دارميات [الأرشيف] - دجلة نت ::: ملتقى شباب العراق

Zaid87

09-12-2006, 07:32 AM

اتمنى يثبت الموضوع اذا كان يستحق التثبيت

من جبت طاري هواي تيهت شوري خدرت بالفانوس حسبالي قوري

انهجم بيت العين هلگد وكيحة كل ما يمر احليو تگلي صيحة

سوبر عيون هواي .. والخشم بي أم .. والحلك شوفر ليت .. والاذن بيكم

انه الصرت چتال وانته الضحيه؟ .. چا هيه بالمگلوب ؟؟ چا هيچي هيه ؟!

بطلت مشي الحيل گمت امشي تاته .. مثل اليگودن بيه امه وخواته

ليش المظاهر؟ ليش تغير الگلوب .. بسوگ الذهب تنباع چلمة " يا محبوب "

تركض تلم فلوس شگد رايد تعيش؟ هو الچفن بي جيب مثل الدشاديش ؟

تهتم على الراح ؟ ويهمك الراح .. والعالي مو بالطول.. بالصبر ينلاح

الگلب گال : احاه ! .. گتله : أووجعتين ! .. ياهو الاجه وعزاك ؟؟ من طگك البين

.................................
ما نمت نص الليل حلف المخدة والدمع صاير سيل للركبة حدة

شلونك شلون الدار وشلون الفروخ لبسوا ثياب العيد لو بعدهم صلوخ؟

ارد انشد العشاگ من مثلي مشتاگ بحضني غافي هواي وابچي من الفراگ

رش الدرب تيزاب حافي اتعنيلك چا شلي بالرجلين الما تجيلك

رش الدرب تيزاب وازرعها الغام يصير اللحم طشار واوصلك عظام

من كثر حر الضلع احترگن هدومي وتسعين ناگة وجمل ما شالن همومي

شحچي شگول للناس من همي شحچي مليان بالحسرات بس احچي ابچي

شماتي موشمات شماتي اشرار بالگبر ويگولون يا ربي بالنار

شماتي مو شمات ! شماتي سبعة ... والثامن زغيرون يأشر بصبعه !

شماتي مو شمات ! شماتي شرطة... فوگ الگبر ويصيح: بايگله جنطة !

شماتي مو شمات! شماتي شمات ... فوگ الگبر ويصيح: حي بعده؟ لو مات!

شماتي مو شمات ! شماتي ورطة... نصهم امن واجرام .. والباقي شرطة !

شماتي مو شمات ! شماتي فطّر... بالگبر دگو شيش .. خافوا ليفطر!

شماتي مو شمات ! شماتي خوتي .. حتى امي ياهل ناس .. تتمنى موتي !

.................................
أگدر اسكت الناس وأمك واخوتك ... گلي شيسكت اهواك لو درة بموتك ؟

الميت إشمدريه باليمشي جنّاز ... لاچن طبع بالروح تمشي ويه العزاز

الميت إشمدريه باليمشي دفّان ... لو يدري بمشي هواه ..چا شگ الچفان

يا عازة الخوّان عازتها عازة ..... والماوراها صياح .. وحشة الجنازة

ميت والمعزيات موش أمّهاته .... ما يبچن إعله المات ؟؟ يبچن شماته !

ميت والمعزيات ما بيهن أمّه ..... وحده إتشتّم بيه .. أوحده إتغمّه !!

ميت والمعزيات يبچن عياره .... طفّن على التابوت راس الجگارة !

صح الفلوس اجيب كلشي التريدة بس شروة الاخوان كلش بعيدة

رحت انا للدكتور وشاورني بسكوت لو ولفك يداويك لو باجر تموت

حسين اصيح حسين من صغري يحسين

ساكن ابلب حشاي ما شافتك عين

بين الحسين وبين حضرة العباس

روحي ترد وتروح ضلت يا هالناس

بالك تمر بالدار عنها أشمر بعيد

دار الحبيب هواي نوح بجي تريد

شحجي وشكل الناس عن ضيمي شحجي مختنك بالحسرات بس احجي ابجي

مابقى فد شريان يتحمل ابره

كـَلبي امجرح اجروح منهو اليجبره

سليمه بت سلمان سايل كحلها

دينار الك بخشيش بس تغمزلها

اشكر شهر عاشور سواها موده

لبس حبيب الروح دشداشه سوده

لك احسبني ما سويت كل زينه وياك

جاملني مثل الناس يال كَـلبي يهواك

*ابني و ادكَـ بالساس صار 12 عام
هدم الواشي بيوم خل ترضى الاسلام

*انهض و اكَـع للكَـاع و اتوجة و انهض
ما ضل عضو من اعضاي رضني الدهر رض

برمجت گلبي بشوگ وانطيته انتر
مشيته باطول لوب خليته يفتر

عفيه كَلب مَيليـن من يسمع إبجـاي

او من صخر هم جـان لان وغده ماي

الدنيا ماتسواش لاتصفن إلهـا
عالطيب والمزيون يكثر حملها

* سلمتي وتضحكين توه الجرح طاب
لو عمري بالسبعين ارجع ولد شاب

*صدكـَوني يا هالناس لو ما تصدكـَون
اغركـَ و آنه الغواص ابحر العيون

روحي اشتهت ملكاك رغم المراره

او بجفوفك الدلال شيطفي ناره

ويا النجم سهران وايدي أعلى خدي
الليل وظلام الليل شو كلها ضدي

لصعد جبل حمرين واصرخ بصوتي

من عكب عين هواي ياروحي موتي

شلون انام الليل وانتة على بالي
حتى السمج بالماي يبجي على حالي

هم حلو هم زغير هم اسود عيون
بس بية طبع ياناس من يوعد يخون

ليل وسهر ياناس ربالي علة
منو ياناس يوصل لماجد ويكلة

اطلب طلب يهواي لتردة لية
بصورة انا وياك نكعد سوية

اتمنه العراق يصير للدنيا جنه

ونحتفل كلنا بعيد شيعه وسنه

هذا الصديق اليوم لو ردت تنخاه

الكلب كبل العين كام وتلكاه

والحسن واهل البيت لو ما شرب ماي

لو انت لو ما اريد لو تنكطع هاي(معناها الرقبه)

ظَل إبجي بالكارووك أبداً مهِــــــــــــــــزَك

لو إنك إبن إهواي جــان إشمعـــــــــــزٌك

حبله وأهز كارووك وتسعـــــه اليلعبون
كلهم فِده لهواي لو مر يروحــــــــــون

حبله وأهز كارووك وتسعه المِـسلحيــــــــــن
مال العمى يا عيـن عالدرب تربيـــــــــــــن

من جبتو طاري إهــواي تيـٌهتْ شــــوري
خـدٌرت بالفانوس حسبالي قـــــــــوري

الى ذوي العيون الفتاكه
سود العيـون إكبـار والحـَـلِـك محبــــــس
ويسترها رب الكون من دلع تلبــــــــــــس

هم حلو .. وهم إزغيــر .. هم أزرك عيـــــون
بس بيه طبع مو زين من يوعد إيخـــــــــــون

سبحانه من سـوٌاك نص وجهك إعيـــــــــــون
إزغيــٌر سبيــت الناس من تكبر شلــــــــــون

كل السـنون إعظـــام بس سِــنـٌه ليلــــــــو
جاكم وســيع العين عن دربه ميــــــــــــــلو

كل السِـنون إعظــام بس سِنـٌـه فضـٌــــــــــــه
زبد ويموع إهواي ومنيـــــــن أكضـٌــــــــــــه

عهد
أنســه ألله كون أنســــاك وأبرى من الإسلام
عل الكًــــبر لو مريـٌـت أتهزهز إعظـــــام

تحذيـــر
بالـَك تمر بالدار عنها إشمر إبعيـــــــــــــد
دار العزيز هواي نوح وبجي إتريــــــــــــد

عمداً أمرْ بالدار والنـوح أزيـــــــــــــده
وأسمع صداهـــا إيكًـــــــول راح التريــــده

عمداً أمر بالدار وأشبع مغمـٌــــــــــــــــه
وابجي بجي المفطـــــوم ومفارك أمـــــــــــــه

برد الصبح كًـرصـات لِـفـْـني إبعباتـــــــــكْ
وبســاعة الشيطان إنته وي ذاتــــــــــــــــــك

من الحزام وفـــوك مرخوص الأســـــــــــــمر
خاف الطمع يوزيــــــــك واحنه إنتكشمـَــــــــر

حِـط باللبن تيــزاب مجبـور أشربـــــــــــه
بس لا أشوفك يوم تمشي وي غربـــــــــــــــه

تمني
كون أنكًـــلب فنجان بيد الكًــــــــــهوجي
وأوصل إل حلك إهواي وانتحب وأبجـــــــــــي

كون الحبيب إيصــير مقلد والبســـــــــــه
وبين النهد والثوب سنتين أحبســـــــــــــــه

كون التريـــــــده الروح أ ُجـٌرب لنـٌــــه يمـٌك
وتكًضي العمر ويــاه إتشمه ويشمٌـــــــــــــــك

تساؤل
روحي إبسريــــر الموت تنشدني عنــٌـك
وتكًلي ليش إهـــواك متبري منـٌـــــــك

أرد أسـأل العشــــــاك ليش آنه مشتــــــــــاك
نايم إبحضن إهــــواي واشكي من الفــــــــــــراك

ميـٌت
ميت والمعزيــات موش أمهــٌاته
مايبجـَن إعله المات يبجـَن شمــاته
ميت والمعزيات يبجـَن عياره
ويرمـَن على التابوت كَطف الجكًــاره
ميت والمعزيات مابيهن أمـــــٌه
وحده التشـَتم بيه وحده التـُغمـٌه

كَـالولي ولفك راح كَلتلهم أبعـَد
كَـالو صعــَد للغيــم كَلتلهم أصعــَد
عفيه كَلب مَيليــن من يسمع إبجــاي
لو من صخر هم جــان لان وغده مــاي
لو ممشى عشر اسنين أمشيها واكثر
ماأتعب وما جوز من حب الأسمــر
راح التوده الروح ماينفع اللـٌوم
أصبح سميري النوح من بعده وهمــوم

روح خضره
إنهجَم بيت العين ها لكًـــد وكيـــــــــــحه
كل ما يمر إحليـــو إتكًـلي صيــــــــــــحه

شلونك
شلونـــــــك.. شلون الدار .. وشلون الأحبــــــاب
أذكر جرح بجلاك خبـٌــرني ما طـــــــــــــــــاب

شلونــــــك .. شلون الدار .. شلون الدجاجــات
هم منهن إتذبحـــون للعدكم إيبـــــــــــــات

زين آنه . . زينه الدار . . زينه الدجاجـــات
نذبح أركًــــاب أزلام للعدنـــه إيبـــــــــات

شلونـــك .. شلون الدار .. وشلون الفروخ
لبسو إهدوم العيــد !! لو لِســـــه صلوخ

مقارنة
متعجبه هالنسوان تطلك فرد يـــــــــــــوم
إطلوكًًـــــي بالساعات كل ســـــاع أذب تـــــوم

شماتة صديق
ناكًًــــه إشكثر للغير درٌن ثدايـــــــــاي
تاليهـــا للكًًصــاب ودٌ تــني دنيـــــــاي

ماهًمني الكًًصـــــاب من علٌــك إجــــــــلاي
همني الصديق الكًًـــــال عيٌــرلي من هـــــــــاي

فزاًع
صيـٌحت حيــل وحيــــل باليمنه وأوميــــت
ياهو الكًًــــلتله إدخيـــل ظم روحه بالبيـــــــت

إنته يظل بالبيت الردتـــه فــــــــــــــزاع
آنه الكًًــلتله إدخيـــــل ظم روحـــه بالكًًـــــاع

شكوى
متعني للعبــاس أشكي الهظايـــــــــــــــم
الواشي قبلي بيـــــوم بالحظره نايــــــــــــم

متعني للعبـــاس أبجي إبحظرتـــــــــــــــه
والينكســر بهواه شنهو جبرتــــــــــــــــــه

مانمت طــول اللـــيل حلف المخـــــــــــدٌه
الدمع صــاير سيــل للركبه حـــــــــــــدٌه

روحين إبروح
رحت آنــه للدكتـور حاجاني بسكـــــــــوت
لو ولفـًـــك إيداويــــك لو باجر إتمـــــــوت

روحي إبسريـــر الموت تنشدني عنـٌــــــك
وتكًًـــلي ليش إهـــواك متبري منــــــٌـك

حقي من أحامي إعليـــج ياشجرة التيــن
ماي الربيـــــتي إعليه من دمعة العيــن

آنه من أحب إشفاك كل ساكني إيهـــــــــيج
يبقه الطعم ويٌــاي وي بلعة الريـــــــــج

أهلا وسهلا بيــك وكثــَر بالوياك
الكَلب قبل العين فز وتلـَكَـــاك

تحدي
رش الدرب تيــزاب حافي أعتـني لـَــــــــك
جا شٌـلي بالرجليـن الما تجي لــــــــــــك

لو ترِش مو تيــزاب لو تزرع ألغــــــــــام
اللحم خلـٌه إيروح أوصلــــٌك إعظــــــــام

يقول الشاعر العربي

لابد من حي الحبيب زيارة ولو شبكت حول الخيام رماح

ويقول الدارمي

أُوصـَـل إل حي إهواي لو تشبـج إرمـــــاح
والمعتـني الطيبــات مو فشـله لو طـــــــاح

الدنيـــــا
زيبكَ إبكف سكران خـَلٌتني دنياي
مابيه أجيك إزحــوف ولابيه مشـٌاي
الدنيا بس وياي شـَدت عداوه
ولا واحد إمن الناس لجروحي داوه
الدنيا للتِـــهواه تفتحلـَـه الأبواب
ينزاح حتـٌى الكَيـظ ويصيــر خنياب
الدنيا للتهِـواه تِركَص إمفرعــه
وآنه تجيني إبموس وتكَلي إبلعــه
الدنيا للتهواه تركَصله جــوبي
وآنه الفكَر يا ناس شكَــٌالي ثوبي
يالكَلت سبع سنين عمر الكَلب شـــاط
آنه لفاني الظيم من لف الكَمــــــاط

الواشي
الواشــي فنـٌـه إيفـوت الواشـي فنـــٌــــــــه
دم للرجــــــاب إيصيــر وآخذها منــــــــــــه

دم للرجـــاب إيصيــر متعَـجٌب إبهـــــــــــاي
بالدم مِشـــه المشحــوف متعــٌني لهـــــــــواي

بالدم مشــه المشحوف منها وتكفيــٌـــــــــت
آنه أكسر التابوت وآكل لحم ميــــــــــــــت

حسره
أطلـَـك وأعت بالكًـــــاع مثل المعســــــره
حسبالي عشـر إفروخ تاليــها حســــــــــره

حسـرَه إلكْ بالدَلال ظـلـٌتْ لما أمـــــــــوتْ
ماتدري حقها الناس إصوابي بسكـــــــــــوتْ

هاك أبرَه . , هاك الخيط خويـه أرد أكلفـَـــــــــك
أمسرٌد الدلال شِــلـٌــــه إعلى عِرفَـــــــــــك

هـاك أبرتك. .و الخيـط خويــه إمش عنــــــٌي
لو بـيـــٌه أشل إجروح .. جان أشل ذَنـٌــــــــي

جروح
جرح الفـــراك إيهون عن جرح الــــوداع
البيه دليلي إنصــاب يتطشـٌر أربـــــاع

زين وتشوفه الناس دلاٌلـك أربـــــــــاع
دلاٌلي من فركــاه مثل الثلج مـــــــــاع

سؤال ليست في محله
لاتســأل إعله الحال خلـٌيها سكتــــــــــــــــــــه
تسأل على المكتول والكاتل إنتـــــــــــــــــــــه

يسألني البطران إعربلي كــــــــــــانَ
حسباله مثل العام عقلي إبمكانـــــــــــه

شحجي وتريد الناس من عندي أحجـــــي
دمعتي إبطرف العين بس أحجي أبجـــــي

يسألني البطران حالك إشلونـــــــــــه
الغاضب الله إعليه هم ينشدوونــــــــــه

وكفت يم الباب ودكيت
ولنص الليل ضليت

ومحد طلعلي وبجيت
وأبو الحسن علها الشغلة نخيت

ومن عيوني دم ذبيت
وبعدين كلت (طز)ومشيت

ورحت عالمحلات خام أبيض اشتريت
وكلت خلي ادفن روحي... حبيبي ما يهمه متت أو حييت ~~~

أنشدني عالحال حالي اعلى حاله
سمجه وشحيح الماي وبظهري فاله

وحدي بنص اليل بس حيرتي أوياي
ابجي اعلى الراح واتنطر الجاي

اوقف يابعد الروح وياك الي حساب
تسافر أوجرحي ينوح ليهسه ما طاب

الغربه من الناس راوتني أشكـــــــــــال
والكذب لو بفلوس ما ظنـٌـــــه ينكًًــــــــــال

بالغربــه خاوه الروح تنـْـوِخـِـــذ كًًـــــوٌه
واليرِد حكًًٌــــه إبسيف مو بالمـــــــــــروٌه

سَـلٌـمْ ولَو بالعين تكفي الإشـــــــــاره
روحي إبتلت بهواك .. سـَـوٌيلي جــــــــاره

عود آنه مثل الناس هم عندي بــــــطه
راحت تغط بالماي والغطٌـه غطٌــــــــــه

اقعد بنص اليل وادعي بصلاتي
ياربي بعد فلان شلي بحياتي

*حكـَي من احامي عليج يا شجرة التين ( راديو دجلة )
ماي التربيتي عليه من دمعة العيـــــــن

* حلوة يا لمة اهلنـــــــا
و دجلة من تجمعنا كلنا

والحمزه والعباس والمات عطشان
وحدك شريك الروح واغلى من الاخوان

يا خلي لو صديت قلبي يريدك
موت وحياه الروح يا خلي بيدك

ياسمر فراقك ليش روحي جرحها
صابر ودمع العين غصبن فضحها

*بسك ولك يالبين دكـَاتك وياي
ادكـَني وسط الضيج وتشمت عداي

*خل روحك بعز دوم وبالك تذلها
ولاتطلب الحاجات حتى من اهلها

*منك عنب ماريد خل سلتي وروح
وياي الك دكـَات كرهتها الروح

كل ما يجي الليل أذكر وفـــــــــــــاكم
واذكر محاشي الطيب وابجي أبرهاكم

يالتون تالي الليل سمعني حسك
لولا القلت والقال لعبر وونســــــك

انت العطش والماي وانت المشوفــــه
ورسمش وحق عيناج بالكاس اشوفه

أتمنى كون أيصير لحدي أويا لحدك
أو من يطلع الدفان أقعد وقعـــــدك

علمني عالنسيان ارد انسى ضيمــــــــك
وي غيري قمره اتصير بس حصتي ضيمك

اقدر اسكت الناس وامك واخوتــــك
قلي شيسكت اهواك لودره ابموتك

ارد انصحك يافلان هذي النصيحه
عوف اتلف وادور حب الصريحـــــه
ا
لدهر شل يمناي شل يسرتي الــــــبين
جابيش اصبر الروح بيش امسح العيــــن

اشرب حليب جياسه اكل لبن بالطاسه ومشتاكـَ أضوكَك يا كَيمر
انضربت الدبابه وصعدت العطابه واشتغل لطم بريمر

همك وهم الناس وهم هم الايام
وفوكاهم هم العين ما تقبل تنام

همك وهم الناس وهم هم الهموم
لو وحده منهن بيك ما تكدر تكوم

الله على العذال سوهه بيه
خلو حبيب الروح يزعل عليه

خابرت ست مرات طلعتلي امج وقررت من هليوم هيهات اكلمج

شكراً (القلب الجريح )على التحيه وتحياتي وتحيات شما اليك

شلون اعوف الروح يالروحي يمك
دقات قلبي تزيد من اسمع اسمك

اتمنى روحي تطير طير الحمامات
و تمر على المحبوب و تنقل سلامات

الله اعتنى بتصوير شكلك و يالأسمر
كهرب صبغ العيون و الرقبه مرمر

كل ليله افكر بيك و لحبك اشتاق
روحي عليله عليك ما تحمل فراق

اتمنى طيره الروح و اقعد و احاكيك
و اقعد و احط الهموم يمك و ابكيك

حبيبي من ورا الشباك شفته
غمزلي بحاجبه وعضلي بشفته
عسى لا چان عاشرته ولا شفته
طلع بذات وافعاله رديه

حبيبي من ورا الشباك شفته
غمزلي بعينه وعضلي شفته
ريتني ما شفته وما عرفته

ليش انت هيجي وياي ليش انت هيجي
جيف انا هيج وياك صرت انت هيجــــــي

وكذلك اهديلكم هذه الدارميات بمناسبة العام الجديد

أشرب واريـد أنساك واسكر واذكرك
مو بالعظم ويطيـب بالكًلب كســرك

أرد انشدك وارجوك صارحني ياهواي
تذكرني لوغصيت من تشرب المـاي

لاواشي لانمام يبعدني عــنك
بس النجف يهواي ياخذني منك

يالردت عني اتروح خليلي صبرين
واحد يصبر الروح والثاني للعـين

منك سمعت الاه كثرت جراحـي
وشبيدي خوية اعليك كَصوا جناحي

عشكناكم عشك مجنون دومه يشكك بثوبه
وعشكناكم عشك لاعب يحلم بطوبه
وعشكناكم عشك كافر مات وفاتته التوبه
وعشكناكم عشك مسلم حبكم اول اذنوبه

*طير ويريد جناح ماتكفي جنحين
هيج الكـَلب ملهوف لزيارة الحسين

*كـَلبي انفطر ياناس وانجسم نصين
نص كله لأهل البيت والثاني لحسين

*ياكـَلبي رف وطير وديني لحسين
اغسل ذنوبي هناك وي دمعة العين

اه منك اه من اشوفك حملت كلبي اجروح واتريدني اعوفك

>>>>>>>>>>>>>>>>>>>>>>>>>>>>>>>>

خذ كلبي يا بوحسين سوَّيِّه حميسه
بس بيه حبيب الروح بالك تجيسه

الرد:

دوَّرِتْ ما خليت خميتك اخمامْ
كل كلب ما مش بيك بس كومه اعظام

أشبصرَّكْ بعد بالروح هم تاخذ أدروس
اللاّ بعد شتفيد للبالع الموس

الرد:

أصبر وصبر الروح وتحمل الموس
والعمر بعد أزغير يتحمل أدروس

>>>>>>>>>>>>>>>>>>>>>>>>>>>>>>>>

جرح الفراك يهون عن جرح الوداع
البيه دليلي انصاب يتفصل أرباع
فرد عليه آخر.
زين وتشوف العين دلالك أرباع
دلالي من فركاه أشظف غدا وضاع
فأجابه:
متعجب أشظف صار دلالك أنته
دلالي صار اتراب والموته سكته
فرد عليه:
متعجب ابدنياك دلالك أتراب
دلالي بالتيزاب يأسمر هوى أو ذاب

>>>>>>>>>>>>>>>>>>>>>>>>>>>>>>>

هياته دمع العين هياته ديكت
ماما دتحجي وياك يا بابا اسكت

*بالسنه أثنين أعياد أسمع يكـَولون
كل ضحكة منك عيد يا حلو العيون

*أحباب و جمعنة العيد و العمر فرصة
ليش أبعتاب و لوم و بالهم نخلصــــــة

*يحبابي يا طيبين ليلتنه ليلــــــــة
و بيكم غدت يحباب حلوة و جميلة

>>>>>>>>>>>>>>>>>>>>>>>>>>>>>>

أشرب واريــد أنســاك واسكر واذكــرك
مو بالعظم ويطيــب بالكًلب كســــــرك

خَـلْ روحَـــكْ إبعِـز دوم بالك تذلهــــا
ولا تطلب الحاجــات إلاٌ من أهلهـــــــــــــا

غصبن عليـٌه الروح آنـه الأذلهـــــــــــــا
محتـــــــــاج والحاجات ماهُـمٌـه أهلهـــــــا

وين الكفن ينباع يالشايل الخـــــــــــــــام
عدله أرد أطمها الروح من ظيم الأيــــــــــــــام

وينه اليصل لهواي يشكيله حـــــــــــــالي
أوجرن حيل وياي ذنـٌي الليــــــــــــــالي

هياته مشمش خوخ هياته آلـو
لاموني كل الناس حتينا خآلــو

وردة بخصن ياناس فايح عطرها
ما يوكف على الكاع كلمن نضرها

حسبالي وردة اتصير واشتم عطرها
ما ادري بذرة شوك واجفا شرها

يسئلني البطران تشرب عرك ليـــــــــش
هم سكم هم فراك هم لوعة الجـــــيش

من كثر حر الضلع احتركن هدومــــــــــي
و تسعين ناكة و جمل ما شالن همومي

رش الدرب تيزاب حافي اعتنيلك
جا شلي بالرجلين الماتجيلـــــك

لو مو ترش تيزاب لو تزرع الغــــــــام
خلي اللحم طشار و اوصلك اعضام

*بطلت روحي النوح كامت تسل سل
ذابت ياخويه العين ودلالي وشـــــــــل

*الجواب
*ماظنتي ياخوي روحك انسلــــــــت
روحي عساها بضيم ولأجلك انشلت

سود العيون كبار و الحلك محبس
يسترها رب الكون من دلع تلبس

هم حلو, هم صغيرون, هم أزرك عيون
بس بي طبع مو زين من يوعد يخون

رش الدرب تيزاب حافي أتعنى لك
جا شلي بالرجلين الما تجي لك

لو ترش مو تيزاب لو تزرع اللغام
اللحم خلي إيروح أوصلك اعظام

بالـَك تمر بالدار عنها إشمر إبعيـــــــــــــد
دار العزيز هواي نوح وبجي إتريـــــــــــــــد

عمداً أمرْ بالدار والنـوح أزيــــــــــــــــــده
وأسمع صداهـــا إيكًـــــــول راح التريــــده

عمداً أمر بالدار وأشبع مغمـٌــــــــــــــــه
وابجي بجي المفطـــــوم ومفارك أمـــــــه

أرد أسـأل العشــــــاك ليش آنه مشتــــــــــاك
نايم إبحضن إهــــواي واشكي من الفــــــــــــراك

متعجـٌب المهمــوم يشرب جكًًــــــــــــــاره
كًًلبي بكثر ما نــــوح تجويـــــــــــني ناره

الدهر بس وياي راكب إحصانــــــــــــــــه
ويكًًــــلي وين إتروح جدٌامـــك آنــــــــــه

كًًــلبي أرد أكًًــصٌــه إبموس وأكوي إبمكانــــــــه
علٌمني إعله درووب كلهن مهـــــــــــــــــــانه

برد الصبح كًـرصـات لِـفـْـني إبعباتـــــــــكْ
وبســاعة الشيطان إنته وي ذاتــــــــــــــــــك

من الحزام وفـــوك مرخوص الأســـــــــــــمر
خاف الطمع يوزيــــــــك واحنه إنتكشمـَــــــــر

حِـط باللبن تيــزاب مجبـور أشربـــــــــــه
بس لا أشوفك يوم تمشي وي غربـــــــــــــــه

سبحانه من سـوٌاك نص وجهك إعيــــــــــــون
إزغيــٌر سبيــت الناس من تكبر شلـــــــــــــون

كل السـنون إعظـــام بس سِــنـٌه ليلـــــــــــو
جاكم وســيع العين عن دربه ميـــــــــــــــــــلو

كل السِـنون إعظــام بس سِنـٌـه فضـٌــــــــــــه
زبد ويموع إهواي ومنيـــــــن أكضـٌــــــــــــــــــه

صيـٌحت حيــل وحيــــل باليمنه وأوميــــــــــت
ياهو الكًًــــلتله إدخيـــل ظم روحه بالبيـــــــت

إنته يظل بالبيت الردتـــه فــــــــــــــــــــــــزاع
آنه الكًًــلتله إدخيـــــل ظم روحـــه بالكًًـــــاع