اريد حل شتنصحوني [الأرشيف] - دجلة نت ::: ملتقى شباب العراق

أسير الصمت

12-12-2006, 08:50 AM

السلام عليكم
اشلونكم
اريدكم اتساعدوني وتنصحوني شسوي
اني حبيت وحده وحبيتها عل الانترنيت لتستغربون ::2:: اني جنت مااصدك ولا من هذا النوع اللي يحب عل النت بس وكعت بيها::27::
صرت كل يوم احاجيها وانتظرها وتنتظرني بحيث اذا مفاتت يوم اتخبل
ومتاكد انه هي اتحبني واني احبحها
المشكله وين انه هي من دوله واني من دوله ثانيه
ومتاكد انه اهلي رح يعاضون عليها
ومتأكد انه اهلها كذلك ومستحيل ينطون لغريب ومن غير دوله
واني مااعرف شسوي حاولت ابتعد عنها مكدرت كل يوم دااحبها اكثر من قبل::27::
اتركها وبعد مااحجي وياها لان دا اتعلق بيها اكثر مااعرف::56::
اكمل وياها وشيصير خلي ايصير مااعرف::56::
::38:: مااعرف شسوي::38::

شمس78

12-12-2006, 10:58 AM

اخ اسير الصمت

بغض النظر عن انه انت حبيت وما راح نقلك ليش او نقلك خطا وصح بس اعتقد انه لازم تحسم الموضوع مع نفسك وتسال نفسك اسئلة كثيرة منها هل انت مفكر تزوج البنت واذا فكرت تزوجها هل هذا التعارف اللي بالنت كافي او لا وهل انت مستعد لمواجهات وتحديات كثيرة خصوصي اذا كانت بغير دولة وما اعرف اذا هي عراقية او لا ولازم تعرف اهلك واهلها اذا موافقين على هالشي فاذا كان كلشي مضبط وما عندك مشاكل فاستمر معها بس اذا العكس فالأفضل تشوفون حل ما اريد اقول تنفصلون بس اكيد انتم قادرين على اتخاذ القرار المناسب

وتحياتي وراح اتابع موضوعك

قمر عراقية

12-12-2006, 02:04 PM

اخي الحب مو غلط بالعكس بس الغلط انك تستمر بشي غريب يعني انت شتعرف عنها اخلاقها اسلوبها اهلها يعني هالاشياء ماتنعرف على النت ؟؟؟؟ واذا انت مفكر ترتبط بيعا شوفها روحلها واذا هي عراقية خلي من تنزل العراق تشوفك وتتفاهم وياها واذا صدق انت تحبها وحبك بية تبادل من ناحيتها لا تضيعها من ايدك بس اهم شي انك تعرفها عدل لان النت مو كافي لتحديد عواطفك

تقبل تحياتي وخبرنا بتبطورات

دراكون

12-12-2006, 06:51 PM

تدري شسوي كطع ورق مال نبك وفورة بالمي هسة من ورة العبان نفس تنساهاااا

النورس المغترب2006

12-12-2006, 09:25 PM

شكرا الك على هذا الموضوع اخي الغالي. والله اخوية مشكلتي نفس مشكلتك ا ويا ريت احد يجاوبني الحب موجود في كل مكان ولا تستمع ال كلام الناس عندما يقولون لا يوجد حب على الانترنت, على العكس تماما . والدليل على ذلك لا تستطيع نسيانها لحظة واحده..

نصيحتي لك لا تستمع الى كلام الناس . فأنت متأكد من حبها وهية كذلك.

استمر معها.. والخير فيما اختاره الله. والي كاتبه الله يصير وتشوفه العين

حمامة العراق

12-14-2006, 04:34 PM

اكول اخويه نص الشباب نفس المشكله

لكن هو كشي ميعرف على البنت والبنت كشي متعرف عليه

يعني هيج علاقه مو اكيد تنجح الا اذا كان الولد خوش ولد

يعني يحب البنت بصدق مو يلعب عليه والبنت نفس الشي

® Sparks Man

12-14-2006, 07:29 PM

اخي الحب هو مو كلمه الحب الصادق تنبني عليه حياه كامله وعائله وهو رباط مقدس يعني احنا قبل ما نحب المفروض نعرف شنو والمن انحب ...

يعني التوافق عنصر من عناصر الحب .. والله عز وجل ميقبل ان نزعل اهلنه او نغضبهم لمجرد انه احنا حبينه بنيه
وبعدين يا اخي وهذه وقتنه الي عايشيه بيه بلاوي شنو اتحب وحده متعرف عنه شي مع احترامي الك
ما اعتقد انه هذه حب
واترجاك تراجع نفسك وفكر واعتقد حتجد انه الحب مموجود لان الثقه وعناصره ممتوفره لكن ممكن ان تكون الثقه متباينه لكي كانها موجوده لكن هيه بالحقيقه سراب
ممكن ان تكون البنت من افضل الناس وممكن بالعكس شنو الي يضمنلك هذه الشي اخي ؟؟؟؟ ....

حلك بهاي الحاله
انه ترجع تفكر بعقلك مو بقلبك ... وتفتهم انه اذا الحب ممكن ان يدمر هوايه اشياء مصار حب والحب صح هو اساس التضحيه بس التضحيه بما نملك مو ان انضحي باهلنه .. ونضوجهم هذه قصدي اخي الكريم

ساحر القلوب

12-15-2006, 12:33 AM

ياسلام ياسلام عمي غير اتفكر قبل متحب وين راح اتشوف هاي البنيه زينن انته شايف شكلها وتعرف عن شخصيتها شي اخويه هوه قابل الحب لعبه على كلن حاول تكطع علاقتك بيها ولو مراح تكدر بس شنسوي هيه هاي الحياة
تقبل تحياتي ساحر

زينة مطر

12-15-2006, 06:07 AM

يعني هاي النوع من العلاقات محكوم عليها بالفشل من بدايتهااااااا
لان كلها عراقيل....بس اني اشوف اذا انت عارف ان زواجكم مستحيل
وان لا اهلك ولا اهلها رح يقبلون بهيجي زواااااااج ....الافضل انك تبعد وتحاول انك تنساها
اعرف انك رح تقووووووووول ما اقدر....لكن المفروض انك تعقد مقارنة بينها وبين اهلك
وتشوف امكانياااتك....يعني انت تقدر تتزوج ....عندك استعداد انك اتسافر من بلد لبلد حتى
تخطب البنية.....

Helen

12-15-2006, 01:37 PM

ألله يساعدك على هاي الاجوبة! اني رأيي الحب بالانترنت ممكن وهو كافي انه تتعرف على شخصية شخص عن طريق الحديث اليومي والانسان ايحس ويكدر يعرف اذا الشخص اللي ديحجي وياه صادق او لا وانت لان حبيتهة اذن انت تعرف وتحس انه هي انسانة صادقة بمشاعرهة تجاهك وكذلك بالاشياء اللي تحجيهة ولان انت حبيتهة فهذا يعني انه انت همينة صادق تجاههة وهذا اهم شي وفيما يخص الاهل انت وهي تكدرون تفهموهم القضية وشلون صارت واكيد حيتفهمون واولا واخيرا القرار راجع الك وانت مو قاصر بس لازم ايكون تفاهم ومتصير عركات!!! اسأل المجرب! ههههههههه

بس اني مدا انفي اهمية اللقاء يعني انتوا اكيد لازم لازم تلتقون وتقضون وقت وية بعض حتى تتعرف همينة على تصرفاتهة وهي همينة وهيجي حتتأكد من مشاعرك لين الزواج هو اتخاذ قرار يحدد مجرى حياتك لبقية سنين عمرك! فكن حذر بس لا تبطل منهة وانت اختاريت الطريق الصعب فلازم تهيأ نفسك لتقبل العواقب مهما كانت.

سينارلاين

12-16-2006, 04:24 PM

انصحك نصيحة لله حاول تنساها ولتفكر بيهه لان طريقكم غلط وصعب بنفس الوقت

بحبوحه

12-17-2006, 07:36 AM

والله الله يوفقك وانشاء الله اللي بي خير ربي يقدمه الك والشر يبعده عنك والزرواج قسمه ونصيب والبنيه الزينه واللي تفهمك باي مكان موجوده روحله بس لازم تشوفه وتشوفك وحاول تقنع اهلك وبالدرجة الاولى كلشي بيد ربك واهلك رح يخترون اللي يريحك

TOTI_wael_TOTI

12-18-2006, 03:22 PM

الحب شيء حلو

والحب لا يعرف نت ولا يعرف دوله

اتمنى لك حيات سعيده مع حبك

تحياتي الك

BroKeN

12-30-2006, 10:24 AM

اخي لازم تفرق بين الحب والاشتياق للشخص المعني
خصوصا اذا كانت حياتك ما بيها بنات كمجرد اصدقاء عليك التفريق بين الحب والاشتياق
للشخض حين يغيب عن حياتك لفتره معينه اما ان كانت صداقتكم جميله
فحاول تخليها مجرد صداقه لان الصداقه دائما تطول اكثر من علاقه الحب والعواطف

اتمتى ان اكون وصلت الفكره باختصار

مع تحياتي
بروكن

مايا

12-30-2006, 10:56 AM

والله اني شاكه انك تحبها صدك لان يجوز تعلق مو حب وعجبتك شخصيتهاراسلوبها
بس انت ماتعرف شي عن اسلوب حياتها وتصرفاته
فلاتستعجل وتفكر بس بقلبك
وماكو شي اسمه اليصير يصير

pharma

12-31-2006, 09:33 PM

السلام عليكم
انا برايي الخاص اكو حب بالانترنت هو صحيح مو كافي مية بالمية للتعارف لكن بنفس الوقت يكون افضل للتعارف من خطوبة الاهل والاثنين محد يعرف عن الخ اي شي ::56:: ::56::
يعني لما يتعارفون على النت صح مو كافي بس افضل للتفاهم واني اشوف انه الانسان يكون واضح اكثر ويقدر يقول اراءه اكثر للطرف الاخر ويقدرون يضعون قوانين حياتهم ويتفاهمون على امور كثيرة

مع هذا كله انا ما انفي من اهمية الاهل وموافقتهم والمقابلة للاهل وكل شي لازم يكون مدروس بشكل صحيح وخطوات مضبوطة لان هذا موضوع مهم وبما انه ناوين على زواج معناه محد يكذب على الثاني لان هذه حياتهم
وضروري من التناسب الاجتماعي والاخلاقي والدراسي والراي الاخير يرجع للطرفين.....

اما رايي الخاص...... فمابيها شي حتى لو كانت من دولة اخرى بس المهم تكونون متفقين ومتفاهمين::51::
والتعارف بالانترنت مو غلط اذا كان محترم وصادق وبحضور الاهل اكيد ومعرفتهم
والله اعلم
يارب التوفيق للجميع

اسايرها تعاندني

01-22-2007, 03:39 PM

شغله صعبه وعراقيل بيهاا والحب بهاي الحاله مو كافي للتغلب على هاي العراقيل

انصحك تتركها وتحاول تتعرف على بنت قريبه من البلد الي انته بيهاا وتحاول ان تزرع حب جديد يمحوو شي من القديم
والله كريم

ابو سموسة

01-22-2007, 09:50 PM

اكولك انتة كاعد اهنا وادكول احبها

هسه كلت للاعضاء شراح يسون؟ راح يحلوها ما اعتقد هالشي

انتة تدري شتسوي هيه وين بيا دولة اي دولة جانت لو بالقطب الشمالي

شوف شلون يروحون لهاي الدولة شوف والطريقه الي تكدر تروح بيها لهناك تشتغل او غير شي او المهم طريقه توصلك لهناك

وتروح لهناك عليها وتطلبها من اهلها مو حرام لو عيب لو بيها شي

بس خلي اكولك شي ترة الانترنيت ما بيها شي اذا حبيتها بس اعرف شي واحد
ترة الانترنيت اول شي ميطلعلك الشخصية مال المقابيل بالظبط
يعني يجوز تصير مشكلة او شغله بسيطه وصارت ردت فعل والفعل هيه كالت شي وكتبت شي ثاني هذا ميعكس صورة الشخص المقابيل
لو مثلا هيه وين تروح وين تجي منو تعرف شتسوي متسوي شمدريك انتة او هيه شمدريها؟

واكو هواية شغلات

فانتة لتحكم على الشي كبل افتهم شنو تحبها لو لا شمدريك ما هيه كرايبها رايدها ومتفقين او غير شي
يعني ترة اكو اشياء مو لعبه متكدر تحكم عليها

وانتة بعد اعرف بروحك من عدنا

وان شاء الله محلولة مشكلتك

اسايرها تعاندني

01-23-2007, 04:19 PM

حدد وياها موعد بالحقيقه وشوفها تعجبك تعجبها بالواقع وبعدين اتفق وياها على الزواج وامور الزواج وذا سالوك شلون عرفتها لتكول على النت كول اي شي اخر بالكليه بالمدرسه صديقه جوارينه اي عذر اخر زين هايهيه

شايف خير ومستاهلها ::14:: ::14:: ::14:: ::14:: ::14:: شايف خير ومستاهلها ::14:: ::14:: ::14:: ::14:: ::14:: ::14:: ::14:: شايف خير ومستاهلها ::51:: ::51:: ::51:: ::51:: ::51::

اسايرها تعاندني

01-23-2007, 04:22 PM

اي عمي لتستغرب احنه بعصر السرعه::13:: ::13:: ::13:: ::13:: ::13:: ::13:: ::13:: ::13:: ::13:: ::13:: ::13:: ::13:: ::13:: ::13:: بس اهم شي لتخليها تخاف منك::237:: ::237::

كيكة بغداد

02-22-2007, 07:56 PM

هلو اسير الصمت شلونك::2:: ...والله وكعت ومحد سمى عليك::52::
اعتقد انت متعود عليها واي شي نتعود عليه صعب نتخلى عنه الا بعد مده..لا تستعجل بلحكم على مشاعرك وتاسرك هلبنوته يا اسوريhttp://www.haridy.com/ib/images/smilies/give_rose.gif

Rashawy

03-19-2007, 05:43 PM

بزمانه صار الحب بالانترنيت كلش وارد لان هو المجال الوحيد الي يكدر اكثريه الشباب والبنات يحجون مع بعض
وبالتالي يحبون بعضهم
لو كانت البنت من العراق جان بيها باب وجواب بس اذا من غير دولة هاي شغلة بعيدة كلش
وراح اتعبك
نصيحتي الك يا عزيزي انت اذا تحبها صدك فهذا شي حلو بس الحب بدون نهاية وبدون هدف ترة يتعبك ويتعبها
ومهما تكون البنت العهراقية راح تفهمك وترتاح الها اكثر من بنت غريبة حتى لو كنت تحبها وتقبل مروري
والله يوفقك

رصاصه الرحمه

03-26-2007, 09:09 PM

مابقى حجي ما شاء الله عليهم كفو ووفو وانت الله يساعدك

فلاح بالمنطقة الخضراء

03-27-2007, 01:28 PM

والله حبي اني مقدر مشاعرك و مريت بحالتك بصراحة ويا هواااية بنات و حبيتهم من صدك و اتصور حبوني هم من صدك بس بالنهاية راح تعرف انه السالفة ومابيها انه ماكو بطة تلعب شناو و زحمة حب الانترنت