يا ريت الاعدادية تعود يوما

[Unity of iraq above all]

هلاوو بالكل
شلونكم انشالة زينين
اليوم شنو الموضوع ؟
كل واحد يجي يحجيلنا علة الاعدادية
وشنو مواقفة وية المدرسين
وشنو جانت حياته
شمسوي مكسورات
مو مكسورات ....رزايل
..عركات......وية طلاب... وية مدرسين
شكم صديق جان عندة
شنو جان يتمنى ؟؟؟
يحجيلنا وين جان كاعد بيا سرة بيا رحلة بيا شعبة
اخذ خصوصي
شوكت
وبيا دروس
يحجيلنا علة مدرسين الخصوصي همينه... ايه شكو بيها
شكم مرة متزاعل وية اصدقاءه
شنو جانت الاسباب
وهسة ورة ما خلصها
مشتاقلها
من من اصدقائه بقت علاقته مستمرة وياه
منو لاء كطع
وشنو سبب الكطيعة انته لو هوة ؟؟؟؟؟؟؟؟؟؟

يرة حبابين شاركوا سولفوا
اريدكم تحجووووون كومة هواية هواية هواية
عفية لا تتعاجزون
تحياتي للكل مقدما

[حبيب المواد]

شكد تحبين هذي السوالف ....
بس صدك حلوه ...
اني جنت بأعدايه المنصور كبال الزوراء ورح ابدي من الرابع الى السادس ....
الرابع طبعا جيت كلشي ما افتهم واكيد الكل كان يعاني من الرابع ما اعرف ليش هو هيج من الله جاي صعب جان بس ولد واحد اعرفه درس ويايه فرنسي بالعاطله لان اعداديتي جان بيها فرنسي واني مدارس فأخذت مدرس درسني ويه هذا الولد (اول وثاني وثالث)متوسطه والحمد لله امتحنوني بالوزاره ونحجنه ...
كظيت الرابع السنه كلها بالكوه حجيت بيناتنه
الفصل الاول 3 دروس
ونص السنه 7 دروس بس درجه الفرنسي تأخرت فصارت 8 دروس
والفصل الثاني كلت لازم اقره طلعت 2 درسين ...
المهم بالاخير نحجت دور ثاني درس واحد (شكد شاطر اني )....
الصف الخامس احلى مرحله كظيتها بالاعدايه لان جانت ونسه وطربكه مو شلون مجان يعني ما اكدر اوصفلكم بالخامس صرنه فد مجموعه مصايره الى حد الان ...
بالدرس نضحك بالخصوصي نضحك بالطلعات طبعا ضحك و ونسه ...
بس احلى فقره بالخامس لزموني الغيابات يعني صرت المراقب ... ما اسولفلكم من صرت مراقب يمكن نص الشعبه جنت اطلعهم بس شنو جنت اسويهم شفتات شفتات لان المعاون مالتنه جان غضب مال الله
كل ما واحد عنده شغله او يريد يطلع يجي عليه محمد اريد اطلع محمد اريد اكل جعان محمد اريد مدري شنو المهم اكولهم روحوا ....
السادس ... وما ادراك مالسادس ...
السادس اني كظيته سنتين :
اول سنه طبعا مدرسين خصوصي وروح وتعال وطبعا شغله المدرسين الخصوصي تعبتني كلش والحمد لله كلشي مستفاديت من عدها حجي بيناتنه ...
الى ان صارت الحرب وراها اني طبعا رح واهسي وظجت كلش ومقريت زين عكس هوايه من اصدقائي صارت فتره ال40 يوم خمس اشهر بس اني مقريت غير بس شهر ونص يعني تشربت مثل ميكولون ...
المهم اجلت درسين علمود اترك سنه وفعلا عدت السنه لان صارت حواسم احنه اول دروه امتحنوا وره الحرب (دوره الحواسم ) سمونه ....
السنه الثانيه ...
السنه الثانيه شويه كعدت اقره بس بدون مدرسين بس اخذت احياء بنهايه السنه والحمد لله عدت بخير ولو هي هم صارت حواسم بس ارحم شويه من السنه الاولى
لان بالسنه الاولى بوكتها قبل مجلس الحكم و هاي السوالف ...
المهم اني عود درست وقريت وبالاخير جبت 78 ..
هسه من ناحيه الاصدقاء :
اني الاعدايه مالتي جبيره كلش طبعا شكد ما اوصف جبيره يعني الروابع جانوا 9 شعب والخوامس 8 والسوادس 9 ... وهذا الحجي احنه الاساتذه يكولون انتوا صرتوا اقل لان جانت الشعب بالعشرين شعبه لكل مرحله ... المهم قصدي من هذا يعني جان عندي هوايه اصدقاء وطبعا اكيد هسه مو كلهم اشوفهم واكو قسم منهم اخبارهم انكطعت عليه ...
لكن الي التقي بيهم حاليا بقوا بس 3 اشوفهم هنا بعمان وواحد من عدهم عاد السادس ويايه فمن شفته هنا كلش فرحت وهو هم فرح خطيه وكمنه نلتقي من جديد ...
من ناحيه العركات والمشاكل ويه الطلاب فاني بس مره وحده تعاركت ويه ولد (اذا اسموها عركه) بسبب سوء تفاهم بسيط وراسن اجه ولد صاحبي وكال شباب تره السالفه هيج وهيج المهم راسن اعتذرنه واحد من اللاخ ....
اما من ناحيه المشاكل مع المدرسين فلا والله ما شاء من المدير وانتي نازله وخاصه المعاون جان يتخبل من عندي لان جنت اطلع الطلاب مثل مكتلكم ..
والمدرسين اكثر واحد جانت تكرهني ام الفرنسي لان جنت كلشي ما افهم منها لان حشاكم هي كلشي متفتهم وجنت ارجع ليوره اكعد وكله سوالف واكل وضحك بس الحمد لله هي اول سنه جانت تاخذ خصوصي كم طالب ويايه بالشعبه فمره من المرات جان عندي محاضره رياضيات هذا الحجي بالخامس فخلصت المحاضره فكتله لصديقي يله امشي كلي لا عدنه خصوصي فرنسي فأني كلش فرحت وحتى اصدقائي كلولي نريدك تظل علمود تشوفك و تعرف انه انت عرفت بيها تاخذ خصوصي لان اني مو وياهم بالمجموعه علمود اكدر الزم عليها لزمه ههههههه
المهم صدك اجتي وشافتني طبعا انكبست فكامت تضرب اخماس بأسداس و ذبت اللو كير مثل ميكولون وكامت تصبغ بيه صبغ من هذا اليعجبكم وتكولي انت خوش ولد وانت حباب ومدري شنو ...
والله عاد من ذاك اليوم كام كل ميدخل علينه المعاون تكوله لا عادي حبابين تره ميسون شي وكلهم متابعين هههههههههههه هو اني السنه كله مكضيها بصفحتين الله وكيلكم ....
اي يونتي تره تعبت ومال اكعد احجيلج كل الشغلات والمكسرات تره هوايه ومتخلص بس انتي كلتي بالاخير احجوا وطولوا بالحجي واني غير مره اجي اكمل ...
وتدللين ..
بس صدك اني انتظر انه انتي تحجين وتكونين صريحه
ولتكوليلي انه اني بالاخير لو مدري شنو
يله انتظر ردج اريد اعرف سوالفج ههههههههههه

[Unity of iraq above all]

هههههههههههههه
ممصدكة حبيب هلكد يحجي
::26::
لا صدك لعد جنت متونس بالاعدادية ::14::
هسة فد شوية احجي
لا تخاف مو بالاخير
http://www.mysmilie.de/smilies/frech/img/023.gif

[حبيب المواد]

هههههههههههههه
ممصدكة حبيب هلكد يحجي هههه ليش عيني يونتي شنو اني الولد الكتوم ...
::26::
لا صدك لعد جنت متونس بالاعدادية ::14:: الحمد لله اشفايت لو ترجع يوم واحد ....
هسة فد شوية احجي
لا تخاف مو بالاخير يلله منتظر ردج

[بنـ الانشائيه ـت]

هلو يونتي عاشت ايدج عالموضوع الحلو
واني هم احجيلج عالاعداديه واكتبلج جريده بس وره ما انتي تحجين::16:: ::16::

[Unity of iraq above all]

شنو السالفة
ليش الا لازم اني احجي
وليش ما انتوا تحجون
اني اليوم حالتي مو كلش
يعني راسي
وكاببة
يعني مو مال اليوم اصفن واتذكر

[حبيب المواد]

اهووووووووووووووو لو بس تبطل هذي السوالف

شفتي يعني مو بس اني اريدج تحجين حتى اعضاء قسمج هم يريدون ....

[sweet_boy]

والله اني جانت الاعدادية فد فترة مو كلش احبها و مو مثل ما جانت الابتدائية و الكلية هسة
يعني ما جنت متونس بيها بس اكو اصدقاء حبابين جانو و ما زالو علاقتي بيهم طيبة و اكو اعرف بس واحد هو يتواجد بدجلة و كلش احبة و بس لان ما عندي هواية اشياء اذكرها

[القديس بغدادي]

عاشت ايدج يونتي على الموضوع بس غير انتي تكتبين بالاول و بعدين تطالبين الاعضاء يكتبون؟
يلا احجي انتي ...

[ೋ ياقوتـــة دجــلة ೋ]

هلاوو بالكل
شلونكم انشالة زينين

هلا بيچ حياتي
اليوم شنو الموضوع ؟
كل واحد يجي يحجيلنا علة الاعدادية
وشنو مواقفة وية المدرسين

اني كنت دائما ام الطباشير كله زيتي وملون يجنن كنت مسئولة الطباشير

بس ياريت كان يغزر بيهم::237:: ::237::

احلى موقف صادفني هو وي ام العربي
بالخامس علمي

فد يوم كنت غائبة

وهي دتشرح موضوع فجأة واندارت حسب موصفولي الموقف بنات الشعبة

كالت تالي وياج يا ؟؟؟ ليش متسكتين::237::

هم ماتو ضحك كالولها نعم ست فلانة غائبة::2:: ::2::


شلون فشلت بيومها

كلما اشوفها اضحك وهي تتعصب
وشنو جانت حياته

كانت الاعدادية هي اعدادية دجلة يعني مدرسة صدگ راقيه

كنا كل اسبوع مسوين عزيمة واشكال اكل نودي

ناكل وميخلص

وكلنا كنا سمينات::237:: ::237::

::26:: ::26:: ::26:: ::26:: ::26::
شمسوي مكسورات
مو مكسورات ....رزايل
..عركات......وية طلاب... وية مدرسين

وي مدرسين مكان عندي مشاكل كانو يحبوني لان دائما اجيبلهم طباشير::2:: ::2::

اي مرة تكافشنا اني وبنية بالباص لان يومية تباوعلي من فوگ ليجوة وعاجبها
فد يوم كلتلها خير .؟؟

كالت احترمي نفسج وبدت تصيح لان كانت منتظرة اللقطة هذي
اني لزمتها من شعرها عد ردت اكتلها

موتتني كتل::237:: ::237:: ::237:: وابو الباص بطلها ويومية يضحك عليه

طبعا هي تكتل بيه وهو يتفرج حتى موخرها شكد خبيث چان::1::
شكم صديق جان عندة

كل بنات الاعدادية وضيفي المتوسطة مال دجلة

والمتوسطة والاعدادية بمنظقتي قبل لالاانقل

يعني 4 مدارس( لا تعليق)

بحيث امي رادت تتخبل مني
شنو جان يتمنى ؟؟؟

كنت اتمنى انقبل بأي كلية بجامعة النهرين
يحجيلنا وين جان كاعد بيا سرة بيا رحلة بيا شعبة

ثاني رحلة مو يم الشبابيك يم الحايط::2::
اخذ خصوصي

اي اي اخذت
شوكت
بالسادس علمي

وبيا دروس

كيمياء/فيزياء
يحجيلنا علة مدرسين الخصوصي همينه... ايه شكو بيها

كان ابو الفيزياء مسويلنا رعب يعني اذا ممحضرة الواجبات مااروح المحاضرة احسنلي

ابو الكيمياء بس نضحك عليه لان كلش فاني ::237:: ::237:: ::237::
شكم مرة متزاعل وية اصدقاءه

ولا مرة::26:: ::26::
شنو جانت الاسباب
9******
وهسة ورة ما خلصها
مشتاقلها

مشتاقتلها موووووووووووووت::51:: ::51::
من من اصدقائه بقت علاقته مستمرة وياه

وحدة من الهندسة / الجامعة المستنصرية بقينا على اتصال::27::

بس من سافرت ماكو::38::

والثانية بقسمكم يعني كنت اشوفها دائما بس هي الها گروب مااعرفهم

فظلينا عالصدف
منو لاء كطع

هوايه
وشنو سبب الكطيعة انته لو هوة ؟؟؟؟؟؟؟؟؟؟

اني::2:: ::2::

يرة حبابين شاركوا سولفوا
اريدكم تحجووووون كومة هواية هواية هواية
عفية لا تتعاجزون
تحياتي للكل مقدما




http://www.21za.com/pic/thankyou004_files/23.gif

[ೋ ياقوتـــة دجــلة ೋ]

بس صدك اني انتظر انه انتي تحجين وتكونين صريحه
ولتكوليلي انه اني بالاخير لو مدري شنو
يله انتظر ردج اريد اعرف سوالفج ههههههههههه




http://www.dijlh.net/forums/images/icons/45.gif اني هم انتضرچ

[حبيب المواد]

هههههههههه
هاي شنو ياقوته شكد وكحه جنتي
بس احلى فقره العركه مالتج هههههههههههه خطيه
بس لا انكتلتي بوكتها ::237:: لان ادري بيج متبطلين من سوالفج هههههههههههههههههههههههههههههههه

[ೋ ياقوتـــة دجــلة ೋ]

لتذكرني لحد هسه شعري يوجعني من الكفشة الي كفشتني اياها

[بنـ الانشائيه ـت]

موتتني كتل::101:: ::101:: ::101::
هههههههههههههههههههههه والله خطيه ياقوته عبالي انتي كتلتيها
مبين عليج سباعيه

[دلوعة المدني]

مشكورة يونتي على الموضوع
بصراحة احلى فترة جانت الاعدادية
قضيت بيها ايم حلوة سويت بيها مقالب هواية وي صديقاتي واني وصديقاتي جنا شكل شلة رهيبة حتى الميرة والمعاونات مخبيهم والمقالب ال يجنا نسويها بالمدرسات كلش حلوة بس ما يزعلون علينا جنا شطار المدرسة وكلمتنا مسموعة وشكو مناسبة نشارك بيها مخيمات وكشافة ومعارض وبقت هاي الشلة لحد هسه نتخابر وتلتقي سوى عاشت ايدج يونتي ذكرتني بايام روعة ....
دنيا ثانية غير الجامعة بس كل مرحلة والها جماليتها.....

[دلوعة المدني]

بالمناسبة يونتي احلى مرحلة جانت صف خامس اعدادي لان اجتمعنا اني وصديقاتي بشعبة وحده وتخيلي الهوسة الي جنا مسويها .... صفنا جان الطابق الاول وجواه غرفة المدرسات وكل شوية تصعد المعاونة مرة المديرة وتصيح واحلى شي مرة صعدت و وهي كلش عصبية باوعت علينا وكالت الظاهر عندي مدرسة مال ولد مو للبنات تخيلي لعد شكد جنا وكحين .........
واني صديقاتي لحد هسه نتخابر ونتشاوف على طول معتزين بهذي الصداقة الي تشكلت من المتوسطة واستمرت لحد هسه .... طولت مو ....
وانتظر اتسولفين انت يعني مصير الي كاتب الموضوع ميشارك .... يلا حبابة سولفي شوية....

[حبيب المواد]

هاي شنو بس اني وياقوته ودلوعه حجينه ...
يمعودين ديله خل نشوف سوالفكم حتى لو مسوين
بلاوي ميخالف احجونه تره ماكو احد غريب ....

[دلوعة المدني]

شفت بلا حبيب محد يقبل يحجي ... شلون وياهم ....

[Unity of iraq above all]

يابة شتعرفوني
شنو السالفة
اني ترة للي من قبل بالمنتدى
جنت اول ما انزل موضوع
باي شغلة
اكعد اسولف عن نفسي بالاول
بعدين
اطيكم الفرصة الكم
بعدين بمرور الوقت كاموا يكولي شكد تحجين ومواضيعج طويلة
فكمت اكتب المواضيع
واسمع ردودكم
بعدين احجي عن نفسي
يرة شكرا للشاركوا وحجوا::51::
يا ريت تكوللولنا اسماء الاعدادية همينه
عيني بنات لا تستحون تكولولها ::1::

[حبيب المواد]

اي والله محد يحجي وبالذات يونتي
هي تسوي مواضيع وتورطنه وتروح ....

[دلوعة المدني]

يونتي هسه تريدين نكول اسم الاعدادية ... بعد شتريدين كوليالموضوع موضوعج واسالي ... ومعاليج من الي يكول تحجي هواية يمعوده احجي ولو سطر ....

[حبيب المواد]

هههههههههههههههه

فشلتني كتبت الرد بس هي قبلي ههههههههههههههه

بعدين منو كلج انتي تحجي زايد واكيد الي كالها كان يقصد يشاقه ...
وطبعا هذا مو سبب على العموم انتي بكيفج بس حبينه نعرف ....

[Unity of iraq above all]

هستوني كتبت نص الحجي وطفت الحاسبة المهجومة ::1::
صدك اعرفكم علة حاسبتي
الاسم الكريم
ام طفية
السوابق : حاركة الهارد قبل وطايرة الصور صورررررررري وفديويااااااااااااتي يا يمه ليش هيج ::27:: ::27:: ::27::

[Unity of iraq above all]

اكلكم هية شنو
اني ممهتمة للي يكول تحجين هواية
لانه اني اكولها بعلو صوتي اني لغوجية
بس قصدي بعد ما احجي عن نفسي
ببداية الموضووع
بعدين يعني ::26::

[دلوعة المدني]

ميخالف بس هذا بعدين شوكت....

[Unity of iraq above all]

اوكي
خلي اعيد الحجي شسوي
اني جنت بثانوية معرووفة
بصعوبتها
وبقساوتها
وبانضباطها
الاوهية المتميزات ::26:: ::26:: ::26::
بس رغم كل الحقارة والعذاب والخوف من ان نطلع اقل من 80 وننطرد
لا جنا مونسين روحنا علة كد ما نكدر

كطالبة جنت
دائما مبتسة ومكيفة واقلد واعلق بصوت عالي
ولهذا المدرسات كلش جانوا يحبوني ::26::

واكو فقرة كلش لطيفة الا وهية
الكل يحجي ويسولف وويضحك
ووقت الرزالة
لا حد يترزل الا طالبة واحدة تقع عليها الرزالة
الا وهية
ميييييييييييييي ::37:: ::37:: ::37::

بالنسبة للصديقات
اكثر وحدة حبيتها وعزيزة علية
جنت مكضيتها زعلات وياها
اني مشكلتي اتزعل يعني
يعني اني بصراحة ينغلط بحقي فازعل لا عبالكم من غير سبب
بس
يعني
كضيتها اتنقل من صديقة لصديقة لحد الرابع
جنت اكعد اخر رحلة
ونلتهي نقشب
بالمدرسات
ومن الشباك نباوع علة الي يطفروون من المتيمزين ونقشبهم ههههههههه
لو الكبلات يبنون من بعيد مرات
هم نقشبهن
ملتهين باختصار نباوع من الشباك ::26:: ::26:: ::26:: ::26:: ::26::

صار الخامس
لا بالخامس صدك اتونسنا
جديات حلو الخامس
لانه صرنا كصف متكاتفين اكثر
وكروب جبير
و الاعداء حلو خلافاتهم
اني بطبيعتي جنت
مصادقة الكل ::2::
المهم فبالخامس
جنا نسوي عزايم بالصف
نجيب اكل
كل وحدة بالشعبة تجيب اكله
وبفد درس ناخذه
ونسوي عزيمة
واحلة شي
لمن رحنا سفرة
لمدينة الاعراس
بالبداية
احنا ضجنا
صدك ضجنا
كلنا شنو هالمكان العاوي ما بيه اي شي حلوو
بعدين
بعدين يا الله اذا اكو ونسة اتونسناها هناك
يعني جنا جايبين كامرة
وين ماكو كبل نلحكهم ونطكلهم
شايفين مدينة الاعراس شنوو
::26:: ::26:: ::26::
واحنا شنو وحووووووش ههههههههههههههه
ونركب بالقطار ونفتر ونطكك ههههه
وخطية يديرون وجههم
ونغني وبعدين طبينا لقاعة مال اعراس
ركصنا http://www.dijlh.net/forums/images/icons/AAA.gif

بصراحة هية مو شغلة ركص بكد ما شغلة ونسة

نجي للسادس
السادس هم جان حلوووو والله
يعني بالعطلة اني اخذت مدرسين
4
عبد المحسن العارضي كيمياء
والبقية ما بيه حيل اتذكر اسمائهم
بس درس الفيزياء بشارع فلسطين جان
هوة اني وصديقتي الكلش
جنا بكل الدروس سوة
وبنهاية السادس ورة الحرب
الحواسم
اتفقنا كل اسبوعين نبات سوة
يعني مرة يمها مرة يمي
بس
لمن بتنا سوة
هية جانت تقرة واني عادي مو كلش اقرة
فهية ضاجت::27::
شكت عليه يم اهلي
وهواية اتغيرت
يعني اني مجنت ماثرة علة دراستها
بس اني جنت مجرد متاخرة وهية اسرع مني
هية جانت تريد مصلحتي اكيد
بس اني ضجت
::27::
هية بالنسبة لمستوانا احنا الثنين جان يعني عادي طول الوكت نفس المستوى مرات اعلة اني
بس مو كلش فرق
ابدا
بس بالسادس
بالاربيعين يوم
هية شدت حيلها اكثر مني
اني ما جان يهمني وين انقبل
بس هية جان كلش يهمها
تالي راحت هية طب اسنان
واني رحت هندسة تكنلوجية
وجنت مكيفه لانه الي ردته حققته
واني اساسا جنت متوقعة لنفسي زراعة لو علوم اقتصادية
بس هية هاي
كلنا اتفرقنا
بس بنيتين
ثنين جوي للتكنو وياية
وحدة من صديقاتي العزيزات
وحدة من الزميلات الحبابات
الزميلة صارت صديقة اكثر واكثر لانه جنا باص اكثر
والصديقة
راحت غيرت الكلية
وها هية
علاقة الاعدادية راحت لحالها
لانه الظروف تفرق العالم
بالسادس بصراحة
اني المدرسة ام العرربي جانت شادة وياية
ههههه تكرهني هههههههههههه
::27::
بالنهاية كتلها ست انتي شتردين يعني
كلتلي انتي راح تنزلين مستوى المدرسة بالعربي
كتلها ست تريدين اخذ مية
عادي اخذ
اني مو مشكلة عندي::26::
هذا الحجي كدام الصف
مدري شكللتي وكتها
بس يمكن كالت راح اشتكي عليج يم المعاونة

خلي ترووووووووح
يا الله
شكد جانت تكرهني اني
المهم
بس بكل الحالات
كلش احن للاعدادية
عدا لمدرسات نصهم جانوا مو حبابات ونص وروود مال الله
كلش فترة جميلة
وراحت من عدنا ::27::

[حبيب المواد]

جانت بالمتميزات ... يعني سجاجه ههههههههه
لا والله صدك مبين عليج مميزه بس ليش
بس انتي الي تترزلين ...::237::

[Unity of iraq above all]

هاي فد شي باقي بيه

اسميه

قملياتي حمرة
الي يتميز عن غيره بالموزين ينلكف
ينكال عليه كملايته حمر ههههههههههههههههههههههههههههه

[حبيب المواد]

ههههههههههههههههههههه
زين انتي بيا متميزات جنتي مو هي هوايه ...

[sweet_boy]

اني جنت بثانوية معرووفة
بصعوبتها
وبقساوتها
وبانضباطها
الاوهية المتميزات ::26:: ::26:: ::26::


صدك جنتي بالمتميزات ؟؟؟؟؟
اني هم جنت بالمتميزين
يا متميزات جنتي مال كرخ لو الرصافة ؟

[ೋ ياقوتـــة دجــلة ೋ]

كلش احن للاعدادية



اني هم احن

حن وانا احن


احنا جماعة دجلة شگد كنا نقشب عليكم ::237:: ::237::

[Unity of iraq above all]

كرخ ::2:: ::2:: ::2::

[sweet_boy]

كرخ ::2:: ::2:: ::2::


هااااااااااا اني جنت بالرصافة
يعني بشارع فلسطين
بس يعني هسة تعرفين تحجين فرنسي مو بالله
شتكولين انسوي انقلاب و بعد بس نحجي فرنسي ::16::
يكولون ذولة غير مخابيل ::237::

[حبيب المواد]

اكثر شي جنت اكره بالاعداديه هو الفرنسي
حرام جنت بس احفظ القواعد واروح امتحن
شلون نجحت بالبكلوريه ما ادري ....

بس اذا يونتي بالكرخ يعني لو بالحارثيه لو بالخضراء ....


يلله عيني وين بقيه الاعضاء ....

[Unity of iraq above all]

d'acord sweat

alor pourquoi tu n'est pas partcipier au le subjets::1:: ????????
parlez ..................

[RIVEROFLOVE]

راح احاول احجيلكم من المتوسطة وفوك
بالسادس طلعت معدل 98.8
قدمت على بغداد للمتميزين وراها ما كملت التقديم لاسباب يطول شرحها
داومت بثانوية يم بيتنا اسبوع وانقلت لمتوسطة نموذجية بغير منطقة
جنت سجاج اكشر اقرة قليل بس درجاتي ::2:: ::2:: طكوك
الاعدادية نفس الحالة بس جانت متشددين بالدراسة والتصليح كصابة فال 80 او 90 بالدفرات وشد وياي مدرس عربي لموقف معين بس نجحت باخير السنة وجبت درجة عالية
شورت بي ثاني سنة ياستار فقد البصر
لحد سادس اعدادي اني ما داخل خصوصي بالسادس دخلت
وجنت ضامن اجيب درجات ميات بالريضايات والفيزياء والكيمياء والباقي تسعينات
بس صار بية فلم هندي ودرجاتي نزلت حيل وتمرضت ::52:: ::52:: وحتى شكلي تغير
وعندي صورة اخذتها بذيج الفترة لحد هسة مبقيها نخرع بيها الجهال اذا صاروا وكح
وعاشوا عيشة سعيدة

[sweet_boy]

d'acCord sweat



alorS pourquoi tu n'est pas partcipier au le subjets::1:: ????????
parlez .................. ::2::

votre francais est tres mauvais essayes a lies francais liver
et concernant moi et n'est pas partcipie au le subjects parce que je suspendes dans les divisions ::2::

[sweet_boy]

d'acord sweat


alor pourquoi tu n'est pas partcipier au le subjets::1:: ????????
parlez ..................

parlez .................. اصلا ما يكولون هيجي
يكولون repondez يعني جاوب ::2::

[حبيب المواد]

هاي شنو سويت طلعت سجاج مال فرنسي
يمعود والله اتخبل من عنده هسه لو تسألني
طكه وحده ماكو ...
اني اكولك جانت هذي القواعد باسه كمبوزه
امباغفه ههههههههههههههههههههههههههههههه

هي هذي الي نجحتني وهسه عفتها ونسيت هههههههههههههههههه

بس لاوالله سجاج ومن نوع يطلع اغلاط ...::39::

[حبيب المواد]

اشو محد يذكر مواقف
بس ياقوته ذكرت ....

بابا لتستحون انتوا شلون وياكم
نريد نعرف سوالفكم ....

[Unity of iraq above all]

اكلك كلتلك باغلية قصدي سولف
مو جاوب::56::
بعدين شكو هيج تفيك براسي وتفشلني
هسة بقيتيني بنص هدومي اني
اني هسة
::38:: ::38:: ::38:: ::38:: ::38:: ::38:: ::38:: ::38::
بس بسيطة

الا ادمرك::1:: ::1:: ::1::

تعال تعال
شو متشارك بالموضوع
شدعوة عليك
شنو ممداوم اعدادية
لو جنت مكضيها بالبيت ::1::
يرة سولف
شنو نركض وراكم بعربانة
ايباااااااااااااااااااخ
ريفر سجاج اكشر حته محجالنا مواقف وية الطلاب
بس علة الدراسة

حبيب بس اني وياك نركض وراهم بعربانة علمود يحجون::27:: ::27:: ::27::

[دلوعة المدني]

هاي شنو ريفر طلعت انت سجاج وماتكول يلا بعد وين البقية خلي نسمع سوالفكم بايام الاعدادية اني اخذت خصوصي بالسادس وجنا متونسين بي ومواقف هواية موسيها اني وصديقاتي بالمدرسات والطالبات فد يوم عود اكولها الكم ماشي .... ومشكور يونتي على الاستجابة للطلبات وكلتي قصتي بالاعدادية....

[RIVEROFLOVE]

يونتي مو الحجي طويل اذا اكعد احجيهن كلهن وقسم من المواقف اريد اكتبهن بموضوع امرح مع كروب الحشاشة
بس بصورة عامة جانت علاقاتي كلش طيبة والي يحبوني والي احبهم هواي ومعروف بلذات شوية سجاج والاسم غريب
وحتى الاساتذة الي مكانة عدهم وقسم منهن ميانة ::52:: ::52:: ::52::

[sweet_boy]

اكلك كلتلك باغلية قصدي سولف
مو جاوب::56::
بعدين شكو هيج تفيك براسي وتفشلني
هسة بقيتيني بنص هدومي اني هسة اشصار يمعود قابل هاي اول فشلة ::2::
اني هسة
::38:: ::38:: ::38:: ::38:: ::38:: ::38:: ::38:: ::38:: لا ختية لا تبجين يونتاية::51::
بس بسيطة ها اشتغل التهديد مو دنتشاقة ::16::

الا ادمرك::1:: ::1:: ::1:: يمــــــــــــة خفت ::52::

تعال تعال
شو متشارك بالموضوع ليش ما اشارك مو شاركت بس اني صدك ما جنت احب ايام الاعدادية و اليوم بالكلية لزمت صديقي جان ويايا كتلة تعال ذكرني اشجنا انسوي بالاعدادية و كعد ذكرني ::237::
شدعوة عليك
شنو ممداوم اعدادية لا جنت اداوم يم ابو الفلافل ::52::
لو جنت مكضيها بالبيت ::1::
يرة سولف هسة اسولف بس ما يكولون يرة يكولون يلله هاي مية مرة اعيدها ::1::
شنو نركض وراكم بعربانة عربانة مال نفط لو مال غاز ::52:: ::237::
ايباااااااااااااااااااخ

........................

[Nora Business Girl]

هلوووووووو
والله حلو الموضوع يونتي .......
والله اني احجيلكم من الرابع
احنا جنا كروب اربع بنات ومنختلط بغيرنا يعني بس هلو ويا البقيه .......
جانوا كولهم يكولون علينا شايفين نفسهم لان منحجي ويا احد بس هو طبعنا هيج اصلا اني من نوع ابد مااحجي هادئ كولش
المهم جانو اكو كروب حاقدين علينا بس شنو ذولاك عراكه كولش اني ماانطخ بيهم حتى مااجيب حجايه عليه لان ابويه كل يوم يزورني ويوصله الحجي كوله وثاني شي الاداره كولها تعرفني لان مكاني المفضل يم باب الاداره ::26:: ::26::
طبعا جنا دنمشي واجوي الكروب الي يضوجون من عدنا طشوا المي علينا بحجة ميدرون صديقتي حجت عليهم وصار مكافش اني شسويت رحت اشتكيت للاداره شون ::27:: ::27::
مابيه خير بالعركات ابد
بس بعدين يعتذرولي مقابيل الكل ::37:: ::37:: ::37::
بس احلى شي من نطلع اني وويونتي من الصبح سوى ننتضر الباص
منخلي ولد منحجي عليه ونفصخه شلابس لبسه حلو لو لا شوفي شكله شوفي مشيته ::237:: ::237::
طبعا اني صديقاتي بعدني وياهم بس من سافرت يعني اكو وحده وياي هنا وثنين ابغداد ::27::
وصدك احلى ايام هي الاعداديه
وشكرا يونتي على هل الموضوع::51::

[صقر المدني]

اول شي احب نبدي فد شي بسيط /////بسيط لو /////سريعه ////افلام كارتون ///////كارتون لو خشب ////خشب لو حسب ///حسب لو تاهت عليه //////عليه لو سوسن يله كلش كافي
طبعا اريد اقول فد شي مواضيع الي اطرحيه كلش كلش حلوه
داوميت باعدادية المنصور يم البانزين خانه
واول مداوت بصف الرابع لو بصف الحايط
جنت كلش زين بعدين مدري صار بيه..... بعد شهرين من الدوام طلعنه احنه الولد شلة الشعوذه بالاعداديه والشطاره حسب موصفنه (جاسم لقمان ) و(علي الاسدي) كمنه انغني يم غرفت المدير
بعدين وشي اكيد سمع جاسم لقمان هذه الغنه الجميل !!!!!!!!!!!!!!!!!!!!!!!!!!
وطلع من غرفته وطفرت الشله
بعدين ثاني يوم جاء جاسم الى الصف ::38::
وكانت هذه اول مواجه ويه جاسم مما ادى هذا الى استدعاء اولياء الامور::39::
اما مواضيع العركات كانت بسب... وبلا سبب... لاتفه ولابسط الشياء
اما اساتذة الخصوصي فجنت كلهم ماخذهم حتى ابو الدين استاذ( جواد)
الي جنه اندلعه ...... يوفو دامبي ....
بعدين بعد كل هذا الحجي اكيد دوختج وهسه دشربين حبايه panadol extra
هسه بعد كل هذا الحجي نجحنه من صف الرابع
وبدينه ويه صف الخامس ونجحنه من عده بسرعه وبلا مشاكل ويه جاسم
وصلنه بصف السادس وقرينه شويه
وبالاربعين يوم مراجعه وحده بطلاع الروح حتى اكو مواد مكملت قرائته مره وحده
ام بالنسبه الى الاحياء حتى بيوم الامتحان رحت مقاريه واشلون نجحت بيه مادري ......هايه هيه كل قصتي بالاعداديه بس كلش مختصره ...::55:: ........ اما بالنسبه الى الاصدقاء فكلهم عدي ارقام تليفوناتهم واخابرهم بين فتره وفتره
كوني دائما سباقه بهل المواضيع الحلوه ......... وعلى فكره تره اني اتخرجت العام وكتبوا مقابل اسمي بحفلة التخرج الحاضر الغائب لانه اداوم بس ما ادخل محاضرات.......شكري وتقديري للاسلوب الرائع في طرح المواضيع::13::

[Unity of iraq above all]

ههههههههه اي نوراتي
شلون حلوووووو جنا نقشب بالعالم ونصنف ::52:: ::52:: ::52::
والباص احلة شي بالاعدادية الباص
يعني نكعد بالاخير
ومرات ندك ونغني
وبقية البنات يخزرونا ::26:: ::26:: ::26:: ::26:: ::26::
هههههههههههههههههههههههههههه
شكد عقد لخاطر الله
صدك ما دام جتني فرصة

انتواااااااااااا معقداااااااااااااااااااااااااااااااااااااااااااااا ااااااااااااااااااااااااااااااااااااااااااااااات
ههههههههههههههههههههههههههههههههههههههه
وعلساس مهتمتلكم سويت الي يعجبني
وراح اضل اسوي الي يعجبني ::237::
لا وشنو تلكاهم مسوين عجايب و::2:: يجون علينا جيف مونسين روحنا ووممسوين الي همة مسويه::56::
ههههههههه بس مو كلهم اكو عقد من الاصل
واكو ممثلات دور الادب والاخلاق ::26::

خلي يولون
المهم
مرة اتعاركت بالاعدادية
وية بنات
طبعا هية البنات اتعاركوا وية صديقتي
واني جنت وياها
فعيطت عليهم عياط ::2:: ::2:: ::2::
هاي عياطي الي ميسمعوه بس اهلي والجيران::2::
عيطته بالمدرسة
جتي هاي المساعدة مدري شنو شوءون الطالبات
كالت خوم ماكو شي
لا ست ماكو شي عادي::2:: ::2:: ::2::

فوك القهر صديقتي الشفية ضاجت مني جيف عيطت::56:: ::56:: ::56::
وهية من وراها العركة ::27::
خلي تولي هية هم
::56::

ههههههههههههههههه

يابة صقر
شنو انته ::26:: ::26:: ::26::
مكضيها ركص وغنا http://www.dijlh.net/forums/images/icons/AAA.gifhttp://www.dijlh.net/forums/images/icons/AAA.gif
بس والله احلة::26:: ::26:: ::26::

شكرا علة كلامك الي يخبل
ويا ريت لو انته تستمر بالمنتدى وتنشر مواضيع تضحك ومواضيع مناقشات
ولا عبالك اضوج من السوالف
اخرب واتكهرب علة اللغاويييييييي
اني لغوجية اصلا
هههههههههه
اهوووووه دوختكم

صدك اني جان عندي مدرس خصوصي رياضيات
كصير كلش
جنا نسميه دامبي ::52::


نورا تعرفيييييه مو
نورا هم ماخذته
نورا جانت باعدادية اجاندين
مكالتلكم
بس قريبة علينا
فبنفس الباص::14::

[حبيب المواد]

ههههههههههههههههههههههههه

صقر والله ضحكتني ... هو منو جان خلصان من جاسم لقمان و علي الاسدي ....

كل الهله بطلاب المنصور .....::39::

[sweet_boy]

صدك يونتاية انتي دتداومين هالايام بالكلية
و انتي صباحي لو مسائي ؟

[Nora Business Girl]

جنا نسميه دامبي ::52::


نورا تعرفيييييه مو
نورا هم ماخذته
نورا جانت باعدادية اجاندين
مكالتلكم
بس قريبة علينا
فبنفس الباص::14::
ههههههههههههه
هذا شذكرج بي خطيه جنت بس انصب عليه( الله يذكره بالخير)
اعداديتي اسمها اجنادين
مو اجاندين .......
يم فرح قريبه جنت من اطلع بس اشوفها
تفتر هي وصديقاتها عبالك عصابه ......
بس جنا انضوج من طالات مدرستهم شايفين نفسهم عبالك همه وبس
حتى من يصعدون ويانا بالباص انضوج
بس يونتي ماادري شعجب مصارت مثلهم

[sartar]

ايه وين رجعتينة ......................
والله جانت حلوة ايام الاعدادية ....................
مكظيها طوبة وتصنيف وعراك ...............
هههههههههههههههههههههههههههههه

طبعا شنو اني جنت بمدرسة الوركاء الي بمنطقتنا ..............
وهاي المدرسة جانت بيها انواع واشكال .............
بس اغلب الطلاب كسالة ...................

بس اني شنو جان عندي كروب ..............
مال كسالة معدل ............ يعني المراسب راسب فد سنيتن ...........
ههههههههههههههههههههههههه

وجانت العب كولجي ............
طبعا هاي مااحجيلكمياها .................
اكو فد واحد اني وياه مو كلش ..............

فجان مو يجيبون عليه كول .............
يجيني هو وتصير معايط بيناتنة .............


ففد مرة جان يجي وغلط ................
وجان اركعه بدفرة ..............هههههههههههههههههه

بس شنو جان عنده جماعته شرسين ................
وطفرت ...............
لحكوني .............
جان افلت لاخوية ................
اجه هم هوة وجماعته ................
وصارت عركة ...............
على اثاره انفصل اخوية وهذا الولد ثلاث ايام .......
ههههههههههههههههههههههههههههههههه

المهم بصف خامس ..........
التميت على ولد متدينين كلششششششش ..............
وجانو حبابين ...............
بس مشكلتهم من اصنف واضحك ميفتهمون التحشيش ...........
بس شنو حبيتهم لان خوش ولد .................

المهم ورة فترة احداث السيد الصدر ......
فمرة مدري منو ذب ورقة جوة غرفة المدير ..........
وجان كاتب عليها تسقط الحكومة الكافرة ................

المهم اجوي غلفوهم الامن .............
اني بكت هوة ...........
وضليت جم يوم ماادوام ................

بعدين طلعو ثنين منهم وواحد سجنوه كبل الحرب الا طلع ...........
المهم بس كطعت علاقتي بيهم ..............لان شاش ..ههههههههههههه

بعيدن رجعت وية اكروب حشاشين درجة اولى ...............
تصنيف للستار ...............
ماكو مدرس ممصنفيه ..................

بس شنو لو احجيلكم على مدرسينة مال اعدادية تصنيف ..........
جان عدنة المدير استاذ سامي نلقبه (( سامي تفلة )) .........
لان من يحجي وية واحد يترس وجهه ...............ههههههههههههه
المهم هذا المدير شكل عنده السكر من جنت بصف سادس وطلع تقاعد ..........
ههههههههههههههههههههههههههه

شاحجيلكم بعد............
جنة بالاصطفاف يوم الخميس ..........
مو يكول النشيد الوطني ابدأ ..........
ناس تغني حاتم وناس كاظم الساهر وناس تعيط ..........
ههههههههههههههههههههههههههه
فتصير المدرسة هوسة .....................
ههههههههههههههههههههه

فمرة كال بعد ماكو كل شعبة تظل تقرة النشيد الوطني عقاب للمدرسة كولها ...............
وحتى يعرف منو يخربط ...............ههههههههههههههههههههه

المهم كام الدرس الاول يطير .............هههههههههههههههههههههه

طبعا ثلاث ارباع مدرسينة جانو لغافة ومرتشين ..................
عدنة واحد يعني اني جنت الشاطر دفعتله فلوس يالة نجحني بالاحياء صف خامس ............
اسمه استاذ حمدي .............
نلقبه (( حمدي حلاوة )).........هههههههههههههههههه ........اكيد ثلاث ارباع مدارس الكرخ سامعه بيه ..........
هذا طبعا منحترمه ابد ..........
يعني عادي نصيحله حمدي بدون استاذ ..........هههههههههههه
لان كلها منطيته فلوس .................ههههههههههههه

بصف سادس طبعا الا دمرناه .............
لان شنو ميحتاج ينجحنة لان بكلوريا ........عود مو اشكال اذا وكعنة بواحد ..........
ههههههههههههههههههههههههههههههههه

جان مختبر احياء يبعد عن الادراة 50 م تقريبا ..............
من باب الادراة للمختبر كلما يطلع نسويله زفة .........ههههههههههههههههه

طبعا والقفل يومية نحشر بيه عودة ........ ويظطر يكسر القفل ويشتري قفل جديد ...........
ومرات قبل لا يجي يريد يفتح القفل ..............
جان اكو ولد اسمه رائد فد مشعوذ ............
يوكف يم الباب ويحمي اليدة بالجداحة ..........
من يجي حمدي حلاوة مو يريد يفتح الباب ينجوي .....ههههههههههههههههههههههههههه
وطبعا هاي غير الذيولة الي يعلكوها وراها ..هههههههههههههههههه

ومرة جابو صاروخ وشعلوه عليه من جوة الرحلات ............هههههههههههههههههه

ومرة بعيد المعلم .............
شعبة د سوو عود احتفال لاستاذ حمدي ............
طبعا طكو صور وياه حاطين اصابيعهم ورة راسه .......ههههههههههههههههه

وجابوله هدية .................
طبعا الهدية جانت فد شي يخزي تعذروني مااكدر احجيه ..........هههههههههههههههههههه

وخالين بالكيكة مالته مسهل ..............ههههههههههههههههههههه
يعني لحد الثنتين هو مطالع من المدرسة ................ لان كلها مكظيها بالحمام ......ههههههههههههههههه


ولو طولت عليكم ..................
بس بعد عندي هواية ذكرايات حلوة عود غير مرة احجيلكمياها ...........

مشكورة يونتي