وبس وغير هذا فاني اعتبرها عادي وكلنا زملاء واتمنى ان تتقبلون رأي وشكرا

[INVISIBLE]

ولو اني مواد مو علوم
بس قسمنة عادي او مو عادي
يعني اكو ولد مثل اني او كم ولد بالشعبة علاقتتنة قوية ابنات الشعبة فعادي نفتر بالجامعة نضحك يعني مكو مشكلة او اكو علاقتهم ضعيفة ابنات شعبتنة يمكن سلام ماكو فاتصور هية تعتمد على الولد نفسة او البنية نفسهة مو صحيح

[حجر الدم]

هلووووووووو

طبعا اني اعتقد انه الموضوع ومابيه انه كل انسان وتفكيره وطريقته بالحياه يعني هم محلوة ولد يجي يلزك يم بنات ويخليهم حايرين بس مابيه شي اذا اجى ووكف وحجى بادب والله يعني عادي كلنه زملاء ومو فد شي عيب وحرام بس بقت هم من جه البنيه هيه الي تكدر اتخلي حد للولد ومتخليه يتجاوزه .. والبنيه الي مفروض اتميز بين الولد المؤدب من الولد الغير مؤدب ...

[lolo2020]

طبعا مشكور عالموضوع وكلش حلو ........ بصراحه اني اعتبر مابيه شي اذا الولد حجه ويه البنيه بس اكيد كلشي بحدوده ومجتمع الجامعه هو مختلط .......يعني ميصير كلمن ايشوف ولد وبنيه سوة يحجي عليهم واذا بنات وحد او ولد وحد ايكولون عليهم معقدين

[lolo2020]

طبعا مشكور عالموضوع وكلش حلو ........ بصراحه اني اعتبر مابيه شي اذا الولد حجه ويه البنيه بس اكيد كلشي بحدوده ومجتمع الجامعه هو مختلط .......يعني ميصير كلمن ايشوف ولد وبنيه سوة يحجي عليهم واذا بنات وحد او ولد وحد ايكولون عليهم معقدين

[MR.TOTTI]

مشكوور شلش على الموضوع وصراحة عندي تعليق لصالح الموضوع بس ما بية حيل اكتبة هههههههههههههه

[Malak_Al_Janah]

والله يعني ما اتوقع لواكة
واكيد الي يتلوك راح يعرف بنفسه
بس يعني التعارف الجامعي شي عادي وضوروي بنفس الوكت
لان الانسان لازم يكون اجتماعي بس بحدود
يعني كل انسان لازم يعرف شنو حدوده ويه المقابيله
وميصير يحجي شي زايد لو ناقص حتى لو كانت بينهم ميانه هواية
بس هم لازم يعرف شنو هيه المواضيع او الاشياء الي لازم ميحجي بيها كدام البنية
ومشكور على الموضوع

[® Sparks Man]

والله اني اشوف انه التعارف شي مهم يعني التعارف لا هة عيب ولا هو حرام اذا كان ضمن الحدود الطبيعيه
والانسان اذا تصرف بصوره طبيعيه .. مع الطرف الثاني اكيد مراح اتصير لواكه او اي شي
لكن الي من يتصرف يضع الفوارق ويفرق بتصرفه بين البنت والولد هذه الي يصير مفضوح يعني اوكي انه البنيه المفروض نتصرف وياها بطريقه ارق او ميانه اقل بحكم كونه بنت
لكن
اني اقصد اذا الشخص اجى وتعرف على بنت وولد بنفس الوقت المفروض مثل ما يتصرف ويه البنت يتصرف ويه الولد ولا يجامل البنت اكثر ولا يروح زايد يعني يمكن على الولد نفسه محلوة ...

شكرا شلش موضوعك مهم ومفيد في نفس الوقت

[الشاعر الحزين]

اخي العزيز شلش الغالي
احب اشارك بموضوعك فكرة الجامعه هية مجتمع ثاني وهي تهيئة للشخص ولد لو بنية للدخول لعام اخر من حياته عالم من الاعتماد على الاهل للاعتماد على النفس بالقرارات والفلوس وكل شي اما للوظيفة اغو للزواج او اي شي فهي المستقبل
اما بالنسبة لموضوع الاختلاط فهو شي عادي جدا بس يجب الا يزيد عن حده يعني كل واحد يعرف من ربعه مو يوكف يم غير مجموعه ساعات ممكن ساعه بالاكثر هاي اذا اكوا سوالف اما اذا ماكوا سوالف ربع ساعه زايد والله كريم