العمدة
12-06-2006, 10:04 PM
.. بغداد الجريحه ..
طيور العاصمه أعله اغصانهه تنوح
وتكول شمالهه غيومي أصبحت سوده
وشجا صوت الكناري مفارگ الناس
وصبح صوت القصف للوطن أنشوده
وشجا صار الابن ضد أهله وي الغير
ونسه صلة الرحم وأنكرهن عهوده
وشنو وضع الأخو لمن سهم يولاه
وأخوه من يلتفت يلگاه صايوده
أجتنه وجوه غربه ماتخاف الله
أجو طبو وطنه وداسو حدوده
عاثو بالوطن سووه بيت أشباح
وخلوهه الجثث عالگاع ممدوه
تهجير وقتل خطف وسلب وأعدام
وهدروا دم شعبنه وگصو زنوده
أجو بأسم الجهاد وكلهم يچذبون
طمعو بالوطن يردون عنگوده
وأذا رادوا جهاد ومن صدگ ناوين
بس شمرة عصا أسرائيل موجوده
ياهو الجاي سوري أيجاهد أبغداد
دخلي يفك أسر جولانه وقيوده
لو أفغاني جاي يقاتل أمريكان
چا ماقاتل بوديانه وحدوده
تضل ياوطن موسى وهمه دجالين
تطشر كل سحرهم بأيدك العوده
ومثل حيدر علي بيرغ تضل عالگاع
وحگ چفوف أبنه وگربته وجوده
ودصفيلي يخويه النيه وأنسه الصار
يحسبونه علينه الصار مردوده
وخل نعگدهها أيدك بأيدي خل نگوم
مثل راية علي عله الگبه معگوده
وطنه بضيقه هسه ولازم نداريه
وأذا مو أني وانت ياهو اليگوده
وخل نزرع ورد خل نخلص أمن الموت
ومن حيطانه نشيل القطع سوده
ونرش ماي الورد ويصير جنه البيت
ويردن من جديد يخضرن وروده
سحابة صيف لاچن لابدالهه تزول
وترد بغداد ذيج وتضل مشهوده
وترد بغداد ذيج وتضل مشهوده
..اهديها الى كل عراقي يحب بغداد ..
..عمدة الكيمياوي..
::27:: ::27:: ::27::
طيور العاصمه أعله اغصانهه تنوح
وتكول شمالهه غيومي أصبحت سوده
وشجا صوت الكناري مفارگ الناس
وصبح صوت القصف للوطن أنشوده
وشجا صار الابن ضد أهله وي الغير
ونسه صلة الرحم وأنكرهن عهوده
وشنو وضع الأخو لمن سهم يولاه
وأخوه من يلتفت يلگاه صايوده
أجتنه وجوه غربه ماتخاف الله
أجو طبو وطنه وداسو حدوده
عاثو بالوطن سووه بيت أشباح
وخلوهه الجثث عالگاع ممدوه
تهجير وقتل خطف وسلب وأعدام
وهدروا دم شعبنه وگصو زنوده
أجو بأسم الجهاد وكلهم يچذبون
طمعو بالوطن يردون عنگوده
وأذا رادوا جهاد ومن صدگ ناوين
بس شمرة عصا أسرائيل موجوده
ياهو الجاي سوري أيجاهد أبغداد
دخلي يفك أسر جولانه وقيوده
لو أفغاني جاي يقاتل أمريكان
چا ماقاتل بوديانه وحدوده
تضل ياوطن موسى وهمه دجالين
تطشر كل سحرهم بأيدك العوده
ومثل حيدر علي بيرغ تضل عالگاع
وحگ چفوف أبنه وگربته وجوده
ودصفيلي يخويه النيه وأنسه الصار
يحسبونه علينه الصار مردوده
وخل نعگدهها أيدك بأيدي خل نگوم
مثل راية علي عله الگبه معگوده
وطنه بضيقه هسه ولازم نداريه
وأذا مو أني وانت ياهو اليگوده
وخل نزرع ورد خل نخلص أمن الموت
ومن حيطانه نشيل القطع سوده
ونرش ماي الورد ويصير جنه البيت
ويردن من جديد يخضرن وروده
سحابة صيف لاچن لابدالهه تزول
وترد بغداد ذيج وتضل مشهوده
وترد بغداد ذيج وتضل مشهوده
..اهديها الى كل عراقي يحب بغداد ..
..عمدة الكيمياوي..
::27:: ::27:: ::27::