مذكرات نمله

[pureman]

اليوم جايبلكم الطبعة الرابعة من كتاب (كفاحي) \مذكرات نملة سودة\ لخصت بي اهم الحوادث اللي جرت اب زمانها
ملاحظة: نهايتها جانت مهلوسة اب قبقاب وكع عليها و مردها و هناك أشاعات انه اتوفت لغير سبب مكتوب اب نهاية هذه المذكرات القيّمة خلي نبدي


3\8\2004 :
اليوم شفت قطعة شكر بس القطعة كلش جبيرة كلت اروح لابن عمي اجيب كونية و اجي و جانت واكعة بالزولية اب منطقة القنفات الحمر زقاق الطبلة ام النفاضة و حاولت أحوسمها ما كدرت ف عفتها و من المدير مالي سمع بالقصة خصملي راتب اسبوع و كلي رجعي اخذيها رجعت لكيت نمل فارسي جبير هناك ......هلووو!!! زوج ال يبقي
درت و جي و رأسا رجعت


4\8\2004
انعزمت بالخطوبة مال بت عمي اب بلوعة المطبخ خوش كعدة والله و شكر و تمن و كشمش و القوزي جان صرصر بس مو هلكد طيب و جانو جايبين بكاية ركصت ركص بحيث عيني طلعت من راسي و و اني هم ذبيت (لحم!!!!)
مو طبيعي بحيث عركت اخر شي
و ماصارت حوادث بس اكو ابنية فتحت مي البوري و ردنا ننشفط بس الحمدالله عبرت هااا شغلة لخ أبن عمي طوخ بالشرب و كام يمسلت بحيث كام يتحارش اب صرصر و ايذبله حجي ماصخ بعدين عاد احنا احجينا وية الصرصر كلنالة دخيلك عوفة ترة سكران عاد ذاك (والله طلع شريف) اتفهم الموقف و عافة

5\8\2004
ما كدرت اروح للدائرة (هااا نسيت اكلكم هية اتداوم موظفة اب شركة بلوعتكم .دوت.نيت مال تصريف اموال و راتبها ورقة ام ال 50
ما تصرفها و انما تتمشى عليها العصريات و ية الكبل)


8\8\2004
ما صار شي مهم ( ايباااه مو كونداليزا رايس انتي)!!!


9\8 \2004
سمعنا اب بلوعة الجوارين عياط و صياح و عالم دا تتراكض و المختار مال مجاري اجى كلنا لازم اكو شي و فعلا اتوقعنا لان ابو البيت مشتري شحاطة جديدة و بيّن مفعولها خطية مردانة الجوارين بعدها شابة 17 سنة جانت دا تمشي العصر البارحة دا تتسوك من المغسلة و انعلست بالشحاطة وديناها للطب العدلي و دفناها بالحديقة الورة (بصف قنينة غاز حتى نندل وين دافنيها)

10\8\2004
اليوم جان اكو منع تجول بالحمام بس النمل الوطني منتشرين برة لأن اصحاب البيت كلهم طبو يسبحون و بصراحة خفنا كلنا ننطلع خاف ننسحك اب حذاء أو نعال ابو الاصبع (خطية ابن خالة بابا راح اب هيج حادث
و ظلينا بالبلاليع نتفرج عال دش (برنامج خليك بالبلوعة و البرنامج الخيال العلمي اصطياد الانسان \اموووت عليه\ ) و ما سمعنا حوادث بس مرة وحدة جريدي على اساس طب للحمام تالي طلعت اشاعة لأن جدو ايكول لو طاب جان سمعنا حس عياط بنت ابو البيت

11\8\2004
ما صار شي مهم ( ايباااه مو كونداليزا رايز انتي)!!!


12\ 8\2004
اليوم صارو 3 بيضات عندي بس كلش صغار يمكن راح اخليهن بصف المكناسة ,,بعد ما اعرف


13\8\2004
اليوم ردت اروح فطيسة بس انكتبلي عمر جديد ,,,جنت دا اتمشى يم البانيو طلع ابو البيت اثاري ديغسل,, اتفاجأت جررررب اشو على غفلة لكيت نفسي كدام مغارة ظلمة حييل و اكو حبال طالعة من المغاررة بصراحة الفضول ذبحني و كلت افوت فتت اشو ضربني هوة حارر ,,اتعجبت,,, المهم فتت شوية جان اسمع صوت انفجار طرشها ال أذني آآآآتتتتتتتشششششوووووو طلعت اني الثولة فايتة اب خشم ابو البيت بلا ما ادري و اتصور جانت الفتحة اليمنة لان اليسرة لكيت عليها قطعة مكتوب عليها
(أعمال تبليط و حفريات) الظاهر منشول و بس تك يشتغل عندة بس هوة هم ما قصر خمطني اب عطسة شمرني ورة الفريزر(44 مترة عن البلوعة ) بحيث 3 ايام يللا رجعت ال بيتنا و اول ما وصلت حطيت رجلي ام مي حار (نقطة عرك مال واحد محتر) لكيتها بالعاك كلت شوية انكع رجلي لأن صارلي 3 ايام امشي


ملاحظة اذا شفتو اكو تواريخ ماكو معناها الصفحات ضايعة
(يمكن ماسحين الجامات بيها)

15\8\2004

اليوم الذكرى ال 12 لضحايا دبة النفط اكيد تتذكروها
(هاي ترة النملة دا تحجي مو اني,,اني شعلية؟؟؟؟)
وكفنا كلنا دقيقة حزنانين و اني كمت ابجي لأن اتذكرت لمن ام البيت الطاغية جبت النفط على اخوتي الصغار و كتلت من عدنا 47 نفر بس همزين اني لحكت و اشتريت كمامة ضد الكيمياوي و جدو (هم النملة مو اني) دائما ايكول النملة لازم اتخاف من شغلتين منتجات باتا مال الجلود و الدبة أم ال 5 لترات لأن معناها كارثة و جثث

17\8\2004
اليوم انفجعنا اب وفاة نملة من هاي الكبار مو مثلنا الصغار يعني(أحنا نمل بنابين خخخ) خطية على كد حالة عندة محل اصغير (اسواق ) يبيع بي قطع شكر و تمن و عدس و الصبح جان ديتمشة جوة المغسلة دا ايدور على اخوه عباله لازك بالصابونة خطية و جرررب جان ينشفط شفطة كشرة حتى الجثة مالته ما لكيناها و مرتة خطية تبجي و تلطم هاهية شنسوي و اني هم انقهرت مو علمودة (طبة 60 مرض) بس منين راح اشتري تمن و شكرر؟؟ جمالة الزوالي شالوها يعني لازم اتعنّة للمطبخ ,,,صدك حيرة

20\8\2004
اليوم عطلة رحنا للمسبح (كوب بي مي) و سبحنا وراها وكفنا سرة على قطعة مال دهن جانت واكعة و اخذنا همزين اخذت الوصلة و قليت بيها بيضة ( مدا اكدر اتخيل حجم البيضة اللي دا اقليها لهذا مراح اكدر أحشش بعد)

21\8\2004
دا افكر اترك البلوعة و اروح ال بيت اختي بالريف لأن عدهم بيت ترابي بالحديقة الكدام بصراحة جو المدن خنكني و اريد اروح شوية اشتم هوة نقي بس المشكلة شراح ايوصلني؟؟؟ ينرادلي 3 اتشهر يللا اوصل للحديقة ,,,بس حليت المشكلة جلبت بالبوتين ابو الضوة مال ابنهم الصغير و طلعت ويا و وصلت و حذائة فيكة من يمشي ايطلع ضوة دا افكر,,,يصير اسحب من الضوة واير؟؟؟عال اقل ايشغللي بنكة و غسالة!!!



22\8\2004
اليوم شفت صورة للمحيط الهاديء (البانيو ) حييييل شكد مي؟؟؟ هاي الصورة هيج خوفتني لعد اذا من صدك شلووون؟؟مااامماااااا


23\8\2004
مممم ماكو شي مهم ام البيت كصت شعرها و اكو شعر انذب يمنا بالكاع ,,,,,,,سمينا هاية المنطقة (غابة الاماني)


24\8\2004
دا افكر اروح البيت خالي بالمطبخ لأن خالي عايش بصف ناطحة سحاب (قنينة مال غاز) فد شي كللش كلللشش عالي و كللي اكو مكان يم المنظم ولو غالي بس راح ياخذة احتمال اروحلة اغير جو

25\8\2004
صار عندي تيفو من ورة لحم بكاية مال سوك ف قررت بعد ما جيب معلبات للبيت (للبلوعة)!!!

29\8\ 2004
التيفو راح و هسة اني زينة و يمكن راح اتعشة عشة خفيف ::2:: (http://www.iraqmaster.com/vb/images/smilies/015.gif)


2\9\2004
اليوم ماكو شي بس ابن عمي أجر البلوعة ال شركة و العقد مال ايجار وقعو يم مردانة اخذت عمولة أيجار مال شهر و كمع مال صمون حجري

ملاحظة :-

- صاحبة هذه المذكرات المكرودة توفيت بعد اسبوع من نشر مذكراتها بسبب طوبة جبن وكعت عليها و سوتها هريسة
أنشرو هذه المذكرات أحياءا لذكراها .....


للحصول على النسخة الكاملة للمذكرات,,, راسلونا على العنوان المثبت في الأسفل (أدري ماكو)

[mustafaa17]

هههههههههه صاير حشاش ها؟؟؟

كلش حلو عاشت إيدك...

[بنت العلوم]

هههههههههههههههههههههه عاااشت ايدك على هذا التحشيش
شباب اريد من عدكم توقفوون لححظاااااااات صمت احيااااااااااءا لروح المرحومة
بيوووووووووور صدك هاي انت مسوي هذا التحشيش؟؟؟؟؟؟؟؟؟؟؟

[pureman]

اول شي مشكوووووووووووورين على المرور.......و طبعا هاي اني لعد ما دتقرين منو كاتب الموضوع http://smilies.sofrayt.com/%5E/r/wrysmiley.gif http://smilies.sofrayt.com/%5E/r/wrysmiley.gif ....هع هع هع
لا اذا اتقصدين منو اللي كاتب الموضوع فأكيد مو اني , بس اذا تقصدين منو كاتب اللي بين الاقواس و الابتسامات فأكيد هم مو اني http://smilies.sofrayt.com/%5E/8/smoke.gif http://smilies.sofrayt.com/%5E/8/smoke.gif http://smilies.sofrayt.com/%5E/8/smoke.gif ..... ههههه

[HonesT HearT]

هههههههههه شنو هاي ابيور كله مو انت يلا بس انت نقلته وهم كول مو اني

[sweety angel]

اليوم جان اكو منع تجول بالحمام بس النمل الوطني منتشرين برة لأن اصحاب البيت كلهم طبو يسبحون و بصراحة خفنا كلنا ننطلع خاف ننسحك اب حذاء أو نعال ابو الاصبع (خطية ابن خالة بابا راح اب هيج حادث
و ظلينا بالبلاليع نتفرج عال دش (برنامج خليك بالبلوعة و البرنامج الخيال العلمي اصطياد الانسان \اموووت عليه\ ) و ما سمعنا حوادث بس مرة وحدة جريدي على اساس طب للحمام تالي طلعت اشاعة لأن جدو ايكول لو طاب جان سمعنا حس عياط بنت ابو البيت

تحشيش * تحشيش هههههههههههههههههههههههههههههههههههههههههههههههههه ههههههههههههههههه
صدك حلو تسلم بيور

[software_engineer]

أبن عمي طوخ بالشرب و كام يمسلت بحيث كام يتحارش اب صرصر و ايذبله حجي ماصخ بعدين عاد احنا احجينا وية الصرصر كلنالة دخيلك عوفة ترة سكران عاد ذاك (والله طلع شريف) اتفهم الموقف و عافة
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههه
عاشت ايدك يا وردة

[® Sparks Man]

ليش ما تطبع كتابه اسمه سيرت حياتي للتعرف على اهم اساليبه النمله في الحياه

بس هية جانت خوش نمله بنت اوادم http://smilies.sofrayt.com/fsc/sobbing.gif http://smilies.sofrayt.com/fsc/sobbing.gif

[pureman]

هههههههههه.....مشكووووووووورين على المرور و منورين...بس ردت ابشركم انه النمله الي ماتت مو نفسها اللي كاتبه الذكريات لانه اتعرفوا على الجثه من نقشه الطركه مال القباب و طلع مو نفس القباب http://smilies.sofrayt.com/%5E/f/pasm2.gif ....هع هع هع

ا

[red rose]

هههههههههههههههه عاشت ايدك بيورو خخخخخ خوش تحشيش

[ام ستوري]

ما اشووووووووووووووووووووووووووووووووووف::38::::38::: :38::
ناوي عليه اتريد تعميني::1::::1::::1::
واشمعنه همه شافو واني لاع::32::
اهيييييييييييييييييييييييييي

[lovely girl]

هههههههههههههههه حلو الموضوع
تقبل مروري

[السفير]

كلش حلوه بيووووور عاشت ايدك يالغالي .......

[the loyal]

ختييييييييييييييييه هاي النملاية ماتت بالنهاية، يله خوش احياء لذكراها .
وشكراااااااااااااااااااااااااااااااااااا

[pureman]

مشكوووووووووووووووووورين على المرور منورين و ميه هلا بيكم واحد اثنين تلاثه...قصدي واحد واحد http://smilies.sofrayt.com/%5E/8/winking.gif
و يا روووووووووووزه ميه هلا بيج و الحمد لله على وصولج بالسلامه و والله فرحت من لكيتج كاتبه رد http://smilies.sofrayt.com/%5E/_950/bouquet.gif
و يا ام ستوري انته كتيلي ليش بس انتي ما دتشوفين.... بس أتاكدي الشاشه مشتغله لو لا http://smilies.sofrayt.com/%5E/r/sgrin.gif http://smilies.sofrayt.com/%5E/r/sgrin.gif ....هع هع هع

[sweet heart]

ههههههههههههههههههههه عاشت ايدك على هذا التحشيش والله حلو
بس تدري انعمت عيني على نهاية الموضوع شدعوة هيج الحروف كبار

[ام ستوري]

هاااااااااااااااااااااااااااااااااااا بيورو هم سويتي يمها المونتر مطفيه؟؟؟؟؟؟؟؟؟؟!!!!!!!!!!::1::::1::::1::
تره اذا متكبر الخط اجييك للجامعه تحجيلي قصة النمله الي سمعت بيها اتوفت ::1::::1::::1::

[ام ستوري]

هاااااااااااااااااااااااااااااااااااا بيورو هم سويتي يمها المونتر مطفيه؟؟؟؟؟؟؟؟؟؟!!!!!!!!!!::1::::1::::1::
تره اذا متكبر الخط اجييك للجامعه تحجيلي قصة النمله الي سمعت بيها اتوفت ::1::::1::::1::

[pureman]

ميه هلا بيك سويت منووووووووور و يمعود شأسوي ماكو خط أصغر http://smilies.sofrayt.com/%5E/c0/skullgrin.gif http://smilies.sofrayt.com/%5E/c0/skullgrin.gif ...هههه

ههههههه....و يا ام ستوري ما أكبره....اني ابو الموضوع و بكيفي http://smilies.sofrayt.com/%5E/a0/dckix.gif http://smilies.sofrayt.com/%5E/a0/dckix.gif ....هع هع هع

[sweet heart]

تسلم بيور بس حبيت اكلك اني بنية مو ولد حتة ليصير اي سوء تفاهم

[pureman]

ان شاء الله ماكو فرق بس ما اشوفك(اعرف المفروض اشوفج بس هيجي حبيت اضوجج شويه....خخخخ) هوايه اهنانا فما ادري بنيه لو ولد .....و ان شاء الله ماكو أي سوء تفاهم و عمود اثبتلج هذا الشي , ممكن أتعرف؟؟؟ http://smilies.sofrayt.com/%5E/u/biggrinangel.gif http://smilies.sofrayt.com/%5E/u/biggrinangel.gif http://smilies.sofrayt.com/%5E/u/biggrinangel.gif

[sweet heart]

لا والله اني مضجت بس حبيت اصلح الموقف واهلا وسهلا بيك اني اتشرف بمعرفتك

[pureman]

لا والله اني مضجت بس حبيت اصلح الموقف واهلا وسهلا بيك اني اتشرف بمعرفتك

اذا اللي دتكووووووليه صدك ليش ما سئلتييني انته شسمك او مثلا اني(يعني انتي مو اني ::2:: ) اسمي هيجي او بهيج مرحله http://smilies.sofrayt.com/%5E/q/weep.gif http://smilies.sofrayt.com/%5E/q/weep.gif http://smilies.sofrayt.com/%5E/q/weep.gif ....هههه

[sweet heart]

اني حبيت اجاملك خو مصدكت!!!!!!!!!

[pureman]

هاي شنو سويت ترا هاي ما صايره ليش اتلعبين بكلبي هيجي http://smilies.sofrayt.com/%5E/y/eyelove.gif http://smilies.sofrayt.com/%5E/y/eyelove.gif http://smilies.sofrayt.com/%5E/y/eyelove.gif ...هههه

اشكرج على هاي المجامله و اكيد هذا الحجي كله من باب الونسه و الترفيه...بس صدك نسيت اكلج اخاف توصلج رساله عذريني لانه اني اصدك بسرعه http://smilies.sofrayt.com/%5E/r/biggrin.gif