شوفو مشكلتي الي اعتقد مالها حل وشكرا على القسم الي راح ايريح الكثير من الاعضاء

[ساحر القلوب]

الموضوع مسحته لان البنيه سافرت اشكر كلمن نصحني وكلمن عتب عليه لان سويت هيجي
بس شسوي هذا الي ايريد ايحب من صدك ميلكه الي يناسبه

[ABO ALTOF]

والله اخوية ســالفتك امكيســـه
بس اكو حـــل واحد يمكن
انه ادز البنيه الي راحت اول مرة عليها واخذتلك الموعد
وتشــرحلها الســالفه
احتمااااال تتفهم الموقف ....!
وانشـــالله تنحل مشــكلتك
تحيـــاتي الك
::51:: ::51:: ::51::

[حــــــورية أيطاليـا]

بالبداية احب اشكرك أخ رافد على صراحتك ويانة
ومشكلتك تتكرر 60 مرة باليوم وية كل الشباب ::1::
لان انتوا هيج جنت ميت ان توافق ومن قبلت تكبرت شوية ::56::
تسمحلي بالبداية اكلك انت ممتعلق بيهة ولاتحبهة مثل متكول
لان انت لو هيج جان مرحت ويو البنية الي اجتك واخذتك
لنادي الجادرية (ابو الكبلات) http://smilies.sofrayt.com/%5E/_950/polite.gif http://forums.dijlh.net/images/icons/45.gif
جان المفروض تعتذر من هاي البنية وتكله عندي موعد
او تتحجج بأي شي موتكيف وتروح وياها ::1::
حقهة البنية برستيجهة شنو لعبة هية تجي تنتظرك وتشتلهة ::27::
انت غلطان ولو انت دتعترف بـ هذا الشي
الي اكدر اكلكياه أن تروح مرة ثانية وثالثة انت بنفسك
وتاخذ وياك وية كل مرة وردة http://forums.dijlh.net/images/icons/234.gifصدكني دا احجي عن جد
وتعتذر واذا مقبلت ترجع ثاني يوم وعلى نفس الشي
راح تقبل بعد مدة وانت مثل ما حضورك حلو بالمنتدى أجعل حضورك حلو وياها
وية متحجي كلهة شلون والوردة جايبهة وتعبان وتالي تفشليني
حتة اذا مأخذتهة منك لكن المهم لازم اتحسسهة بأهميتهة
وان شاء الله تقبل ترجعلك
بس موتعيد الشغلة وتشتلهة بهاي الحالة اروح اني واكلهة يابة عوفيه ::1::
أتمنى اكون ساعدتك شوية
تقبل تحياتي
::51:: ::51::
...

[ساحر القلوب]

والله اخوية ســالفتك امكيســـه
لااااااااا صدك

بس اكو حـــل واحد يمكن
اي يالله
انه ادز البنيه الي راحت اول مرة عليها واخذتلك الموعد
مو كلتلي بعد لتحجي ويايا وهاي اخر مره اساعدك
وتشــرحلها الســالفه
متقبل
احتمااااال تتفهم الموقف ....!
ايجوز ادزلها ابنيه بس غيرها لو تلاص بعد اكثر
وانشـــالله تنحل مشــكلتك
كول امييييين
تحيـــاتي الك
اني هم
::51:: ::51:: ::51::


مشكور ابو التوف على النصيحه الحلوهhttp://forums.dijlh.net/images/icons/065.gif

[حمـــ ابوالبلاوي ـــودي]

طبعا صراحة عندك مو طبيعية

تسلم حبي على هاي الصراحة

طبعا هية راح تقفل من الرئيسي لان انت متواعد وياها وشاتلها

وهذا اول موعد يعني انت من البداية لصتها مجان المفروض تسوي هيجي

اني اني اايد عاشقة روح وديلها ورة ةاعتذر منها وشوف شتسوي فلم عليها

كللها مكدرت احجي لان صار بية فلان موقف اي شي بس فد شي مقنع

وطبيعي راح اول شي من تروحلها راح ترفضك هذا شي طبيعي

بس انت لازم تتحمل وتظل تروحلها كل يوم اذا تكدر حسسها انه انت متعلق بيها كلش

حسسها انه انت متعلق بيها كلش وقافل عليها قفلة من هاي الموطبيعية

طبعا من تظل تستمر بهذا الموال لازم تحجي للدرب هذا فد شي ميقبل نقااش

وما احتاج اكلك اصبغها صبغة من هاي الزينة كل ما تحجي ويها انت بعد تعرف شلون تصبغها

وانشاء الله تنحل شغلتك حبي بس ينرادلها صبر وتفكير

[بنت العراق]

اذا كانت مشاعرك حقيقيه وصادقه مثل مده دكول ترجع الهااااا مره ثانيه وثالثه ........ الى ان هي تثق وتتحقق من مشاعرك مدام انت (ابو الكبلات)غلطان تتحمل نتيجه غلطك وترجع الهاااااااا ونصيحه مني لاادخل طرف ثالث بيناتكم لان تتعقد السالفه وصدكني تره هذا كله ثكل بنات بس الي ارجوه ان تكون مشاعرك صادقه لان المشاعر مولعبه والله انشاء الله ميقصر واتمنالك كل الخير::13:: ::13:: ::13::
اذا تحتاج اي نصيحه اختك بنت العراق موجوده
تحياتي::13::

[أوتــــ الحنـان ـــار]

صراحه حلوه منك اخي رافد ....
بس الي محلو هو الموقف الي سويته ويا البنيه يعني هم اول موعد وهم بالموت يلا حصلته لهالموعدتتركها البنيه خطيه مشتوله وانت كاعد ويا منو ويه وحده جنت مكبل وياها سابقا هو هذا حجي::1::::1:: ..المهم انت المفروض تروح للبنيه وتعتذرلها اكثر من مره حتى لو اظطريت تبقى واكف بباب القسم مالتها وحلو ان تاخذ هديه وياك الها وسمعها كلام حلو بلكي تنال الرضا واذا مرهمت ارجع دز البنيه الي رتبتلك الموعد الاول وخليها هي تشرحلها سبب عدم حضورك وشوف احتمال تنسى الي صار وتقبل
بموعد ثاني ولو اني اتمنى متقبل::2:: شنو هي لعبه::28::
تحياتي وانشالله نسمع منك اخبار طيبه

[ساحر القلوب]

بالبداية احب اشكرك أخ رافد على صراحتك ويانة
شكرا عاشقة للرد عليه ولازم الواحد يحجي الصراحه ابهذا المنتدى علمود تنحل مشكلته
ومشكلتك تتكرر 60 مرة باليوم وية كل الشباب ::1::
صدك يعني مو بس اني::27::
لان انتوا هيج جنت ميت ان توافق ومن قبلت تكبرت شوية ::56::
لاولله اني متكبرت عليها مجرد نسيت الموعد::16::
تسمحلي بالبداية اكلك انت ممتعلق بيهة ولاتحبهة مثل متكول
ولله احبها وتعلقت بيها وره مرفضتني اخير مره::38::
لان انت لو هيج جان مرحت ويو البنية الي اجتك واخذتك
شسوي مو هاي البنيه اسوالفها اتونس واخذني الحجي وياها وميصير اكسر ابخاطرها وماروح
لنادي الجادرية (ابو الكبلات) http://smilies.sofrayt.com/%5E/_950/polite.gif http://forums.dijlh.net/images/icons/45.gif
خوش رزاله ناشفهhttp://forums.dijlh.net/images/icons/011.gif
جان المفروض تعتذر من هاي البنية وتكله عندي موعد
او تتحجج بأي شي موتكيف وتروح وياها ::1::
ماكدر صدكيني لان مومن عوايدي ارد طلب ابنيه
حقهة البنية برستيجهة شنو لعبة هية تجي تنتظرك وتشتلهة ::27::
اي ولله خطيه اشكد انقهرت عليها ::27::
انت غلطان ولو انت دتعترف بـ هذا الشي
اني غلطان ياعالم ةبس ولله احبها::38::
الي اكدر اكلكياه أن تروح مرة ثانية وثالثة انت بنفسك
وتاخذ وياك وية كل مرة وردة http://forums.dijlh.net/images/icons/234.gifصدكني دا احجي عن جد
وتعتذر واذا مقبلت ترجع ثاني يوم وعلى نفس الشي
يعني احتمال تقبل بلكت اتصير صدك وتقبل
راح تقبل بعد مدة وانت مثل ما حضورك حلو بالمنتدى أجعل حضورك حلو وياها
شكرا عاشقة على التشجيع
وية متحجي كلهة شلون والوردة جايبهة وتعبان وتالي تفشليني
اكيد راح اتكولي مومشكلتي انته الغلطان::1::
حتة اذا مأخذتهة منك لكن المهم لازم اتحسسهة بأهميتهة
وان شاء الله تقبل ترجعلك
انشالله بس خلي اسوي الي كلتي::13::
بس موتعيد الشغلة وتشتلهة بهاي الحالة اروح اني واكلهة يابة عوفيه ::1::
لاولله بعد متنعاد لان اني رتبت هواي اشياء على هاي الشغله وكمت اسوي تنبيه بالموبايل ::2:: من ايكون عندي موعد
أتمنى اكون ساعدتك شوية
ساعدتيني هوايه وشكرا الج عشوقه::13::
تقبل تحياتي
تقبلتها طبعا
::51:: ::51::

...

شكرا عاشقه على نصيحتج الحلوه واتمنى انو اني مطولت عليج بالكلمات مالموضوع
بس بقت شغله الدنيه شتى والورد ميت ابيتنه فلازم الكيلي مكان احوسم منه ورد::2::
بيبايhttp://forums.dijlh.net/images/icons/065.gif

[ساحر القلوب]

طبعا صراحة عندك مو طبيعية
اي صح بس ماعندي غير حل وداعتك
تسلم حبي على هاي الصراحة
اني الي اشكرك لان مريت عليه بالموضوع

طبعا هية راح تقفل من الرئيسي لان انت متواعد وياها وشاتلها
هيه قافله موراح تقفل اي صح لان اني شتلتها::27::

وهذا اول موعد يعني انت من البداية لصتها مجان المفروض تسوي هيجي
ادري ولله مجان المفروض بس انته تفتهمني لازم وتقدر ضروفي بجيت ذيج اللبنيه

اني اني اايد عاشقة روح وديلها ورة ةاعتذر منها وشوف شتسوي فلم عليها
اي طبعا اني هم ايد عاشقه وراح اشوي الي كالته

كللها مكدرت احجي لان صار بية فلان موقف اي شي بس فد شي مقنع
اي هم هيج ارتبلها فلم

وطبيعي راح اول شي من تروحلها راح ترفضك هذا شي طبيعي
يبوووووووووو هم راح ترفض بس هم راح اسوي الي اتكوله

بس انت لازم تتحمل وتظل تروحلها كل يوم اذا تكدر حسسها انه انت متعلق بيها كلش
ولله اني متعلق بيها يعني من راح اروح مو تاليف::27::

حسسها انه انت متعلق بيها كلش وقافل عليها قفلة من هاي الموطبيعية
اي لازم هيجي اقرالها اليتيمه::27::

طبعا من تظل تستمر بهذا الموال لازم تحجي للدرب هذا فد شي ميقبل نقااش
صدك يعني شغله مضمونه

وما احتاج اكلك اصبغها صبغة من هاي الزينة كل ما تحجي ويها انت بعد تعرف شلون تصبغها
اي طبعا اخوك صباغ من الزينين::2::


وانشاء الله تنحل شغلتك حبي بس ينرادلها صبر وتفكير
اوكي شكرا على النصيحه الحلوه وشكرا لهتمامك بالموضوع::51::

شكرا حبي ابو البلاوي على النصيحه الحلوه وشكرا على مرورك بالموضوع::13::

[حب مع الايام]

والله يا اخ رافد سالفتك تضحك وتقهر من جهه البنيه بس هيه حقها تبقى متحجي وياك
لكن اذا انته بينت الها انوا انته مصر عليها وتريدها لكن بطرق لطيفه راح ترجعلك وانته مثل ما تكول انوا عندك علاقات سابقه اذا راح تعرف تحايلها بطرق حلوة وتنسيها هذا الموقف المزعج
واتمنى تنحل المشكله
وانشاله رأي يعجبك

[ساحر القلوب]

اذا كانت مشاعرك حقيقيه وصادقه مثل مده دكول(ولله صادقه) ترجع الهااااا مره ثانيه وثالثه(اوكي راح ارجعلها وامري الله) ........ الى ان هي تثق وتتحقق من مشاعرك مدام انت (ابو الكبلات)غلطان تتحمل نتيجه غلطك وترجع الهاااااااا(اي صح اني غلطت غلطه مو طبيعيه) ونصيحه مني لاادخل طرف ثالث بيناتكم لان تتعقد السالفه(اي صح اني هم داكول هيج اروحلها وحدي) وصدكني تره هذا كله ثكل بنات(صدك يعني بس ذابه الثكيله عليه بلكت) بس الي ارجوه ان تكون مشاعرك صادقه لان المشاعر مولعبه(ولله العضيم وداعت امي مشاعري صادقه) والله انشاء الله ميقصر واتمنالك كل الخير::13:: ::13:: ::13:: شكرا على النصيحه::13::
اذا تحتاج اي نصيحه اختك بنت العراق موجوده
اي طبعا انتوا كلكم متقصرون
تحياتي::13::
شكرا بنوته على نصيحتج الحلوه ومرورج الاحلى

[ساحر القلوب]

صراحه حلوه منك اخي رافد ....
شكرا لازم اكون صريح

بس الي محلو هو الموقف الي سويته ويا البنيه يعني هم اول موعد
هوه هذا الي كاتلني اول موعد http://forums.dijlh.net/images/icons/011.gif
وهم بالموت يلا حصلته لهالموعدتتركها البنيه خطيه مشتوله وانت كاعد ويا منو ويه وحده جنت مكبل وياها سابقا هو هذا حجي::1::::1::
اشلون راح ايخلوني اروح اموتها الهاي البنيه زين اني عايفها هيه شكو جتينيhttp://forums.dijlh.net/images/icons/011.gif
..المهم انت المفروض تروح للبنيه وتعتذرلها اكثر من مره حتى لو اظطريت تبقى واكف
بباب القسم مالتها
لو اكدر جان بقيت واكف بس ماكدر لان علوم بنات وماكدر ادخل جوه بالقسم
وحلو ان تاخذ هديه وياك الها وسمعها كلام حلو بلكي تنال الرضا واذا مرهمت ارجع دز البنيه الي رتبتلك الموعد الاول وخليها هي تشرحلها سبب عدم حضورك وشوف احتمال تنسى الي صار وتقبل
هم ماكدر لان البنيه ومثل مقريتي كلتلي لجيب طاريي بعد على اللسانك وهاي اخر شي اسويلكيا
بموعد ثاني ولو اني اتمنى متقبل::2:: شنو هي لعبه::28::
::38:: ::38:: ::38:: لاعفيه ليش تتمنين متقبل ولله اني خطيه::27::
تحياتي وانشالله نسمع منك اخبار طيبه

شكرا عاشقه لقيصر على نصيحتج واتنشالله اجيبلكم الاخبار الحلوه
اخوج ساحر::13::

[القديس بغدادي]

اني طبعا ركضت راسا فلحكت الحمد لله وكلت اليوم اروح وخلي شيصير خلي ايصير بس جان اكو مشكله انو جانت كاعده ويه سبعه من صديقاتها وهيه ثامنتهم فكلولي انته امخبل راح اتروح كتلهم اي امخبل بيها قابل راح تعصى عليه هاي البنيه وذا كاعده ويه سبعه كلولي ديلله بس احنه مالنه شغله
كتلهم اوكي فراسا رحت بس قررت انوا اي شي يحجون اني مالي شغله بيهم بس ايكون تركيزي يم البنيه ويم حجيها فكتلهم اشلونكم بنات كلولي هلو عيني

صدگ سويت هذا الشي ولله انت على راسي من فوگ و بطل، يمعود اني اجتي هي وحدهة و گعدت على سيارتي و تعرف بيها انه هاي سيارتي و اني كلشي ما سويت خفت .
هسة نرجع لشغلتك اخوية العزيز
اخوية اشكرك على صراحتك و اعتبارنا اخوانك و نشاركك افراحك و هموك بس اسمحلي انت ما مهتم لهاي البنية كلش او ترديه و اتوقع انت تريدهة حتى يگولون شوفوا رافد وية شلون بنية اصيلة ديمشي لانك اخي العزيز من صار الموعد رأسا تركتها و رحت وية غير وحدة.
اما اذا كنت تريدها فعلا فلا تياس تدري ليش ( لانه لا يوجد وقت ضائع لا يفوت ابداً مع من نحب)

[surra]

والله يا اخ ساحر مشكلتك فعلا واني مراح اضيف اكثر من الي ضافوا اخواني وخواتي


ونطوك النصائح يارب تسوي مثل مكلولك وترجعلك البنوتة .......واذا رجعتلك

تجي تبشرنا ::14:: ::14:: ::14:: ودير بالك عليها وبعد لتزعلها وان شاء الله تنحل مشكلتك

وننتظر الخبر الحلو منك




تقبل مروري المتواضع ::51::

[ساحر القلوب]

صدگ سويت هذا الشي ولله انت على راسي من فوگ و بطل
اي سويتها ولله حبيبي من ابنيه اتحبها كل شي اتسوي علمودها
، يمعود اني اجتي هي وحدهة و گعدت على سيارتي و تعرف بيها انه هاي سيارتي و اني كلشي ما سويت خفت .ليش يمعود تره شغلتك سهله كلش يعني حتى تنضرب بوري سوي الشغله دفن ومحد ميدري ةبيك
هسة نرجع لشغلتك اخوية العزيز
يالله نرجع
اخوية اشكرك على صراحتك و اعتبارنا اخوانك و نشاركك افراحك و هموك
طبعا انتوا اخواني واخواتي لان لو ما اعتبركم اخواني جان محجيتلكم
بس اسمحلي انت ما مهتم لهاي البنية كلش او ترديه و اتوقع انت تريدهة حتى يگولون شوفوا رافد وية شلون بنية اصيلة ديمشي لانك اخي العزيز من صار الموعد رأسا تركتها و رحت وية غير وحدة.لاوداعتك ماحب افيك على الناس اني كلش بسيط ومعرف عني هذا الشي
اما اذا كنت تريدها فعلا فلا تياس تدري ليش اي اريدها ( لانه لا يوجد وقت ضائع لا يفوت ابداً مع من نحب)اي صح::27:: ماكو وقت ضائع
شكرا ياخويه القديس على النصيحه الحلوه والمرور بموضوعي::51::

[ساحر القلوب]

والله يا اخ ساحر مشكلتك فعلا واني مراح اضيف اكثر من الي ضافوا اخواني وخواتي
اول شي هلاو ساره لاء ليش متكدرين اتضيفين اي نصيحه حتلو بسيطه انطينياها::27::


ونطوك النصائح يارب تسوي مثل مكلولك وترجعلك البنوتة انشالله ترجعلي .......واذا رجعتلك اي شسوي

تجي تبشرنا طبعا ابشركم وسوي حفله اهنا للصبح ::14:: ::14:: ::14:: ودير بالك عليها وبعد لتزعلها
احطها بنن اعيوني واللهhttp://forums.dijlh.net/images/icons/9.gif
وان شاء الله تنحل مشكلتك
شكرا ساره انشالله

وننتظر الخبر الحلو منك
انتضروا فد جم يوم واجيبلكم الخبر::27::

تقبل مروري المتواضع ::51::
شكرا على مرورج المميز لموضوعي البسيط

شكرا ساره على احلا مرور شكرا لدعائك لكي ترجعلي البنيه http://forums.dijlh.net/images/icons/234.gif

[EmPeRoR]

رافد ادري هنا ماكو تحشيش

بس خوش معلومات انطيتني للكلية

http://smilies.sofrayt.com/^/aiw/yahoo.gif http://smilies.sofrayt.com/^/aiw/yahoo.gif http://smilies.sofrayt.com/^/aiw/yahoo.gif http://smilies.sofrayt.com/^/aiw/yahoo.gif http://smilies.sofrayt.com/^/aiw/yahoo.gif http://smilies.sofrayt.com/^/aiw/yahoo.gif http://smilies.sofrayt.com/^/aiw/yahoo.gif

[ساحر القلوب]

رافد ادري هنا ماكو تحشيش
ههههههه همزين دريت

بس خوش معلومات انطيتني للكلية
ولك تنضرب بوري تنضرب وين اتروح البوري وياك وين متروح http://smilies.sofrayt.com/^/aiw/yahoo.gif

http://smilies.sofrayt.com/^/aiw/yahoo.gif http://smilies.sofrayt.com/^/aiw/yahoo.gif http://smilies.sofrayt.com/^/aiw/yahoo.gif http://smilies.sofrayt.com/^/aiw/yahoo.gif http://smilies.sofrayt.com/^/aiw/yahoo.gif http://smilies.sofrayt.com/^/aiw/yahoo.gif http://smilies.sofrayt.com/^/aiw/yahoo.gif

[niry]

والله لو مني ومنه مااباوع بوجهك بعد زين وشيصير خلي يصير ::1:: ::38::

[ساحر القلوب]

والله لو مني ومنه مااباوع بوجهك بعد زين وشيصير خلي يصير ::1:: ::38::
::27:: ::27:: ::27:: ::27:: ::27:: ::27:: ::27:: ::27:: ::27:: ::27:: ::27:: ::27:: ::27:: ::27:: ::27::
شكرا على المرور::27:: ::27:: ::27:: ::27:: ::27:: ::27:: ::27:: ::27::

[حب مع الايام]

المشاركة الأصلية كتبت بواسطة niry
والله لو مني ومنه مااباوع بوجهك بعد زين وشيصير خلي يصير


شكرا على المرور

هههههههههههههههههههههههههههههههه
شبيها الاخت تريد تاكلك بس يله بشرنا انحلت لو لا مو والله انكسر كلبي عليك وعلى البنيه

[Mary Mar]

والله قصة كلش غريبة اذا انت هيج تحبها وكاتل نفسك عليها تروح وية فلانة وفلتانة ليش
ومتكدر ترد طلب بنية يعني ماشاء الله كل بنات الجامعة صديقاتك (بلا حسد )(دك الخشب)
والله يعني ممعقولة انت منتظر الموعد هذا ومتت يالة صار وبعدين تعوفها وتنسة الموعد بكل سهولة
علمود وحدة ثانية
حاول مرة ثانية بلكي تقبل (ولو انت تستاهل شوية يعفوك )
لان انت ضربتها بوري عدل (يعني تنتظر ربع ساعة وبعدين متجي)
اكولك هي شربت الراني لو لاء(اذا شربتة يعني راح تقبل )
روح مرة ثانية
يلا باي

[ساحر القلوب]

المشاركة الأصلية كتبت بواسطة niry
والله لو مني ومنه مااباوع بوجهك بعد زين وشيصير خلي يصير


شكرا على المرور

هههههههههههههههههههههههههههههههه
شبيها الاخت تريد تاكلك بس يله بشرنا انحلت لو لا مو والله انكسر كلبي عليك وعلى البنيه
والله مادري اشبيها بس داشك انو هيه نفسها البنيه
وبالسبه للروحه للبنيه بعد مصار مجال اروحلها بس اشويه متردد

[ساحر القلوب]

والله قصة كلش غريبة اذا انت هيج تحبها وكاتل نفسك عليها تروح وية فلانة وفلتانة ليش
شسوي حظي هذا ولله صدك وزلا حاجي وزيه ابنيه هنه يجن

ومتكدر ترد طلب بنية يعني ماشاء الله كل بنات الجامعة صديقاتك (بلا حسد )(دك الخشب)
عاد موكل البنات تلث ارباعهن::2::
والله يعني ممعقولة انت منتظر الموعد هذا ومتت يالة صار وبعدين تعوفها وتنسة الموعد بكل سهولة
علمود وحدة ثانية
اشلون راح ابجي::38:: ::38:: والله نسيييييييييييييت والله::27::
حاول مرة ثانية بلكي تقبل (ولو انت تستاهل شوية يعفوك )
ها ليش هل الحجي مو ازعل بعدين::2::
لان انت ضربتها بوري عدل (يعني تنتظر ربع ساعة وبعدين متجي)
خطيه والله صدك طولت اهواي وشصار موقفها كدام صديقتها::27::
اكولك هي شربت الراني لو لاء(اذا شربتة يعني راح تقبل )
اي شربته واكلت النستله عبالك مشايفه http://forums.dijlh.net/images/icons/4.gifلا جذب الف عافيه
روح مرة ثانية
اي راح اروح والله بس اشوفها

يلا باي
الف هلا

شكرا على المرور والنصيحه::51:: بس معرفت انته ابنيه لو ولد::2:: ::2::

[زينة مطر]

اوووووووووووه
هاي مصيبة..
انت الغلطاااااان عيني..
لان لو اني مكان البنية ما اعطيك وجه مرة ثانية لو شنو ما يصير...
وما اعرف شنو الحل .....خليك مصر وضلك حاول معاها بلكن ترضى..
بس اني بعد اهنيك على صراحتك وتلقائيتك...
لكن اتمنى انك تبطل هالحركااااااااات
وتعرف ان بنات الناس مو لعبة..

[ساحر القلوب]

اوووووووووووه
عزه نازله حاميه عليه
هاي مصيبة..
سهليها يمعوده
انت الغلطاااااان عيني..
ادري بداعت خالتي ادري واني معترف بالموضوع انو اني غلطان
لان لو اني مكان البنية ما اعطيك وجه مرة ثانية لو شنو ما يصير...
يمعوده لتسمعج
وما اعرف شنو الحل .....خليك مصر وضلك حاول معاها بلكن ترضى..
انشالله يعني هاي نصيحتج
بس اني بعد اهنيك على صراحتك وتلقائيتك...
شكرا جزيلا
لكن اتمنى انك تبطل هالحركااااااااات
هاااااااااااا افكر انشالله
وتعرف ان بنات الناس مو لعبة..
طبعا اعرف بس صدكي مرايح لبنيه قبل ولله هنه يجن بس هاي يمكن الله دزلياها عقوبه
شكرا زينه على النصيحه بس ليش صيحتي يعني صوتج صار اشويه خشن من وره الصيااااح::1:: ::2::

[surra]

صباح الخير ان كان صباحاً

ومساء الخير ان كان مساءاً

كيفك ساحر القلوب وكيف احوالك ::26::

بشرنا يمعودشصار وية البنوتة لدكلي بعدك مرايحلها ::1:: ::1:: شتنتظر ::1:: ::1::


لاعن جد حبيت ادخل واشوف شصار من موضوعك ::2::

وخير ان شاء الله ::14::


تحياتي واحترامي

[Mary Mar]

8538]شكرا على المرور والنصيحه::51:: بس معرفت انته ابنيه لو ولد::2:: ::2:: [/B]
العفو اني اختك ماري مار
عو كولنا شيصير يعني اذا اتصالحتو كلنا (حتى شوية نحسدكم ونخبث)
واذا انضربت بوري بكيفك تكول لا (بس هم كوللنا لان انت تستاهل لان البنية خطية)
والله اني متضامنة وياها ضدك (يعني مو تزعل انت تريد الصدك لو صبغ )
يلا اوكي ان شاء تتصالحون ونفرح قصدي نحسدكم

[بنت العراق]

مساء الخيرات
ها اخويه ساحر القلوب شكو ماكو اشسويت لاادكلي بعدك كلشي ممسوي مو الزعل يصير صدك وبعد شيقنعهااا يمعوده
يلاااااا روح وكلي شنو اخر الاخبار اوكي
تحياتي ::14:: ::14::

[مونا]

هههههههههههههههههههههههههههههههه هاي شنو رافد اكول وين سوالفك ههههههههههههههههه زين متكولي بلة شكد عدد صديقاتك شنو يمكن ضارب الرقم القياسي لو شنو قصتك ؟؟؟هههههههههههههه
زين هسة النصيحة ولو لازم اروح انصح البنت واكولها بطلي منة هههههههههههههه لا راح انصحك ولو اني مو وياك بس ميخالف هههههههههههههههه يا اخي يا رافد مدري ساحر ههههههههههههه

على العموم اذا انت صدك تريد تصالح البنت لازم تخلص الها وبس وتروح عليها وتكولها انو انت اسف بصدق وبدون مقدمات بالكلام يعني بدون تزويقات زايدة مثل ما صارحتها اول مرة وانو انت تريد تتوب على ايديها (ليش انت شمسوي ههههههههههههههههه)


زين فد سؤال ؟ هية البنت الي انت تحبها تعرف بيك رحت ويا غير بنت لو لا؟؟؟ اذا هية تعرف كولها انو انت لو تريد تجذب عليها جان ما كلتلها انو انت جنت ويا غيرها ونصيحة لا تدخل احد بالموضوع لان ممكن يزيد الطين بلة خلي الحجي بينك وينها
يلة كافي باي

[ساحر القلوب]

صباح الخير ان كان صباحاً


ومساء الخير ان كان مساءاً

كيفك ساحر القلوب وكيف احوالك ::26::

بشرنا يمعودشصار وية البنوتة لدكلي بعدك مرايحلها ::1:: ::1:: شتنتظر ::1:: ::1::


لاعن جد حبيت ادخل واشوف شصار من موضوعك ::2::

وخير ان شاء الله ::14::



تحياتي واحترامي

هلاو ساره كيفك انشالله زينه ولله مشفت البنيه بعد والايام الي فاتت منع تجوال::1::
انشالله من اشوفها اني اكوللكم

[ساحر القلوب]

[/size][/b]

العفو اني اختك ماري مار
عو كولنا شيصير يعني اذا اتصالحتو كلنا (حتى شوية نحسدكم ونخبث)
خلاي نتصالح وبعدين خبثوا::2::
واذا انضربت بوري بكيفك تكول لا (بس هم كوللنا لان انت تستاهل لان البنية خطية)
عادي اذا انضربت بوري حتى بالتوقيع اكتبها ::237::
والله اني متضامنة وياها ضدك (يعني مو تزعل انت تريد الصدك لو صبغ )
عادي الكل متضامنين ويه البنيه واني هم متضامن::13::

يلا اوكي ان شاء تتصالحون ونفرح قصدي نحسدكم
::1:: ::1:: ::1:: لاااااااااااااااع ماكو حسد::2::

هلا اختي ماري مار اشلونج انشالله اشوفها وراسا اكوللكم::13::

[ساحر القلوب]

مساء الخيرات
الف هلا بيج
ها اخويه ساحر القلوب شكو ماكو اشسويت
كلشي مسويت لان منع تجول ومشفت البنيه
لاادكلي بعدك كلشي ممسوي
اي ولله كلشي مسويت::38::
مو الزعل يصير صدك وبعد شيقنعهااا يمعوده
اي ولله خوش ملاحضه باجر بس اشوفها اروح احجي وياها
يلاااااا روح وكلي شنو اخر الاخبار اوكي
تحياتي ::14:: ::14::
اوكي انشالله من اشوفها اجي واكللكم::13::

[ساحر القلوب]

عاااااااااااااااااااااااااااا هاي الي جنت خايف منعدها راح تتشفى بيه كلش زين::27:: ::27:: ::27::
هههههههههههههههههههههههههههههههه هاي شنو رافد اكول وين سوالفك ههههههههههههههه
موجوده اسوالفي بس انتي ماكو::1::
زين متكولي بلة شكد عدد صديقاتك شنو يمكن ضارب الرقم القياسي لو شنو قصتك ؟؟؟هههههههههههههه
وداتج ماعرف ولله مرات ايسلمون عليه ماعرف اساميهمhttp://forums.dijlh.net/images/icons/4.gif
زين هسة النصيحة ولو لازم اروح انصح البنت واكولها بطلي منة هههههههههههههه
لااااااااااااع مونا ليش مو اني خطيه::27::
لا راح انصحك ولو اني مو وياك بس ميخالف هههههههههههههههه يا اخي يا رافد مدري ساحر ههههههههههههه
اي اتسوي نفسها متعرف اسمي هوه انتي اكثر وزحده تعرفيني ::56::

على العموم اذا انت صدك تريد تصالح البنت لازم تخلص الها وبس وتروح عليها وتكولها انو انت اسف بصدق وبدون مقدمات بالكلام يعني بدون تزويقات
تزويقات شنو::56:: شنو هل الكطلمات الي ماعرف معناتها صدك انتي محافضات::56:: وانشالله راح اكوللها اني اسف::38::
زايدة مثل ما صارحتها اول مرة وانو انت تريد تتوب على ايديها (ليش انت شمسوي ههههههههههههههههه)
هوه اني تبت ولله بدون ماكوللها وانشالله هم راح اكوللها::27::


زين فد سؤال ؟ هية البنت الي انت تحبها تعرف بيك رحت ويا غير بنت لو لا؟؟؟
لااااااااااااااااااااااااااااااااااااع متعرف ليش اتريدين اديحيني بسوالج::1:: متعرف غير اذا تعرف اديييح::38::
اذا هية تعرف كولها انو انت لو تريد تجذب عليها جان ما كلتلها انو انت جنت ويا غيرها ونصيحة لا تدخل احد بالموضوع لان ممكن يزيد الطين بلة خلي الحجي بينك وينها
اي صدك مراح ادخل واحد او وحده بالنص لان الكل نصحوني ابهذا الشي راح اعتمد على نفسيhttp://forums.dijlh.net/images/icons/322.gif
يلة كافي باي
همزين كملتي
مونا انتي اكيد اشفيتي بيه بس اشكرج على النصيحه الحلوه الي راح اطبقها بس اويلي اذا مقبلت بعد لتفوتين للمنتدى لان راح اعلس كل الي اكبالي::1:: ::1:: ::1::
مشكووووووووووووووووووووووووره على النصيحه::51::

[زينة مطر]

شكرا زينه على النصيحه بس ليش صيحتي يعني صوتج صار اشويه خشن من وره الصيااااح::1:: ::2::

ماعليه اعذرني::2:: بس اني اندمجت بالموضووووووووووووع::27::

[ساحر القلوب]

المشاركه الصليه كتبت بواسطة زينة مطرhttp://forums.dijlh.net/images/style1/buttons/viewpost.gif (http://forums.dijlh.net/showthread.php?p=741988#post741988)
ماعليه اعذرني::50:: بس اني اندمجت بالموضووووووووووووع::27::
::50:: ::50:: ::50:: ::50:: شكرا لاندماجج ::50::

[القديس بغدادي]

صدگ اخوية رافد عود گوللنا من تتصالحون، و يا رب تتصالحون.

[ساحر القلوب]

صدگ اخوية رافد عود گوللنا من تتصالحون، و يا رب تتصالحون.
تدلل بس اليوم ماكوووو دوااام لان الوضعيه موزينه واليوم رحت علمودها ومجان اكو احد بس اكوو؟؟؟؟

[الحب الاولmm]

والله اخ رافد تريد الصدك اكوواحد يواعد وحده ويروح يكعد يم الثانيه
الي يحب مرة((حب حقيقي)) مستحيل يحب بعد
تريد الحل ؟؟؟
سوي مثل ماسوه اخوك الحب الاول نمت الها بل شارع وجبتهة للطريق وهسه مشروعنا زواج
انت اخذ وياك ورده واكعد الها بل قسم وطلع كل اخبالاتك
واعزمها على شي يسوى
مو مال متروو وراني؟؟؟
عندي مقوله خاصه بية
((اذا تحبها ضحي بكل شي حتى تحصل عليها)))
وان شاء الله ترجع للك
وبعد لاتكبل هواي شنو انت يوميه تبدل وحده ههههههههه
واعذرني اذا ازعجتك بكلامي
اخوك الحب الاولmm

[ساحر القلوب]

والله اخ رافد تريد الصدك اكوواحد يواعد وحده ويروح يكعد يم الثانيه
الي يحب مرة((حب حقيقي)) مستحيل يحب بعد
تريد الحل ؟؟؟
اي ولله اريد حل
سوي مثل ماسوه اخوك الحب الاول نمت الها بل شارع وجبتهة للطريق وهسه مشروعنا زواج
نمت بالشارع حبيبي مو من اطباعي انام الوحده بالشارع يعني ماكدر
انت اخذ وياك ورده واكعد الها بل قسم وطلع كل اخبالاتك
واعزمها على شي يسوى
اي اطلع كل اخبالاتي بس ابحد العقل
مو مال متروو وراني؟؟؟
شسوي لو تريد اشتريلها الجامعه كلها وثانيا رته الي ايحب متهمه الفلوس والفلوس مو كلشي تره
عندي مقوله خاصه بية
((اذا تحبها ضحي بكل شي حتى تحصل عليها)))
خوش مقوله راح اخذ بيها
وان شاء الله ترجع للك
انشالله شكرا الك
وبعد لاتكبل هواي شنو انت يوميه تبدل وحده ههههههههه
اني اكبل ولله ابعمر مرايح البنيه همه يجون
واعذرني اذا ازعجتك بكلامي
اخوك الحب الاولmm
لا بلعكس حبي اصلا نصيحتك حلوه واني الي اسف على ردي الاول

[ماميش دجلة نت]

هههههههههههه والله انتة بشرفي علة كولت المثل غاسل وجهك بماي بول شلون تروحلها و هية بنص سبع بنات ادري ما عركت ما خجلت ههههههههههه بس اخوية انتة امبين نسونجي و خطية هاي البنية تورطها وياك و لا تكول هذا دايتفلسف براسي لا واللة بس نصيحة من واحد جان مثلك بالكلية شكد تصادق شكد تسوي مايبقى بس ذكريات بس اذا البنية حلوة و مؤدبة انصحك بس انتة وياها لاتدخل احد بينكم هاي اذا رايدها اذا لا عوفها خطية بلكت تتعرف واحد لاخ يريدها و ياخذها ليش تصير حجر عثرة بطريقها و مشكر على موضوعك ابو البنات.::13::

[ساحر القلوب]

بس اذا البنية حلوة و مؤدبة انصحك بس انتة وياها لاتدخل احد بينكم هاي اذا رايدها اذا لا عوفها
يمكن انته مقريت الموضوع مالتي زين حبيسبي ارجع اقراه وشوف منو ميريدها وكاتل نفسه على البنيه واني موذنبي هوايه امصادق يعني انته جنت بالكليه وتعرف ابهاي الشغلات
اذا وحده تجيك وتكولك انته عاجبني او ادز واحد عليه شدكوللها الهاي هاا قابل اتفشلها للبنيه
وثانيا اني واعدتها اذا نجحت علاقتنا اني اجي اخطبها من اهلها وكتلهم الاهلي ووافقوا على شرط اول شي تجي والدتي اتشوفها
مشكور على مرورك

[اسامه البصراوي]

والله يا اخويه انته مشكلتك مو صعبه بس اذا انته من البدايه خلفت الموعد
ويه منو ويه الحب القديم بس اني رأيي من رأي الاخت عاشقه ايطاليه
وهم شي يا اخويه الرومانسيه
تره صدك اتوكع اكبر بنت بل الرومانسيه اهوووو يمعود سهله هاي المشكله
لعد لو تسمع بمشكلتي شنو تكول
وتقبل مروري

[ساحر القلوب]

اي خوش لعد ولله خليتني متفائل
مشكور حبيبي على المرور

[رنا الدليمي]

هههههههههههههههههههههههه رافد اعذرني على الضحكه بس الموضوع وطريقة عرضه واجابتك على الردود رهــــــــــــــــــــــــــــــــــــــــــــــــ ـــــيبه
وهسه حجي الجد..........................
يعني بربك اكو واحد يحب وحده وكاتل روحه عليه يسوي هشكل .............::28:: ::1:: ::1:: ::28::
اذا انت بعدك يمكن لو تعرف اسمه لو لا وخنته ويه الحب القديم
الله يكون بعونه::12:: ::12::
بالنسبه اليه كابنيه لازم اوكف وياه ووياريت متقبل ولو انت مسكين بس هي خطيه راح تتورط وياك::237:: ::237::
بس اكو مقوله العراقيين يرددوه (ناصر اخاك ظالما ومظلوما)وبما انك عضو ويانه بالمنتدى فانت اخ النه ولازم نوكف ويا.............................. ه لان (هي المظلومه)
اعذرني رافد بس حاولت بشتى الطرق اوكف وياك بس مدااكدر لان ::28:: هي الخطيه واني اتفاعل ويه هيج بنات مساكين يكونون ضحايا الشباب::56::
بس بالنهايه اريد اكول الي بيه الخير يصير انشاءالله
بس اذا اذا اذا اذا قبلت حاول تكون جدي مو ::2::(بيبي)::2:: وياه اوكي::17::

[مصطفى ابن الاعظمية]

اخويه رافد اول شي شكرا على صراحتك الحلوه

باوع اخويه انته لازم اتحسسه انو انته تحبه و متعلق بيهه يوميه روحلها ميخالف حتلو تنضرب بوري(اكيد راح تنضرب اول مرتين)بس ميالف كل شي يهون للحبيب
مع تحياتي

بس اذا تكدر بس يصير شي جديد بشرنا لان انقهرت عليك

[ساحر القلوب]

البنيه سافرت هسه اشلون::27::
اني البارحه كلت لازم اسال على البنيه وينها شو ماكو فرحت اللصديقتها وكلتلي البنيه سافرت لان الوضع موزين حولت دراستها اللبنان فاني اليوم كلش ضجت بس شسوي رب العالمين ايريد هذا الشي::27::
مع الاسف
شكرا للاخوان والاخوات الي قدمولي النصيحه الحلوه شكرا للاخت عاشقة ايطاليه
ولجميع الشباب والبنات
اخوكم ساحر

[رنا الدليمي]

لا عفيه مســـــــــــــــــــــــــــــــــــــــــتحيل ليش هيج سويت
بس تستاهل لان انت الي جبته ال روحك لو جنت شويه اكثر جديه وياه
بس يلا قدر الله وماشاء فعل
انشاءالله تتشافون مره لوخ حتى لو بالهند

[ساحر القلوب]

مشكور علىىالمرور رنا

[Mary Mar]

لا والله حرامات انقهرت هواية
يلة ميخالف ان شاء الله خير
بلكي ترجع وتتشافون
بس ممكن توصفلي شنو مشاعرك
يعني شلون هسة داتحس

[ساحر القلوب]

هلو ماري من جديد
ولله داحس احساس محاسه قبل بس انشالله خير بس انشالله راح اسافر لان الدوام تاجل بعد علويش باقي
مشكور على المرور

[ساحر القلوب]

الموضوع مسحته لان البنيه سافرت اشكر كلمن نصحني وكلمن عتب عليه لان سويت هيجي
بس شسوي هذا الي ايريد ايحب من صدك ميلكه الي يناسبه
...............................................

[عباس العبيدي]

الله يساعدكم
أخوكم عباس
تقبلوا مروري

[عباس العبيدي]

::2:: ::2:: ::2:: الله يساعدكم
أخوكم عباس
تقبلوا مروري

[اسايرها تعاندني]

تقبلوو مروري لاان نسيت وين المشكله هههههههه::27:: ::27:: ::27:: ::27:: ::27:: ::27::