بعد الاحداث الاخيرة كم من الناس تغيرت عقليتهم

[sabawi]

نقاش جاد
بعد الاحداث الاخيرة كم من العراقيين تغيرت افكارهم نحو الطائفة التي ينتمون اليها
كم عائلة بدات تكره الطائفة الاخرى اللتي لا تنتمي لها وهل حقق المحتلون والاعداء الفرقة والشتات بين العراقيين
موضوع يجب ان ندركه ونضعه بين اعييننا هل حدثت الفرقة الطائفية؟؟
وكيف يمكن لنا نحن كافراد في المجتمع من توعية يعضنا البعض والوقوف بوجه هذه الموجه التي ستخرب علينا حياتنا
ارجو من الجميع الاشتراك والرد
ومااجمل التوحد
وان نكون يدا بيد لاسنية ولا شيعية ولا كرد
لا فرق بيننا نحن عراقــــــــــــــــــــــــــــــــــــــــيين
::37:: ::37:: ::37:: ::37:: الله اكبر على الظاميييييييييييييييين
تحياتي
اختكم sabawi

[ساسوكي شايل سيفه]

والله اختي اعتقد عددهم قليل جدن لا تعتقدين العراقي الشريف يفرق ابد كلنه عراقين بدون استثناء

[l_u_a_y]

لا فرق بيننا نحن عراقــــــــــــــــــــــــــــــــــــــــيين

[حسن نيت]

اي والله يا اخوان تره احلى من عراقنه منلكه بس كون ان شاء الله تفرج

[كلكامش]

والله اختي اعتقد عددهم قليل جدن لا تعتقدين العراقي الشريف يفرق ابد كلنه عراقين بدون استثناء


صدقني اخي مو قليل وما الومهم
ياخي تصور شخص شيعي شاف والده امام عينة يقتل من جماعة سنية
لو شخص سني شاف عرضة ينتهك امام عينة من ميليشية شيعية
تصور شخص يهان ويشرد ويقتل ويعذب لانه من الطائفة الفلانية
الوضع معقد جدا
لا حول ولا قوة الا بالله

[!! myth of love !!]

اللهم اطفئ نار الفتنه بنورك يا الله...كَولوا آمين

[كلكامش]

اللهم اطفئ نار الفتنه بنورك يا الله...كَولوا آمين


اميــــــــــــــــــــــــــن

[sabawi]

على العراقييييييييييين ويارب الله يخلصنا من الفئة الضالة

[sweetysara]

نقاش جاد
بعد الاحداث الاخيرة كم من العراقيين تغيرت افكارهم نحو الطائفة التي ينتمون اليها
كم عائلة بدات تكره الطائفة الاخرى اللتي لا تنتمي لها وهل حقق المحتلون والاعداء الفرقة والشتات بين العراقيين
موضوع يجب ان ندركه ونضعه بين اعييننا هل حدثت الفرقة الطائفية؟؟
وكيف يمكن لنا نحن كافراد في المجتمع من توعية يعضنا البعض والوقوف بوجه هذه الموجه التي ستخرب علينا حياتنا
ارجو من الجميع الاشتراك والرد
ومااجمل التوحد
وان نكون يدا بيد لاسنية ولا شيعية ولا كرد
لا فرق بيننا نحن عراقــــــــــــــــــــــــــــــــــــــــيين
::37:: ::37:: ::37:: ::37:: الله اكبر على الظاميييييييييييييييين
تحياتي
اختكم sabawi



مشكورة اختي على الموضوع ......

واني برأيي ....... واحجي الواقع ...... اكو تفرقة واكو طائفية ...... وتغيرت عقول الناس .......
والكل صارت تفرق ...... من المثقف للجاهل .... من الصغير للكبير .......

وهذا طبعا للاسف صار ....... بس الله كريم .......... تفرج انشاء الله ..... مشكورة

[sweetysara]

اللهم اطفئ نار الفتنه بنورك يا الله...كَولوا آمين


اميــــــــــــــــــــــــــــــــن

انشــــــــــــــــــــــاء الله

[جنـون]

اول شي مشكوره ورده
شوفي من الجهتين ديتقتلون ناس ابرياء والله ما اقبل سني لو شيعي ينتقل..يعني شنو ذنب ناس نايمه ببيوتها او توكع عليها الهاونات وهيا نايمه !
دم المسلم على اخوه المسلم حرام مادري هذوله اليدعون الدين..ميفتهمون كلام الله ؟ لو ماخذين الدين غطاء الهم ؟؟ ميعروفن اكو ناس ابريااااااااااااء رح توكع بيها ؟؟؟؟؟؟
لم ولن اكن طائفيه اتجاه اي شخص عراقي مادام ايحط العراق بنص عينه لا دينه ولا طائفته اول..
وصدكي الاحداث الصارت رح اتقوي الروابط بين العراقيين لانهو هما عايشين مئات السنين سوا معقوله هيجي بكل سهوله تتهدم؟ من ورى كم مراهق وكم ارهابي ؟
اتمنى من كل قلبي والله السني وشيعي وصابئي سوا ياكلون ويطلعون ويتونسون ..لا تفرقه ولا غيرها..
ورب ينتقم من كل ظالم..
:
:
جنونه

[RAMII]

هية موجودة من زمان عقلية التحجر والعصبية
بس ال معتدل حتى اخر ظروف صارت ما غيرت من عقلة اي شي
شكرا sabawi

[sabawi]

تفاعل جميل بس اتمنى اراء اكثر

[##hindmarsh##]

لا ان شاء الله ماكو اي تفرقة كلنا اخوان
مشكووورة على الموضوع

[الحكم الرابع]

اللي صار اختي بدا اظهاره على انه صراع بين طائفتين
ولما صارت محاولات احتواء هذا الصراع وقارنه بانو لاتوجد بالماضي سوابق ادعى من ادعى انه كانت الطائفيه تستعر تحت الرماد
وصار تكأ للماضي واستحضار ل1400 سنه بكافه فصوله في المشهد العراقي وبدا الابتزاز العاطفي للعراقيين وربط الاحداث بسلاسل الماضي

واليوم ظهرت الحقيقه المره بان الصراع الحقيقي انا صراع مصالح غطي بعبائه المذهبيه
اليوم عده تيارات تتقاتل داخل الطائفه الواحده ومن كان يدعي انه حامي الحمى ظهر للعيان انه سبب الفتنه والدليل الى سعير التفرقه

انا ادعو الشيعي اليوم لينظر الى اولئك الساسه الذين ضلوا طوال 5 سنوات يتحدثون عن حقوق ال البيت والشيعه وظلمهم كيف هم انفسهم يقتلون ابناء طائفتهم من اجل حفنه من الدولارات او الهيمنه على مقاعد هنا ومعبر للتهريب هناك

وانا ادعو السني اليوم لينظر الى اولئك الساسه الذين ظلوا طوال 5 سنوات يتحدثون عن حقوق اهل السنه واستهدافهم واقصائهم واليوم نرى باعيننا الموامرات والسعي الحثيث للتنازع حول مقاعد وامتيازات هنا وهناك وهم مستعدين لمحاربه اي مجلس خير يعمل لاعاده الامور لنصابها

لقد استخفوا بعقولنا كثيرا وجعلونا ندفع ثمن كراسيهم من دماء ابنائنا واخواننا وابائنا

انا اوجه سوال لجميع العراقيين.... هل يوجد احد من السياسيين اليوم يستحق فقدانك لذلك العزيز اخاك او اباك او ابنك او صديقك او جارك

وهل هذا السياسي رد جزء من الجميل ولو فقط جميل الانتخاب الذي اوصله لما اوصله

شكرا لصاحبه الموضوع وانا اميل للكلام الصريح لاننا مقبلون على الانتخابات وهم مقبلون على خديعه اخرى لنا

تحياتي

[رند عاشقة بغداد]

شكرآ على الموضوع
انا عن نفسي بعد الاحداث الاخيرة تأكدت ان العدو الحقيقي هو ليس العراقي من الطائفة الاخرى بل ادركت اننا جميعآ ضحية لنفس الجلاد و هو الاحتلال و اليهود و الحكومة العميلة التي جائت على دبابات او في طائرات خاصة وان الحل هو اخراج الاحتلال و اسقاط هذه الحكومة اما عن اشارة اخوية الحكم الرابع حول اننا مقبلين على انتخابات فأنا في حالة عدم وجود مرشحين من الشعب عاشو في العراق ال 40 سنة الماضية و ذو خبرة و كفائة و عدم خروج المحتل سأمتنع عن الانتخاب لانني اكون قد ظلمت نفسي اذا انتخبت لقد تعلمنا من الانتخابات السابقة حيث انتخب كل حسب طائفته او قوميته وما كنا الا مخوعين ولم نجني سوى الفتنة و الدمار
تحياتي للجميع

[احمد هلول]

السلام عليكم ان الطائفية هي ان دلة على فا انها خطوة يهودية امريكيا نحن عشنا مع اخوانا السنة في ظل الهدام 35 سنة لن ولم نعرف الطائفية اخوان يحتاج لنا وحدة الصف وان لا يفرقنا احد ....عراق وكل اسود حتى الاخبار والابيض بيك بس وجة المذيعة.... sabawi انت انسانة رائعة بحق وعاشت ايدك على هل الموضيع مع احترامي وتقديري ::51::::14::

[Number2]

كثير والله يا عيني تغيرو والذنب مو ذنبهم ... ذنب العقول القاصرة والاحزاب الشريفه

[ali jubran]

صدكني يا اخويه بس الناس المتخلفين يعترفون بالطائفيه

وانشاء احنه وطن واحد شعب واحد

[الانباري الفلوجي]

لا فرق بيننا نحن عراقــــــــــــــــــــــــــــــــــــــــيين
ما شاء الله

[الانباري الفلوجي]

السلام عليكم ان الطائفية هي ان دلة على فا انها خطوة يهودية امريكيا نحن عشنا مع اخوانا السنة في ظل الهدام 35 سنة لن ولم نعرف الطائفية اخوان يحتاج لنا وحدة الصف وان لا يفرقنا احد ....عراق وكل اسود حتى الاخبار والابيض بيك بس وجة المذيعة.... sabawi انت انسانة رائعة بحق وعاشت ايدك على هل الموضيع مع احترامي وتقديري ::51::::14::
اذا هي خطوه يهوديه شكو احنه كيفنالها

[مريم الراوي]

السلام عليكم.لاحضت اكو اهواية ناس اتغيرت وصار حجي كدامي على التفرقة والطائفية بصورة عنيفةواكو ناس كبرت عقلها ومأثرت بيها الفتنة الي زرعتها عقول ناس مريضة.انشاء الله يتوحدون كل العراقيين ونبني عراق واحد لاسني لاشيعي ولاكردي ولامسيحي العراق للعراقيين مو للطائفية

[اسد المأمون العراقي]

حبيبي موضوعك مع الاسف صح لان اكو هواية عقول جانت متحجرة من قبل الطوائف بس يلة المهم وعو اخر شي
بس اني مو طائفي ولا راح اكون ابد
تقبل مروري

[مروان الاعظمي]

وصلت الدرجة بالطائفية انه ولد الخالة واحد يعلس الثاني يجي الاول يم بيت خالتة باليوسفية ويعلسة ابن خالتة واخو العلاس ينعلس المهم واحد علس الثاني يعني الاختيين خسرن وهذا حال العراقيين كلهم يعني هوة السني مو ابن خالتة للشيعي صرنة مضحكة للعالم والله

[المعلم الابيض]

ما حدث في العراق خلال الخمس سنوات الماضية لا يغيره موقف او اكثر
الزمن وحده كفيل باخماد النار المشتعلة لدى اغلب العراقيين الذين فقدوا احبائهم واعزائهم لمجرد الطائفة او المعتقد او القومية .
ولكن الزمن ياتي من بعد الاستقرار لان تصفية الحسابات اذا استمرت بعيدا عن القانون فلن يكون هناك لا استقرار ولا اي نوع من انواع الامان
يجب ان نواجه انفسنا بصراحة نعم لقد نجح المحتل في زرع الفتنة الطائفية ، ان اختلاف الطوائف والمعتقدات موجود في العراق منذ القدم ولكن لم يحصل ما حصل الا في زمن قمة الحضارة ومع الاسف اصبح هذا الامر شئنا ام ابينا وصمة عار على العراق والعراقيين ستظل تلاحقنا الاف السنين لاننا ومع كل العقول والفكر الذي نملكه رضينا لانفسنا ان نرجع بعجلة الزمن الى ما قبل الحضارة التي اهديناها للعالم
اسف على هذا الكلام ولكن كما قلت يجب ان نواجه انفسنا قبل ان نفكر بحلول للمشكلة

[sabawi]

شكرا لكل من اجاب ورد ولو بكلمة

[شاب_حباب]

عزيزتي الاحداث الاخيرة
اثبتت ان الاحداث ليست طائفية
ولكن صراع الرؤوس الفاسدة
صراع السلطة صراع الهيمنة صراع المادة
على حساب دمائنااا ,, واستخدم ويانة اخبث الطرق ,,,

سمونة سنة وشيعة حتى يفوزون بمسرحيتهم مسرحية الانتخابات ,,

صحيح هالاحداث قاسية بس كشفت وجهم القبيح
وقربت ابناء الشعب

وشكرا