الطائفية ما تنجب ابطال

[اميره المامون]

يا بوية.... الطائفية ما تنجب ابطال

يا بوية هم وصلتلك اخبار؟

هم فزيت وبعينك دمع تتوعّد امطار؟

يا بعد الروح يا ضي الأمس واليوم

يا طفرة فرح مثل الطفل بالدار

شاخ الأمل وما همهمت مظلوم..

وقبرك عشب عطشان، ما حفته ازهار

يا بوية خوتي بيمنك واعمامي باليسار ..

ودار الزمن واندار

وغربة قبر مفجوعة ،

بحراب الطوايف وبجيرة الجار!

يا بوي

يدب الموت بجفوني وبيدي غصن

ومن كثرة جروحي ارتوى، وما ذلته النار

اميل عليك كل يوم وأحن

وسعف النخل مثله صرت من مال

وبجنح مكسور اصد الريح

وبغربة ارض حق الوطن يفديها شيّال

يا بوية هم سولفت للمار؟

هم بالقبر لكومة وجع حمّال؟!

هم سمعت بالوافد المدفون..

بشوكة " تحاصص" بوجنة الأجيال

وعظمه يأن مذهول ..

من فطنة اشتكت، وما صادفت ختيار

هم افزعت بالليل،بعراق وتشظى بالف تيار

هذا سني

ذاك شيعي

هذا عربي ذاك كردي

هذا مسيحي نصراني وجاي بكفر سمسار!

هذي عشاير بخيوط النسب

وهذي قبايل بجاه الحسب

هم فزعت يابوية من غلة المشوار؟

هم صرخت..

..كلنا همج وماكو شبل بعراقيته مغوار؟

يا بوية طبطب على من مات بغفلة زمن!

وبغفوة قبر التموا احرار

وحق عيناهم وعيناك

اصيح عليك من ترعد الدنيا..

من تمطر التربة ابرار

ونطفر سوى عراقيين

بلا عروة مذاهب ولا ثرثرة اشرار...

يا بوبة اميل عليك

وبحضني غافي الوطن..

مايل..

يحلم بثوار.....

[درع الصدر]

مشكور حبيبي كلامك روعه...............