شنو رأيكم بالحب والزواج عن طريق النت

[Nora Business Girl]

هلووو شباب بنات
قررت اطرح هل الموضوع
لان منتشر بصوره مو طبيعيه
ودالاحظ شغله انه اكو هواي
ديحبون المقابيلهم بس عن طريق النت
يعني لاشايفه ولا حاجي ويا وجها لوجه
شنو رأيكم ؟؟؟؟؟
وثاني شغله اكو هواي ديزوجون بمجرد
ميتعارفون عالنت ؟؟؟؟؟؟؟؟؟
هم شنو رأيكم ؟؟؟؟؟
هل هو حب ناجح؟؟؟
وهل هو زواج ناجح؟؟؟؟؟؟؟
اني رأي حب فاشل
وزواج يمكن ينجح بس بنسبة 50%
واتمنى اعرف رأيكم
وشكرا
http://www.dijlh.net/forums/images/icons/s31.gif

[cold_0]

::2:: ياع عيني الحب هوه الحب وين ميكون بالنت بالبرغي ::52:: وين ميكون هوه حب

يعني مال مو ناجح الحب بالنت هذي سوالف لأن مادام المقابل صادق وياج او صادقه وياه يعني الحب موجود و الاحترام موجود , هوه اساس الحب الصدق و الثقه ,, مو لازم الواحد حلو ويشبة ممثل لو مغني او وحده حلوه وعده عيون كبار وشعرها للكاع اوجدي الصدق بالكلام بالتصرفات بالتعامل + الاحترام = الحب
و ضعي الصدق اولا في نفسج قبل ان تضعيه في يد الحبيب وسوف تنجحين لكن اكذبي وهوه يكذب و انتي صفطي عليه و هوه يثرم براسج بصل حتى لو تشوفيه يوميه و تحجين وياه بالتلفون يوميه فهذا مو حب ....

وشغله ثانيه الي تحب واحد او واحد يحب وحده وبعدين يطلع ديكذب عليها او هيه تتكذب عليه فهذه مو نهايه العالم او نهاية الصدق بالعالم او بعد ماكو حب مثل ما اكثر البنات و الولد يعتقدون لكن يجب عليها ان تحافظ على نفسها ولا تنقاد وراء امور تعمله من اجل ان يبقه هذا الشاب معاها او هوه يعمل امور حتى ما تزعل عليه الشابة ... بس هيه صارت لعبه مع الاسف الضحك على البنية و الضحك على الولد.. البنية تتباهى كدام صديقاتها ضربته بوري و الولد يتباهى كدام جماعته ضربته بوري يعني لا راح الولد يموت من البوري ولا البنية راح تموت و الدليل كل واحد مضروب بوري بعده عايش على ما اعتقد مع وجود جروح جراء مرور البوري من قربه او البنية الي مضروبة بوري بعده عايشه مع قليل من الاضرار ::52:: ::52::


و نسبة نجاح الحب بالنت 1000000000% و مجرب يعني مو تصفيط حجي ::13::



بس الزواج هذا شي صعب عن طريق النت لأن الصعوبة بالعوائل الشرقية و تكدرين تكولين بالعوائل جنل 2 هم ::52:: ::52:: انه تخبر اهلها انها تعرفه عن طريق الانترنيت و جانت تحجي وياه او هوه يجي على اهل البنية و من يسئلوه وين شفتها و عرفتها يكوللهم عن طريق الانترينت او راح يكذب و اي شي بالكذب ما يمشي مسافه 12.7 سم


و تره الي قال (( الحب اعمى )) جان يشوف ::237:: ومن تحبين خلي لقلبج القيادة بنسبة 75% و لعقلج نسبة 50% ::2:: وتره هاي نسب صحيحه مو تحشيش

و عاشت ايدج ::51::

ملاحظه ::: من اكول احجي او صفطي او اوجدي او انتي صادقه او من تحبين او ضعي في نفسج ... مدا اقصدج انتي او اي وحده معينه بس توجيه كلام للعموم يعني اي واحد من يقرا حتى مو يكول كولد_0 يحجي على بنت الناس او مهاجم بنت الناس بدون سبب ::13:: ::51::

[Nora Business Girl]

شكرا كولد على كلامك .....
لانه الصراحه منطقي بس مو كله
اكولك شغله محد يهتم بالمظاهر .....
بس قله قليله لان اذا الواحد حب الثاني
ينسه شكله وينسى هو منو وابن منو وميتفرج عليه
كل يوم شلابس ....
يعني لبسه حلو شكله حلو
اني وحده من الناس اسمي موحب
بس اني قصدي الانترنت ميخليك تعرف
المقابيلك زين يمكن يعجبك حجيه
يعجبك تحجي ويا بس هذا مو حب
واني وحده من الناس سامعه بقصة حب
عن طريق النت بس شنو ورا ما الشخص شافها للبنيه وعرفها يالله بدا من صدك يفكر بيها
على انه ياخذها حبيبه الا
وشغلة العائله تبقى حسب تفكيرهم
صح هي شويه يعني انه تكولهم عن طريق النت
يستصعبوها تعرف ليش
لان النت موكافي انه تختار واحد وتعيش ويا
بقيت حياتك لان هذا عمر مو يوم ويومين
وشكرا على مرورك ::51:: ::51::

[Nora Business Girl]

يعني مال مو ناجح الحب بالنت هذي سوالف لأن مادام المقابل صادق وياج او صادقه وياه يعني الحب موجود و الاحترام موجود , هوه اساس الحب الصدق و الثقه
وانت دتكول اذا كان صادق وياج .......
او انتي صادقه ويا .......
زين انت تعرف اكثر البنات واكو ولد بس مو مثل نسبة البنات
معلومات غلط بالنت .....
يعني الاسم مو اسمها . الدراسه تكوله غير الي هي تدرسه
يعني على العموم كولها تاليف
شون راح يصير صدق بالموضوع هنا القصد
بعدين من يكولها احبج تكوله المعلومات الصح
يعني هو يعرفها مثلا ويا بالجامعه او هيج شي
والمفروض تعرف كلشي عنا ويرجع ورا الزواج تكتشف
او يكتشف شغلات مجان يعرفها
ملاحظه ::: من اكول احجي او صفطي او اوجدي او انتي صادقه او من تحبين او ضعي في نفسج ... مدا اقصدج انتي او اي وحده معينه بس توجيه كلام للعموم يعني اي واحد من يقرا حتى مو يكول كولد_0 يحجي على بنت الناس او مهاجم بنت الناس بدون سبب ::13:: ::51::
مااخذها على نفسي لان اني دانتقد الكذب والتصفيط
وانت مهاجمتني انت انطيت رايك بكل صراحه
وكل واحد وتفكيره
وشكرا مره ثانيه

[مصطفى ليث قاسم]

السلام عليكم ورحمة الله وبركاته
شلونكم شباب وبنات
أريد اكوللكم فد شيئ
وأني أشكر أنامل صاحبة الموضوع
وكل إلي كلتوا بي صحيح بي تصحيح
شوفوا قبل ما ادوخكم وأحجي هواية

هو اكو قانون ومبدأ لو الكل أخذ بي وسوا حسب ما يريده ضميره ولو الكل طبقوا الحياة ما يكون بيها شيئ إسمه خداع وكذب وفشل علاقة

هو






العفة في الصدق والأخلاص فيه

ودوام الأخلاص فيه ان يكون


تعلم الأخلاص لوجه الله الواحد الأحد
وإخلاص وجه الأنسان لله الواحد الأحد في كل حركة وعمل وأن تنوي أي عمل في حياتك لله الواحد الأحد
عرفتوا الحكاية
هو هذا كل ما في الموضوع

ولو ألتمستوا هذا الشيئ فأنتم في خير
واهاااااااااا

أكولكم فد شيئ هذا الشيئ ليس بالكلام
وإنما بالتطبيــــق
وأشكركم ولح أشوف اجوبتكم وإذا تريدون تسألون أني حاضر وتامروني أمر

لأنه هذا الموضوع أني تأذيت منه مو لأنه أني عندي فد علاقة وإنما ما هلكد سمعت وأسمع أذى الأخرين بسبب هذا الموضوع

وها أكول فد شيئ

التعامل مع الغير على أساس شنو
يعني خلي أفهمكم فد سالفة
ماكو حب بإسبوعين أو شهر أو شهرين الحب شيئ خاص مو كل واحد يحس بي يعني ماكو والله واحد شفته محترم وانعجبت بأخلاقه
أشو هو إلي يجي يخطب ومن الباب ومن البيت وفترة مو قليلة تفشل الخطوبة عاد ما تعرفين منه شيئ وعلى النت
وإذا اكو علاقات بالكلية والجامعة والدائرة والعمل ويكون علاقات فاشلة عاد تكون في النت

المقارنة شيئ أكيد أكو فروقات كثيرة في الأمر وإنما الحذر واجب

ولازم يكون أكو تحجيم في الأمر والموضوع
أوكي أشوف ردودكم مشكورة يا صاحبة الموضوع

[حب مع الايام]

اختي صاحبه الموضوع
انتي طرحتي اساله وتريدين الجواب واني راح اجاوب


شنو رأيكم ؟؟؟؟؟ رأي الحب موجود بكل مكان
وثاني شغله اكو هواي ديزوجون بمجرد
ميتعارفون عالنت ؟؟؟؟؟؟؟؟؟ صحيح ويمكن ينجح ويمكن لا لان حتى الزواج بدون النت بيه نسبه نجاح وفشل
هم شنو رأيكم ؟؟؟؟؟ اني رأي النت عالم كامل والحريه مطلقه بيه ان كان بشئ مفيد وشئ غير مفيد
يعتمد على اخلاق وتربيه الشخص ان كان يقدر هذي الحريه الي بالنت اذا راح يكدر يتصرف تصرف صح

هل هو حب ناجح؟؟؟ يمكن لان مثل ماكلت قبل الحب موجود بكل مكان

وهل هو زواج ناجح؟؟؟؟؟؟؟ ممكن لان مثل ماكلت قبل شويه حتى الزواج بدون النت موجود نسبه نجاح وفشل

اني رأي حب فاشل انتي كلتيها هذا رأي واني كتبلتج رأي
وزواج يمكن ينجح بس بنسبة 50%
هم ارجع واكول ممكن
واتمنى اعرف رأيكم
اني كتبته وانشاله ماطولت عليج هوايه
واخذتي فكره بسيطه

[Nora Business Girl]

تسلم اخويه حب مع الايام
بس اني قصدي المصداقيه عن طريق
النت قليله وشكرا على مرورك

[Nora Business Girl]

المقارنة شيئ أكيد أكو فروقات كثيرة في الأمر وإنما الحذر واجب
تسلم اخويه واني قصدي لازم يكون اكو حذر اكثر
وشكرا على مرورك

[حب مع الايام]

تسلم اخويه حب مع الايام
بس اني قصدي المصداقيه عن طريق
النت قليله وشكرا على مرورك


حبيبتي اني بنيه

[Nora Business Girl]

سوري بس لان اسمج ممار عليه
ولأن اني عضوه جديده يعني مااعرف كل الاعضاء
واسمج مجان مبين
وشكرا على مرورج ::51:: ::51:: ::51::

[مصطفى ليث قاسم]

المقارنة شيئ أكيد أكو فروقات كثيرة في الأمر وإنما الحذر واجب
تسلم اخويه واني قصدي لازم يكون اكو حذر اكثر
وشكرا على مرورك


الله يسلمج
ههههه
بس حبيت تشاركيني في الكلام
وأتصورت تعقبين بس ولو
أني أشكرج على الموضوع الحلو المهم
والعفووووووووو

[cold_0]

يعني مال مو ناجح الحب بالنت هذي سوالف لأن مادام المقابل صادق وياج او صادقه وياه يعني الحب موجود و الاحترام موجود , هوه اساس الحب الصدق و الثقه
وانت دتكول اذا كان صادق وياج .......
او انتي صادقه ويا .......
زين انت تعرف اكثر البنات واكو ولد بس مو مثل نسبة البنات
معلومات غلط بالنت .....
يعني الاسم مو اسمها . الدراسه تكوله غير الي هي تدرسه
يعني على العموم كولها تاليف

ياع عيني يا نوره مو كلتلج الكذب مسافته بالحياة 12.4 سم واذا البنية ألفت حجي هم راح يجيها واحد يألف عليها و الولد كذلك يعني الله وضع الناس كلهم بالميزان شنو يسوون يحصلون بقدره و مشابه اله

شون راح يصير صدق بالموضوع هنا القصد
بعدين من يكولها احبج تكوله المعلومات الصح

اي قابل كلمة احبج ما مبينة الصدك من الكذب لو هية هيج اول مراح يكله احبج راح تجيبله شجرة العائلة ياع عيني ::51::

يعني هو يعرفها مثلا ويا بالجامعه او هيج شي
والمفروض تعرف كلشي عنا ويرجع ورا الزواج تكتشف
او يكتشف شغلات مجان يعرفها

مو هذا لقله الصدق بيناتهم مو كلنه الصدق اهم شي بالموضوع واذا البنية او الولد يريد واحد يكذب عليهم خليهم يكذبون الى ان يشبعون بس بعدين خوش يتلكوها من يشوفون المقابل هم ديكذب ::2:: يعني كروبات كذب و حب كذب ::13::




ملاحظه ::: من اكول احجي او صفطي او اوجدي او انتي صادقه او من تحبين او ضعي في نفسج ... مدا اقصدج انتي او اي وحده معينه بس توجيه كلام للعموم يعني اي واحد من يقرا حتى مو يكول كولد_0 يحجي على بنت الناس او مهاجم بنت الناس بدون سبب ::13:: ::51::
مااخذها على نفسي لان اني دانتقد الكذب والتصفيط
وانت مهاجمتني انت انطيت رايك بكل صراحه
وكل واحد وتفكيره
وشكرا مره ثانيه


وثكرا لأثارة الموضوع الحثاث جدا ::51:: ::51::

[سامر ميكانيكي]

اولا عاشت ايدج على هذا الموضوع الحلو
ثانيا اني اعتقد الحب عن طريق النت في اغلب الاحيان حقيقي
يعني مثلا مرات انتي تحجين ويه واحد عن طريق المسنجر وتتعرفين عليه وتتعلقين بيه من دون ان تشوفيه
واني اعتقد الزواج الناجح عموما يحتاجله فتره من التعارف والتفاهم واعتقد انه النت يوفر هذه الاشياء
وفي الختام لك مني يا اختي العزيزه احلى سلام

[Nora Business Girl]

تسلم اخويه سامر ...
بس تبقى الشغله كل واحد وتفكيره
ورايه .......
تسلم على كلامك العسل ورايك الاحلى ::51:: ::51:: ::51::

[نونة القلب]

هلو نورا حبيبتي موضوعج كلش مهم وحلو بنفس الوقت

واني رأيي والله ليش مايصير شكو بيها أذا كان الطرفين صادقين وية بعض
ترى الحب مو مجرد أنو الشخص يقتنع بالمقابل لشكله
يمكن الاحظ شغله حيل ضرورية بالحب ومتوفرة بالنت بالذات ومو معناها مامتوفرة بالحب المعروف لا بالعكس
يعني اهم شي بالحب الاقتناع بالمقابل من خلال التعامل الروحي الي بينهم يعني
يصير تالف قائم على الشخصية وعلى الاسلوب وعلى الروح بعيد عن كل الرتوش
الي الشخص يزين نفسه بيها يعني تلكي صفحه بيضاء كدامج هذا مرهون بشغلة
انه اكو صدق وثقة بي الطرفين
ونسبة الزواج جاي تتزايد هالايام والله اني جاي اسمع اكو هواية جاي يتزوجون عن طريق النت
وويانه ناس اعرفهم هم مخطوبين بعدهم وعن طريق النت ارتبطوا ببعض
بس هم مااكدر اجزملج بنسبة معينة بنجاح زواج النت
لان هم الزواج يعتمد على الاشخاص يعني بالضبط اشوف الي يتزوجون عن طريق (الخطبه)مثل مايكولون
شايف لبنية لو يعرفها؟ هيه مجرد مرأة تكعد تعدد بمحاسن الولد والبنيه ويصير اتفاق وزواج
هنا لا ليش مايكون اكون توافق روحي واخلاقي وكلشي بين الاثنين وهمه الي يحددو بأنفسهم
(ومو يكولون تعددت الاسباب والموت واحد)هههههههههههههههههههه
ومو تفهميني خطا وعبالج الزواج موت هههههههههه لا ترى القافية حكمت هنا وكلت المثل حتى ابين
انه الزواج يجي بأي طريقه بس اهم شي بيها قبول من الطرفين ومبنية على اسس صحيحه وتوافر الحب طبعاً
لان الزواج الي مبني على حب شي والي بلية حب شي ثاني تماما
وتسلمين ياوردة على موضوعج

[Nora Business Girl]

(ومو يكولون تعددت الاسباب والموت واحد)هههههههههههههههههههه

ههههههههههه
والله هاي حلوه منج
تسلمين حبيبتي وشكرا على رأيج ::51:: ::51::

[sweet_boy]

والله اني اشوف شغلة طبيعية
عادي يعني ما بيها مشكلة

مشكورة على الموضوع

[Unity of iraq above all]

اولا خوش بداية منج نوراتي
وانشالة تستمرين ويانا بالمواضيع الحلوة مثلج::51:: ::51:: ::51::
اني والله اشوف اكو فد شي اسمه تعلق بالانترنيت
يمكن ان يوصل درجة حب مو كامل
شلون مو كامل
اني اكللكم يعني الحب يكمل لمن تشوف الشخص تشوفه كشكل وصوت وتصرفات
النت يبين الاخلاق والشخصية
بس ميبين كلشي
فمو كافي حب النت علمود يتكون علة اساسة زواج
لانه الزواج مو لعبة
الزواج لازم يستمر طول العمر
فمو كافي النت
لازم تتطور العلاقة
المهم
بالنهاية نسبة نجاح هيج زواج
65 بالمية او 70
واني اشوف حب النت مو فاشل
بالعكس حب النت شي سامي
خالي من الماديات
تحب شخص لكلامة وشخصه
مو لشي لاخ
تحياتي

[ashash]

حب النت او حتى الحب الحقيقي الاثنين ميخلون من المشاكل..... و الزواج كذلك ميخلة من المشاكل و مهما طالت فترة التعارف الطرفين مراح يعرفون كل شي عن بعض اكو اشياء و تصرفات متبين الا بالعشرة..و هذا ينطبق اذا كان زواج عن طريق النت او زواج عن طريق الواقع....
و في كل الاحوال لازم يتعارف الطرفين و يكون مبني على اساس صريح و واضح ميكون مبني على اساس الخداع و هذا يشمل الطرفين.....
و لكم مني كل الحب....

[sartar]

عاشتايدج نورا على الموضوع ............
والله موضوع واقعي وصاير ........
اني شخصيا عندي اصدقاء اثنين تزوجو عن طريق النت ........
والثالث راد يتزوج بس مصارت ......... اهلها عارضو .........
المهم يعني ...........حب النت وزواج النت شي جميل
وخاصة بالعراق ............
لان حاليا .......
لا اكو نوادي او اماكن عامة يتعارفون الناس بيها ......
واغلب الشباب ميتزوجون من همة بالجامعة ......
لان بعدهم يجهلون مستبلقهم ..........
المهم ............
فطبعا من يصير تعارف لفترة طويلة بالنت وبعدين يتعارف عليها بالحقيقة .......
واذا شافو نفسهم يوالمون بعض ليش لا ...........
وبعدين اكول يتعارفون لفترة طويلة .........
لا واحد يمكن يكذب مرة بس ميكدر يكذب مرات ولازم يزل ..........
وترة اللعيبي من الحبيب الصادق يبيبن .........
بنت ولا بغير نت ................

وعاشت ايدج نورا ............
ونريدج بعد مواضيع حلوة مثل هذا الموضوع ............

[Nora Business Girl]

ashash
تسلم على رأيك ::51:: ::51::
تسلم سويت بوي وتيقى كل واحد ورايه::51:: ::51::
اني اكللكم يعني الحب يكمل لمن تشوف الشخص تشوفه كشكل وصوت وتصرفات
النت يبين الاخلاق والشخصية
تقريبا وصلتي للي اريد اقصده مشكوره يونتي ::51:: ::51::
لا واحد يمكن يكذب مرة بس ميكدر يكذب مرات ولازم يزل
لا وداعتك اكو بارعين بالكذب ......
تسلم على رايك ::51:: ::51::

[sartar]

لا وداعتك اكو بارعين بالكذب ......
تسلم على رايك ::51:: ::51::
اذا همة بارعين بالكذب .........
خلي المقابيل هم يكون حذق وبارع باكتشاف الكذب ......
وصدكي شكد ميردون يكذبون لازم يخطأ وينكشف ...

[اسير عينيها]

واني اشوف حب النت مو فاشل
بالعكس حب النت شي سامي
خالي من الماديات
تحب شخص لكلامة وشخصه
مو لشي لاخ



اني رايي من راي يونتي وسارتر

الحب والزواج عن طريق النت شي عادي
وبالنسبه الي صديق اتزوج وحده من دول الخليج
بس اهم شي المصداقيه والصدق بين الطرفين

[العمدة]

اني قد اكون شخص عابر ...صدفه قرأت الموضوع وحبيت اطلع عليه وحبيت ايضاً انقلك قصة قصيرة عشتها...
اولاً موضوعك حلو وسلس والدليل .... ان الاخوة الي ارسلولك اجوبتهم كانو صادقين بكل كلمه گالوها كانت ايجابيه او سلبيه...
بس راح اسمعك هاذي القصة القصيرة ..واني اعتبريني اخوچ انشالله. كنت على علاقة مع ابنيه بالجامعة .. وهي مو بس ابنيه كانت الي بمثابة زوجتي وحبيبتي واختي واخويه وامي وابويه وام عيالي الي علمودها راح اتعب.. وعشنه احلى ايام عمرنه بهالجامعة وكنى مثال للعشاق والكل حاسدنه ... بس ما كان اكو ارتباط رسمي ...وبنفس الوقت عائلتها ما كان عدهم مانع بزواجنه ...كنى منتظرين التخرج حتى نبني بيتنه ونحلم بتكوين اسرة .... واصدقائي كانو فرحانين بينه والكل يحبنه واني الها وهي الي.. وكان عندي صديق هو من اعز اصدقائي كان محتاج الى حب ... حب يعيش من اجله ومراة تهتم بيه وتحسسه برجولته وكان هو من الولد الي ميحب يحرج نفسه . وكان يشكيلي بانه محتاج ان يجد المراة الي يحبها مثلي ويبني وياها حياته ..وكنت اقدمله النصيحة ..الى ان في احد الايام اجاني وگلي تعرفت على بنيه على النت ففرحت كلش بصراحه لان حسيت لگه الشي الي يدور عليه .. وفعلاً مرت الايام والبنيه رادت تشوفه ... تدرين وين طلعت تدرس.. بجامعتنه ..وكان خبر مفرح .. والتقو فعلاً وانعجبو ببعضهم وتفاهمو على صداقه والصداقه اصبحت حب والحب اصبح غرام والغرام اصبح ارتباط خطوبه والخطوبه اتترجمت الى زواج وهمه اسعد اثنين موجودين بين اصدقائنه ... في وقت من الاوقات شككنه اني وحبيبتي بنتائج علاقتهم وحكمنه عليها بالفشل مسبقاً لاسباب انتي طارحتها وحاكمه عليها بموضوعك هذا ...ودارت الايام بينه واني الي كنت اعلم الناس على الحب اخذو حبيبتي مني ومنطونياها ودمرو حياتي وحياتها لاسباب طائفيه واسف اذا دا اكولها ... المهم مو موضوعنه ..الانسان اذا راد ان يختار شريك حياته لا تساليه عن طريقة التقائه بشريك حياته ...لا يا اختي .. بس اسالي واستفسري ان هي صادقة وياه لو مجرد هوا يروح ويه العواصف ..اسف اذا طولت بالكلام واتمنه اكون قد وصلتلك كلمة .والي الشرف ان اكون احد اصدقائكم وشكراً... عمدة الكيمياوي...

[اسير عينيها]

ودارت الايام بينه واني الي كنت اعلم الناس على الحب اخذو حبيبتي مني ومنطونياها ودمرو حياتي وحياتها لاسباب طائفيه واسف اذا دا اكولها

الله يكون بعونك يا عمده

اسف اذا طولت بالكلام واتمنه اكون قد وصلتلك كلمة .والي الشرف ان اكون احد اصدقائكم وشكراً... عمدة الكيمياوي

كل الهلا بيك عمده وكفيت ووفيت بردك واحنا يسعدنا تواصلك ويانه...

[Nora Business Girl]

تسلم اسير عينيها
وكل الهلا بيك عمدة الكيمياوي وصدك الله يساعدك
بس هي بعد قسمه ::27:: ::27:: ::27::

[العمدة]

اشكركم يا اخواني على ترحيبكم الي بهالحراره وهالاحترام الحلو واشكركم على عزائكم الي ... فعلاً اشكركم ...
واحنه ماتربطنه ببعضنه غير كلمات قيلت قبل ساعات قليلة .. وهذا يا اختي يا Nora Business Girl ويا اخي يا (اسير عينيها )اكبر جواب ودليل على ان العلاقات سواء كانت صداقة او سالفة موضوعنه ارتباط وزواج ان النت ميمنع ان الانسان ميلتقى بشريك حياته بهالطريقة ومو عيب ولا مستحيله ولا نتائجها تكون اشبه بمغامرة خسرانه ..لا ...بالعكس انتو في عمر وثقافه تاهلكم ان تختارون الانسان الطيب من بين ملايين الناس..... بس الامر المهم ان اعرف اختار واختبر وادرس واجرب واحترم واحب بعقلي وقلبي مو بس بقلبي لان الحب متعب...! وميفيد بس احب بقلبي مثل حالي ....لان الخسران الوحيد هو انته مو احد غيرك..كان الي الشرف ان تبادلت وياكم هذا الكلام الحلو ..واسال الله ان يحفظكم ويرعاكم ويبعد عنكم كل مكروه ..
ويا اختي يا Nora Business Girl الزواج مو قسمه واذا نسولف بيه منخلص .. باختصار هو اختيار وتوفيق آلاهي ...لان لو قسمه يكون الله ظالم وحاشاه ان يكون ظالم سبحانه ..وهذا الموضوع اطرحيه للنقاش واني راح تلگيني اول الي يناقشوه ...اوجي..يعني اوكي.. وهاذي العبارة علمتني عليها حبيبتي .. يا رب يوفقها ويحفظها ويسعدها ويرزقها ابن الحلال الي يستاهلها.. اني بعدها منتظر شوكت اموت بس..
واني هسه دا اسمع اغنية لكاظم الساهر ( لو اننا لم نفترق) .... يالله باي
... واسمحولي بين فترة والثانية اكون ظيف عليكم ...بااااااااي.....عمدة الكيمياوي...

[Nora Business Girl]

اوجي..يعني اوكي.. وهاذي العبارة علمتني عليها حبيبتي .. يا رب يوفقها ويحفظها ويسعدها ويرزقها ابن الحلال الي يستاهلها.. اني بعدها منتظر شوكت اموت بس..
واني هسه دا اسمع اغنية لكاظم الساهر ( لو اننا لم نفترق) .... يالله باي
هلوووووووووو عمده
اريد اسالك سؤال انت ليش هل الكد مأيس من الدنيا ترى انت حاط نفسك بهل المكان ولا دتروح يمنه ولا يسره دتراوح بمكانك انطي لفلبك فرصه ثانيه بالحب وصدك راح تلكه نفسك ناسي القديم لاتضل تكول لو ممفترقين خلص شي راح وانت صير اقوى من هل الشي ولا تضعف كباله واهنيك هيج عندك طيبه وقلب تدعي الها

[Nora Business Girl]

ويا اختي يا Nora Business Girl الزواج مو قسمه واذا نسولف بيه منخلص .. باختصار هو اختيار وتوفيق آلاهي ...لان لو قسمه يكون الله ظالم وحاشاه ان يكون ظالم سبحانه ..وهذا الموضوع اطرحيه للنقاش
لخاطرك اني راطح الموضوع وهناك اكولك رأي

[sartar]

حبيبي عمدة ..........
اني وياك المسئلة صعبة ومو واحد سهل ينسى حبيبته واقدر الي دتعانيه..........
بس بعد اكو ظروف اقوى منك .........
وحاول تلكاك حبيبة ثانية ..........
صحيح انتة مراح تنسى الاولانية بسهولة .......
بس اذا لكيت الي تحبك صدك ........
راح تعوضك حب حبيبتك الاولى ...........
واتمنالك حياة سعيدة ومستقبل زاهر ........
وتبتعد عن اليأس ........
تحياتي

[العمدة]

اول شي احب اگللكم اني اشكركم على اهتمامكم ... وفعلاً اني سعيد بيه ...واحب ان ابادلكم هالمحبه العمياء الي دتنطونياها ...الف شكر...
يا اختي يا Nora Business Girl اني ميائس من الدنيا ولا حاط نفسي بمكان واحد لا اروح ولا اجي لا يسره ولا يمنه... احب اوضحلك اني سعيد بنفسي ...لاني قوي ... ولو ما كنت قوي كان الله الي يعلم اني شمسوي بنفسي لكن الله انعم عليه بايمان وعقل احمده واشكر فضله عليهم ..واني مو يائس بالعكس بس اني عندي قلب نفس قلبك يا اختي ( قلبي مثل قبري لا يسكنه اثنان ) مو هذا كلامك... وهذه مصيبتي ....
اسال الله ان لا تفقدين عزيز عليج .. بحق محمد وال محمد ...
وما اريد اگول ان الجرح بس اني حاس بيه لا .. اكو ناس تملك احاسيس ناس وهيه مو اصحاب المشكلة .. لان الله خلق بقلوبها رحمه وطيبه ...بس اگلج انك معايشة الي عشته اني .. وراح انطيك مختصر صغير... رجل يحب زوجته لحد للجنون وهيه كل حياته وكل دنياه وما اله احد غيرها بهالدنيا عايش لاجلها وعايشه لاجله خادمته وقايمه بواجبه ومخلصتلة اموره كلها .. وعنده كومة جهال منها .. يحبهم مثل ما يحب زوجته .. وفجأة هذه المرأة تروح من ايده .. تموت .. شنو حالة هالرجل وشلون راح تكون حياته الجايه ..شنو طعمها .. شنو لونها ... وشنو لذتها ... واني حبيبتي راحت ...اخذوها مني .. وما اريد اكول ماتت ...لا اسم الله عليها .. ما دام حاسس ان هي عايشه ولازم تنساني ولازم تعيش حياتها ... هذا عندي كافي واكبر عزاء الي .. لان غايتي ومنى عيني اشوفها سعيدة ...والله .. لان هي طيبه وروحه طيبه مو مال بهذلة ... وخايف عليها تتعب من دوني ... كلش خايف ...وحبيبتي راحت ..اخذوها مني مو لاسباب مادية ... ولا لاسباب اجتماعية ... ولا لاي اسباب تافها ...لا اخذوها لان اكو ناس متخاف الله ...بدل ما نكون مسلمين ودينه الاسلام ... لا ... صرنه طوائف...وصرنه ناس عنصريين... ونسينه الله ورسوله .. وصار الاخ يقتل اخوه .. وحبيبتي من راحت تركتلي كومه جهال همين ... وهي الذكريات الحلوه الي عشناها على مر السنين الحلوه ...
همه جهالي عايش اربيهم وابقى اداريهم الى ان ياذن الله سبحانه .... لو يرجعلياها ... لو ياخذ عمري... وراح اكلچ ان الله سبحانه وتعالى انطانه نعمة النسيان صحيح ..وخلة الايام كفيلة بان ننسه كلشي .. حتى الحياة تستمر ... ولو لا نعمة النسيان لهلك الانسان ... بس مو سهلة .. اني حبيت بصدق وبامانه مثل ما حبتني ...وعمري ما حبيت غيرها ....ولا راح احب غيرها .. ولا راح تكون مرأة بمكانها..وهذا مو معناه ان الدنيا انتهت بعد ما بيها بنات تنحب ... لا ... بس هيه مسالة قناعة بالنفس ...هي ارادة روح ... واني روحي من عمري 16 سنه كانت تبحث عن حبيبها الى ان لگته... وراح بلحظه .... وليش وعلى شنو ..مو حرام ... مو ظلم هذا ...وماكو احد يگلگ شبيك ... وغصب عني اخذوها .. وما كان اكو حل حتى اخذها الا بطريق بالغلط.. والغلط اني ما اتربيت عليه... ولا اريد امشي بيه.. وراحت مني ... من دون سبب يرضي الله ولا يرضي بشر..والي اعرفه بنفسي .. هو اني راح انتظرها .. سنه .. سنتين ... عشرة .. الباقي من عمري.. ولا تستغربين من كلامي يا اختي .. اني اعرف نفسي ...ومن راح تكونين ام انشالله ... راح تتاكدين من كلامي ... لان الحب هو شويه من حنان الام ..شويه بس..
وبخصوص الموضوع مالت القسمه ... اني منتظرك تنزليه حتى نتناقش بيه واشوف رايك ... وانطيك رايي...
دوختك ... هوايه.. بس تعرفين يا عيني .. حبيتك كاخت عزيزة ... وطيبه ... واتمنه من الله ان تقبليني اخ الك ...وهذا الي بيه الشرف .. اودعك على امل ان القاك انشالله عن قريب... زين ... باااااااااااااااي..... اخوچ ... عمدة الكيمياوي......

[العمدة]

حبيبي عمدة ..........
اني وياك المسئلة صعبة ومو واحد سهل ينسى حبيبته واقدر الي دتعانيه..........
بس بعد اكو ظروف اقوى منك .........
وحاول تلكاك حبيبة ثانية ..........
صحيح انتة مراح تنسى الاولانية بسهولة .......
بس اذا لكيت الي تحبك صدك ........
راح تعوضك حب حبيبتك الاولى ...........
واتمنالك حياة سعيدة ومستقبل زاهر ........
وتبتعد عن اليأس ........
تحياتي...

اني اشكرك يا صديقي يا sartar ... وكلامك كلش منطقي و واقعي وبيه عقل ...وفعلاً كانت الظروف اقوى من عدنه .. و وصلت بينه الى حد التهديد والوعيد ...بس منو گلك ان هي محبتني .. بحيث ان كدرت تتركني ...لا .. ياحبيبي.. هي تركتني حتى تخليني اعيش .. تركتني لان تحبني .. تركتني لان خايفه عليه .. في ما اذا لو تحديناهم .. وكانت خايفه ان يقتلوني ....فلا تلومها ..لان هي تحملت مرار اكثر مني ..ولا تطلب مني ان ادور على حبيببه ثانيه .. لا .. هذا صعب .. ومستحيل همين .. ومن سابع المستحيلات .. لان مو بيدي والله غصب عني .. ولحد يلومني لو يكول هذا خرفان .. لا ...بس هذا حبي وهذا شكله ... تدري صارلي ستة اشهر على هالمرار .. وكل يوم اروح للجامعة اكعد بالمكانات الي كنى نكعد بيها .. اسولف ويه نفسي عبالك جالسه يمي .. الى ان امل .. لان وين اروح .. اني عايش بوسط ذكريات وبوسط صور .. تركتهم اليه... مأآت الصور ... ذكريات عايش عليها .. وبيناتها .. وهيه الي مصبرتني .. ذكريات ثمن ورقها عمري ... وحبرها دموعي ... واقلامها اصابع ايدي الي متنزل منها الصور ... ومتظر رحمة الله ,, وما عندي غيرها .. ودا احاول ان استمر بحياتي .. بس لوحدي .. ويه ذكراها .. لان محد ياخذ مكانها .. الى ان اموت ...
اني اشكرك يا صديقي .. واسف اذا مدوخكم بمصيبتي .. بس الشهادة . انتو سكنتو قلبي وحبيتكم والله شاهد .. ما اعرف لان سمعتوني او تركتوني اسولفلكم .. واني كنت محتاج ان احجي مصيبتي لاحد .اشكركم وبارك الله فيكم . يا اخواني ,, انته يا sartar وانتي يا اختي Nora Business Girl وانته يا اخويه يا اسير عينيها .. فعلاً اشكركم. من كل قلبي .. دا احس براحه .. ويا رب ميحرمني منكم .. يا اطيب ناس .. ويارب يوفقكم .. ويحفظكم .. اخوكم ... عمدة الكيمياوي....

[sartar]

وميحرمنة منك عمدة ...............
ودائما سولفنة واحنة نسمع منك ............
ونواسيك ................
وان شاء الله ترجعلك.......

[Nora Business Girl]

اختي ( قلبي مثل قبري لا يسكنه اثنان ) مو هذا كلامك... وهذه مصيبتي ....
اسال الله ان لا تفقدين عزيز عليج .. بحق محمد وال محمد ...
هلووووووو عمده
اي صح هذا كلامي ويمكن اني اذا صار بيه الي صار بيك
اصير اضعف منك ولهذا اني اخاف اخلي نفسي بهل الموقف
بس لا تعتبره مصيبه اني وياك انتظرها بس مع هذا حاول اذا كدرت تنسي نفسك ........
بس تريد الصدك نيالهااااااااااااااااااااااااااااا
عدها هيج حبيب وفي ومخلص صدك اجسدها ........
لان اني عندي قاعده تكول ماكو حب واخلاص بهل الزمن بس انت ثبتتلي العكس ...........
لا اني فاقده اعز شي بس مع هذا قويه
دوختك ... هوايه.. بس تعرفين يا عيني .. حبيتك كاخت عزيزة ... وطيبه ... واتمنه من الله ان تقبليني اخ الك ...وهذا الي بيه الشرف .. اودعك على امل ان القاك انشالله عن قريب... زين ... باااااااااااااااي..... اخوچ ... عمدة الكيمياوي......
لا بالعكس انت لادوختني ولاشي واتمنى لوجنت اكدر اساعدك جان متاخرت ولا ثانيه .........
واقبلك طبعا اخويه انت واني الي الشرف ::51:: ::51::

[العمدة]

ما اعرف شاكتب ... بس شي واحد...
الحمد لله الي عرفني بيكم يا اخواني ...
ويا رب يخليكم الي...
شكراً

[Nora Business Girl]

عفوا عمده تدلل كم عمده عدنا

[القديس بغدادي]

شكراً اختي نورا على الموضوع.
بالنسبة لرأيي هو لا يوجد حب او عشق عن طريق النت بل من الممكن تكون صداقات و ليس عشق، لان العشق يفترض به ان ينتهي بالزواج و اكو اشياء ممكن تكون صغيرة بنظرنا لكن هي كبيرة بنظر الطرف الاخر يجب ان تشاهد يعني مثلا طريقة الكلام حتى تختلف، مثلا اني دا احجي وية صديق لي على النت فدنحجي بموضوع و سألني رح تخطب اي جاوبته بكلمة يجوز بس بطريقة سخرية و استهزاء من الخطوبة يعني قصدي منها لا ماكو هيج شغلة بس شنو هو اللي طلع گدامة طلعت كلمة يجوز يعني طلعت بدون مشاعر و احاسيس و ايماءات، و هاي بكلمة طيب شلون بالمشاعر و الاحاسيس التي تُحس و لا تُـرى يعني نحن ممكن نحس الحب ولكن لا نشاهده هو مثل الهواء الذي لا نشاهده لكننا نحسه هو مثل الالم الذي لا نراه لكننا نحسه.
و بعدين يا اختي العزيزة نحن في مجتمع شرقي و في العراق خاصة ليس بالمجتمع الشرقي فقط... لا بل مجتمع شرقي متقوقع على نفسه و انطوائي... يعني مثلا اكو فرق كبير بين الستينات و التسعينات من القرن الماضي من حيث اللبس و التصرفات و الانفتاح على الاخر.
دائماً كنا مغلقين و متقوقعين على انفسنا في العراق خاصة مثلا المرحوم عبدالكريم قاسم شرع قانون الاحوال الشخصية اللي هو من ارقى القوانيين بالعالم لكن العراقيين رفضوه بحجة انه كان مساوي بين الرجل و المرأة في مسألة الورث على سبيل المثال و رفضوه ( زين اذا انت متدين وزع الورث بوصيتك حسب الشرع).
اختي العزيزة نحن في نجتمع سي السيد المجتمع الشرقي اللي يعطي للرجل حق ما يستحقه و يسلب من المرأة حق هو من حقها.
و اكرر اني برأيي اكو صداقات عبر النت مو حب او عشق.
تقبّلي مروري و عذراً للاطالة

[Nora Business Girl]

هلووووووووووووووووو قديس
طبعا شكرا لرايك لان حاولت اوصله للكل بس مكدرت
وتسلم لان مثل راي

[Unity of iraq above all]

اول شي احب اگللكم اني اشكركم على اهتمامكم ... وفعلاً اني سعيد بيه ...واحب ان ابادلكم هالمحبه العمياء الي دتنطونياها ...الف شكر...
يا اختي يا Nora Business Girl اني ميائس من الدنيا ولا حاط نفسي بمكان واحد لا اروح ولا اجي لا يسره ولا يمنه... احب اوضحلك اني سعيد بنفسي ...لاني قوي ... ولو ما كنت قوي كان الله الي يعلم اني شمسوي بنفسي لكن الله انعم عليه بايمان وعقل احمده واشكر فضله عليهم ..واني مو يائس بالعكس بس اني عندي قلب نفس قلبك يا اختي ( قلبي مثل قبري لا يسكنه اثنان ) مو هذا كلامك... وهذه مصيبتي ....
اسال الله ان لا تفقدين عزيز عليج .. بحق محمد وال محمد ...
وما اريد اگول ان الجرح بس اني حاس بيه لا .. اكو ناس تملك احاسيس ناس وهيه مو اصحاب المشكلة .. لان الله خلق بقلوبها رحمه وطيبه ...بس اگلج انك معايشة الي عشته اني .. وراح انطيك مختصر صغير... رجل يحب زوجته لحد للجنون وهيه كل حياته وكل دنياه وما اله احد غيرها بهالدنيا عايش لاجلها وعايشه لاجله خادمته وقايمه بواجبه ومخلصتلة اموره كلها .. وعنده كومة جهال منها .. يحبهم مثل ما يحب زوجته .. وفجأة هذه المرأة تروح من ايده .. تموت .. شنو حالة هالرجل وشلون راح تكون حياته الجايه ..شنو طعمها .. شنو لونها ... وشنو لذتها ... واني حبيبتي راحت ...اخذوها مني .. وما اريد اكول ماتت ...لا اسم الله عليها .. ما دام حاسس ان هي عايشه ولازم تنساني ولازم تعيش حياتها ... هذا عندي كافي واكبر عزاء الي .. لان غايتي ومنى عيني اشوفها سعيدة ...والله .. لان هي طيبه وروحه طيبه مو مال بهذلة ... وخايف عليها تتعب من دوني ... كلش خايف ...وحبيبتي راحت ..اخذوها مني مو لاسباب مادية ... ولا لاسباب اجتماعية ... ولا لاي اسباب تافها ...لا اخذوها لان اكو ناس متخاف الله ...بدل ما نكون مسلمين ودينه الاسلام ... لا ... صرنه طوائف...وصرنه ناس عنصريين... ونسينه الله ورسوله .. وصار الاخ يقتل اخوه .. وحبيبتي من راحت تركتلي كومه جهال همين ... وهي الذكريات الحلوه الي عشناها على مر السنين الحلوه ...
همه جهالي عايش اربيهم وابقى اداريهم الى ان ياذن الله سبحانه .... لو يرجعلياها ... لو ياخذ عمري... وراح اكلچ ان الله سبحانه وتعالى انطانه نعمة النسيان صحيح ..وخلة الايام كفيلة بان ننسه كلشي .. حتى الحياة تستمر ... ولو لا نعمة النسيان لهلك الانسان ... بس مو سهلة .. اني حبيت بصدق وبامانه مثل ما حبتني ...وعمري ما حبيت غيرها ....ولا راح احب غيرها .. ولا راح تكون مرأة بمكانها..وهذا مو معناه ان الدنيا انتهت بعد ما بيها بنات تنحب ... لا ... بس هيه مسالة قناعة بالنفس ...هي ارادة روح ... واني روحي من عمري 16 سنه كانت تبحث عن حبيبها الى ان لگته... وراح بلحظه .... وليش وعلى شنو ..مو حرام ... مو ظلم هذا ...وماكو احد يگلگ شبيك ... وغصب عني اخذوها .. وما كان اكو حل حتى اخذها الا بطريق بالغلط.. والغلط اني ما اتربيت عليه... ولا اريد امشي بيه.. وراحت مني ... من دون سبب يرضي الله ولا يرضي بشر..والي اعرفه بنفسي .. هو اني راح انتظرها .. سنه .. سنتين ... عشرة .. الباقي من عمري.. ولا تستغربين من كلامي يا اختي .. اني اعرف نفسي ...ومن راح تكونين ام انشالله ... راح تتاكدين من كلامي ... لان الحب هو شويه من حنان الام ..شويه بس..
وبخصوص الموضوع مالت القسمه ... اني منتظرك تنزليه حتى نتناقش بيه واشوف رايك ... وانطيك رايي...
دوختك ... هوايه.. بس تعرفين يا عيني .. حبيتك كاخت عزيزة ... وطيبه ... واتمنه من الله ان تقبليني اخ الك ...وهذا الي بيه الشرف .. اودعك على امل ان القاك انشالله عن قريب... زين ... باااااااااااااااي..... اخوچ ... عمدة الكيمياوي......

::27:: ::27:: ::27:: ::27:: ::27::
::27:: ::27:: ::27:: ::27:: ::27:: ::27::
::27:: ::27:: ::27:: ::27:: ::27:: ::27:: ::27::

[professional_evilxXx]

هلة واللة
هلووو شباب بنات
ديحبون المقابيلهم بس عن طريق النت
يعني لاشايفه ولا حاجي ويا وجها لوجه
شنو رأيكم ؟؟؟؟؟اعتقد انو هاي الاشياء تعتمد على الاثنين اذا اثنينهه ولد ماكو مكشكلة وهذا الشي ينطبق على ال\بنات .اما اذا ولد و بنية فهذا بحث اخر.
وثاني شغله اكو هواي ديزوجون بمجرد
ميتعارفون عالنت ؟؟؟؟؟؟؟؟؟الشغلة الثانية انو هاي الحالة ما موجودة بالعراق خصوصا لكن موجودة في باقي الدول.المهم اني اوافقج الراي انو مو 50%ناجح بس 10%ينجح و اعتقد انو ما ينجح
هم شنو رأيكم ؟؟؟؟؟رايي انو ااكد انو ماكو هيجي حالة بالعراق .؟على العموم مو ناجح و اني ما اعترف بي!
هل هو حب ناجح؟؟؟
وهل هو زواج ناجح؟؟؟؟؟؟؟
اني رأي حب فاشل
وزواج يمكن ينجح بس بنسبة 50%
واتمنى اعرف رأيكم .....................رايي مقارب الى رايج باي