طهر قلبك بدمعه للعراق اهداء الى بنت دجله

[بلاد الرافدين]

هذه قصيدة اتمنا ان تنال اعجابكم لكل شخص يتهمني بالطائفيه لان قلت كلمه حق ولكي اثبت اني لست طائفيا انا فقط عراقي ولا اكثر والى كل شخص يحب العراق واهله فقط لا غير والى كل شخص غيور على بلدة ان نبتعد عن المواضيع الطائفيه اي كانت ولتكن مواضيعنا ضدها وضد من يروجها وتحياتي للجميع
القصيده مهداه خاصه الى بنت دجله لاثبت لها اني لست طائفي ولاكني قلت كلمه حق لا اكثر او باحرى اعطيت رائي لا اكثر وشكرا

بعد ماي الفرات لضيفنا نبدي ... و الگطان الازرگ ما نكر شصة
و كل اسباب جوعي بدون استثناء ... كلها تروح فدوة لورقة الحصة
گَبل خطار اجاني و صادفت عوز ... على خدودي شمع ذابت الگصة
و لان تنوري طين و غيرتة من الگاع ... خلص عدنة العجين استنسخ الگرصة
هسة شبينة ليش؟ و شختلف بالناس؟ ... اذا يلتفت ضيفك ينوكل نصة
اهلنا البيت واحد شو صفوا ضدين؟ ... ملة تلوم ملة و بالگلب غصة
اركض طاح اخوك بظهرة حط سجين .. لا غيرك يذبحة تفوتك الفرصة!
سكرانة العدالة و ناس تاكل ناس ... زمن صارت خوات العلوة و النصة
طم هور الچبايش و انفي كردستان ... و بگلب الرمادي خنجرك رصة
ولك مو عيب! و احنة اللي نشيل الراس ... شلون جفوفنا تگض راسنا تگصة؟؟؟
اختلفنا احنة بعلي و بعمر و بعثمان ... لو يدري محمد بينا ما وصة
المحتل اطلعة حط ايديك وياي ... يا محتل طلع بالهوسة و الخبصة؟
گطرة حيا آنه و انت گصة
يعرفنا النشد عنة و التگصة
و لك احنة بجسم واحد و التگصة
چفك لا تظن گصيت ايدية
فدوة أرجوك تهدة و تلعن الشيطان ... عسا من غيراك ببختة و بحظة
آنة شردت منك غير ننسى الراح؟ ... و طرفك ع الزعل بيناتنا تغضة
انفطمنة على البنادق و انت تعرف زين ... الشُعيرة بلا نفع لو زعلت الفرضة
آنة و ياك سيف و نذبح الجلاد ... و اذا تعجز ايدينة بلوزتة نعضة
العباس جدنا الما احتاج چفوف ... ظل حد السنون اللازم القبضة
چا شنهي عليمن ليش مختلفين؟؟ ... انا شنهو القبلتة و انت الترفضة؟
يجوز الما اگضة الخلل بالچفين ... اليعبر علية چفوفك تگضة
انا غرگان يمك آني اخو عثمان ... اللي بجسر الائمة ما صفن لحظة
شاف الايد وحدة و ناس ضگها الماي ... و على گد الچفوف الطاحت تشظى
أنا دجلة الخير الما نست عطشان ... و اخوي انت الفرات و ترضى ما ترضى
اختلفنا بأولياء لله و ضعنا
و احنا الساس للدنيا وضعنة
و ربك ما نغير ما نغير من وضعنة
شرط الا تحط ايدك بدية