اكتب بقلمك واحساسك مكانة بغداد الحبيبة في قلبك

[ملكة الليل]

السلام عليكم
شلونكم اخواني وخواتي
اني اعتذر منكم اتأخرت عليكم هوايه
صح دخولي صاير كلش نادر بس انشاء الله مااقطع وياكم
وراح ابقى متواصله وياكم بردودي وبمواضيعي
.
.
اليوم موضوعي مو غريب ولا صعب
اليوم موضوعي هو من سلسلة برنامج افتح قلبك مع ملكة الليل
.
افتح قلبك واحجيلنه عن بغداد
اريد اعرف كل واحد مكانة بغداد بقلبه
.
هذا الموووضع يجمعنه كلنه بكلمة وحده
هى حبنه لبغداد ان كنت في حضن العراق او كنت غريب مشتاق اتشوف بغداد
واتمنى من الكل تدخل وتسجل مدى تلاحم شعبنه لحبهم لبغداد ولهذه المدينه العريقه التاريخيه
واتمنى من المشرف ان يثبت الموضوع ولفتره اكثر من المقرر حتى تتيح الفرصه للجميع
واتمنى حتى زوار منتدى الجامعه المستنصريه بالدخوله له وتسجيل مكانة بغداد في قلبهم
اخواني اخواتي بالمنتدى اتمنى طيب التصفح على هذا الموضوع مع تسجيل احلى الكلمات
.
.
http://www.netcolony.com/baghdadnet/s18.jpg
.
.
http://www.sotakhr.com/uploads/pics/sahat_al_tahrer.jpg
.
.
http://www.al-hakawati.net/arabic/cities/images/city44.gif
.
.
http://garmoshi.jeeran.com/erag1.jpg

[ملكة الليل]

اني لازم اكون اول من يرد على الموووضع
لانه بغداد تعني الكثير لي
بغداد هيه روحي وعمري ونفسي في الدنيا ويومي وميلادي
.
بغداد عشت بيها وانولدت بيها وطفولتي وكل حياتي اتكللت بوجودي بين احضانها
بغداد شنو احجي عنها قليل .. كل الي اقوله بحقها قليل
بغداد مدينة الرشيد .. والمجد التليد
بغداد مدينة المنصور المدورة
بغداد هيه التاريخ والحضارة
.
بغداد يا جنة الرحمن يحفظك الله من كل سوء
.
شكد مااوصف قليل
وشكد مااوصف اشتياقي الها قليل
بس اقول الها اشما يصير راجعتلج بغداد
راجعه حتى تشوفين لهفتي عليج
وشكد البعد اذاني
مشتاكة لشوفتج عيوني يا بغدادي
.
.
اهدي لكل الاعضاء هذا المقطع من اغنية ماجد المهندس تفرج ياعراق
.
تفرج ياعراق ويرجعلك شبابك
مشتاك لهواك اريد احضن ترابك
تجيني انت بمنامي واوصلك واجيك
مدري انت بيه مدري اني بيك
.
حبيبي ياعراق بااهلك انت باقي
احس كل جزء مني ينادي اني عراقي بيدي امسج جروحك
وبروحي افتديك واعبرلك الدنيا واسجد بين ايديك
عمري ياعراق مايغلى عليك

[amar]

يا اهلا وسهلا بيج يا ملكتنه المبدعه منوره والله والله مشتاقين لمواضيعج الحلوه و ان شاء الله بعد متغيبين عنه و دائما تتواصلين ويانه هسه نجي للموضوع
والله يا ملكه ذكرتيني باغنيه هيثم يوسف (( ما نلكه مثل بغداد ام واحنه الهه ولاد )) اكيد بغداد غااااااااااااليه علينه و اكيد ترجع احسن من ماجانت ان شاء الله بغداد الي كل واحد عاش بيهه و اله بيهه ذكريات مستحيل ننساهه المنطقه من احنه صغار و المدرسه و المتوسطه و الاعداديه و الجيران و الكليه و يعني هواي شغلات و الله من نسمع الاخبار و نشوف الوضع هيجي صدك انقهر و اكول هيه هاي بغداد بس اكيد الله كريم و شكرا ملكه الموضوع كلش حلو و الصور روعه

[ملكة الليل]

السلام عليكم
مشكور اخويه عمار على التثبيت
وعلى ردك وعلى ملاحظتك لكل جديد
اشكر متابعتك للمنتدى وفعلا تستحق الدرجة الي انت وصلتلها
لانه اني وكل الاعضاء ملاحظين حضورك ومتابعتك لكل المواضيع وبوجودك وبوجود كل الاعضاء انشاء الله يزهو المنتدى
.
تحياتي
اختكم
ملكة الليل

[mezo_baghdad]

هله بيج ملكه نورتي المنتدى بجيتج ومواضيعج المميزه وطبعا موضوع اليوم اذا اريد اكتب عنه فميخلص الي بگلبي لان بغداد اعز مكان عندي ويساعد الناس الي بعيده عنه اني بالعطله سافرت شهرين اهلي كلولي منرجع هسه كمت اكمز بأول سبوع والله ولو هسه انب ابغداد كاعد بالبيت بس تبقى بغداد روحي وفؤادي وكلشي الي وحبي اله مينوصف بالكلمات مانلكه مثل بغداد ام واحنه اله ولاد ورغم الي ديصير بيه بس تبقه بغداد مديمه مميزه بحب اهل اله وعلاقت الناس والجيران والاقراب الحياة الجتماعيه الي منشوفه بغير دول لمة ولد المنطقه بالشارع شلون الولد يغار على بت جيرانه وهواي شغلات تخلينه نحبه الي متنعد والله بعد ما ادري شكول بس اكول انشاء الله ترجع بغداد مثل قبل عروس ومثل مجانت ووترجع مدينة السلام شكرا اختي ويارب اكون وصلت ولو جزء صغير من حبي لبغداد تحياتي

[BLUEBIRD]

مرحبا اختي ونورتي برجعتج وانشالله دائما بينا
رغم اني مو من بغداد بس بغداد تعني العراق والعراق هو وجودنا يعني وجود بدون عراق وبدون بغداد مو اكثر من سراب او فقاعه والله ميكفي الحجي بس بغداد هي الحياة والله يشافي جروحها وترجع النا امين

[سنفورة الترجمه]

مشكووووووووووووور يا ملكه عله احله موضوع
وخير الكلام ما قل ودل ولهذا رح اكول
مستحيل اكدر اعيش بدون بغداد او بره بغداد حته لمن اسافر احس نفسي مخنوكه حته الهوا احسه يختلف وكلشي موجود ابغداد ماكو منه باي مكان بالعالم وصددددددك مثل مكال هيثم يوسف مانلكه مثل بغدااااااااااااااااااااااااااااااااااااااااااااااا ااااااد ام واحنه اله ولالالالالالالالالالالالاد

[ملكة الليل]

السلام عليكم
تسلمولي يارب على الاطلاله الحلوه
حيث كانت اطلالتكم كاالمطر على محاصيل زرعي
هطلت علينا بااجمل الكلمات لحبنا لبغداد
واروت كل حرف منها هذه الارض الطيبة
.
والله يعطي العافية على تواجد كل من mezo_baghdad و

bluebird و سنفورة الترجمه
.
.
تحيااااااااااااااااااااااااااااتي

[dark heart]

مشكورة ملكة الليل على الموضوع
وما اعرف شكول على بغداد لان ما اعتقد اكو كلمات تكدر تعبر عن حبي لبغداد والعراق

لاني لو كنت اميرة لتخذت بغداد فارسي
ولو كنت زهرة لكانت بغداد تربتي
ولو فتشت في جسدي لو جدت بغداد قلبي

[angelbio]

بغداد ضحكة شمس بغداد هلهولة..... بغداد ليش الدمع صاير الج سولة .....كوليلي شنو هلصبر خلكج شطولة...... بغداد انتي الامل بغداد انتي الحيل .......لازم يجيلج صبح مهما طال الليل

شكرا على الموضوع الرقيق والله شنكول عن العراق ميكفي والله يساعد اللي طلعوا من العراق غصب عنهم
تقبلي مروري وتحياتي على الموضوع الراقي

[ملكة الليل]

السلام عليكم
اشكر مروركم الكريم لمتصفحي
واشكر حسن الكلام لكل من

dark heart وangelbio

ودام وجودكم بدجلة
.
تحياتي

http://www.dijlh.net/forums/images/reputation/reputation_pos.gif

[مونا]

شكول على بغداد قليل بحقها بس اتمنى ترجع مثل قبل ويصير بيها امان
مشكووووووووووووووووورة حبي على الموضوع الحلو واعتقد الكل ما قصر بالكلمات
http://www.eqla3.com/pic/jollyroger.gif
http://www.asmilies.com/smiliespic/evil/025.gif
عيوننا عليكم
رئاسة لجنة النزاهة
http://fool.exler.ru/sm/ora.gif

[ღ♥ღابن الأعظمية ღ♥ღ]

هلو ملكة الليل اشلونك
والله اعذروني اني هم الوضع دمار يمنا والنت مقطوع وثكيل لان من شارع فلسطين المركز مال النت مقطوع الي ابشارعنا

اه يابغداد مدينة الاشباح صارت اهله مهاجرون
اه يابغداد اليوم تذكرتي الغزوا هولاكو صحيح يابغداد وضعوكي تحت النار وهربوا مثل الصبيان { السياسيين } فقط ..
وشعبكي مظطهد الامن والامان ...
اشوكت نخلص اعرف من نموت نخلص من الوضع
سامحيني يابغداد سامحيني ارجوكي لاني ابكي عندما اسمع تفرج ياعراق اشوكت تـــــفرج ..
صباح الخير ياعراق
مساء الموت يابغداد




اســـــــــــف
هذا كلامي في بغداد حزن في حزن ابناء يتقاتلون لاجل المناصب لالالالا يبقى احد في منصب الا لو عكس المثل { لمادامت لغيرك ماوصلت لك }

بغداد انتي في قلبي ولو ارادوا دمي لعطيتكي دون رداً اه يابغداد

[زنوبيا]

بغداد هي كل كلمه حلوه كالوها كل الاصدقاء قبلي .........
وبغداد راح تبقى هي بغداد ورغم الي ديصير بيها مراح تنهز وتبقى رافعه راسها بصمودها وباهلها الطيبين والي مراح يفرقم احد لو مهما يصير.....
وان شاء الله ربي يزيح هذا الي ديصير بيها آمين يارب العالمين .....
مشكورة اختي على هذا الموضوع وتقبلي مروري..........

[حسن نيت]

هلا عمي 1000 هلا او هايه وين شنو هذي الغيبه او تره المنتدى نور او خصوصا لمن الكل الغايبين كاموا ايبينون او ايرجعون

[ملكة الليل]

السلام عليكم
.
منو هايه مااصدك مونا حبي نورت صفحتي
الف هلا حبي ونورتي المنتدى
وتسلمين على الرد
.
تحياتي الج

[ملكة الليل]

السلام عليكم
هلا والله بااخويه الوردة ابن الاعظمية
صدك افتكدتك برد الك على صفحتي
واستغربت غيابك
انشاء الله دوم منور المنتدى بردودك ومواضيعك
.
تحياتي
اختك
ملكة الليل

[ملكة الليل]

السلام عليكم
هلو اختي زنوبيا ولو مصاير بيناتنه قبل معرفه الظاهر جديده
بس شنو ماتو مثلج شنو هل مكانة مميزه صدك من طلاتج ومواضيعج وردودج حسيتج راح تسطعين بالمنتدى وراح تكون الج مكانه اكبر واكبر بالمنتدى
.
تحياتي الج

[ملكة الليل]

السلام عليكم
.
الف هلا بااخويه حسن نيت
مشكور على دخولك وعلى متابعتك للغيبة وادعولي الله يوفقني واكمل دروسي من وكت حتى اجي من وكت يمكم واسولف وياكم
.
اكو فد ملحوظه اخويه حسن
ماادري ليش احسك اصغر مني مثل اخويه الصغير مع احترامي الك
والله بس من كثر ماانت كتاباتك قريبة للقلب وردودك حلوه يمكن لذلك السبب هيج احس
تحياتي الك

[الصكر]

مشكور جدا على هذا الموضوع اللي يستحق التثبيت
والله بغداد عدنة اعز من ارواحنا
والكلام لا يكفي للحديث عن بغداد التي فضائلها علينا لا تكفيها السطور
وكما يقول الشاعر
يفنى الكلام ولا يحيط بفضلكم أيحيط ما يفنى بما لا ينفذ؟
فبغداد هي اغلى من القلب والروح وان شاء الله تبقى منارة العز والكرامة
ونسأل الله عز وجل ان يحررها من ايدي الامريكان واعوانهم

وهذه بعض الابيات عن العراق وحبيبتي بغداد

ومالعراق سوى بيتي ومدرستي

وملعبي وله في القلب اوتاد

ولست ارضى بديلا عن مرابعه

وكيف ذاك وتاج الكون بغداد

[الاكرم]

دمك يالعراقي ليش مهدور وانتة اعلة المنايه كادر اكدور وليش انتة يالعراق ابكلشي مغدور مسجون بقفص جلاد وعالي بيك السور اشو يابيت التنشد عليه من اهلة مهجور وياطير الي تشوفة بجنح مكسور شتترجة من البلابل مسجونة عد انسور واحنة الصفينة حطب ونحترك بتنور وحتة نهر دجلة ابماية كام ايفور والصار بينة اتعده لهل الكبور والسنة التمر بينة ايامهة عاشور ورغم الجرة هذا يبقة العراق منصور وشما لفانة الضيم والله ماننسة اسم العراق بكل كلب محفور

شكرا على الموضوع الروعة
تسلمين اختي

[حسن نيت]

والله اني ردت ما اشارك الان اكيد الكلام الى لح اكوله ميعجب كثيرين
بس كلت هذا رائي او لح اكوللكميا
بغداد بالنسبه الى المكان الى ميشبه اي مكان بالعالم الان دمر مستقبلي او خلتني اكبت كل الحيويه الي عندي او اكيد كل واحد ينولد ايحب وطنه او بلد بس اني مات هذا الشعور عندي مو يعني هذا الشي اني ممتالم من الي يصير او مدى الجرح اللى ايعاني منه وطني الي اكيد غالي عليه بس الي سببليا هذا الوطن جرحني او اهاني اكثر او مهما ايكمن منو وره الي ايصير بس اني اكيد انه اني او كل عراقي اذا طلع من العراق بعد ميرجع اكيد او عذروني على هذي الكلمات الان اليوم اني فقدت احد اجوارينه يعني جيرانه او منقهر عليه كلش
او شكرا

[الكـون لهُ اسـْرار]

أهوج ُ الخطى

كعادة ِ المتخبط ِ

في تيَّار ِ الزمن

أناضل ُ الحزن َ أو

شيئا ً بي قد تعلَّق

دون َ الجنون ِ

بغداد

وعينان ِ زرقاوان ِ

وأنف ٌ كالسيف ِ

وأنامل ُ سحرية ٌ

واعتذار ٌ تملَّق

ضياع ٌ هي

أو فلنقل يا قلب ُ

ما هي ؟


بغداد




أنشودة ٌ عذبة ٌ

أم حائط ٌ عتيق ٌ

به ِ الأغصان ُ

تسلَّق ؟

أضرب ُ الحائط َ

واتكأ ضجِرا ً

أنتظر ُ منك ِ

كرما ً عطِرا ً

فإذا بك ِ

قمر ٌ على ركنه ِ

قد بدى وتألَّق

دعوتك ِ إلي

بصمت ِ عين ٍ

لم ترى النور َ

إلا حين َ أبصرت

بك ِ جمالا ً تخلَّق

فعدوت ُ إليك ِ

بآخر ِ أنفاسي

ألهث ُ نارا ً

وشوقا ً حارَّا ً

وفرح ُ اللقاء ِ

بي قد ابتعد َ

وحلَّق








تحياتي


الكون له اسرار

[mysterious heart]

مشكورة ملكة على الموضوع روعة

بغداد الهة مكانة كبيرة بقلبي وادعوا الله ان يحفظها ويسلمهة من كل مكروه
ويخليهة عامرة بأهلها وناسهة الطيبين

[ملكة الليل]

السلام عليكم
شكرا اخي صكر على المرور
وانا ادعي معك ان يحرر الله العراق من ايدي الامريكان واعوانهم
كولو امييييييييييييين
.
.
تحياتي

[ملكة الليل]

دمك يالعراقي ليش مهدور وانتة اعلة المنايه كادر اكدور وليش انتة يالعراق ابكلشي مغدور مسجون بقفص جلاد وعالي بيك السور اشو يابيت التنشد عليه من اهلة مهجور وياطير الي تشوفة بجنح مكسور شتترجة من البلابل مسجونة عد انسور واحنة الصفينة حطب ونحترك بتنور وحتة نهر دجلة ابماية كام ايفور والصار بينة اتعده لهل الكبور والسنة التمر بينة ايامهة عاشور ورغم الجرة هذا يبقة العراق منصور وشما لفانة الضيم والله ماننسة اسم العراق بكل كلب محفور

شكرا على الموضوع الروعة
تسلمين اختي


.
.
.
الله الله الله
صوت صادق وكلمات ذهبيه وتعبير جميل
عن صدق مشاعر لحبك لبغداد
اسعدني كثيرا تواجدك ( أخي الاكرم ) على متصفحي المتواضع
ولا يحرمنه من مشاركاتك
.
تحياتي

[ملكة الليل]

السلام عليكم
.
اخي الكون له اسرار
اشكر مرورك على متصفحي
وتسجيل زيارتك بكلمات جميلة
ليس بغريب منك
فاانت من سلب انظار كل الحضور بكتاباتك الجميلة
.
تحياتي

[ملكة الليل]

السلام عليكم
مشكورةmysterious heart على المرور الكريم
دام تواجدك بدجلة.

.
تحياتي

[-T-R-O-Y-]

بغداد

احمل بصدري تنهيده لمن يمر اسمها عليا يمكن احرك بيها الشمس اذا اتنهدها (لا اله الا الله )

والله مستعد افديها بروحي بس تكون ترجع مثل الاول واحلى ومستعد انام بشوارعها واظل امشي على شاطي دجلة من اول ميدخل بغداد لاخر مكان يودع بي بغداد

الله كريم وانشالله تفرج على بغداد الروح والامل


شكرا ملكة على لموضوع الجميل

[ملكة الليل]

السلام عليكم
مشكور اخويه سنونو على هذا الاحساس المفعم بالحب الذي تكنه لبغداد
وانشاء الله ترجع بغداد وترجع مدينة الرشيد مدينة المجد التليد
وشكرا لمرورك الكريم وتقبل تحياتي

[قائد قوات حفظ الممر]

شلونك شباب وبنات..
طبعا اول شي قريت كلمات الاخوان كبل ما ارد..
وبعيد عن العواطف والمشاعر الجارفه..
اريد اكوول شغله صغيره...
شنو هوه الوطن؟؟؟؟؟؟
الجواب الوطن هوه المكان الي بيه بيتك وتحس بل امان وبيه اهلك وحبايبك
اوكي......هل هاذا الكلام ينطبق على بغداد الان؟؟؟؟
الجوواب ....لا
اني ابن بغداد ..وابن الاعضميه... وعشت اغلب ايامي بل الكراده...يعني بين قوسين.....
شفت بغداد بكل حلوها..
اما بغداد هسه...
شارعنا....الي عشت بيه 10 سنين من عمري...واصدقائي واهلي وناس..صدكووني ما اعرفه من اطب بيه....
بغداد مو هيه بغدادنا الي عرفناها كبل....بغداد تركتنا احنا ولدها نموت بل المجان يوميه...
بغداد ياساده ..هيه عباره عن........ازدحام...ضوضاء...اسلاك شائكه.....فوضى........خووف..
واتحدى اي شخص يكوال العكس...
.
.
اما الوطن..
هوه الكان الي يحترم بيه حقوقي...وابسط حق...
الحياه..
(كالها ابن خالتي الي بدتريوت لما سئلته عن شوقه لبغداد)
كاااال......بغداد هيه هنا......مو يمكم..
والذكي يفهم!!

http://www.iraqcd.com/fotos/present/baghdad.jpg

بغداد ضحكة شمس!! بغــــــــــداد هلهوله
بغـــداد ليش الدمع صاير إلج ســــــــوله
كًوليـــلي شنو هالصبر و خلـكًج إشطــــوله؟؟
***
بغداد إنتي الأمل !! بغــــــــداد إنتي الحيل
لازم يجيـــلج صبح مهما يطول الليــــــــل