وعد الراوي
11-16-2008, 11:20 PM
اريد ارثيك يا هذا العراق
الميت الممدود
مجتول الوطن مجتول
والجتال دوره بكل كتر موجود
والما له اهل فجار دمه يضيع
مايبجن عليه زينات ويلبسن هدوم السود
وين اهلك وين اهلك مشو
وين ها شو خلوك
مضعن والدرب مسدود
مادفنوك مادفنوك بس خلوك
جثة التم عليها الدود
جابولك جفن ومن كل زيج ركعة
وومدوه على طولك بلجي يرهم عود
ترى جنازك الشامت
صار ودفانك الفرهود
بعز الصيف صلبوك بمنايرهم
ثلج عالعود بلجي تموع
بلجي ذوب بلجي تموع
بلجي من المراجل تهجع
وكافي وتجل وتهود
اهم رادوا يكطعونك افخاذ اجتاف
وكلمن ياخذ بكيفه سهم ويعود
لاكن هاي ماترهم ابد ماتصير
مطول المراجل ترجفلها زنود
شبعنا من الوعود وعود
اكلنا وعود سربنا وعود لبسنا وعود
ياهو اليجي علينا
يتجنكل يصعد ونمرود
ديمقراطيتك يخايب وين
شو بس الوميض وريحة البارود
تسمينا وطن عربان
وشجابك على العربان
يبن ام الربعها يهود
سكتنا ومو جبن والله
حتى نشوف حدك
ونحطلك بالمكان حدود
خليت الوطن للرايح وللجاي
خانجقان شله واعبر بكيفك على المكرود
تقسيم العراق شلون
هاي تصير وكلي شلون
ترهم عود
ولولا تمرة البصرة
لبن اربيل
مايطلع بدرة ولايخضه اللجود
ولولا كيمر السدة
عسل السليمانية
ماينباع شرط الضوك مامردود
مو كلتوا الحرية لكل انسان
عايش بالعراق بلا سجن ووعود
بس هذا الجتل بالناس
شتسميه تحرير وامن مفقود
او هذا الانفصالالي
لاتظنه يصير
وحشدتوا له من الاعلام حشود
وغيرتنا اجت من غيرة الطيار
ماهد العلم من كطعولو زنود
ولك هذا الوطن بيه انبياء تنام
يامنه حرام تشيل كشة عود
وهذذا الوطن واحد مايصير اثنين
وشعلينا اذا نبحت جلاب السود
وبالك تلعب عليه وتزود
تعرفهم اهلنا بثورة العشرين
والمكوار بعده بمتحفك موجود
ولجمن بي ضاري الشيخ
صبح بالسراي من الصبح مصيود
وخلينا بحجينا اليوم يمتى
تشيل دباباتك وتطلع بلا مطرود
لو حلتلك الكعدة بالفلوجة
وكل يوم الرتل منه همر مفقود
الميت الممدود
مجتول الوطن مجتول
والجتال دوره بكل كتر موجود
والما له اهل فجار دمه يضيع
مايبجن عليه زينات ويلبسن هدوم السود
وين اهلك وين اهلك مشو
وين ها شو خلوك
مضعن والدرب مسدود
مادفنوك مادفنوك بس خلوك
جثة التم عليها الدود
جابولك جفن ومن كل زيج ركعة
وومدوه على طولك بلجي يرهم عود
ترى جنازك الشامت
صار ودفانك الفرهود
بعز الصيف صلبوك بمنايرهم
ثلج عالعود بلجي تموع
بلجي ذوب بلجي تموع
بلجي من المراجل تهجع
وكافي وتجل وتهود
اهم رادوا يكطعونك افخاذ اجتاف
وكلمن ياخذ بكيفه سهم ويعود
لاكن هاي ماترهم ابد ماتصير
مطول المراجل ترجفلها زنود
شبعنا من الوعود وعود
اكلنا وعود سربنا وعود لبسنا وعود
ياهو اليجي علينا
يتجنكل يصعد ونمرود
ديمقراطيتك يخايب وين
شو بس الوميض وريحة البارود
تسمينا وطن عربان
وشجابك على العربان
يبن ام الربعها يهود
سكتنا ومو جبن والله
حتى نشوف حدك
ونحطلك بالمكان حدود
خليت الوطن للرايح وللجاي
خانجقان شله واعبر بكيفك على المكرود
تقسيم العراق شلون
هاي تصير وكلي شلون
ترهم عود
ولولا تمرة البصرة
لبن اربيل
مايطلع بدرة ولايخضه اللجود
ولولا كيمر السدة
عسل السليمانية
ماينباع شرط الضوك مامردود
مو كلتوا الحرية لكل انسان
عايش بالعراق بلا سجن ووعود
بس هذا الجتل بالناس
شتسميه تحرير وامن مفقود
او هذا الانفصالالي
لاتظنه يصير
وحشدتوا له من الاعلام حشود
وغيرتنا اجت من غيرة الطيار
ماهد العلم من كطعولو زنود
ولك هذا الوطن بيه انبياء تنام
يامنه حرام تشيل كشة عود
وهذذا الوطن واحد مايصير اثنين
وشعلينا اذا نبحت جلاب السود
وبالك تلعب عليه وتزود
تعرفهم اهلنا بثورة العشرين
والمكوار بعده بمتحفك موجود
ولجمن بي ضاري الشيخ
صبح بالسراي من الصبح مصيود
وخلينا بحجينا اليوم يمتى
تشيل دباباتك وتطلع بلا مطرود
لو حلتلك الكعدة بالفلوجة
وكل يوم الرتل منه همر مفقود