هاي ابو ذيــــات " بس موال"

[امبراطور الكراده]

هاي ابوذيات مجتمعة بس على شكل مواااااااااااال

شيهمة دهرك يصاحب ان تظل ان تهم
عاتب حبيبك وگلة انتة ألم انتة هم
اوگلة فلا غير خدك بالچتول انتهم
هذا السلب راحتي اوحمى الحديدة احم
يمشي اوية غيري اويباهيني اويگلي احم
وانة أعلة خدة مثل حوم الفراشة احم
ما أدري كل اليحبة هيچ يو بس انة
متكهرب ابنور خدة اومحترج بس انة
شيضرة لوچان بس مرة يجي بالسنة
لو الله يهديه هذي تنحسب نعمة
يقبل جنابة علية من البچي نعمة
خشنة طباعة وجنتة بالعكس نعمة
لاجن علينة تنكر بالخدود اوشاح
من دون ساية حبل الوصال اوشاح
علق وعلق على صدرة الگلوب اوشاح
ظنينة بيهة مثل ليلة اوألف ليلة
انألف هوانة قصص قيس و قصص ليلة
ماچنة نحسب هواها ننعدم ليلة
اوصرنة اعلة هل حال لا نگدر نشت اونمت
وهروش الاحزان عاشت بالدموع اونمت
وانچان نام السمچ نامن حواسي اونمت
مابين عيني ودلالي نهر من الدم
اولمن كراه الهوى گلبي انفجر من الدم
حتى ولو هو سكن جسمي البلة من الدم
ما ادري ضلعي بس كسر ام راض
اوميهمني عاذلي مني زعل ام راض
ايهمني منك عويناتك صحاح امراض
يلهيك الله بجمالك لا بزيد او عمر
ونشوف تاج الملاحة فوگ راسك عمر
ونگضي وياك لو يهديك الله عمر
طاعون لهل الردة ونته على جلد
يجلدني سوط الجفة منك يخلي جلد
ردتك ابعظمي عظم , ردتك ابجلدي جلد
غير الالم و الهجر منك ابد ما شفت
والعلتي الكبرتها امن الزغر ما شفت
وعيون گلب التصب ابناظري ما شفت
ميال ملال لابد ما لغرورك أصل
يا ناكر الطيب يابد ذات يابد أصل
ردتك تصول ابيميني و بيمينك أصل
ردت الي عون , فرعون طلعت انتة هم

[ೋ ياقوتـــة دجــلة ೋ]

لاجن علينة تنكر بالخدود اوشاح
من دون ساية حبل الوصال اوشاح
علق وعلق على صدرة الگلوب اوشاح
ظنينة بيهة مثل ليلة اوألف ليلة

الله عالابوذيات تجنن هذا المقطع روعة عاشت الايادي اخي