جاوب و بعدين اسال مو بالعكس اوكي؟ [الأرشيف] - الصفحة 46

Gray Wolf

10-13-2008, 03:58 AM

ههههههههههههههههههههههههههه هو اشو بقائمة الاعضاء كومة اكو بس شو ميشاركون بس يفوتون للمنصور ينامون هههههههههههههههههههههه
نعم و رب الكعبة لقد دخلنا وقت لتحديق و السبات نسال الرب ان يحمينا ههههههههههههههه

ليش ماكو سؤال ؟؟؟؟؟؟؟؟؟

سناريا

10-13-2008, 04:06 AM

هههههههههههههههههههههه

اني حتى مشاغل الحياة زعلانه مني اتمنى تاخذني مشاغل الحياة شوية ههههههههههههههههههه
اصلا مو حدقنا صحرنا يعني صرنا صحراء لا عشب ولا ماء ههههههههههههههههه

ها ليش لا اكو سؤال
السؤال يكول
ليش مشاغل الحياة مفقوده هههههههههههههههه

صـ صوتي ـدى

10-13-2008, 05:09 PM

ههههههههههههه والله سؤال صعب
بس يمكن لعدم وجود الحياه نفسها
رحت داومت لو لا؟؟

Gray Wolf

10-13-2008, 08:01 PM

اي داومت بالشغل لان اني متخرج هع

انتو احجولنة اول دوام شسويتو ما سويتو؟؟؟؟؟

golden_hawk

10-13-2008, 08:38 PM

هههههههههههههههه والله عمو وولف انت شايفه للدوام شكد حلووووووو البارحه كان يوم حلو كلش كلش لان لمة الطلاب ومجان الك مكان حتى توكف الكل جايين وحلوه اللمه كلش بس اليوم مو مثل البارحه يعني اليوم اقل .........

عمو وولف انت باعتبارك ممداوم شنو جان شعورك ببداية الدوام البارحه؟

لميس المنصور

10-13-2008, 09:25 PM

خطية شنو شعورة بعد تخرج وكعد وصار عموو يعني اكيد كعد يذكر ايام الكلية ويبجي

وين تكعدون انتو جماعة دجلة حتى اعرفكم حددو المكان بالضبط ههههههههه

صـ صوتي ـدى

10-14-2008, 12:01 AM

اممممممممممم انى عاده بالسنتر يم الشجره الوحيده الفريده
نفس السؤال لانه ما عندي سؤال هههههههههه

Gray Wolf

10-14-2008, 12:04 AM

::29::::29::::29::لتبجيني وليدي كولدن اني بالنسبة الية الكلية احلى ايام عمري ما مرت علية ايام احلى من الكلية بشرفي انصح كل واحد بالكلية يستغل الوقت كلةةةةةةةةة لان الكلية ونسة و دراسة و كلشي و كلاشي و اتمنى ارجع و لو شهر اداوم و ادرس و اوكف بالسنتر يبووووووووو هههههههههههههههههههه

احجولي اكو محاضرات اليوم ؟؟؟؟

jared

10-14-2008, 01:26 AM

والله بعدني ممداومة اداوم 1/11 واخذ محاضرات موتدلل ههههههههههه
شلون كضيت يومك بلكلية؟

hassanen_alshdede89

10-14-2008, 01:43 AM

سندباد

شسم بيبيتك؟
من باب الملاطفة مو تزعل بس جاوب بصراحة

سناريا

10-14-2008, 02:07 AM

سناريا هههههههههههههههههههههههههههه

نفس السؤال

Gray Wolf

10-14-2008, 02:23 AM

سناريا هههههههههههههههههههههههههههههههههههههه

شسم عمة اخت ام ابوك ؟؟؟::31::

golden_hawk

10-14-2008, 02:59 AM

تصير عمة خالة ابويه ههههههههههههههههههههههههههههههههههه
بالنسبه لسؤالج لميس احنه بالكليه منوكف باي مكان نروح بس اكثر شي بالكافتريا الخارجيه وبالسنتر.........

عمتك اخت ابوك خال ابنهه شيصير منك؟؟؟؟؟؟؟؟
واسف عموو وولف اذا شويه غثيتك بسؤالي بس انت طيب.............

سناريا

10-14-2008, 05:37 AM

سناريا هههههههههههههههههههههههههههههههههههههه

شسم عمة اخت ام ابوك ؟؟؟::31::

ههههههههههههههههههههههههههههه

اي مو هازه كاروكك ::28::

عمتك اخت ابوك خال ابنهه شيصير منك؟؟؟؟؟؟؟؟

حفيدي ::31::

ابن ام خاله بيبه ابوك شسمها .؟؟

Gray Wolf

10-14-2008, 05:43 AM

عادي حبي كولدن كلك ذوق و الله ..

هههههههههههههه اوي بيبي ليش تصيحين علية
يمكن سمة سعدي اوي

شسمك بالليل؟؟؟؟؟

اليسا المنصور 87

10-14-2008, 05:45 AM

شنو بليل؟ مفتهمت ليش اكو اسم الصبح واسم بليل؟

انت شسمك بليل لعد؟؟ هههههههههههههه

Gray Wolf

10-14-2008, 05:47 AM

ههههههههههههههههههههههههه اسمي حمودي اوي شبيج

ليش الناس ورة ال12 تطفة ؟؟؟؟؟؟؟؟

اليسا المنصور 87

10-14-2008, 05:48 AM

ههههههههههههههههههه لعد شنو بليل

والناس تنعس غير خخخخخخخخخخ

شكو ماكو اخبارك؟مشتاقين

Gray Wolf

10-14-2008, 05:50 AM

اني همين مشتاقلج و الله
اخباري نفسهة لاجديد هههههههههههه

انتي شلونج لوستي بعدج حلوة لولا هههههههههههههه

اليسا المنصور 87

10-14-2008, 06:02 AM

ههههههههههههههههههه يكولون بعدني بس دا اذبل خخخخخخخخخخخخخخ

شكو ماكو مااعرف شسئل لان نعسانة وراسي ديوجعني

Gray Wolf

10-14-2008, 06:03 AM

ههههههههههههههههههههه اكيد الحلو يضل حلو بوية اهئ شوني من اصبغ بيج؟ ههههههههههههههه

اني همين ماعرف شاجاوب على سؤالج لان ميت نعس راح انام هسة
شوكت تنامين؟؟؟؟؟؟؟؟؟؟؟

صـ صوتي ـدى

10-14-2008, 07:11 PM

ب12
نفسه .................

بنت الكرااده93

10-14-2008, 10:38 PM

حسب مو شرط يوم هيج و يوم هيج بس على الاكثر 12
كول نكته؟؟؟؟؟

boss mv

10-14-2008, 11:52 PM

الشخصية هي علي بابا في كارتون سندباد
وسؤالي من الراديو كالو البارحة الصبح اشكد يفرق ضوه القمر عن الهلال تره هو بالاضعاف والي ما سامع راديو يجاوب من دبش::31::::31::::31::

jared

10-15-2008, 01:54 AM

الفرق انو ضوء الهلال عبالك لايت مخلص شحن وضوء القمر عبالك بروجكتر ههههههههههههههههههه
نفس السؤال

سناريا

10-15-2008, 02:11 AM

ههههههههههههههه سؤال خطير لدرجة اخاف اجاوب عليه

شلونكم اليوم

Gray Wolf

10-15-2008, 05:30 AM

حمدلله بخير بيبيتي انتي شونج

سامعين اغنية تامر حسني هي دي ؟؟؟؟؟؟

سناريا

10-15-2008, 05:32 AM

اي سامعتها شبيها
اني بخير الحمد الله

شتتمنون هسه ؟

Gray Wolf

10-15-2008, 05:38 AM

اتمنى اكتلج فلقة ههههههههههههه

وانتي ؟؟؟؟؟؟؟

boss mv

10-15-2008, 05:38 AM

اروح لنادي هي لا هوب هههههههههههههه
اشد دا اتسوي هسه

سناريا

10-15-2008, 05:40 AM

هو مو صوجك صوجي اني السئلت
اليوصل حدي اكص ايده ولسانه وخشمك الطويل ::50::

شنو اكثر شي يعصبك ؟

Gray Wolf

10-15-2008, 06:39 AM

ههههههههههههههههههههههههه قوية و لله عوع عوع شون بيبية انتي
اكثر يعصبني من واحد يحاول يتصرف بعدم احترام و بتعالي لازم ارزلة مستحيل اسكت و اصير عصبي كلششششش

وانت شنو الشي الي يعصبك؟؟؟؟؟؟

اليسا المنصور 87

10-15-2008, 06:56 AM

حاليا من ديمشي الوكت ومدا اقرا مثل قبل صايرة نار من جوة اووووووف

شسوي كولولي؟؟؟؟ ماكو واهس عفية

Gray Wolf

10-15-2008, 06:58 AM

انتي سوي لواهس من تضوجين طلعي تمشي شوية و رجعي هسة ترجع حالتج احسن و تكدرين تقرين جربي الخطة هاي

اخر مرة بجيت بيهة شوكت و ليش؟؟؟؟؟؟

اليسا المنصور 87

10-15-2008, 07:12 AM

قبل كم يوم بجيت لان فد ولد مثل انه ضوجتة واني راسا بجيت ماتحملت بس مو كدامة لاتخافون هههههههه

وراح اجرب طريقتك ياعمووو

وانت شوكت بجيت اخر مرة ؟؟؟

اسير احساسي

10-15-2008, 07:16 AM

برمضان صارت سالفه قهرتني
شكد طولك
؟

Gray Wolf

10-15-2008, 03:18 PM

طولي يوصل 175 هع

وانت ؟؟؟؟

لميس المنصور

10-15-2008, 04:46 PM

طولي 163

تاخذ وياك لفة للكلية لفة جبن كيري هههههههههههههههههههههههههههههه

Gray Wolf

10-15-2008, 08:25 PM

ههههههههههههههههههههههههه وين كاعدين الله يخليج خوما ابتدائية ههههههههههههههههه

انت عصبي طول الوقت و معبس لو شلون؟؟؟؟؟؟؟؟؟

سناريا

10-16-2008, 01:00 AM

لا عصبية ولا معبسه هادئة بس من فرحانه يبوووووووووو هههههههههههههه

نفس السؤال

صـ صوتي ـدى

10-16-2008, 01:17 AM

لا طول الوكت فرحانه وما اعصب بسرعه
بس من اعصب يبووو::28::
نفسوو

Gray Wolf

10-16-2008, 03:43 AM

كلهة تصيح يبو مفتهمنة هههههههههههههههههههههههههه
اني هادي بس اعصب مرات على شي ميسوة و احرك بروحي هههههههههههه بس اهدة بساع

شسويتو اليوم يومكم حافل لو فطير؟؟؟ هههههههههههههههههه

golden_hawk

10-16-2008, 04:30 AM

والله عمو اليوم نوعا ما زين اليوم جابو النه دكتور جديد بمادة المجالات وكعد يسطر سوالف ومحلنه الا دكت ساعه وثلث يالله شويه فك كتله اعرف شنو بالع مسجل ههههههههههههههههههههه..........

نفس السعال؟

سناريا

10-16-2008, 05:26 AM

لا اليوم حلو جان رحنا سفره وجانت كلش بسيطه وحلوة

نفس السؤال

boss mv

10-16-2008, 06:31 AM

هلـــــــــــــــــو
والله اليوم حافل وافطر من الفطير

السوعال هو :-
شنو جان اخر حلم الك مال اخر نومه نمته ؟؟؟

صـ صوتي ـدى

10-16-2008, 05:49 PM

امممممممممممممممم ما اتذكر لانه اذا انام ما احلم
هههههههههههه بس انام وما اتذكر حلمت من شئ شهر
نفسه للبعدي

Gray Wolf

10-16-2008, 06:18 PM

و الله ما اتذكر اني ما احلم هواية ههههههههههههههههههههه

اول كلمة كلتهة بحياتك من انت صغير شنو جانت ؟؟؟؟؟؟؟؟؟؟؟؟؟؟؟؟؟؟؟

golden_hawk

10-16-2008, 06:39 PM

ماما لان هاي حقيقه انه اي طفل يولد اول كلمه يكولهه بحياته هيه كلمة ماما.............

بحياتك مسوي عمليه جراحيه؟

صـ صوتي ـدى

10-16-2008, 07:55 PM

اي سويت
شنو اكثر امنيه تتمناها تتحقق؟؟

00ahmed00

10-16-2008, 08:29 PM

اكيد امنية كل عرااقي يرجع الاماان و العراقيين كلهم يرجعوون ونعيش حيااة برفااهية وسعاادة ووو

شسوويت اليوم بالتفصيل الممل

سناريا

10-17-2008, 04:50 AM

مابيه اسولف هسه بعدين هههههههههههههه

نفس السؤال

golden_hawk

10-17-2008, 05:29 AM

تعبان بعدين اسولف........

نفس السؤال؟

boss mv

10-17-2008, 05:34 AM

كلشي ما سويت بس كاعد كدام النت من الصبح الى هسه بس العصر رحت الى قاعة البليارد وانسحلت ورجعت للبيت وهمين كعدت على النت

boss mv

10-17-2008, 05:35 AM

نفس السؤال

Gray Wolf

10-17-2008, 05:39 AM

حييييييييييييل اليوم حافل هههههههههههههههههه
من الصبح كعدت بال9 رحت اجدد الاقامات منتهية و تقريبا لل10 ونص كملت رحت للشركة شغللللللل لحد بل4 طلعت المعرض اربيل الدولي لحد ال8 ضليت و افتريت و صور و هدايا و بال8 طلعت رحت عين كاوة افتريت عالحتيت و اشتريت عشة للبيت و رجعت بال9ونص يعني اني 12 ساعة برة البيت هههههههههههههههههههههههههه و هسة عالنت هع

شوكت تنامون ؟؟؟؟؟؟؟؟؟؟؟

سناريا

10-17-2008, 05:44 AM

ما شاء الله عليك ولا يعجبك تطلع انت متاكد هسه فاتح نت من البيت هههههههههههههههههههههههه

اشوكت انام اووووووووو بعد شكد اني الا اشوف صديقتي الشمس يلا افكر انام

نفس السؤال

Gray Wolf

10-17-2008, 05:50 AM

ههههههههههههههههههههه لالا متاكد هذا النت من البيت
سنورة معرض اربيل يخببببببببببببل كل الشركات و الوزارات حتى من بغداد و اجانب و امريكان يوووووو كومة ناس
و كومة شفت ناس اعرفهم من بغداد من الكلية و مدري منين بنات و ولد ونسسسسسسسسسسة
هسة اروح انام لان مادافرق بين الكيبورد و الزولية هههههههههههههههههههه

شدسوون هسة؟؟؟؟؟؟؟؟؟

سناريا

10-17-2008, 05:52 AM

بالعافية بالعافية
حلو هيجي طلعات تونس اني مطالعتها بس اكيد تونس ههههههههههههههههه
روح نام لتروح توكع هههههههههههه

شداسوي والله ضايجه وكاعده وساكته والمنتدى فوك القهر ما بيه احد

نفس السؤال

boss mv

10-17-2008, 05:54 AM

كاعد اجاوب على السؤال غير لعد اش دا اسوي ههههههههه
اشلون النت يمكم

صـ صوتي ـدى

10-17-2008, 07:33 AM

هسه زين لانه بالليل شويه يقوه
نفس السؤال

لسعة شقاوة

10-17-2008, 09:34 PM

اي النت فري كووود very good
هاااي شنو ولوفيييي شعامل
وين الصور هااااا::28::

البعدي
تحب اي نوع افلام؟؟

اليسا المنصور 87

10-17-2008, 11:35 PM

رومانسية واجتماعية بس كلشي ولا الرعب والاكشن والخيال مااحبهم

نفس السؤال

سناريا

10-17-2008, 11:51 PM

قصص اجتماعية

نفس السؤال

بنت الكرااده93

10-18-2008, 02:05 AM

كوميــــدي و اجتماعــــــــــي
ما هو اللون المفضل لك؟؟؟

سناريا

10-18-2008, 02:25 AM

الاسود والابيض

نفس السؤال

صـ صوتي ـدى

10-18-2008, 02:28 AM

الوردي
شنو اكثر اكله تحيها؟؟

golden_hawk

10-18-2008, 02:28 AM

الاخضر والوردي والابيض............

نفس السؤال؟؟؟؟؟؟؟؟؟

سناريا

10-18-2008, 02:30 AM

برياني

نفس السؤال

Gray Wolf

10-18-2008, 02:37 AM

برياني شنو سنورة ديكول السؤال للون المفضل هههههههههههههههههههههههه خوماكو شي خاف حافية؟؟ ههههههههههههههههههه

اتدخن انت او مجرب و لو مرة شارب جكارة لو ماخذ نفس؟؟؟

golden_hawk

10-18-2008, 02:40 AM

يوووووووووووووووووووووه الحمد لله مخال ولا جكاره وحده بحلكي لان اني اصلا من شكلهه تلعب نفسي وما اطيقهه ابد............
نفس السؤال؟

بنت الكرااده93

10-18-2008, 02:42 AM

اي عفيه بيك كولدن الجكاير مضره بالصحه اسألني اني دكتوره هههههههههههههههههه
وين السؤاااااالـــــــــــ يرادلك فلقه؟؟؟؟؟؟؟؟؟؟
شنو اللون المفضل لك؟؟

Gray Wolf

10-18-2008, 02:43 AM

اخضر و وردي
ولله زين عمي كولدن مثلي انت بس اني مجربهة يعني مو مثلك ابد ما مدخن ههههههههههههههه

ليش انت اسمك هيجي؟؟؟؟؟؟؟؟

golden_hawk

10-18-2008, 02:45 AM

شكرا ماما بنت الكراده يعني انتي دكتوره لعد لويش متبقين بمستشفى المجانين تصلحين المرضى ههههههههههههههههههههههههههههه
والله عمو اسمي هيجي لان هو قريب من ايميلي بتشابه المعنى واختلاف الاسم هههههههههههههه........
نفس السؤال؟

Gray Wolf

10-18-2008, 02:55 AM

والله لان اسم الذيب كلش احبة لان قريب من طبع الانسان هواية مع الاسف

تحب تغير اسمك؟؟

golden_hawk

10-18-2008, 03:00 AM

عمووووووووووووووووووووووو تلاحك لروحك وعدل المشاركه ليعلسوك شنو قصتك ويه حرف الالف هههههههههههههههههه عمو بدله للكيبورد.........
لا ما احب ابدله لاسمي
نفس السؤال؟؟

Gray Wolf

10-18-2008, 03:05 AM

شكرا عمي هههههههههههههههههههههههههههههههههه عدلتة ههههههههههههه
لا ماحب اغير اسمي اموت عليه

اخر طلعة طلعتهة شوكت و وين ؟؟؟

golden_hawk

10-18-2008, 03:08 AM

اخر طلعه كانت للشمال وكانت كلش حلوه وفرحت بيهه هوايه لان كانت بالعيد..........
اما محليا فرحت للكراده اني وولد جماعتي ساعه10بالليل واكلنه ايس كريم ورجعنه..............
نفس السؤال.؟؟

صـ صوتي ـدى

10-18-2008, 03:09 AM

قبل اسبوع رحت للربيعي
نفسه

Gray Wolf

10-18-2008, 03:15 AM

قبل نص ساعة جنت بمعرض اربيل مكانكم خالي و لله

اخر عركة متعاركهة ؟؟؟؟؟؟؟؟؟؟؟؟؟

سناريا

10-18-2008, 04:03 AM

برياني شنو سنورة ديكول السؤال للون المفضل هههههههههههههههههههههههه خوماكو شي خاف حافية؟؟ ههههههههههههههههههه

اتدخن انت او مجرب و لو مرة شارب جكارة لو ماخذ نفس؟؟؟

ولف ارجع للصفحه القبلها وشوف سائلين شنو الاكله المفضلة كتبت برياني كولدن جاوب ويايه بس على غير سؤال اوي اوي

اخ عركه قبل سنة ويه سورية

نفس السؤال

Gray Wolf

10-18-2008, 04:16 AM

هههههههههههههههههههههههههه يبوووووو همين وية سورية

اني اخر عركة بالحجي وية رجال بزاخو

ملل مو ؟؟؟

سناريا

10-18-2008, 05:22 AM

هههههههههههه
اي مو انت مشفتها هي شسوت حتى تعاركت وياها اوي اوي
هو بس ملل الكائبة والضوجة

شتتوقعون ليش ملل

boss mv

10-18-2008, 05:55 AM

لان اليوم نفسه ينعاد كل يوم ههههههههههههه
اشلونكم اليوم فرحانين لو العكس

بنت الكرااده93

10-18-2008, 06:01 AM

يعني لا فرحنين و لا العكس زين يعني حلوو؟؟؟
أي فاكهه الاكثر اتحبـــــه؟؟؟؟

boss mv

10-18-2008, 06:05 AM

التفاح والموز
شنو احب يوم الك بالاسبوع

مهند مال فرعنا

10-18-2008, 07:12 AM

الأربعاء
اخر بوكس اكلته ههههه؟

golden_hawk

10-18-2008, 04:03 PM

الحمد لله مماكل بوكس اني اصدر وما استورد هههههههههههههههههههههههه

شحتتغدى اليوم او شتغديت؟

Gray Wolf

10-18-2008, 04:52 PM

و الله ماعرف شراح نتغدة حسب الشركة شيجيبون بس اتوقع لفات كص و مقبلات هع

وانتو ؟؟؟؟؟

Gray Wolf

10-18-2008, 04:52 PM

و الله ماعرف شراح نتغدة حسب الشركة شيجيبون بس اتوقع لفات كص و مقبلات هع

وانتو ؟؟؟؟؟

مهند مال فرعنا

10-18-2008, 05:11 PM

ساعه ب 12 حاليا وهسه كعدت من النوم
وبعدني ما متريك وما أعرف شتغدى ::29::
شنو اخر موقف محرج صار بيك ؟

golden_hawk

10-18-2008, 06:28 PM

عموووووووووووووو احنه مسويين دولمه عالغده تفضل ويانه .................

والله ما اذكر بس اذكر العام اني كاعد بالمحاضره مال علي المختار والكل صافنين على الاستاذ وهدوء ودك موبايلي وكانت نغمه مال akon lonelyوالشعبه كلهه وكعو من الضحك واني وجهي صار احمر لان عيب من الاستاذ هههههههههههههه.......
نفس السؤال؟

صـ صوتي ـدى

10-18-2008, 08:03 PM

ههههه العام وكعت على الدرج بالبنايه الجديده بس مجانوا اكوو هوايه
بس انى بقيت مستحيه لاخر الدوام
نفس السؤال

Gray Wolf

10-18-2008, 08:11 PM

بالعافية حبي كولدن انشالله اجي يمكم من ارجع البغداد ما تقصر يا غالي

حلو الموقف صدى عيوني ههههههههههههههه يمكن اني شفتج لان مرة شفت بنية انجبحت بالجديدة ماعرف يجوز انتي ههههههههههههههههههههههههههههههههههههههههههه
مرة موقف صار كدامي بس مو وياية بس ضليت كومة اضحك فد يوم دنصعد بالبناية الجديدة امتحانات لو اخير السنة لو نص السنة بحيث من تصير ساعة الامتحان يفتحون الباب نفوت و كلهة ازدحااااااااااام فصعدنة الدرج جان بنية ينزع منهة تكرمون الحذاء جانت لابسة كعب و شنو تك انزع كام يدهدر من فوك ليجوة هههههههههههههههه فات من يمي و هوسة محد ديسمع خطية وكفت هي دتنزل تجيبة جان ينزع التك الثاني ههههههههههههههههههههههه يبوووووووووووووووو و حافية ضلت و محد يمهة اصراحة اني استحيت اجيبلهة حذاءهة وين كاعدين هههههههههههههههههههههه بس ابد ما انسة هذا الموقف ابو الحذاء هع صارت حافية مثل جارد يومية حافية ماتعرف اختراع اسمة نعال لو حذاء

شنو تتفرجون بالتلفزيون هاي الايام ؟؟؟

صـ صوتي ـدى

10-18-2008, 08:46 PM

هههههههههههههههههههه والله موقف حلو وسامعه بيه حجولي من دخلت الكليه
خطيه هاي البنيه الكل كامت تحجي بيها::2::
وولف اني العام من وكعت واذا شايفني غلس ههههه انطيك الف ::31::
هل ايام دا اتفرج بس دموع الورد
شكد تنام باليوم؟؟

Gray Wolf

10-18-2008, 08:50 PM

جيبي الف هههههههههههههههههههههههه ترة هسة احجي تفاصيل لاول مرة تنحجي هههههههههههههههه
خوما انتي همين انزعت شحاطتج ؟؟؟؟؟؟ ::31:: اخ لو اعرف انتي جان خمطتهة و اخليج حافية هههههههههههه

انام تقريبا 6 ساعات يعني او 7 كل يوم

همين متزحلك بالكلية كدام العالم ؟؟؟؟؟؟؟

صـ صوتي ـدى

10-18-2008, 09:00 PM

ههههههههههههه يمعوود وولف كله الا التفاصيل
لالا ممتزحلكه بالكليه بس بالاعداديه مره تزحلك
يبوووو مواقف ...
نفسه للبعدي

golden_hawk

10-18-2008, 10:06 PM

لا الحمد لله ممتزحلك قابل اني صدى هههههههههههههههههههههههههههههه

نفسو؟

00ahmed00

10-18-2008, 10:22 PM

لاع ما متزحلك ........... وان شاء الله ما اتزحلك ههههه
اكوو موقف حلوو صاار بالكلية العاام ابدااية الدواام بنية وولد جااي يمشوون جوة نفق العشااق ههههه وجاان بوكتهاا الفلاح مخلي العرباانة بالدرب وهذولة الاثنيين خطية ملتهين بالسووالف وو تحبيني لو متحبيني .. اهنااك والبنية صعدت العرباانة هههههههه خطية وكعت بالعرباانة وراهاا كاامت وهية على العرباانة .. والعرباانة ام تااير وااحد متتحمل وهم وكعت على الكااع بس شنوو الموقف الكل تضحك .......... بس والله انقهرنة عليههة هههههههههههههههههههه

يا دولة اتحب اتزورهااا وليش ؟؟

بنت الكرااده93

10-18-2008, 10:48 PM

امـــــــارت بعدني مرايحتله بس ان شاء الله اروحله
لانه ايكولون عليـــــــــــه كلششش حلوووووووه
نفسه؟؟؟؟؟

صـ صوتي ـدى

10-18-2008, 11:18 PM

ههههههههههههههههههههههههههه احمد شنو هل قصه
خطيه هاي شصار بيها اتدمرت
ههههه كله من وره الحب شمسوي بيها
احب اروح لتركيا عاجبني يمكن لانه جذبتني مناظرها بالمسلسلات التركيه
منو اكثر مغني تحبه؟؟؟

سناريا

10-18-2008, 11:58 PM

ما احب مغنيين ومغنيات

نفس السؤال

لميس المنصور

10-19-2008, 12:04 AM

اني اكثر معني احبه هو قيس هشام

شنو اخر اغنية عجبتك

صـ صوتي ـدى

10-19-2008, 01:01 AM

امممممممممممم يعني هسه ما اجاوب انى الا وولف؟؟
يلله ننتظر وولف يجاوب

سناريا

10-19-2008, 01:40 AM

ما شاء الله ::32::

لحضه وداع

10-19-2008, 03:19 AM

شوكت يجي وولف يجاوب؟

golden_hawk

10-19-2008, 03:24 AM

من يبيض الديج ههههههههههههههههههههههههه

نفس السؤال؟

Gray Wolf

10-19-2008, 05:20 AM

انمسح السؤال ههههههههههههههههههههه

شوكت تنامووووووووووووووون ؟؟؟؟؟؟؟؟

سناريا

10-19-2008, 05:46 AM

ما ادري من انعس

ليش مسحت السؤال

Gray Wolf

10-19-2008, 06:25 AM

لان شخص جاي يخبث عالمنتدى شغلة بيني و بينة ::28::

انت عصبي؟؟

سناريا

10-19-2008, 06:30 AM

اي عصبية بس خلكي طول بس بعدين انفجر ::31::

نفس السؤال

Gray Wolf

10-19-2008, 06:33 AM

اي حاليا معصب شوية و اني عصبي صلا بس اهدة بساع

شراح تسوين هسة ؟؟؟؟؟؟؟

سناريا

10-19-2008, 06:37 AM

يمعود لتعصب حشاك هاي الدنيا متسوى ومتستاهل حتى احد يعصبنا لو انت شتكول

كلشي ما اسوي

نفس السؤال

Gray Wolf

10-19-2008, 06:41 AM

شوية و انطي النت الاخوية و اروح انام
اي صح كلشي مايسوة و الله

تتفرجون مسلسل جاك باور؟؟؟؟؟؟؟

سناريا

10-19-2008, 06:44 AM

لا اني مو كلش ويه المسلسلات الاجنبية

شنو اخر فيلم شفتوه

Gray Wolf

10-19-2008, 06:48 AM

اممم ماعرف اسمة بس جان الممثل همين ماعرف اسمة طلع يوم هم نسيت يا يوم ههههههههههههههههه بس جديات ترة احجي شفتة الهذا الفلم الي ماعرف عنه شي ههههههههههههههههههههههههههههههه

وانتي ؟؟؟؟؟؟؟؟

سناريا

10-19-2008, 06:54 AM

لعد شكو شفته ::31::
اني شفت فيلم ما اعرف شسمه والممثلين هم ما اعرف اسمهم طلع على mbc 2 بس كلش جان حلوووووووووو احلى فيلم شفته

طلعنا ثنيناتنه منعرف شي شكد عيب ليسمعنا احد ::31::

Gray Wolf

10-19-2008, 06:56 AM

هههههههههههههههههههههه اي شايفة هاي الحالة اني داتذكر شكل الممثل و الاحدث بس ماعرف اسامي هههههههههههههههههههههههههه شششششششش سكتي ليسمعونة هسة ماكو احد هههههههههههههههه
ليش نسيتي تسالين ؟؟؟؟ اذا الفلم نسيتي بلة نكول صار مدة طويلة السؤل شون تنسي كمت شك بالذاكرة بيبي ههههههههههههههه

سناريا

10-19-2008, 07:04 AM

هسس على كيفك الكل نايمين ليكومون بالعوده يكتلوك ههههههههههههههههههههه

العتب على الذاكرة بوية ::31::

جوعانين ؟

boss mv

10-19-2008, 01:57 PM

يعني جوعان ومو جوعان
شنو لونك المفضل؟؟؟؟؟

سناريا

10-19-2008, 11:55 PM

الابيض والاسود والبنفسجي والاحمر

نفس السؤال

لحضه وداع

10-20-2008, 12:56 AM

اني افضل الرصاصي والوردي

وانت ؟

سناريا

10-20-2008, 01:19 AM

اني جاوبت

شمتابعين بالتلفزيون

لحضه وداع

10-20-2008, 01:24 AM

دموع الورد & لحضه وداع

وانت؟

بنت الكرااده93

10-20-2008, 01:25 AM

دمــــــــوع الــــــورد و ابله نوره وبس
نفسوووووو؟؟؟؟؟؟؟؟؟؟؟؟

Gray Wolf

10-20-2008, 01:30 AM

ممتابع و لله اصلا ناسي اكو تلفزيونات ههههههههههههههه

شتعشيتو ؟؟؟

jared

10-20-2008, 01:54 AM

بعدنة ممتعشين
وانتو

سناريا

10-20-2008, 01:56 AM

بعدني ممتعشاية

ليش شكو منو ؟؟ ::31::

بنت الكرااده93

10-20-2008, 04:33 AM

ماكو شي.......
أي مغني عراقــــي اتحبه؟؟؟؟؟؟؟؟؟؟؟

مهند مال فرعنا

10-20-2008, 04:39 AM

ما احب مطرب عراقي محدد
بس اغاني محدده لكل مطرب
اخر مرة وكعت بالفراش < يعني تمرضت ::45::

سناريا

10-20-2008, 05:02 AM

والله ما اذكر

نفس السؤال

بنت الكرااده93

10-20-2008, 05:10 AM

الاسبوع الفات؟
نفسه؟؟

سناريا

10-20-2008, 05:27 AM

جاوبت

سالفونا سالوفة حلوة قبل لا اروح

لحضه وداع

10-20-2008, 05:27 PM

ماعندي سوالف ضايجه ههههه

شون جنت بالطفوله يعني خباثه لو هادئ؟واذكر موقف

Gray Wolf

10-20-2008, 06:10 PM

لا جنت زعيم الجهال كل اقاربي بما انه اني الجبير بين اولاد و بنات خوالي و خالاتي فجنت اني مسيطر بشكل مو طبيعي و لحد هسة هههههههههههههههههههه
يعني اتذكر قبل جان اخوية من يضوجني بالبيت اكولة ما تجي ويانة بعد يبجيييييييييي و يصالحني و يتوسل و من ازاعل واحد الكل يزاعلو و يسوون مقاطعة يبوووووووو شون ذكرتيني بهل امور يالله صدك جنت مستبد هههههههههههههههههههههههههههههههههههههههههههههه

وانتي ؟؟؟؟؟

صـ صوتي ـدى

10-21-2008, 12:59 AM

ههههههههههههه شنو هل طفوله وولف
اني هم جنت كلش حركه ووكيحه يعني اوكح من اخواني بس من كبرت صرت هادئه
نفسه للبعدي

boss mv

10-21-2008, 01:05 AM

ما جان عندي مرحلة طفوله
ههههههههههههه
لا جنت كلش حرك ما انجرع مره حركت دشداشة عمتي وهيه نايمه بس همزين لحكولها
هههههههههههههههههههه
نفسه للبعدي

لحضه وداع

10-21-2008, 01:36 AM

ههههههههه شون طفوله طلعتو كليتكم اصحاب سوابق
اني جنت عصبيه هههههههه محد يكدر يحجي ويايا::28::
وانت .؟

مهند مال فرعنا

10-21-2008, 01:46 AM

لا تقريباً مو عصبي
يعني اذا مرتاح محد يكدر يعصبني
بس اذا ضايج بسرعه اتعصب

البعدي
شوكت أخر مرة مترزل من أي واحد ؟ ههههه

لميس المنصور

10-21-2008, 02:00 AM

الباحرة ترزلت بالكلية عموود لابسة اخضر هههههههههههههههههههههههههه

شوكت اخر مرة رحت عرس ومال منوو

سناريا

10-21-2008, 02:23 AM

عرس اخوية

نفس السؤال

مهند مال فرعنا

10-21-2008, 02:24 AM

ههههههههههههههه لموسه اني مجنت لابس زي هذيج المرة وفتت عادي ::41::
اخر عرس جان عرس ابن خالي بس صار سنة ونص يمكن يعني صار هوايه
شنو بيك طبع ما تحبه بنفسك وتتمنى تغيره ؟

سناريا

10-21-2008, 02:27 AM

بسرعة ابجي وما احب هذا الطبع

نفس السؤال

زهراء عبد

10-21-2008, 02:29 AM

السلام عليكم
بيه طبع ما احبه هو اني اثق بالكل اللي بعدي
منو اكثر شخص تحبه؟

Gray Wolf

10-21-2008, 04:01 AM

عليكم السلام و رحمة الله و بركاته
منورة اختي زهرة
اكثر شخص احبة اهلي كلهم اكيد

وانت؟؟؟

سناريا

10-21-2008, 04:21 AM

اهلي

نفس السؤال

لحضه وداع

10-21-2008, 04:24 AM

اهلي

شنو رايك بالخباثه هههههههه

سناريا

10-21-2008, 04:29 AM

الخباثة الشقة حلوووووووو بس الخباثة الحقيقية لالالالالالالالالالالا محلوة

حبي لحوظة سمعت انتي مداومين مثلي يعني ::29:: حديقة

نفس السؤال

لحضه وداع

10-21-2008, 04:33 AM

اي عيني بالضبط
نفس الجواب
انت خبيث لو لا؟

golden_hawk

10-21-2008, 04:44 AM

لالالالالالالالالالالالالالالا الخبيث معروف بالمنتدى ههههههههههههههههههههه
نفس السؤال؟

مهند مال فرعنا

10-21-2008, 04:47 AM

لا ابد ::41::
نفس السؤال؟

لحضه وداع

10-21-2008, 04:48 AM

ههههههههه كولدن ابد مو خبيث
لا اني مو خبيثه هادئه هههههه

شنو رايك بالصداقه ؟

سناريا

10-22-2008, 12:36 AM

الصداقة الحقيقية شي ثمين

نفس السؤال

Gray Wolf

10-22-2008, 06:15 AM

ماكو احلى من الصديق خاصة اكو اصدقاء اوفياء و محبين عالراس و الله

وانتي شنو رايج ؟؟

عاصي الهوى

10-22-2008, 06:26 AM

سوري للتدخل
يمكن احلة شي بحياتنا هم الاصدقاء خصوصا الحقيقين

نفس السؤال

اليسا المنصور 87

10-22-2008, 07:17 AM

الصداقة الها معنى كبير بحياتي مرات احس نفسي مااكدر اعيش بلا ما احجي وية اصدقائي واذا مر يوم ومحجيت وية احد منهم احس نفسي راح اختنك
فمعناها حلو وجبير اذا جان الصديق هو صديق بمعنى الكلمة مو بس بلحجي وبس

نفسة

مهند مال فرعنا

10-22-2008, 09:44 AM

لو ما عندي أصدقاء بيومين أنفجر ::29::
نفس السؤال؟

boss mv

10-22-2008, 01:46 PM

الصداقة اجمل شي في الدنيا اذا كان الصديق محط ثقتك
اسعد موقف ابحياتك

سناريا

10-22-2008, 06:03 PM

ما اذكر والله

نفس السؤال

Gray Wolf

10-22-2008, 07:01 PM

http://smiles.3z.cc/sml/25/4ec87fbd7fd938cf6a4b0278e6838e66.gif

سؤال غريب شوية
اقدم حذاء عندك و ليهسة محتفظ بي من شوكت ؟؟؟؟؟؟؟؟؟؟

عاصي الهوى

10-22-2008, 10:07 PM

لا ماعندي اقدم حذاء ههههههه عندي اقدم نعال
هو مال خالي الحبيب الله يرحمة ابو الاصبع طري امريكي الصنع من 2004 الضهر الثامن عندي واعزة اكثر من بعض افراد عائلتي ..
شكرا

نفسة

صـ صوتي ـدى

10-22-2008, 11:38 PM

اممممممممممممم ما عندي قديم يعني معظمها من العام بس ما عندي اقدم
شنو اصعب موقف مريت بيه؟؟

مهند مال فرعنا

10-23-2008, 12:11 AM

صراحه ما اذكر موقف صعب مريت بيه لأن دائماً أحاول أتجنب هيج مواقف
نفس السؤال ؟

سناريا

10-23-2008, 12:28 AM

من اجيبت لسوريا جان اسوى يوم بحياتي من دخلت الاذقية لانه ما احبهن فا اصعب موقف ::29::

نفس السؤال

Gray Wolf

10-23-2008, 04:30 AM

ماذكر صراحة اصعب موقف هههههههههههه

شكو ماكو اخر خبر عنك كولة النة ؟؟؟؟

سناريا

10-23-2008, 04:41 AM

ما عندي فد خبر مميز وجديد

نفس السؤال

لحضه وداع

10-23-2008, 04:42 AM

والله لاجديد
وانت ؟؟؟؟؟؟؟؟

Gray Wolf

10-23-2008, 04:49 AM

اممم شربت مي هسة هههههههههههههههههههههههههههههه

اخر مرة شربت مي شوكت؟؟؟؟؟؟؟؟؟

سناريا

10-23-2008, 04:53 AM

بالستة المغرب

شتسوون متسوون

Gray Wolf

10-23-2008, 04:54 AM

حييييييييييييل 6 ساعات ما شاربة مي ؟؟؟؟؟؟؟ راح تصيرين جفاف هههههههههههه

والله كاعدين نتسولف بالماسنجر و دجلة

وانتي ؟؟؟؟؟؟؟؟

سناريا

10-23-2008, 04:57 AM

اني مرات يوم كامل وما اذكر المي ما احبه

اني داشارك بس دجلة

شنو رايكم بالتقاليد العراقية

لحضه وداع

10-23-2008, 04:59 AM

احلى شي التقاليد العراقيه

وانتو شنو رايكم ؟

سناريا

10-23-2008, 05:01 AM

مو كل التقاليد احبه اكو تقاليد حتى تخالف الدين

نفس االسؤال

Gray Wolf

10-23-2008, 05:07 AM

يعني التقاليد لعراقية مقارنة وية باقي الدول تعتبر الاحسن بينهم

شنو الشي الموزين بتقاليدنة ؟؟؟

سناريا

10-23-2008, 05:10 AM

يعني مثلا المطلقة حتى لو هي مظلومة ومالها ذنب ينحجي عليها الله حرم لبس الاسود على الميت بالعراق المتلبس اسود سنة ينحجي عليها وبعد بعد كوووووووومة

انتوا شنو رايكم

Gray Wolf

10-23-2008, 05:17 AM

يعني هاي تقاليد قديمة صحيح بيهة غلط بس مثل ما كتلج احسن من غير بلدان تقليدهم مدري شلونهة

تحبون العراق؟؟؟؟؟؟؟

عاصي الهوى

10-23-2008, 05:18 AM

مجتمع العراق طبقي عبالك بالعصور الوسطى وكل محافضة تشتهر بصفة خاصة تنطبق علة 80%من مواطنيها ومااريد اجيب امثلة ومعضمهم ايحاولون يتسلقوك للوصول بس طيبين..زبعد
نفسة....

عاصي الهوى

10-23-2008, 05:20 AM

اكو واحد ميحب العراق واغار عليه هم
نفسة وعاشت ايدك

سناريا

10-23-2008, 05:21 AM

كلمة احبه كلش قليلة بحقه المفروض تطلع كلمة اكبر من هذا الشي
ليش هو احنا بلا العراق منسوى شي

هم عندكم مجوهرات ابد متنزعوها لولا

عاصي الهوى

10-23-2008, 05:23 AM

اي عندي زنجيل بي مدالية تشي جيفارا
الله ايرحمة خالي انطانيا وماانزعة الانادرا
نفسة(حلو

سناريا

10-23-2008, 05:25 AM

اني تراجي ماانزعهن ابد

نفس السؤال

Gray Wolf

10-23-2008, 05:54 AM

البس سلسلة فضة هدية لوالدة ما نزعتهة صار سنتين يمكن

شوية نسولف سياسة رايكم بالاتفاقية الامنية وية امريكا؟؟

عاصي الهوى

10-23-2008, 06:10 AM

والله انتة تعجبني كري واني جدا اسف بس لان العراق فد شي مااكدر حقيقتا اعبر عن حبي الة
اكرر اعتذاري..
شوف بالنسبة للاتفاقية الامنية راح توقع بس مو بهاي الصيغة
لان اكو تحفض من التيار الصدري والتوافق على بقاء القوات
وتحفض البدريين على جعل العراق دولة فضائية يعني ايواحد ايطب الاجوائنة بكيفة
وطبعا الدعوة والاكراد موافقين على القواعد بس يريدون ايحاسبون الجنود وفق القانون العراقي
والحزب الاسلامي مبدي بعض مو كل التحفضات علبنود المسودة
وبالمناسبة اذا ما تم التوقيع بنهاية ديسمبر راح تعتبر القوات الامريكية قوات احتلال بالمفهوم العالمي
زطبعا رأيي علة نفس البنود بس العميل راح ايوقع
بالمناسبة المرجع الديني السيد السستاني ابدئ اعتراض وليس تحفض على البنود
ولتستغربون جان طموحي كبل علوم سياسية (سوري لان طولت)
واكرر شديدي اسفي كري وولف..

نفسة

Gray Wolf

10-23-2008, 06:18 AM

حصل خير حبيبي الغالي ...

بالنسبة للاتفاقية يعني هي اشوفهة المصلحة العراق مع التحفظ على كم بند
بس بالنهاية برايي و بعد ما شفنة حب الدول الشقيقة و الجارة النة فماكو غير حل و امريكا قوة عظمى
و الكل تتمنى صداقتهة و وتواجدهة باراضيهم
فاني اشوف هي الاتفاقية لابد منها في النهاية مع وجود اعداء جيران السوء و القاعدة و العملاء ...

شوكت تنامون ؟؟؟؟؟؟؟؟؟؟؟؟؟؟

عاصي الهوى

10-23-2008, 06:24 AM

والله اني راح انام ب6 -7 هيج شي
وانتة

اليسا المنصور 87

10-23-2008, 07:52 AM

شوية لخ

شكو ماكو ؟

عاصي الهوى

10-23-2008, 08:01 AM

سلامتك شلونة الدوام اليوم

صـ صوتي ـدى

10-24-2008, 12:01 AM

يتعب
نفسه..................

golden_hawk

10-24-2008, 02:17 AM

اي صدى طبعا يتعب من السج اكيييييييييييييييييد هاااااااااااي شنوووووووووووو اليوم شفتج دتسجين خخخخخخخخخخخخخخخ
والله الدوام
كلش زين بس شويه يعني لان انتظرنه هوايه مبين جتي المحاضره الاخيره................
تستخدم نت من الدسك توب لو لابتوب؟

Gray Wolf

10-24-2008, 02:32 AM

لاب توب

انت ؟؟؟

golden_hawk

10-24-2008, 02:34 AM

لا بتوب.........

نفسو؟

لحضه وداع

10-24-2008, 02:44 AM

لابتوب

شدتسمع هسه ؟

Gray Wolf

10-24-2008, 02:57 AM

مداسمع شي

ضوجة لا؟

مهند مال فرعنا

10-24-2008, 02:57 AM

نصرت بدر - بديت أشتاك <<< سمعوها تخبل تفوتكم ::29::
شكم بوري مضروب بالحب ؟

لحضه وداع

10-24-2008, 02:58 AM

والله كلش الضوجه واصله للبنكه هههههههههه

وانت ؟

Gray Wolf

10-24-2008, 03:00 AM

ما مضروب بوري تخسة اي و لله تخسة هههههههههههههه

يعني مو ضوجة هسة قبل شوية جنت طالع و اجيت

شتتمنى هسة؟؟

سناريا

10-24-2008, 03:04 AM

اتمنى اسافر

نفس السؤال

golden_hawk

10-24-2008, 03:05 AM

والله هسه اتمنى اطلع افتر ببغداد كلهه وكل مناطقهه...............

نفسوو؟

Gray Wolf

10-24-2008, 03:07 AM

ما اتمنى شي هسة حاليا اريد ازور بغداد اهئ

شكو بالتلفزيون هسة حالا؟؟

لحضه وداع

10-24-2008, 03:08 AM

هااااااا كولدن عندك مجال تفتر ؟
مااباوع تلفزيون قلييييييييييييييييل

وانت؟

سناريا

10-24-2008, 03:13 AM

ما ادري

نفسو

00ahmed00

10-24-2008, 03:39 AM

اني ما اشووف بس لعباات ....
نفسوو,,,,,,,,,,,,,,,,,,,,,,,,,,,

سناريا

10-24-2008, 04:40 AM

ما ادري

عاجبني اتناقش اليوم
افتحوا موضوع نقاش

golden_hawk

10-24-2008, 04:41 AM

اوووووووووووكي الحجاب الاسلامي للفتاة تعتقدون انه باي عمر يصير واجب عالفتاة تلبس الحجاب؟

سناريا

10-24-2008, 04:53 AM

شوف اذا نحجي على الدين الاسلامي لازم البنية عمرها 7 سنين تلبس الحجاب هذا واجب
بس حلو البنية من تدخل المتوسطة حلو تلبس الحجاب

شنو رايكم

Gray Wolf

10-24-2008, 04:58 AM

هو الحجاب فرض على كل مسلمة بس برايي هسة صار الحجاب ستار فقط يعني هي محجبة و كلشي تسوي بحياتهة و اكو مو محجبات و هن ذهب ما اقصد انو ما تلبس البنية حجاب بس اقصد البنية بالجوهر و ليس المظهر و شوكت ما تقرر و تقتنع تلبس الحجاب الحقيقي اقصد الحجاب المظهر و الجوهر وقتهة تكون سوت دينهة بشكل صحيح مو كلاوات كدام الناس !!!

شنو رايكم بكلامي؟؟

سناريا

10-24-2008, 05:06 AM

انت كلامك صح بس احنا دنحجي على لبس الحجاب وليس على اخلاق البنية
شوف هي البنية المؤدبة شنو تكون متدينة ومن عائلة يعني حسب ونسب زين واخلاق والانسان من يخاف من ربة لا ممكن يسوي غلط زين اذا هي مخالفة ربها وبس كلي لعد من منو تخاف وتحترم

صح كلامي لولا

golden_hawk

10-24-2008, 05:14 AM

عاشت ايدج بيبي على الكلام الحلو وتسلم ايدك عمو على ما كتبت يعني صدك هسه بعض الموجودات يلبسن الحجاب للمظهر لا اكثر ولا اقل ومتنطي الحجاب اهميته ومكانته بس برايي اني شوكت البنيه بدت تعرف مفاهيم الحياة وتطلع وتروح وتجي يعني هسه الحجاب واجب عليهه واني اعتقد انه البنيه من سن 11 الى13 تبدي تلبس الحجاب لان اصبح ضروري الهه وكل واحد اله وجهة نظر(ومننسى حديث النبي عليه الصلاة والسلام وصف بعض البنات يعني بلبسهن وقال((نساء كاسيات عاريات مائلات ميلات رؤوسهن كاسنمة البخت المائله لا يدخلن الجنه ولا يجدن ريحها))صدق رسول الله عليه الصلاة والسلام.......................

سناريا

10-24-2008, 05:19 AM

شوف البنية الما عدها اخلاق اذا لبست حجاب او ملبست فهي نفس اخلاقها هذا مو قياس
هسه احنا منكسر كلام الام والاب زين لعد شلون نكسر كلام الي خلق ابونا وامنا ومنتحجب
احنا موضوعنا الحجاب مو الاخلاق هاي وحد وهاي وحد
ان شاء الله يكون كلامي واضح

خلي نفتح غير موضوع نقاش شنو رايكم

عاصي الهوى

10-24-2008, 05:36 AM

ماشي سناريا بس حقيقة اهم شي الاخلاق والحجاب طبقا للبيئة يعني مثلا الله بفرنسا
ميحاسب السافرات لان البيئة مثل بعض المناطق ببغداد..غرضي مو المقارنة

هسة عوفكم من الموضوع السابق شنو رأيكم بسالفة ياهو اليجي هلايام يلزم جكارة
كانما معنا الرجولة بيهة وشنو هم ميدخنون جكارة خفيفة لا اله كنت عود شفوني اكبر راس بصل اثرمة
وانتو شنو رأيكم

Gray Wolf

10-24-2008, 08:47 PM

سناريا الحجاب مقترن بالاحلاق اكيد شلون مالة دخل بحياتنة هسة اي احد يشوف بنية محجبة يكول ايباه هاي شكد محترمة و مؤدبة بس هي لا سامح الله العكس و اكو مثل يكول من فوك هالله هالله و من جوة يعلم الله
و اكو بنات يلبسن عادي و جينز و تنانير بس همة ذهب و لهذ صار الحجاب فد ستار للي ما عدهن اخلاق و عبالك الناس غشمة و ما تعرفهن
الحجاب مثل ما كلتلكم هو فرض عالمسلمات بس اني كراي شخصي و اطبقة بحياتي ما اجبر لا حبيبي او مرتي او اختي ان تلبس حجاب الا تكون هي مقتنعة بي و مو فرض و اجبار الهة

موضوع الجكارة هذا بس للي ما عندة شخصية قوية يتصور انو الجكارة تكمل الولد و يصير رجال بينما الرجولة هي بالتصرف و الاخلاق و الععمل
شنو رايكم ؟؟

سناريا

10-24-2008, 08:52 PM

شوف الجكارة مالها علاقة بالشخصية واليفيك بيها هذا انسان فارغ لدرجة يتفيك بشي ميسوى

شنو رأيكم بالمقولة الي تكول اتعجب على قوم اذا احترمتهم احتقروك واذا احتقرتهم احترموك ؟

Gray Wolf

10-25-2008, 03:40 AM

همممم سنورة عيوني
اكو ناس ما تحب احترام صراحة احجيلج يعني هواية جربت خاصة في موضع العمل
لازم الانسان يحافظ على المستويات ليس غروارا لا و لله بس عن تجربة مثلا السايق يضل سايق
ميصير نسوي بمستوانة طبعا احجيلج كمكان عمل اما خارج العمل فانتي حرة بتصرفج وياه
و اكو ناس و همة قليلين يقدرون الاحترام الي تقدمي الهم و ينطوج بكدة و اكثر همين
يعني هواية ناس ما تحب انو تحترمهة تحسبة ضعف منك و تركض بدون اي اسالة عالي يصيح عليهة و يرزلهة
اتصور هاي ضعف شخصية انو ميحب الاحترام

شنو رايكم انتو ؟؟؟؟؟

مهند مال فرعنا

10-25-2008, 04:16 AM

تعجبني جداً هالمقولة
وبالفعل اكو ناس من تحترمها تحتقرك والعكس صحيح
ومثل مكال عمو كري لازم كل أنسان يكون تعاملنا وأسلوبنا وياه على قدر مستواه
بمعنى أخر تكون صريح وتبتعد عن المجاملات حتى تكدر ترسم شخصيتك وتثبت وجودك وبالتالي تكسب أحترام الكل

نفس السؤال أحب أشوف وجه نظركم ؟

سناريا

10-25-2008, 04:53 AM

طبعا هاي المقولة للامام علي عليه السلام

رأي الواحد يتعامل با اخلاقة بس الله جبير فا الواحد يحترم الكل ويقدرهم واذا هما احتقروا فبلحظتها راح يعرف نفسه هو انسان محترم واخلاقة عالية والمقابيله شكد اخلاقه لاشي

شنو رأيكم بالحب من النظرة الاولى

عاصي الهوى

10-25-2008, 05:23 AM

بدون تعليق::41::

شنو رأيكم

صـ صوتي ـدى

10-25-2008, 02:50 PM

اني بالنسبه الي ما اقتنع بشغله الحب من اول نظره
يمكن يكون اعجاب او حب للشكل والمظهر والجمال بس حب للشخص ذاته ما اتوقع
لانه انت من تحب شخص تحب روحه وشخصيته ومعاملته متحب شكله
اني هذا رأي
نفسه للبعدي

Gray Wolf

10-25-2008, 05:25 PM

الصراحة السؤال حلو
بالنسبة الرايي اني ما اومن بشي اسمة حب من اول نظرة هاي بس بافلام عبد الحليم و فريد الاطرش
اول نظرة تولد اعجاب يجوز بوجه او لبس او تصرف يعني بين قوسين اعجاب بالمظهر اما الحب ييجي يجوز بعد
ما واحد يتعرف بالثاني اكثر و يجوز ميصير حب اصلا يعني المختصر انو اول نظرة تولد اعجاب بشي خارجي و مظهر
اما الحب فلازم يتولد من العشرة و معرفة طباع الاخر و تقبله او عدم تقبله ...

رايكم بالنهايات الحزينة للحب الي تنتهي بالانفصال و هاي اكثر من حالات الحب الي تنتهي بالزواج شنو الاسباب و شنو العلاج ؟؟؟؟؟

سناريا

10-25-2008, 08:05 PM

هواية اكو اسباب الي تنهي قصة حب
1. اول سبب يكون الله مقاسملهم يتزوجون ماكو قسمة
2. اهل الولد او البنية يعارضون
3. لو الولد يغدر لو البنية تغدر
4. يكون ممتفاهمين واحد يحب الثاني بس اختلاف الاراء وتصير مشاكل فا احسن شي الانفصال
5. يكون احد الاطراف ميحب الحب الكافي للزواج فينسحب

هاي اسبابها
علاجها انه من الاثنين يحبون من كل كلبهم لو اصعب المشاكل يواجهوها ويوكفون بوجه الكل يعني يصيرون اقوى من الظروف وهم ارجع واكول هي كلها با ايد رب العالمين

انتوا شنو رايكم

Gray Wolf

10-25-2008, 11:14 PM

سناريا

10-25-2008, 11:52 PM

صحيح عيوني سنورة الاسباب الي كلتيهة بس هل هذا يعني انو واحد يتزوج لازم زواج تقليدي حتى يتجنب هيجي مشاكل ؟؟
اني اختلف وياج بلعلاج الي كلتي يجوز انتي ما مجربة هيجي موقف بس كوني واثقة سالفة تحدي كل الظروف هاي بس بالافلام الواقع غيييييييييييير بهواية سهلة كلمة اتحدى العالم كلة و انا وياك من يكولهة صابر الرباعي بس على ارض الواقع من سابع المستحيلات انو تتصدين الظرف يكون اقوة منج و مجبورة عليه

رايكم بالصداقة فقط بدون تطوير العلاقة للزواج ؟؟؟؟؟؟ هل هي من مصلحة البنت او الولد و ماهي الحدود لتلك الصداقات؟؟

شنو بس بالافلام لعد من اول مشكلة الواحد ينسحب ويكول انسحب لعد وين الحب بالعكس الواحد يتحدى الظروف والناس كلها هذا الحب الحقيقي وطبعا بمساعدة رب العالمين ميصير الواحد بسرعة يستسلم للقدر واكو مثل يكول كوم يا عبدي واني اعينك

جوابي على سؤالك

الصداقة بين الولد والبنية يأما تكون ضمن العمل او الدراسة ومتتحدى حدود هذا الشي
واذا قوة الميانة والعلاقة ضمن حدود الاخلاق والتقاليد
وصدق البنية اذا عبرت هاي الحدود صدكني اول واحد ينتقدها ويحجي عليها هو صديقها

انت شنو رأيكم

Gray Wolf

10-26-2008, 03:46 AM

شنو بس بالافلام لعد من اول مشكلة الواحد ينسحب ويكول انسحب لعد وين الحب بالعكس الواحد يتحدى الظروف والناس كلها هذا الحب الحقيقي وطبعا بمساعدة رب العالمين ميصير الواحد بسرعة يستسلم للقدر واكو مثل يكول كوم يا عبدي واني اعينك

جوابي على سؤالك

الصداقة بين الولد والبنية يأما تكون ضمن العمل او الدراسة ومتتحدى حدود هذا الشي
واذا قوة الميانة والعلاقة ضمن حدود الاخلاق والتقاليد
وصدق البنية اذا عبرت هاي الحدود صدكني اول واحد ينتقدها ويحجي عليها هو صديقها

انت شنو رأيكم

عزيزتي مثل ما كتلج انتي ما مجربة لهذا مستسهلتهة اني همين مثلج جنت اكول هشكل بس لواقع يختلف خاصة من ييجي ظرف قوي و اتمنى ما تمرين بالي المحبين مرو بي من ظروف قاهرة اكبر منهم

اممم اكيد لصداقة كلش كلش كلش حلوة و اني احترمهة هواية و كومة اعرف صديقات والله على رسي من فوك و بس احب احجيلهم و نسولف بمختلف المواضيع و ارتاحلهم و يرتاحولي و اوثق بيهم و هاي افضل ما في الموضوع

شنو الحلو برايكم بهاي الدنيا يعني من تكعد الصبح شنو الي يخليك سعيد و شنو الي يخليك ضايج ؟؟

سناريا

10-26-2008, 04:00 AM

اسم الله عليه من القهر
يعني انت قصدك الواحد يستسلم بسهولة بلا ميجرب .؟ لو شنو ؟

والله انه هل ايام احلامي مخربطة فصايرة اكعد ضايجة

هل يهمكم ماضي الزوج او الزوجة .؟

Gray Wolf

10-26-2008, 04:11 AM

اكيد يهمني لعد شلون هو اهم شي ماضيهة هههههههههه
لعد واحد شكو يسال عنهة قبل ميتزوجهة اذا اغبر و مليوص ياخذهة على شنو يعني ؟

انتي شنو رايج ؟؟؟؟؟

سناريا

10-26-2008, 04:19 AM

طبعا الماضي كلش مهم
الماضي يصنع المستقبل

اليوم احنا كله تفلسف ونقاش ::31::

اي شكو ماكو

Gray Wolf

10-26-2008, 04:37 AM

والله سلامتج طردنة الاعضاء كلهة كامت ما تجي للموضوع صار بي نقاشات ههههههههههههههههه

اني بخير انتي شخبارج ؟؟

شفتو 24 اليوم على اكشن يخببببببببل ؟؟؟

سناريا

10-26-2008, 04:42 AM

هما الاعضاء انهزموا من المنتدى كله
فارغ عيني ناس عدهم اشغال خومه حدايق ههههههههههههههههه
اني بخير الحمد الله

لا مشفته ما اتابع تلفزيون اني

شنو رأيكم بتفتيش الاهل بموبايلكم

Gray Wolf

10-26-2008, 04:54 AM

هههههههههههههههههههههه هي هاي الي ضلت يفتشون موبايلي ههههههههههه ميسووهة ابد

انتو يسووهة الكم ؟؟؟؟؟؟؟؟؟؟؟

سناريا

10-26-2008, 05:07 AM

اني مسئلتك يسووها لولا سئلتك شنو رايك اذا سووها
لا اني اهلي ما عدهم هذا الشي لانه اليفتش معناها ماعنده ثقة واهما لو ما عدهم ثقة مجان شيلوني موبايل

شمعلكين صور بغرفتكم

ღ ღ gold angel eye ღ ღ

10-26-2008, 05:13 AM

شيرين تامر
massari-enrque-britny spears-blue-leonardo decaprio
شنو اخر مسج اجاكم؟

Gray Wolf

10-26-2008, 05:21 AM

ماعرف صراحة ناسي الظهر جان هههههههههههه

وانتو ؟؟؟؟؟

عاصي الهوى

10-26-2008, 05:27 AM

المسج جان قتو باجر ساعة بيش اتروح البغداد يلة تعال احنة بحديقة النساء
وجيب وياك السلعة مال زيد
السلعة:جداحة اشتراها من الشمال جان ناسيهة بالسيارة
ليش الواحد ميكدر اينام وصارلة من البارحة ب8 باليل كاعد؟؟

ღ ღ gold angel eye ღ ღ

10-26-2008, 05:27 AM

اني هم مدااتذكر هههه
اليوم طلعتو بالمطر ؟؟

عاصي الهوى

10-26-2008, 05:30 AM

اي طلعنا جنت بالقسم وية اصدقائي ورطلعت من يمهم بالخمسة
جانت مطرة حلوة
شتحب من مغنين واكثر اغنية تسمعهة

ღ ღ gold angel eye ღ ღ

10-26-2008, 05:36 AM

ليش الواحد ميكدر اينام وصارلة من البارحة ب8 باليل كاعد؟؟
لان حاط عينك علجداحه ههههه
شتحب من مغنين واكثر اغنية تسمعهة

تامر حسني وكل اغانيه احب اسمعهه
-------------------------------------------------------------
س\تحبون تامر حسني؟