اخوان ساعدوني ترة صرت عصبي كلش

[النمر الابيض]

السلام عليكم ورحمة الله وبركاته

اولا اني اعرف انه مشكلتي مو كبيرة بس كلش ضوجتني واريد منكم ان تساعدوني

وهي

اني بعدني طالب بالثانوية اخر سنة قسم ادبي وطبعا اني الاول على الصف وكلبي فطير وماعندي مشاكل

فالعام الماضي جنت توني جاي من العراق للامارات وما اعرف بالمدرسة احد من الناس الي اعرفهم قبل مال 1996-1997 وطبعا هاي فترة طويلة كلش

المهم ما اطول عليكم اتعرفت بمجموعة ولد عراقيين صارلهم اربعة سنين وطبعا الامور جانت عدلة بالبداية (هية صداقة بالمدرسة) وطبعا تعرفون انه اكو شقة ومن هالسوالف بس بمرور الايام صار شقاهم ثكيل وكاموا يهينوني ويهينون اهلي وعشريتي وحتى مذهبي واني صابر ليش لانه اكول هذولة عراقيين وجماعتي واكيد كاعدين يتشاقون وبالاخير طكت روحي وعفتهم

هالسنة اجوي اصدقاء قدماء لمدرستنة جانوا اصدقائي واهلهم عرف مال 96 ووصلوا عراقيين جدد للمدرسة فصار عندي شلة اصدقاء محترمة 5 شباب محترمين وهاي

المجموعة القديمة صاروا 8 وطبعا اكو بيهم عندي علاقة وياهم وحتى لو بعيدة

وطبعا جانوا يصيحوا لي من يم اصدقائي ويصنفون علية

فأني ما انطيتهم وجه (لبستهم)

وبالمناسبة اني نسيت انه همة جانوا علمي كلهم وجانوا يصنفون علية لانه اني ادبي

فهالسنة انقلوا اثنين منهم للادبي واجوي لصفي وجان عندهم بالصف واحد جديد اعرفه وعندي علاقة وياه وهو من جماعتهم

وطبعا رجعوا العلاقة شوية وياية (طبعا مصالح حتة اداريهم بالغش بالامتحانات ) وبدوا يسوون علاقة وياية

وشوية شوية وطبعا كاموا ياخذون دفاتري ينقلون منها لانه اجوي متاخرين

وهسة صار لهم اسبوعين راجعين على نفس الفيلم مالتهم

يومية ياذون مني اقلام ولمن اكلهم وينهة يطلعون ذابيهة بالزبالة وية بعدهة جديدة

وكاموا يصيحون علية بالصف ويطلعون الية القاب

ويومية ماخذين الرحلة مالتي (لانه نظيفة ومن هاي الجدد) وهمة لمن اجوي من العلمي مجابوا رحلاتهم وياهم والافندية يرسمون عليهة ويكتبون علية كلام مو حلو

واخر شي اني منتبه ويالاستاذ وهمة كلسع يصيحولي لو يشمرون علية اشياء حتى يشتتون انتباهي

وهسة ياخذون دفاتري وميرجعوهة الة اروح لبيوتهم واخذهة منهم

واني دا اكتب الموضوع وواحد منهم هسة ماخذ دفتري وعندي يوم الاثنين الجاي امتحان وبعد باجر عندنة عطلة ليوم الاثنين مال عيد الاتحاد والافندي باجر ميداوم

كولوالي شنو اسوي ترة اني ساكت لهم لانه همة عراقيين وواحد منهم ابن منطقتي وما اريد اسوي وياهم مشاكل كدام الصف

وترة اني منزعج من هالتصرفات واخاف ينزل مستواي الدراسي يهبط واني محتاج لكل درجة للمعدل

فرجاءا ساعدوني

[اميرة العراق]

اخوية النمر تحياتي لك بالبداية انطيك رائيي انو انت مدام شفتهم هيج سوو وياك المفروض متنطيهم وجه ابد حتى لو جانو عراقيين لان مثل هيج اجناس شايفيك فطير مع احترامي لك اخي بس المفروض متنطيهم الدفتر لان ميستاهلون وتعوفهم اصلا لان الظاهر انت مو من هيج ناس
هسة انت المهم ترجع دفترك طبعا حتى تحافظ على مستواك و تطلع درجة زينة انشاء الله
طبعا انت تروح للشخص اللي اخذ منك الدفتر و تكلا اريد الدفتر لان اريد اقرا وطبعا ما بيها شي ومحد ميزعل من الحق و هذا حقك و اذا زعل فططبعا مو انت اللي معتازهم هم اللي يريدوك ومحتاجيك فاكيد ماكو زعل بس نصيحة مني و اعتبرها من اخت انصحك لا تمشي و يا هيج شباب حتى لو عراقيين
حتى مستواك مينزل شغلة لخ اخلاقك متسمحلك تمشي و يا هيج شباب و طبعا هذا رائيي اولا و اخيرا تقبل مروري

[العاشق الارهابي]

حبيبي حاول تقطع علاقتك بهيج نماذج ولازم تتعرف على اصدقاء جدد حتى لو مو عراقيين بس لازم اهم شي تدرس اخلاقهم قبل ماتصادقهم علمود لاتصير بيك نفس الحاله وانته تبقى بيدك الشغله وتقبل مروري

[النمر الابيض]

تسلمون اخوان على اراءكم

والحمد لله اني عندي اصدقاء نعم الاصدقاء بس هذولة كاعدين يزعجوني بالصف وميخلوني افتهم من الاستاذ ويقلدون علية وحتى على كلامي

وحتى على اسمي يقلدون

بحيث اني عصبت

[النمر الابيض]

اخوية النمر تحياتي لك بالبداية انطيك رائيي انو انت مدام شفتهم هيج سوو وياك المفروض متنطيهم وجه ابد حتى لو جانو عراقيين لان مثل هيج اجناس شايفيك فطير مع احترامي لك اخي بس المفروض متنطيهم الدفتر لان ميستاهلون وتعوفهم اصلا لان الظاهر انت مو من هيج ناس
هسة انت المهم ترجع دفترك طبعا حتى تحافظ على مستواك و تطلع درجة زينة انشاء الله
طبعا انت تروح للشخص اللي اخذ منك الدفتر و تكلا اريد الدفتر لان اريد اقرا وطبعا ما بيها شي ومحد ميزعل من الحق و هذا حقك و اذا زعل فططبعا مو انت اللي معتازهم هم اللي يريدوك ومحتاجيك فاكيد ماكو زعل بس نصيحة مني و اعتبرها من اخت انصحك لا تمشي و يا هيج شباب حتى لو عراقيين
حتى مستواك مينزل شغلة لخ اخلاقك متسمحلك تمشي و يا هيج شباب و طبعا هذا رائيي اولا و اخيرا تقبل مروري


تسلمين اختي على رأيج

والنصيحة ما ينخجل منها

واني طالب المساعدة فأي رأي ممكن ان يساعدني

ومشكورة اختي

[النمر الابيض]

حبيبي حاول تقطع علاقتك بهيج نماذج ولازم تتعرف على اصدقاء جدد حتى لو مو عراقيين بس لازم اهم شي تدرس اخلاقهم قبل ماتصادقهم علمود لاتصير بيك نفس الحاله وانته تبقى بيدك الشغله وتقبل مروري

تسلم حبيبي العاشق الارهابي على رأيك وان شاء الله احاول بكل الطرق ان ابتعد عنهم

[bint Dijlh]

مرحبـا اخي النمر
لعد نمر وتخوفنـا بعزاوي وبالك عنا وتالي بالمدرسة القطة الأليفة http://forums.dijlh.net/images/icons/45.gif
برأيي انه تحاول تكلم الأستاذ أو الأدارة عنهم وعن تدخلهم وتصنيفهم
وان كانوا عراقيين وأعرف تخجل امام الأماراتيين انه اولاد بلدك يسخرون
لكن السيء والجيد بكل مكان
لابد من التحدث الى الأستاذ وتفهمه انهم ديأثرون على انتباهك ومستواك الدراسي
يعني هي الحياة مستويات
توجد ناس مثابرة وحيوية وتوجد ناس هابطة وفارغة
نصيحتي لك بالأبلاغ عنهم ليكون هناك رادعاً رسمياً لهم
وفي حل ثاني
عن طريق الأهل
يعني ذويك يحاولون قدر الأمكان الوصول لذوي الطلبة هؤلاء وتحذيرهم بضبط اولادهم
وعدم مشاكستك والسخرية
والا سوف تكون الأدارة مسؤولة عن مستواك لأنه لم يتم تـقبل الطلبة من أهاليتهم التحذير
وكان الله يحب المحسنين
تحياتي,,http://forums.dijlh.net/images/icons/065.gif

[اسامه البصراوي]

السلام عليكم
اخي العزيز نمر الابيض المفروض من الاول من تنطيهم وجه
وتخليهم عند حدودهم لن هيج نماذج من يستحون
وانته المفروض منك تروح الي اخذ الدفتر مالتك وتاخذه منه
حتااااااا تمتحن وتاخذ معدل زين ونتمنالك التوفيق يا اخويه
بسسسسسسس خليهم عند حدودهم لا تنطيهم وجه

[زينة مطر]

والله يا نمر اني شايف انك طولت بالك عليهم هوااية....واني اشوووووووف انك تتركهم

وتحقرهم...وما تعطيهم وجه....لان الشباااااااااب اللي مثل هيج ماكو داعي تستحي منهم

وتسوي حسااب الهم لان همة اصلا ما جااااااانوا مسوين حساااااب الك والى انكم من بلد

واحد ومن منطقة وحدة....واني اشوف انك تعطيهم العين الحمرة وتخليهم يسوون حسااااااب

لك....لان اكوا ناس ما يجون غير بهالاسلووووووووووب....

[EmPeRoR]

اخوية نمر كل واحد الزمة اكوتلة كتلة من هاي التمام صدكني بعد ميجي يمك

اخذهة نصيحة مني

لان مرة واحد ضوجني بالمتوسطة وداعتك بوكتهة نطيتة بوكس ماانسا حتى ايدي انشكت بالحزام مالتة

ضل ميكدر يتنفس بس مو بنص المدرسة تتعارك من تطلع

اوكي

[Graph_Y]

جذبني حل امبيرور ... حل حلو تره و مناسب لفئتكم العمريه .. يعني اخذ حقك بايدك لأن ماطول ميستحون لا الأداره ولا اخلاقهم حتخليهم يبتعدون عنك.. و هم موجودين لأجل مصلحه .. فنصيحه اخويه لا تتعب ذرة تعب على اي احد تشوفه ميستاهل ... و ابتعد عنه .. و اذا ما ابتعد بكل الحالات...
استفرد واحد واحد بيهم و بنص المدرسه حتى يشوفوك العالم و يخافون منك... ترا و لا تخاف بوكس واحد بس و داعتك و كلها تخنس ... (( يمكن حنوديك للتهلكه بحجينا ) خخخ بس شسوي هو هيجي التعامل ويا هيجي مجتمع مراهق .. اني هم اتذكر بعمري مره وحده طفيتله عين واحد كلسع يضايقني .. السنه كلها لعبها النفس نفسي.. الى ان طفيتله عينه اشو كام يحبني و يدك ناعم وراها .. المهم لا تستخدم الات حاه و كون عنيف و استخدم بعقلك و بدون عصبيه .. عود من تصير الصدك تره انت متعرفنا اوكي؟؟ احنا فالتين راسا.. خخخخ

[حــــــورية أيطاليـا]

اخوية نمر كل واحد الزمة اكوتلة كتلة من هاي التمام صدكني بعد ميجي يمك اخذهة نصيحة مني
لان مرة واحد ضوجني بالمتوسطة وداعتك بوكتهة نطيتة بوكس ماانسا حتى ايدي انشكت بالحزام مالتة
ضل ميكدر يتنفس بس مو بنص المدرسة تتعارك من تطلع
اوكي

جذبني حل امبيرور ... حل حلو تره و مناسب لفئتكم العمريه .. يعني اخذ حقك بايدك لأن ماطول ميستحون لا الأداره ولا اخلاقهم حتخليهم يبتعدون عنك.. و هم موجودين لأجل مصلحه .. فنصيحه اخويه لا تتعب ذرة تعب على اي احد تشوفه ميستاهل ... و ابتعد عنه .. و اذا ما ابتعد بكل الحالات...
استفرد واحد واحد بيهم و بنص المدرسه حتى يشوفوك العالم و يخافون منك... ترا و لا تخاف بوكس واحد بس و داعتك و كلها تخنس ... (( يمكن حنوديك للتهلكه بحجينا ) خخخ بس شسوي هو هيجي التعامل ويا هيجي مجتمع مراهق .. اني هم اتذكر بعمري مره وحده طفيتله عين واحد كلسع يضايقني .. السنه كلها لعبها النفس نفسي.. الى ان طفيتله عينه اشو كام يحبني و يدك ناعم وراها .. المهم لا تستخدم الات حاه و كون عنيف و استخدم بعقلك و بدون عصبيه .. عود من تصير الصدك تره انت متعرفنا اوكي؟؟ احنا فالتين راسا.. خخخخ
http://www.dijlh.net/forums/images/icons/116.gifhttp://www.dijlh.net/forums/images/icons/116.gifhttp://www.dijlh.net/forums/images/icons/116.gifhttp://www.dijlh.net/forums/images/icons/116.gifhttp://www.dijlh.net/forums/images/icons/116.gif
http://www.dijlh.net/forums/images/icons/102.gifhttp://www.dijlh.net/forums/images/icons/102.gifhttp://www.dijlh.net/forums/images/icons/102.gif
هاي شسويتوا بالولد
لاتسمع كلامهم اخوية ترة يمكن ديتمازحون وياك ::56::
انتوا الولد اسهل شي عدكم العركات ليش
تسمحلي انطيك نصيحة
والله اعتبرهم غير موجودين وحتة لو يضايقوك ابتسم بوجهم
وأني أكلك انت حقك دتتأذة لكن اكبر رد لاي شخص يزعجك هو السكوت راح يموتون والله
وانت بعد بكيفك,,,ونصيحة لاتثق بأحد بسهولة دائما كون حذر
وخاصة بالعلاقات صح ابناء البلد يرادون بس مو دائماً ومو كلهم
ودائما لازم تسوي حدود بينك وبين المقابيل ومتخلي احد يتعداها وهذي النصيحة للمستقبل
وانت على ابواب الكلية فلازم تحذر وتتعلم على هيج نمط منا ورايح
اتمنى ان تكون اخذت كم فكرة من الاخوة والاخوات الي ساعدوا بأرائهم
وان شاء الله تدرسهن وتعمل الي شوفه صحيح الك
تقبل تحياتي اخي العزيز
...

[البزونة الوكيحة]

والله اني برئي بان تتركهم احسن لان همه ماخلو احترام الك ولا بانه انته من بلد واحد. اتعامل وياهم بالعين الحمره او اتركهم ماكو داعي تساعدهم ولا دفاتر تنطيهم عل حاضرخلي يتعبون نفسهم (يامن تعب يامن شكه يامن على الحاضر لكه)

[النمر الابيض]

شكرا لكل من دخل للموضوع و نصحني
وبالمناسبة اخ الامبراطور والاخ Graph_Y ترة اني متعارك قبل

يمكن طول عمري متعاركت الا مرتين مرة بالمنطقة عركة من هاي المضبوطة وكسرت خشم الولد المزعج الي جان بفرعنة(وثاني يوم اهله اجوة لابوية وصارت هوسة من هاي التمام)

ومرة تعاركت بالمدرسة وية طالب اني اول شي حصرته وكتلته بس جماعته جيتوا علية من ورة غدر وشبعوني بسط

واعتقد انه هاي العركة الوحيدة الي تعاركتهة بالمدرسة

فشغلة العراك شكرا عندي فتحة بالقلب (ولو هي قريب تتسد) وما اتحمل عراك وجهد زايد

وطبعا اني ماشي مثل رأي الاخت عاشقة ايطاليا لانه كل ميتحارشون بية اكوللهم ترة اكو الله والله ينتقم من الظالم

والله كريم

هي بس هالسنة ومباقي شي بيهة

[مصطفى ابن الاعظمية]

اخويه انته بس اكتل واحد منم هسه راح يجرون عدل كلهم

و اذا متكدرلهم البسهم او كول لادارة حتلو عراقيين يعني لازم يدوسون ابطن الواحد و ميحجي وياهم لان ولد بلده ماكو هيج منطق لازم تشوفلك حل بلحجي لو بلكتل

[memo_moon]

اخي البسهم عبالك مو وياك اصلا لتحجي وياهم يحجون وياك لتجاوب هيج نماذج نكره

ارتفع عنهم وكمل طريقك

اتمنالك الموفقيه والنجاح وان شاء الله معدل دكتور

[هارب من الخدمة العسكرية]

مرحبة علاوي شلونك اخبارك حبي الامام علي (عليه السلام )يكول اتق شر من احسنت اليه

يا اخي البسهم وعوفهم معليك بيهم همة من يشوفوك لابسهم هسا يضلون يدورون وراك علة الزغيرة والجبيرة وداعتك راح حتة دوخهم من لبستك الهم وانتظرني بس تصير نقلتي البغداد اعرف شلون اكنسلهم

اخوك الهارب::51::

[Mary Mar]

والله اخي لو تعوفهم احسن لان هيج اشكال متستاهل تحجي وياها يعني لاتتعارك ولاتسوي طبل عليمن
وبعدين حتلو هذولي عراقيين يعني ميصير بس عوفهم وهمة اكيد ح يرجعولك
تحياتي

[النمر الابيض]

تسلمون شباب على هذه الاقتراحاات والاراء المفيدة

وعاشت ايدكم

تعبتكم وياية

[قمر عراقية]

شوف اخوي الانسان اللي شخصيتة قوية يفرض هذا الشي من اول يوم وخصوصا الاحترام مهما كانو اصدقاء لك الاحترام لازم يكون موجود
حتى لو انت جديد وبالامارات اكو مثل يقول لو تصاحب خوش صاحب لو تظل من غير صاحب يعني انت على هذا الحجي لو تظل من غير اصدقاء احسن لك حتى لا ياثرون عليك هيج خلي شخصيتك اقوى من هيج وقف كل واحد عند حدة حتى لو الاستاذ يشرح انت وقف الحصة واوقف قدام الطلاب وفشلهم وقدام الاستاذ

اخوي ترى اذا تظل هيج صدقني تتعب وماكو فايدة

تقبل تحياتي ويارب اسمع عنك كل شي حلوووو

[سينارلاين]

والله يااخى شكلك بس لو تعوفهم ومدير بال الهم احسن لان صداقتكم ناقصة شى كلش مهم وهو .............الاحترام............. لان الصداقة الحقيقية قائمة على اساس الاحترام وحاول تجنبهم لان همه يردوك تصير مثلهم............................................. .....تقبل مرورى

[TOTI_wael_TOTI]

انطيك حل بس يطول شويه

اسوي جوازي واسوي الفيزه واجيك ونرح نصمط ابو ابوهم دك معدل والله

انطيك خطه اني هم عندي مثلهم بلكليه بس اني ما اسكت لان مو شاطر طربكه

يابه افشلهم فشله مو طبيعيه وسويهم مضحكه

واحسنلك لا تنطيهم نقل وعوفهم

ولبسهم لان الحكران يكطع المصران

ماتشوف شر نمر يله اعلسهم

[huthaifa]

اخوية نمر كل واحد الزمة اكوتلة كتلة من هاي التمام صدكني بعد ميجي يمك

اخذهة نصيحة مني

لان مرة واحد ضوجني بالمتوسطة وداعتك بوكتهة نطيتة بوكس ماانسا حتى ايدي انشكت بالحزام مالتة

ضل ميكدر يتنفس بس مو بنص المدرسة تتعارك من تطلع

اوكي

خوش نصيحة واني صراحة اؤيد هذا الرأي
وخاصة اه العراقيين اللي عدنا هنا نصهم نفس الشي
المهم الزمه بالمدرسة
مو بره المدرسة
لانه انت تعرف انه اذا بالمدرسة فا يم المدير تنحل
بس اذا بره المدرسة راح تجي الشرطة وتنام فد يومين بالقليل
صح لو لا
يعني الزم واحد ودكه وخلي الباقي يخافون ويتعضون
وانت قبلها روح للادارة
علمود يعني مثل انه يكون خبر يمهم
وراها علمود من تتعارك وياهم وتدكه يكون عدهم مثل الخبر
وقللهم انه انتوا ما سويتوا شي وهذولة ديتمادون
فاخذت حقي بأيدي
ها شلون نصيحة
تحياتي الك
والله يحل مكلتك ومشكلتي