عاجل...للي يكدر مسألة انسانية الله يخليكم......

[سلمى البغدادية]

السلام عليكم
مرحبا اشلونكم واشلون الصحة ان شاء الله زينين
حبيت اكللكم انو مصرف الدم الي باب المعظم محتاج دم لان من الانفجارات الي دصير والناس الي ديموتون مدا يلحكون ففتحوا باب للي يريد يتبرع بالدم لمدة ثلاثة ايام فالي يكدر ياريت ميبخل بدمة ويتبرع لان هو حيروح لاخوانة العراقيين الي بالمستشفيات واذا تكدرون ادزون هذي الرسالة لاكثر من شخص حتى اكبر عدد ممكن من الناس الي يكدرن يتبرعون بالدم يروحون ويتبرعون لان المستشفيات صايرة مأساة والي ميكدر يتبرع خلي لايبخل علينا بالدعاء لكل الناس وخاصتا الجرحى وترة بطل الدم يتعوض بيومين وفكروا بالاجر والثواب والخدمة العظيمة الي راح اتقدموها لاخوانكم المحتاجيها والله ان شاء الله يحفظ الجميع يارب ويرفع هذي الغمة عن هذي الامة
وانشروها والكم ان شاء الله الاجر والثواب
بس ترة المدة المحدديها ثلاث ايام

وشكرا الكم والله يحفظكم ويحفظ كل العراقيين ان شاء الله

[حيدر13]

شكرا سلمى على الموضوع الانساني وبارك الله بيج
وياريت كنت اكدر اتبرع بس مع الاسف اني خارج العراق بس ان شاء الله الطيبين هواية وبرغم اوضاع العراق فلحد الان الناس الطيبين موجودين,,,
تحياتي
::13::

[سلمى البغدادية]

شكرا حيدر وشكرا على مشاعرك الطيبة وان شاء الله العراقيين الشرفاء ميقصرون والله يحفظ الجميع..............

[العمدة]

السلام عليكم يا اختي يا سلمى ..
قبل ايام قريت الاعلان باحد اقسام المنتدى .. لان ماشاء الله الكل عراقيين ..اصلاء وبعدها الدنيا بخير انشالله .. وبعدها غيرة العراقي مراحت مثل ميگولون ..
واعوذ بالله اذا اكون من المرائيين او المنافقين او الكذابيين.. لكن اليوم بتوفيق الله .. انجمعنه بالجامعه .. اصدقائنه كلهم الي بقسم الهندسه الكيمياويه ...
الي گدر يجي منهم ..ورحنه الى المركز وتبرعنه بالدم لكل عراقي محتاجه .. بغض النظر عن طائفته وانتمائه وديانته .. لان الكل عراقيين .. واحب ان اذكرلكم واذكرلك يا اختي العزيزة .. ان الي تبرعو هم شيعي وسني وصابئي ومسيحي وكردي وايزيدي.. وهذا اريد الكل يعرفه .. ومكنه منتظرين ان يعرف احد بعملنه هذا غير الله سبحانه وتعالى .. لكن لگيت نفسي اكتبه .. وممنتظرين احد يشكرنه على اخوتنه ... بس نريد نوصل فكره ان احنه عراقيين انحب العراق وانحب اهله واحنه منهم والهم ننتمي .. والله لا يوفق كل واحد يريد يأذيك يا عراق ..
الف شكر يا اختي وبارك الله بيج وبكل الشرفاء اليى قلبهم على هالبلد الجريح ...
شكراً
..عمدة الكيمياوي..

[اسد الصالحيه]

مشكورين على الموضوع يا اخت سلمى

واني لو موجود بغداد جان رحت بس مع الاسف اني مو بغداد

::9:: ومشكوره مره ثانيه على الموضوع::9::

[النمر1]

الدال على الخير كفاعله تبرعو لاخوانكم بالدم لوكان لدينا اغلى من الدم لكنا اول المتبرعين

[عاشق الانبار]

حبيبي انشالله يوصل صوتك

[سلمى البغدادية]

السلام عليكم يا اختي يا سلمى ..

قبل ايام قريت الاعلان باحد اقسام المنتدى .. لان ماشاء الله الكل عراقيين ..اصلاء وبعدها الدنيا بخير انشالله .. وبعدها غيرة العراقي مراحت مثل ميگولون ..
واعوذ بالله اذا اكون من المرائيين او المنافقين او الكذابيين.. لكن اليوم بتوفيق الله .. انجمعنه بالجامعه .. اصدقائنه كلهم الي بقسم الهندسه الكيمياويه ...
الي گدر يجي منهم ..ورحنه الى المركز وتبرعنه بالدم لكل عراقي محتاجه .. بغض النظر عن طائفته وانتمائه وديانته .. لان الكل عراقيين .. واحب ان اذكرلكم واذكرلك يا اختي العزيزة .. ان الي تبرعو هم شيعي وسني وصابئي ومسيحي وكردي وايزيدي.. وهذا اريد الكل يعرفه .. ومكنه منتظرين ان يعرف احد بعملنه هذا غير الله سبحانه وتعالى .. لكن لگيت نفسي اكتبه .. وممنتظرين احد يشكرنه على اخوتنه ... بس نريد نوصل فكره ان احنه عراقيين انحب العراق وانحب اهله واحنه منهم والهم ننتمي .. والله لا يوفق كل واحد يريد يأذيك يا عراق ..
الف شكر يا اختي وبارك الله بيج وبكل الشرفاء اليى قلبهم على هالبلد الجريح ...
شكراً

..عمدة الكيمياوي..




اني وكل الشعب العراقي نشكرك ومتعرف انت هذي الخدمة الي قدمتها انت وزملائك اشكد راح تخدم وتفيد ناس بارك الله بيك وبكل انسان مثلك ومثل تفكيرك وكلنا عراقيين ان شاء الله وماكو فرق لاسنة ولاشيعة ولا اكراد ولامسيح كلنا عراقيين ان شاء الله والله يوفق ويحفظ الجميع يارب........

[الذئب الوفي]

أطيب التحيات وأحلى الاماني نتمناها لكم بمناسبة حلول عيد الأضحى المبارك أعاده الله على العراق والعراقيين بالخير واليمن والبركة والأمن والأمان وبوحدة الصف وتآلف القلوب إن شاء الله كل عام وأنت إلى الله أقرب ، ومنه أخوف وبه أعرف ، وإلى دار كرامته أسبق واسأل الله أن يكتب لك بكل خطوة سعادة ، وأن يجعل كل نظرة عبادة وكل بسمة شهادة ،وفي كل رزق زيادة اللهم اجعلنا ممن يورثون الجنان ويبشرون بروح وريحان ورب غير غضبان آمين اللهم آمين ....
::51:: ::51:: ::51:: ::51:: ::14:: ::51:: ::51:: ::51:: ::51:: ::14:: ::51:: ::51:: ::51:: ::51:: ::14:: ::51:: ::51:: ::51:: ::51::