ابو نؤاس
09-14-2006, 06:50 PM
يا شيوخ العراق
منو من عدنا أحنا العراقيين ما يتذكر كعدات الفصل اللي كانت تعقد بشوارع بغداد .. تنصب الخيمة وتنصف الكراسي وتتحضر صواني الأكل والقوازي .. نسأل شنو هذا عرس لو وليمة ؟ يكولون لا .. هاي جلسة فصل راح يحضرها الشيوخ .. يتناقشون ويسمعون وياخذون وينطون وبالأخر يفصلون .. توصل سيارات الشيوخ .. مارسيدسات على بيكبات أولدزات على ماليبوات .. ينزلون الشيوخ بدشاديشهم وعبيهم وعكلهم وحمايتهم .. الكل كدامهم يركض يهلي ويرحب بالضيوف ..
أي يا شيوخ العراق كنتو تتعنون من محافظاتكم وتعوفون أشغالكم ومضايفكم وتجون تفصلون .. والقضايا متنوعة .. نورية عايفة رجلها وزعلانة ببيت أهلها ورجلها حالف يطلقها ويرمي عليها اليمين .. والشيوخ التموا يتناقشون ويمنعون هاي المصيبة .. واليوم يا شيوخ العراق بغداد زعلانة وعايشة بمصيبة وما عدهه أحد تروحله أو تشكي مصيبتها .. نسوان بغداد صارن كلهن أرامل وبنات بغداد والعراق صارن كلهن يتامى وأنتو نايمين بمضايفكم .. أشو ما تعنيتوا لبغداد وفصلتوا ؟ تعالوا لشوارع بغداد نصبوا الف والف خيمة .. أحجوا .. أحتجوا .. تناقشوا .. شوفوا حل لهاي المصيبة .. كنتو يا شيوخ العراق تتعنون من محافظاتكم وتجون تفصلون على مود حرامي أنكتل لو دايح سكران أنضرب راشدي وتفرضون فصل بالملايين واليوم شباب العراق اللي بالسجن مدفونين واللي بالطلقات مضروبين واللي أجسادهم مكطعة وبالحاويات مرميين واللي من العصابات مخطوفين واللي من مفخخات المجاهدين مستهدفين .. لا اللي يشتغل خلصان ولا اللي يتطوع يريد يخدم البلد خلصان وأنتو لا أعتراض منكم سمعنا ولا خيمة وفصل منكم شفنا .. ومو بس هاي يا شيوخ العراق مو بس هاي أريد أذكركم من كنتو للقائد الضرورة تتعنون وبالهوسات تمدحوه .. تركضوله بالمناسبات تقدموله فروض الطاعة والولاء .. تتذكرون من تهددت قصوره .. هبيتوا وجبتوا أهلكم وسويتوهم دروع بشرية واليوم العراق ينتظر منكم هوسه وحدة وبخلتوا بيها عليه وما نطيتوها .. بغداد جريحة تصرخ وما نخيتوها ..
ترى التأريخ راح يسجل جبنكم وبالخزي والعار راح يوصف مواقفكم ولا تتصورون العراقيين فد يوم راح ينسون تخاذلكم ..
أنتو يا شيوخ العراق أذا ظليتوا ساكتين تصيرون بلا كرامة ولا وقار .. أحسنلكم تسدون مضايفكم لأن صارت مثل مجالس النسوان .. كبوا كهوتكم لأن الكهوة يقدموها رجال ودفنوا سيوفكم بالغمد لأن السيوف يحملها الأبطال ..
شلون فاتحين مضايفكم والعراق مهان ..
شلون تشربون الكهوة وبغداد تشرب الذل والموت والهوان ..
باجر ورى ما يدفع العراقيين دمهم وحياتهم وأبنائهم ثمن حرية العراق .. باجر من تهدأ الأمور وتتصلح الأحوال وتنعم بغداد بالسلام هم راح تجون وتطبون ببغداد ؟ هم راح تكدرون ترفعون الراس ؟ هم راح تكولون أحنا شيوخ عشائر العراق ؟
يا شيوخ العراق المشيخة مو بس أسم وتحملونه ولا نسب بيه تتباهون .. المشيخة مو بس شبح تركبوها ولا مضيف تفتحونه ..
المشيخة شرف وكرامة تستمدوها من شرف العراق ..
المشيخة تضحيات لأجل عيون بغداد تقدموها ..
المشيخة أمان وطمأنينة لأهاليكم توفروها ..
المشيخة تروح وتتعنى وتتفقد الأحوال ..
المشيخة تكول لا للغلط وترفع الظلم والحيف عن المظلوم ..
المشيخة تتقلد السيف وتهب لنجدة العراق ..
هبوا يا شيوخ العراق اليوم يوم تسجيل المواقف .. اليوم يوم تثبيت النسب والمشايخ .. لو تهبون وتجون لبغداد .. تهوسون .. تجتمعون .. تعتصمون .. ترفعون السيف .. لو تذبون عكلكم وتعيشون بالعار ..
يا شيوخ العراق والله خليتونا نشك بأجدادنا وبطولاتهم .. خليتونا نشك بالضاري والشعلان .. صدك كانوا شيوخ وثوار أبطال لو مجرد أحلام وأوهام حلموا بيهم أهالينا مثل ما نحلم أحنا الآن .. نحلم بشيوخ شجعان
يكعدون كعدة فصل ويخلصونا من هالطوفان ..
منو من عدنا أحنا العراقيين ما يتذكر كعدات الفصل اللي كانت تعقد بشوارع بغداد .. تنصب الخيمة وتنصف الكراسي وتتحضر صواني الأكل والقوازي .. نسأل شنو هذا عرس لو وليمة ؟ يكولون لا .. هاي جلسة فصل راح يحضرها الشيوخ .. يتناقشون ويسمعون وياخذون وينطون وبالأخر يفصلون .. توصل سيارات الشيوخ .. مارسيدسات على بيكبات أولدزات على ماليبوات .. ينزلون الشيوخ بدشاديشهم وعبيهم وعكلهم وحمايتهم .. الكل كدامهم يركض يهلي ويرحب بالضيوف ..
أي يا شيوخ العراق كنتو تتعنون من محافظاتكم وتعوفون أشغالكم ومضايفكم وتجون تفصلون .. والقضايا متنوعة .. نورية عايفة رجلها وزعلانة ببيت أهلها ورجلها حالف يطلقها ويرمي عليها اليمين .. والشيوخ التموا يتناقشون ويمنعون هاي المصيبة .. واليوم يا شيوخ العراق بغداد زعلانة وعايشة بمصيبة وما عدهه أحد تروحله أو تشكي مصيبتها .. نسوان بغداد صارن كلهن أرامل وبنات بغداد والعراق صارن كلهن يتامى وأنتو نايمين بمضايفكم .. أشو ما تعنيتوا لبغداد وفصلتوا ؟ تعالوا لشوارع بغداد نصبوا الف والف خيمة .. أحجوا .. أحتجوا .. تناقشوا .. شوفوا حل لهاي المصيبة .. كنتو يا شيوخ العراق تتعنون من محافظاتكم وتجون تفصلون على مود حرامي أنكتل لو دايح سكران أنضرب راشدي وتفرضون فصل بالملايين واليوم شباب العراق اللي بالسجن مدفونين واللي بالطلقات مضروبين واللي أجسادهم مكطعة وبالحاويات مرميين واللي من العصابات مخطوفين واللي من مفخخات المجاهدين مستهدفين .. لا اللي يشتغل خلصان ولا اللي يتطوع يريد يخدم البلد خلصان وأنتو لا أعتراض منكم سمعنا ولا خيمة وفصل منكم شفنا .. ومو بس هاي يا شيوخ العراق مو بس هاي أريد أذكركم من كنتو للقائد الضرورة تتعنون وبالهوسات تمدحوه .. تركضوله بالمناسبات تقدموله فروض الطاعة والولاء .. تتذكرون من تهددت قصوره .. هبيتوا وجبتوا أهلكم وسويتوهم دروع بشرية واليوم العراق ينتظر منكم هوسه وحدة وبخلتوا بيها عليه وما نطيتوها .. بغداد جريحة تصرخ وما نخيتوها ..
ترى التأريخ راح يسجل جبنكم وبالخزي والعار راح يوصف مواقفكم ولا تتصورون العراقيين فد يوم راح ينسون تخاذلكم ..
أنتو يا شيوخ العراق أذا ظليتوا ساكتين تصيرون بلا كرامة ولا وقار .. أحسنلكم تسدون مضايفكم لأن صارت مثل مجالس النسوان .. كبوا كهوتكم لأن الكهوة يقدموها رجال ودفنوا سيوفكم بالغمد لأن السيوف يحملها الأبطال ..
شلون فاتحين مضايفكم والعراق مهان ..
شلون تشربون الكهوة وبغداد تشرب الذل والموت والهوان ..
باجر ورى ما يدفع العراقيين دمهم وحياتهم وأبنائهم ثمن حرية العراق .. باجر من تهدأ الأمور وتتصلح الأحوال وتنعم بغداد بالسلام هم راح تجون وتطبون ببغداد ؟ هم راح تكدرون ترفعون الراس ؟ هم راح تكولون أحنا شيوخ عشائر العراق ؟
يا شيوخ العراق المشيخة مو بس أسم وتحملونه ولا نسب بيه تتباهون .. المشيخة مو بس شبح تركبوها ولا مضيف تفتحونه ..
المشيخة شرف وكرامة تستمدوها من شرف العراق ..
المشيخة تضحيات لأجل عيون بغداد تقدموها ..
المشيخة أمان وطمأنينة لأهاليكم توفروها ..
المشيخة تروح وتتعنى وتتفقد الأحوال ..
المشيخة تكول لا للغلط وترفع الظلم والحيف عن المظلوم ..
المشيخة تتقلد السيف وتهب لنجدة العراق ..
هبوا يا شيوخ العراق اليوم يوم تسجيل المواقف .. اليوم يوم تثبيت النسب والمشايخ .. لو تهبون وتجون لبغداد .. تهوسون .. تجتمعون .. تعتصمون .. ترفعون السيف .. لو تذبون عكلكم وتعيشون بالعار ..
يا شيوخ العراق والله خليتونا نشك بأجدادنا وبطولاتهم .. خليتونا نشك بالضاري والشعلان .. صدك كانوا شيوخ وثوار أبطال لو مجرد أحلام وأوهام حلموا بيهم أهالينا مثل ما نحلم أحنا الآن .. نحلم بشيوخ شجعان
يكعدون كعدة فصل ويخلصونا من هالطوفان ..