تعليق

[سلمان الخاسر]

قدم بعض اعضاء البرلمان ورقه فيها اكثر من 100 توقيع يطالبون فيه جدولة انسحاب القوات متعددة الجنسيات وجميع الموقعين من التيار الصدري وجبهة التوافق . اخيرا التقى الاثنان المتناقضان في كل شئ والمتفقان على الجدوله . ان الجدوله المطلوبه ليست الا شعارا من شعارات بعض الفئات السياسيه المتلبسه بالدين وتريد تسجيل المواقف الوطنيه المزعومه حتى لو ادى ذلك الى خراب العراق وهم قد اسهموا في خرابه . مامعنى ان تنسحب قوات التحالف والعراق مليئ بالخلافات والتناقضات واعمال القتل التي لم يشهد لها التاريخ مثيلا . ويظن هؤلاء انهم بهذه المطالبه سيسجلون موقفا وطنيا وهم في الحقيقه يخدمون اغراض دول الجوار واعداء العراق وهم لا يعنيهم مستقبل العراق الديموقراطي ولا يعنيهم التقدم والحريه التي ما عرفناها الا حين ازيل الصنم لقد قال تشرشل العراق بركان الناكرين للجميل وهؤلاء يؤكدون هذه المقوله لطلبهم هذا ان الديموقراطيه في العراق هي الخاسره بانسحاب قوات التحالف قبل استتباب النظام الديموقراطي وهم يستعجلون انسحابها لكي يعودوا الى الاستبداد او لكي يقتلوا بعضهم بعضا . يقال الحكمه ضالة المؤمن اينما وجدها فهي عونه ومشكلة العراق تكمن في عنصرين خطيرين اولهما المزايدات السياسيه الموروثه من زمن صدام والتخلف الحضاري والفكري الذي يخاف من الاخر ويخشى التقدم .

[AlTaJeR]

مشكور اخي على الموضوع وسيد مقتدى طالب بجدوله انسحاب القوات الامريكيه من العراق
ولازم يجي يوم ويطلع بيه الامريكان من البلد ولو هسه مو الوقت المناسب بس هذا شي محتوم

[كشكول العراقي]

شكراً على الموضوع
قد يكون اخطر ما يواجه مستقبل العراق اجمع هو مثل هكذا تصرفات غير مسئوله من اناس اتو لمناصب اكبر من ادراكم و اعمق مما يعرفون بكثير فلنتكلم بواقعيه شديده
الميليشيات بكل انواعها تمسك زمام الامور في اغلب مناطق العراق من الجنوب و من الغرب و من الشرق و حتى من الشمال
هنالك صراع داخلي بين الدوله و فرض سلطتها وبين سيطرة هذه المجاميع المسلحه والصراع قوي و مستمر و سيستمر الى تقويه الدوله و تنفيذها القوانين وجعلها السلطه التنفيذيه الوحيده
القوات الاميركيه لابد ان تبقى بل بقائها يحدد مصير العراق لأنها هي الداعم الفعلي للدوله العراقيه وكل ما ذكرت مسبقاً يحوون عناصراً اكثر مكراً بألف مره
لاتتنسى البقايا البعثيه والتي توغلت في هذه الميليشيات و ما زالت تحلم و تأمل بعودة قائد الحفر لهم
ولا ننسى بقايا بعض الاجهزه الصداميه التي ما زالت تحمل السلاح بمسميات اخرى
كل هؤلاء هم اعداء الدوله العراقيه
يجب ان نقف بوجههم
اكرر الدوله العراقيه

حتى الوقت الذي نستطيع ان نقف بوجههم سنطالب ببقاء قوات التحالف
لا مجال للمزايدات ولا مجال للتفاخر بدماء الشعب
فلنكن عقلاء و واقعيين

[ابو نؤاس]

والله بصراحه اني اشوف ان الحل الامثل لمشكله العراق هو في الاحتلال البغيض الجاثم على ارض العراق وخروج الاحتلال عن طريق جدول زمني منظم هو مفتاح الفرج للعراقيين لان ينهي كل المشاكل وياخذ معه الارهاب وغيرها من المسميات اللي اجت ويا واللي جنا من نعرفها مثل الطائفيه والعراقيين ترى اقوى من هالكلام ياما صارت شغلات تحجون صدك اذا الاحتلال يطلع تصير حرب هذا الكلام لو ايريد ايصير جان صار من زمان

[كشكول العراقي]

اخ اسامه انا اتفق معك
ولكن هل نجازف
نحن في مرحلة عنق الزجاجه
لا تتحمل كل الاطراف صدى ابره
لا الان مصلحة بلدنا تحتاجهم
وبعد ان نؤسس دوله قويه
سنقول لهم وداعاً انتهى عملكم هنا
سيذهبون ونبقى .........
سيذهبون ونبقى
ثم هل تعتقد ان قوات التحالف ستغادر العراق بهذه البساطه ؟
لا اعتقد
جورج بوش في خطابه اليوم قال وبالحرف الواحد
((مصيرنا مرتبط بشوارع بغداد ..انهاء الارهاب يعتمد على انتصارنا في العراق ))

[INVISIBLE]

مصيرنا مرتبط بشوارع بغداد ..انهاء الارهاب يعتمد على انتصارنا في العراق

صحيح اني سمعتهة اليوم

[ابو نؤاس]

كشكول العراقي اني مدا اكول ايطلعون فورا وانما بجدول زمني
ثانيا ليش مكفاهم سرقه العراق صارلهم ثلاث سنين وبعدين شغله اعاده الاعمار شبيك انته اذا على مشكورين هاي سهله

[Mohammed Abod]

والله مدري شكول
اذا انسحبوا الان ستندلع حرب طائفية (بين الكتلتان ) خلال 5 دقائق بعد خروج اخر جندي محتل
وستتم تصفية حسابات كثيرة بين الاحزاب الطائفية سيكون وقودها الشعب العراقي المسكين
يجب ان تسيطر الحكومة على الشارع ونزع سلاح المليشيات ( شعيط ومعيط ) وانهاء العنف الطائفي اولا واستتباب الامن والسيطرة على الحدود وسريان القانون واستقلالية الجيش والشرطة

وما ادري اذا كنتم توافقونني في الراي



الطائفية اخطر من الاحتلال البغيض بآلاف المرات

[زيـنـبـيــة]

صحيح ان الطائفيه خطرها اكبر من الاحتلال
وهذا ما يجعل الاحتلال يسعى لاشعال الطائفيه وتغذيه نارها بايد خفيه
هم الارهابين لو صدق يريدون العراق يتحرر كان كبروا عقلهم وعرفوا ان ارهابهم ما يخدم الا الاحتلال
بس شنقول اذا هم بالاخر طلعوا جماعه وحده متفقين وحاطين ايدهم بايد بعض
وما ياكلها غير العراقي الشريف