اريد اسال سوال واريد الرد من الشباب والشابات

[ياسر الفهد]

مرت عليه محنه كنت في سياره وصار حادث مؤسف والله حادث مال موت بس ربك ستر كتب لنا الحياة مره اخرى والحمد الله كسر باليد وضربه بالراس والحمد الله الله شافني بمدة شهرين والحمدلله على كل حال سوالي هو لديه صديق اعز اصدقائي في الكليه من المرحله الاولى الى المرحله الثالثه والحادث صار في السنه الماضيه وانا في الثالث والله العضيم هذا الصديق اصلا والله ما مر عليه وسال واني بالفراش نايم شهرين وحتى اهلي بداوا يلومنني يكولون هو هذا الصديق جنت تكول هو اعز اصدقائي والله صديق اخر مو ذيج العلاقه بيه اقل شي سواه اتصل بيه على الهاتف من جانت الهواتف تشتغل وصلني باص ان باقي اصدقائي مكلفين هذا صديقي العزيز بان يدليهم على البيت مالنه لكي يسلموا عليه وهذا الصديق كالهم والله بيتهم ما اندله بالضبط وين واريد الجواب منكم ماذا افعل اغير طبيعتي وياه لو اكمل الرابع وياه بانه صديق عزيز واني من دوامت العام ما خليته يحس بان اني زعلان عليه واقل حاجيه كلته والله الاوضاع مو زينه مو مال تجي عليه شوفني والله اني بداخلي غضبان عليه كلش واريد منكم موقفكم والرد ( ماذا افعل مع هيج صديق)ومعلومه اصدقاء مو من الكليه اجوا همه واهلهم من الفلوجه والله الاوضاع جانت حيل مو زينه والسلام عليكم واريد الرد منكم اخواني واخواتي

[ೋ ياقوتـــة دجــلة ೋ]

السلام عليكم ورحة الله وبركاته


باديء الامر شكرا الك على طرحك لمشكلتك وي صديقك بالمنتدى حتى نناقشك بيها

نصيحتي الك

لتظلم صديقك يجوز كانت عنده ظروف اقوى منه منعته من زيارتك وقت ماكنت مريض

بالنسبة للي فهمته منك انه اصدقائك سائلين على عنوانك وهو يعرف العنوان ومگاللهم عليه

هالتصرف محلو منه

وانصحك ان تحذر من هالشي

وكمل وياه هالسنه لان العشرة متهون والدنيا هذي غدارة بلمحة بصر تخطف الانسان الغالين من عدنا
طبعا اسم الله عليكم

بس الحلو الواحد يترك الذكرى الحلوة من يتخرج من الكليه

واذا بقيت وياه يعني مو مثل قبل خلي علاقتك بيه بحدود

ومن تتخرج رح تنذكر بالخير ويگول والله اني غلطت بحقه وهو معافني هالشي يخلي ضميره يأنبه ويكون اقوى من اي كلمة عتب بحقة

تحياتي الك

كلامي الك كان نتيجة خبرة من زملائي وزميلاتي ايام الجامعة

وتذلل

[اماني]

تحيـــــــــــــــاتي الك اولا
طبعا مشكلتك هذي مرت على هواي من الناس جانو يصورون انو عدهم اصدقاء
وبوقت الشدة طبعا .......لا
لكن يمكن صارت عندة مشكلة منعتة انو يزورك واذا هو هسة يحجي وياك كمل انت ويا وصير احسن منة.....واني برأي انو الصداقة شي مينوصف واذا انت تحس بان هو معتبرك صديقة فأعذرة وكمل وياه.......
وتقبـــــــــــــــل تحياتــــــــــــــي

[ناريمان]

السلام عليكم :
انا في البدايه احب ان اقول الحمد الله على سلامتك .
اخي العزيز نحن نشكر على طرحك لمشكلتك من اجل نتناقش بها وهذا دليل على انك معتبرنا اصدقائك الحقيقين وهذا لطف منك.
اخي العزيز ارجو منك ان لاتظلم صديقك جائز كانت عنده ظروف واي شي ثاني منعه من ان يأتي اليك وانت تعرف بظروف هذه الايام .
ولكن بخصوص انه قال لصدقائك انه لايعرف عنوانك يعتبر هذا تصرف غير لائق منه.
لكن انت استمر معه وكن افضل منه من اجل ان يندم على اي شي فعله في حقك
لان انت تعرف ان هذه الدنيا خلصانه ما يبقى من الشخص غير الكلمه الطيبه وان شاء الله تكون انت من الطبين .
وهذه اخر سنه في الكليه واترك لك كلمه طيبه يذكرها لك كل اصدقائك .
ارجو منك ان تتقبل مروري

[جروحي الشرير]

السلام عليكم
وحمدلله على السلامة انا مع كل اللي كالولك اخواتي واخواني سابقا وانصحك يا اخويه العزيز ان تستمر وياه على الاقل بالكلية وعلى كلامك هاي اخر سنة وتوكل على الله وحاول تعمل المستحيل لتقربه اليك من جديد وحاول ان لا تقطع علاقتك بصديق دامت مثل هذه المدة واكو مثل شعبي يكول سوي زين والكح باشط فانت امشي على هذا الشي وان شاءالله الله يوفقك وتعود المياه لمجاريها
وتقبل مروري حبيبي

[بلبل الرياضيات]

والله ماادري

[rafidain]

اني بس راح اكلك حديث للنبي عليه الصلاة والسلام

(( التمس لاخيك بضع وسبعون عذرا فان لم تجد فسامحه ))

صدق رسول الله


انطيه العذر ولا تضن بيهالسوء وعسى ان تكون هناك ظروف منعته وما يكدر يحجيها

والسلام عليكم

[احاسيس حائره]

اول شيء الف الحمدلله عالسلامة اخ ياسر
__بالنسبة للفكرة اللي طرحتها فرة مهمة وهواية مارين بيها
وبالنسبة لصديقك رايي بصراحة انه تستمر معه ومتكطع علاقتك بيه لان الصداقة حلوة وانت شكلك تقدر الصداقة بس يفضل انه تكون صداقة من بعيد يعني ما تعتبرة صديق مقرب الك
لو اني بمكانك افاتحة بالموضوع واگله الصراحة اني هيج اخذت عنك نضرة من ذاك اليوم وحسب رده تقرر انت شتكون معاه يمكن بوجهة نضرة وضروفة يقنعك..
تقبل مروري وعذرا على الاطالة

[الحزينه]

والله اخويه اولا الحمد لله على السلامه
ثانيا انت خلي قلبك ابيض والله يبارك بيك على هذا التصرف لان ما قابلت هذا باسوء
والانسان ينجح بحياته كلما نيته كانت افضل