شنو رأيك فيما يخص تدريس الدين بالمدارس؟

[arclite]

حبيت اعرف اراء اعضاء المنتدى فيما يخص تدريس الدين سواء الاسلامي او المسيحي او اي دين اخر بالمدارس واكيد رح ابدي من نفسي :
اني برأيي انه تدريس الدين بالمدارس مو صحيح لين الدين هو فكرة وايمان ومو شرط ان يتقبله الطالب لين لا هو شي ملموس ولا مثبت علميا مثل بقية المواد العلمية والتاريخية اللي تدرس واللي متقبل التشكيك... ولو اني قريت مقالات مترحب بفكرة الغاء درس الدين من المدارس لاسباب منها انه الدين ايقرب الانسان من الله. هو كلام صحيح بس العالم مليان بالملحدين مثلا واذا مو همة بحثوا بنفسهم فحتى لو تنكلب الدنية ميآمنون... ولهذا اني ضد تدريس الدين بالمدارس لين المدارس هي اماكن عامة ولازم تناسب الكل. اللي يريد يعرف يسأل واكو مراكز متخصصة بهذا المجال...
شنو رأييكم؟

[fuse_err]

رأيي مثل رأيك

و الدين اذا درّس يجب ان لا يكون مقتصراً على دين معين مثل الاسلامية او غيرها بل -مثل ما كان في الماضي- كتاب يسمى كتاب الدين يشرح اصول الدين و اهم تعاليمه و اهم الاديان و الربط بينها و لا اعتقد انه يوجد شخص يمكنه الاعتراض على ذلك او ان يقول شيء غير ملموس و اذا تعذر عليه لمسه فيمكن ان يعتبره مادة تاريخ و الافضل التخلي عن فكرة تدريس الدين لأن و الى هذه اللحظة اتذكر اخطاء كثيرة كانت تدرس من قبل المعلم و الذي هو لا يمتلك خبرة في الدين بل مجرد معدل تعبان في السادس و راح شريعة -دا اتكلم عن العراق-



موضوع مم شكراً للطرح

[بــدر الزمــان]

اخي الكريم ان تعليم الدين في المدارس بحد ذاته امر جيد اذ يسلح الطالب بسلام العقيدة.
الا ان المدارس تعطي جوهر العقيدة بعيدا عن المناقشات وبعيدا عن الاختلافات الواقعة في العقيدة.
فمثلا في الدين الاسلامي يدرس الطالب على ان الله واحد وان محمد رسول الله وان القران كلام الله
وفي الدين المسيحي يدرس الطالب على ان السيد المسيح صلب من اجل البشرية ليحمل خطاياها وان الكتاب المقدس هو كلام الله وان لا نبي بعد المسيح..
بعيدا عن كل ما يرد على هذه العقائد وبعيدا عن المناقشات فيها..
ولا ننسى ان دين الدولة الرسمي قد يحتم بعض الاحيان ما على الطالب دراسته
وكذلك اهتمام الطالب سيكون ليس اكثر من الدرجة والنجاح والحصول على معدل جيد

[اسد بابل]

اخويه اني اخالفك الراي لان الدين بي فوائد اولا الاسلام يعرفون دينهم
ثانيا المسيحين هم يستفادون
يطلعون بوقت الدرس لساحه ...او يراجعون درس مهم او امتحان ..فبي فوائد على الطرفين

[arclite]

اخويه اني اخالفك الراي لان الدين بي فوائد اولا الاسلام يعرفون دينهم
ثانيا المسيحين هم يستفادون
يطلعون بوقت الدرس لساحه ...او يراجعون درس مهم او امتحان ..فبي فوائد على الطرفين


ئي هم صحيح اني درس الدين كان المفضل عندي لين جنت اطلع بالساحة العب سلة بس هي مو هنا الشغلة يعني اني اتخيل نفسي اذا ايدرسون الدين المسيحي بالمدارس مثلا وتعال امتحن بالمادة واحفظ ايات ايعجبك ميعجبك هذا واجب ولهذا حيخلق تنافر بيني وبين المادة ورح اضوج منهة لين صارت فرض في حين الدين هو علاقتي الشخصية وية الله يعني محد ما عنده حق انه يجبرني ادرسه او اتعرف عليه. اذا اني ردت اتعمق اكو كتب اقراهة اكو كنيسة اروحلهة واكو هواية هواية مجالات الواحد يكدر من خلالهة انه يتعرف على دينه خارج نطاق المدرسة والفرض

صف ثالث ابتدائي جنت اروح دورات تعليم مسيحي بالكنيسة وجنت عادي احفظ ايات ومن هاي الشغلات بس مرة مرتين رزلتني المعلمة فبطلت اروح للدروس لين ضجت منهة!!!::2::

ونفس الحال وية اصدقائي المسلمين يعني واحد متخرج من الكلية وهو اصلا لا يؤمن بوجود الله في حين درس الدين الاسلامي 12 سنة. يعني شمجبور يدرس شي هو ميؤمن بيه ويعتقد انه خرافات؟ هية هنا المسألة...

[TOTI_wael_TOTI]

تدريس الدين في المدارس لهو اهداف كثيره

اولا لكي يعرف الصغير دينه ومل عليه وما مطلب منه

ثانيا تعليمه بخلاق الدين

ودرس الدين في المدارس هو اشبه بلمسجد

يعني مسجد صغير

وبعد حتى نقوم ببناء شخص
او انسان متعلم

وكما تعلم

المدرسه بدون دين تعتبر ثقافه

واذكر مثل او قول بعد ما اعرف

ان كالن ترك الدين ثقافه فيانفس موتي قبل ان تتثقفي

[اسد بابل]

اخواني الانسان المؤمن يبقى مؤمن لو وين محطو
واني عبالي قصدكم على الدين الاسلامي في المدارس فهو جان من ناحيتي مريح ...اروح لساحه او اقرا المقاري
بس اني ائيدك صحيح اني اكثر درس اصوج منهم لمن جنت بالابتدائيه همه العربي والدين لان تعال احفظ واني اصلا اضوج اقرا ...بس ضوجتي من الدين ليس لدين نفسه بل صار واجب وتعال اقرا
اعطيكم مثال هسه انتو مو اضوجون لو الفشي الي تحبوا ايصير واجب ..الاغاني ..لو ينطونا واجب تعال احفظ اغاني نانسي كله على الغيب
بس ولو هو ابد ماكو مقارنه بين الدين(قدسي..الهي) والاغاني (دنيوي)بس جبته كمثال
واني ما اريد الدين الاسلامي ينشال ...بي فوائد سبق ان وضحته

[كهرمانه بغداد]

التعلم في الصغر كالنقش على الحجر... يقال ان كل انسان يولد على الفطره السليمه الا ان الشيطان يزين له الاثم ومعصية الله ... لكن اذا بذرنا البذره السليمه في نفوس الطلبه فأنها ستكون كالرادع لهم في الكبر اي رادع ديني .. اضافه الى انه يجب علينا معرفة ديننا الاسلامي ..فديننا ليس دين الايمان بالقلب وليس هو تعبد بين العبد والله فقط ..بل هو كذلك دين الفعل والعمل... ولهذا يجب ان نعرف الحلال من الحرام.

[فراشـــة]

انا اشوف تدريس الدين بالمدارس شي ضروري
لان الطفل لازم يعرف الحلال من الحرام
وحتى مبادئ دينه
واكو اهل ميكونون متمسكين بالدين
يعني مثلا لا يصلون ولا يصومون
و ما مهتمين بتعليم الطفل للدين
فالطفل اذا نشاء بهيج عائلة مراح يعرف واجباته تجاه دينه
فالمدرسه راح ترسخله اساسيات الدين

(وحسب تجربتي)
انا مسلمه وبمدرسه مسيحيه صارلي سنتين
درس الدين عندي من احلى الدروس
ننقسم قسمين مسلمين ومسيح وكل واحد يدرس دينه
وممكن بحصص الفراغ نتناقش بشان الاديان والمعتقدات المختلفة
وانا اشوفه شي حلو لان تعرف دينك بالاضافة الى احترام ما تؤمن به الاديان الاخرى

[المياسه]

ان تدريس الدين في المدارس امر ضروري وخاصه للحياة فمثلا عندما ندرس احكام الاسلام واحاديث الرسول صلى الله عليه واله وسلم سنجد انجذاب روحي وفكري وسمو نفسي واخلاقي
بالنسبه لمدرستي التي يبلغ عدد طالباتها 1000 طالبه (طبعا 300 مهجرات)
فانا اعرف الاغلبيه ودرس الاسلاميه محبب الينا وخاصه عندنا طالبات يجودون الايات القرانيه باصوات تدخل القلوب وتهدر الدموع لرقها
وشيء جميل جدا وممتع حفظ الايات القرانيه وهو ليس عبئا
بالمناسبه اكثر من 80% من الطالبات يعفون من الامتحان النهائي لان الماده سلسه ومتواصله مع ذهن الطالب
لذا تدريس الدين اساسي في المدارس
ونحب درسه

[sweet lion]

السلام عليكم
يعني هوة الموضوع حلو وخوش فكرة ومشكور اركلايت علنقاش الحلو
رايي:اني مع تدريس الدين على ان يكون الدرس خياريا وليس به درجة ولكل الادياان وان يكون الاستاذ عاقل وفاهم ومتزن وميسووي فتن
لان هوة مثل مكالو الاخوة يقرب من الله والى ما ذلك هذا صحيح بينما المومؤمن ماكو داعي يدرسه
واني مع عدم تدريس الدين بلعراق لان ولا شرط من اللي ذكرتة متوفر وفي مدرستي مثلا استاذنة مال اسلامية عنصري وطائفي وجان كلمايدخل يكول علمسيحيين كفرة ويزرع افكار خاطئة ضدنة وكلهة ملفقة وبلة ادلة وحجي اصلا هوة ملة اي علاقة بي وجنت طول السنة عركات وياه وشكوات للادارة هاي بالاضافة جان متعصب حتة علة المسلمين من الطائفة الاخرى
وهذا هو الحال في اغلب المدارس فالطالب يتخرج شايل صورة محلوة عن البقية للاسف وحتة عن دينة مرات بحيث نشوف الاستاذ يحلل ويحرم بكيفة وكانه هو النبي
ولهذا تدريس الدين في المدارس ممرغوب بالاضافة انو الجوامع والكنايس موجودة والمؤمن يكدر يتعلم بدون درس الدين

[عُلا دي ميلو]

والله اني راي يتعلمون على الاديان كلها
قال تعالى ((لا كره في الدين))

[Helen]

اني اعتقد درس الدين لازم ايكون فد شي اختياري عند الطالب يعني هوة الدرس خلي ايكون موجود بس مو بالجبر اني ادرسه وهمينة استاذ الدين لازم ايكون مثقف ومو ورة الدرس تصير عركات بين الطلاب المختلفين بالديانات انتوا كفرة وما ادري شنو من هاي الكليشات اللي تعودنة على سماعهة حتى من اعز الاصدقاء!!!!

تم حذف الملاحظة: يرجى من العضوة هلين ابداء رأيها والتعليق بما يخص الموضوع
وعدم ادخال السياسة واثارة المشاكل السياسية في هذا المنتدى..وكذلك عدم التلميح بالفاظ تجرح الاخرين وتخلق المشاكل.
تحيات: طير الحب

[انا غريبه]

انا اخالفك الراي تماما فلولا الدين الاسلامي كان شفت الناس بصورة غير صحيحة

احترامي ....

تم تعديل المشاركة بواسطة طير الحب: يرجى عدم استخدام الالفاظ النابية

[بغداد دار السلام]

السلام عليكم
شكرا عالموضوع
رأيي انه تدريس الدين بالمدارس شي ضروري واتكلم بالبداية عن ديننا الاسلامي احنا من الصف الاول الى السادس الاعدادي نختم القرأن الكريم وهذه فائدة عظيمة وتوضح اهمية الدين وتشرحه شرح مفصل وتنطينا فرصة نسأل المعلمة عن الاشياء اللي محيرتنا ..........
ثانيا انا كنت بمدرسة بيها كنيسة وتدرس الدين المسيحي وصفي كان بيه 12 مسلمة فقط من بين 40 وكلهم صديقاتي وكنت اطلع على دينهم ويطلعون على ديني وكانوا فرحانيين بتدريس دينهم ودخولهم للكنيسة بالمدرسة..............
وانا دائما افكر انه اذا صار وسافرت لاوربا وتزوجت وصار عندي اطفال اشيل هم انه ميدرسون الدين مثل مأحنا درسناه ......... واتمنى طبعا يدرسون دين وشكرا وتقبلوا مروري

[Helen]

تم حذف الملاحظة: يرجى من العضوة هلين ابداء رأيها والتعليق بما يخص الموضوع
وعدم ادخال السياسة واثارة المشاكل السياسية في هذا المنتدى..وكذلك عدم التلميح بالفاظ تجرح الاخرين وتخلق المشاكل.
تحيات: طير الحب


اني متأسفة انه جبت بحس صدام وعمايله السودة بالعراق ولو اعتقدت انه الموضوع جدير بالنقاش وهو يمس الوتر الحساس وهو ابد مو سياسي بل هو حياتي ويمس حياة كل فرد عراقي واعي وشي ثاني اني قريت قوانين المشاركة ومشفت نقطة تمنعني من اللي كتبته واني اشوف انه مشرف المنتدى ميريد نقاشات صريحة وجريئة واني احترم رأيه بس رح اروح اشوفلي غير منتديات بيهة اكثر حرية وديمقراطية واحترام آراء!

[بــدر الزمــان]

اني متأسفة انه جبت بحس صدام وعمايله السودة بالعراق ولو اعتقدت انه الموضوع جدير بالنقاش وهو يمس الوتر الحساس وهو ابد مو سياسي بل هو حياتي ويمس حياة كل فرد عراقي واعي وشي ثاني اني قريت قوانين المشاركة ومشفت نقطة تمنعني من اللي كتبته واني اشوف انه مشرف المنتدى ميريد نقاشات صريحة وجريئة واني احترم رأيه بس رح اروح اشوفلي غير منتديات بيهة اكثر حرية وديمقراطية واحترام آراء!
اختي العزيزة لم اقم بتغيير المشاركة لانك تكلمتي على صدام
فانا ضد صدام واكره صدام ويمكنك معرفة ذلك في موضوع نهاية طاغية المثبت في هذا المنتدى
لكن المشاركة تغيرت لدخولها في الجدل السياسي وهذا المنتدى مخصص للحوار الديني
ان الديمقراطية تعني احترام الاخرين والتقبل منهم ومناقشتهم مناقشة موضوعية وغير هذا لا نقبل يه
تحيات: طير الحب

[مساري]

اول شي اني اشكرك على هذاا الموووضوع
اكيد شي اساسي للطفل ان يدرس الدين وهوة في المدرسة وان يكون يعرف ماهووة اصل الديانات الخرى
وحترامة في الديانات والالبيت والشارع
مشكووووووووووورة على هذاا الموضوع الجميل

[عاشقة دجلة / المسسبي]

اني ضد تدريس الدين بل مدارس للاسباب اللي انت ذكرتهة بل موضوع و الاهم اللي ذكرتهة لاسد بابل باقتباسك منة

[hanyemad123]

رأى ان يتم تدريس الدين كمادة لا تدخل فى التقدير التراكمى للطالب و ايضا يتم تدريس الدين لكل طالب على حسب ديانتة

كما يحدث فى مصر اعتقد انة انسب اسلوب للتعامل مع هذا الموضوع مع الوضع فى الاعتبار ان تدريس الدين مهم و لو لم تلمس لة نتائج لحظية

فتأثير دراسة الدين كمادة يظهر على المدى البعيد

اما بالنسبة لموضوع صدام انا لم افهم ما شأن صدام بهذا هل كان صدام حريصا على تدريس الدين

على حد علمى انة كان يقيم نظام علمانى بعيدا عن الدين

حتى انى عندما قابلت بعض العراقيين فى القاهرة قالوا لى المسلمين منهم ان الفتاة كانت ممنوعة من ارتداء الحجاب بامر من السلطة غير علنى

و ايضا المسييحين من اهل العراق قالوا لى انة كان بثق فى المسييحين و كان يعطيهم مناصب جيدة

[عاشقة دجلة / المسسبي]

اي يعني اذا اختياري التدريس يكون كلش اوكي و كلش حلو طبعا بشرط مابي امتحان و درجات

[Alice]

لا الدين خلي يصير درس بس مو صعب شي سهل
احنا جانوا يصعبوه علينا

[miss_babylon]

ترة الموضوع كله يعتمد على طريقة التدريس
اني هسة اخر سنه ادرس اسلامية
اكو مراحل جنت احب درس الاسلامية كلش
و اكو مراحل لا ابد ما جنت احبها

ثقافة مدرس الدين و مقدار وعية هي اهم شي

[Alice]

اتخيل درجتك موزينة اكيد تاكلها لانه اذا 12 درس تتقسم الدرجة المسيحيين تتقسم على 11 ويساعدهم هذا الشي بمعدلاتهم
احنا ناكلها
ومحد جان يحصل درجة زينة بيه ممنوع جان!!!

[sweet lion]

ترة الموضوع كله يعتمد على طريقة التدريس
اني هسة اخر سنه ادرس اسلامية
اكو مراحل جنت احب درس الاسلامية كلش
و اكو مراحل لا ابد ما جنت احبها

ثقافة مدرس الدين و مقدار وعية هي اهم شي
......لا الطريقة مو موضوعنة وانما الفكرة....
هسة اني اكثر درس احبة الاسلامية..لان اطلع بي ههههه ومن ماطلع اضل اتناقش وية الاستاذ وهم اتونس..
سوسو الحب...:ترة المعدل نفسة ولا يساعدنة ولا كلشي..::27:: اصلا بلعكس الاسلامية سهلة ترفع درجاتكم دائما

[عاشقة دجلة / المسسبي]

اتخيل درجتك موزينة اكيد تاكلها لانه اذا 12 درس تتقسم الدرجة المسيحيين تتقسم على 11 ويساعدهم هذا الشي بمعدلاتهم
احنا ناكلها
ومحد جان يحصل درجة زينة بيه ممنوع جان!!!

لا حبي ينقص من عدنة ست اعشار اصلا بل معدل

[ساسون حزقيل]

موضوع كلش حلو الاراء كلها مختلفة

اني اشوف انه بالمدرسة يدرسونا تاريخ الاديان كلها سماويتها و ارضيتها

والجوامع ما ما شاء الله بكل مكان اللي يحب يودي جهاله او هو يروح عاد خل الجوامع تسوي دروس ودورات تعليمية
و الكنايس نفس الشي

بس طبعا يخلون ضوابط لتعليم الدين يعني مو جامع يعلم الجهال شي و غير جامع غير شي
المفروض تكون اكو هيئة تخرج علماء الدين اللي يدرسون و متكون جامدة يعني بين كل كم سنة يغيرون المناهج و يطوروها حتى تتماشى ويا الزمن و اللي يفيد الانسان بحياته


واضافة صغيرة انه لو يشيلون الديانة من الهوية
لان الانسان مو مقيد بالدين اللي ينولد علي
و يبقى شي شخصي يكتبسه مع الزمن حسب قرائاته تجاربه واحتمال هم بعدين يغيره


و شكرا

[Alice]

لا حبي ينقص من عدنة ست اعشار اصلا بل معدل

هاي صدك؟؟ مادري؟