توغل قوات ايرانية كيلومترات عدة داخل الاراضي العراقية

[كلكامش]

اكدت قوات البشمركة ان القوات الايرانية توغلت عدة كيلومترات داخل الاراضي العراقية من نقطة ناوزك الحدودية في مدينة السليمانية واضاف قائلا انها قامت بمهاجمة مقر حزب الحياة الحرة التابع لجبهة العمل الكردستاني ثم انسحبت دون وقوع اية خسائر تذكر من الطرفين
ولايعد هذا التوغل الاول من نوعه منذ عالم 2003 فقد سبق ان حدث في العمارة وديالى
اضافة الى رجال المخابرات الذين انتشروا في طول البلاد وعرضها ناشرين الخراب والفتنة

لا حول ولا قوة الا بالله
الى متى يستمر هذا الانتهاك وسلب السيادة

[l_u_a_y]

كل هذا ... وما يزعجني ... وما يثير دهشتي .... يطلع موفق الربيعي (الايراني) .... يتحدث أمام الاعلام بأن لايوجد أي تدخل من قبل أيران ........

[كلكامش]

كل هذا ... وما يزعجني ... وما يثير دهشتي .... يطلع موفق الربيعي (الايراني) .... يتحدث أمام الاعلام بأن لايوجد أي تدخل من قبل أيران ........


هذا ما تعودنا عليه من الحكومة ليس موفق الربيعي فقط

[flower2]

اما ايران فنهايتهم بس الله يعلمها!!!!!! هسة تشوفون .....

انشاءلله الله يبعثلهم طير الابابيل و عاصفة تقتلع هالجبناء الانذال .....والله تخسى رجليهم العفنة اللي تدوس ارض العراق.......... ما اسميهم غير بربريين و تتر

( يوم تسود وجوه و تبيض وجوه)

[ساسوكي شايل سيفه]

اذا صحيح قامت فرقه من الحرس الثوري بدخول الى الاراضي العراقيه ومهاجمه احد مكاتب الحزب العمل الكردستاني وهسه نريد نشوف رد الحكومه العراقيه ماذا سوفه تقول؟؟؟؟؟؟؟؟؟؟؟؟؟؟؟

[l_u_a_y]

ترد كل معتاد ... انها اشاعات ليس لها أساس من الصحه ...... وبلسان المدعو موفق لانه هو على أساس مسؤول عن الامن القومي مال منو مااعرف ... مال الاحتلال يمكن ...

[احــــــمــــــد النـــــــجـــــــار]

هي ضلت على الجيش يمعوديت اذا همة الأيرانين صارو اكثر من الشعب نفسة ......الشعب انقرض وهسة محد ديزيد غير بس العلوج والأيرانين........

[المغترب *العراقي]

السلام عليكم
همة زين اذا بس بالشارع اذ همة حتة بنص الحكومة والدوائر موجودين والله كريم

[Al7obliliraq]

هذا الخبر صحيح و هناك دخول من القوات التركيه هم

بس يا ترى شنو الي خله البيشمركه مترد على هذه القوات و الكل يعرف ان البيش مركه جيش و ليس مجرد فيلق؟؟؟


وعن العضو الي كال ان اليرانين بالعراق صارو اكثر من العراقيين نفسهم بالله عليك متكدر تكولي شلون وصلت الهل نتيجه؟؟؟

[ساسوكي شايل سيفه]

هذا الخبر صحيح و هناك دخول من القوات التركيه هم

بس يا ترى شنو الي خله البيشمركه مترد على هذه القوات و الكل يعرف ان البيش مركه جيش و ليس مجرد فيلق؟؟؟


وعن العضو الي كال ان اليرانين بالعراق صارو اكثر من العراقيين نفسهم بالله عليك متكدر تكولي شلون وصلت الهل نتيجه؟؟؟

اتحرك لواء مدرع وبمساندة امريكيه وانسحبت القوات الايرانيه الى حدودهم

[شجــن العراق]

.... يطلع موفق الربيعي (الايراني) .... يتحدث أمام الاعلام بأن لايوجد أي تدخل من قبل أيران ........

هم حقه .. لان هو مو تدخل ومجرد تدخل .. انما تحكم وهناك فرق !!

[شجــن العراق]

اذا صحيح قامت فرقه من الحرس الثوري بدخول الى الاراضي العراقيه ومهاجمه احد مكاتب الحزب العمل الكردستاني وهسه نريد نشوف رد الحكومه العراقيه ماذا سوفه تقول؟؟؟؟؟؟؟؟؟؟؟؟؟؟؟


ان كالت وان ماكالت , مرح يقدم ويأخر شي


احنا نريد حكومة تفعل مو تكول


ملينا الحجي ::56::

[كلكامش]

صدقوني مدن الجنوب تتحول الى مدن ايرانية بعد 12 ليلا

سيارات حرس الثورة تجوب الشوارع وليس هناك رادع

[صقر العراق 2]

اكدت قوات البشمركة ان القوات الايرانية توغلت عدة كيلومترات داخل الاراضي العراقية من نقطة ناوزك الحدودية في مدينة السليمانية واضاف قائلا انها قامت بمهاجمة مقر حزب الحياة الحرة التابع لجبهة العمل الكردستاني ثم انسحبت دون وقوع اية خسائر تذكر من الطرفين
ولايعد هذا التوغل الاول من نوعه منذ عالم 2003 فقد سبق ان حدث في العمارة وديالى
اضافة الى رجال المخابرات الذين انتشروا في طول البلاد وعرضها ناشرين الخراب والفتنة

لا حول ولا قوة الا بالله
الى متى يستمر هذا الانتهاك وسلب السيادة


عيني مو هاذا مام جلال ما يكدر يحجي ويا ايران تعرف ليش ؟؟ اكو تحالفات وتعاون مشترك بينه وبين الايرانيين انتو ليش تنسون هيج شي ؟؟ من دخلت القوات العراقية وحررت اربيل من المدعو جلال وين راح ؟؟؟ مو راح الى ايران لو اني غلطان ؟

بس وين السيادة ووين الدولة , اذا هو اقليم ما يكدر يحمي لعد شلون يحمي العراق ؟؟ لا صدك نسيت من منو يحمي ؟ نسيت انو الايرانيين ( اخوانهم ) ::2:: ::13::

[huthaifa]

والله يا اخوية ايران تعلب اكبر لعبة قذرة شهداها التاريخ بأسره
ايران دولة تحاول زرع الفتنة وتضرب كلا الطرفين
واكثر شي تضرب طرف السنة
بس ما ادري ليش بعض الناس يدافعون عنها
شنو مديشوفون شنو اللي ديصير لو شنو
والله يا اخوية اعتقد انه صار الاحتلال الايراني اخطر على العراق من
الاحتلال الامريكي
لانه الاحتلال الامريكي قام يخاف من العراقيين لانه كل يوم يذبحون بيهم المقاومة
بس مالقاومة بعدها ما راحت على الاحتلال الايراني
لانه تريد تعرف الخيط كله مو بس طرف الخيط
وان شاء الله الله ينصرنا على اعدائنا
ويلعن كل خائن عميل
تقبلوا تحياتي،،،،،،،،،

[عراق الحب]

اولا السلام عليكم ورحمة الله اذا يعتبر دخولي الكم غير تدخل انا اتمنه ان الكل يقراون كتلبتي

[Asd.Alrafedain]

اخي شتكول متكلي .. اذا المسؤول عن الامن القومي ايراني قابل ينطي بدولته ..؟؟
فضائح مستمرة بالرغم من محاولاتها الاخيرة للظهور بصورة الملاك البريء ..
الله يكون بعونك ياعراق ..

[DeLL Pc]

اخي شتكول متكلي .. اذا المسؤول عن الامن القومي ايراني قابل ينطي بدولته ..؟؟
فضائح مستمرة بالرغم من محاولاتها الاخيرة للظهور بصورة الملاك البريء ..
الله يكون بعونك ياعراق ..



ايراني ولا فلسطيني حشى من يسمع ...... ::2::

[كلكامش]

اولا السلام عليكم ورحمة الله اذا يعتبر دخولي الكم غير تدخل انا اتمنه ان الكل يقراون كتلبتي

شنو تقصد ؟؟؟؟؟؟؟


شكرا للكل على المشاركة بالموضوع
بالفعل الخطر الايراني على العرق
خصوصا انهم متغلغلين في مراكز مهمة في الدولة

[حيدر13]

::1:: كل هذا ... وما يزعجني ... وما يثير دهشتي .... يطلع موفق الربيعي (الايراني) .... يتحدث أمام الاعلام بأن لايوجد أي تدخل من قبل أيران ........
تقبل اخ لؤي اكلك انه حارث الضاري (السعودي) مو هسه تنكلب الدنية وتطلعون الادارة طائفية لعد انتو ليش دائما تنتقون ردود استفزازية شنو ايراني مو عيب عليك موفق الربيعي عراقي غصبا ما عليك .::1::

[@l_u_a_y@]

::1::


تقبل اخ لؤي اكلك انه حارث الضاري (السعودي) مو هسه تنكلب الدنية وتطلعون الادارة طائفية لعد انتو ليش دائما تنتقون ردود استفزازية شنو ايراني مو عيب عليك موفق الربيعي عراقي غصبا ما عليك .::1::



لماذا هذه العصبيه ........... ياأخي العزيز لاتأخذ حميتك على تنطلق بهذه الصوره المخزيه ..... وبأنك هنا تقول وبكل وضوح للأسف ... بأن أخوتنه من المذهب الجعفري هم مواليين لأيران .. ولاأحد يرضى أن يتكلم على أيران .. وأنا أخوتنا الذهب أهل السنه والجماعه هم مواليين للسعوديه . ولاأحد يرضى أن يتكلم على السعوديه ... لماذا هذا الكلام ... ياأخي ..... نحن هنا نتكلم على جميع دول الجوار العراقيه الذين لايريدون الخير لشعب العراق ..... وانا من هنا لاأوافقك ولاأسمح لك ياأخي العزيز .. بأن تربط أخوتنا في المذهب الجعفري بأيران .. ولا أخوتنا المذهب أهل السنه والجماعه بالسعوديه ... فهذا كلام خطير .... وغير مسموح به ..... وأرجوا من حضرتك بأن تفكر بالعراق وحده واحده .... وأن ترفض أي تدخل من جميع الدول الجوار ...
وأني أسف على الاطاله .... ومع الاسف لم أكن أتوقع منك أن تتكلم أو تفكر بهذه الكلمات .... لالله الاالله

[حيدر13]

اني مكلتلك لتحجي على ايران طاحظ ايران والسعودية
ورجاءا لتحرف كلامي
كلامي واضح جدا وهو ان لا تتهم شخص عراقي بأنه ايراني
موفق الربيعي غصبا عنك عراقي ومنطلقك هو المخزي وليس منطلقي لانك اتهمت شخص عراقي مسؤول بالدولة بأنه ايراني .
اتهم ايران ودول الجوار كلها مثل ما تحب بس لا تتهم اشخاص عراقيين.
اوكي؟؟