حلم مؤجل

[نسمة العراق]

السلام عليكم ورحمة الله وبركاته
اختكم وصديقتكم نسمة العراق عضوة جديدة بمنتداكم اتمنى اكون عضوة دائمة وياكم...احب اعرفكم عن حلمي المؤجل ...كان ياماكان في قديم الزمان فد وحدة اللي هي اني جانت تحلم بكلية الصيدلة سهرت الليل وتعبت حيل والحمد لله طلعت معدل 98% طرت من الفرحة والدنيا جانت مالامتني والمعدل اغراني انه ادخل للطب بدل الصيدلة واحتاريت شنو اختار بس بعدين كلت اني بنية ووراية مستقبل ومسؤولية لذلك ماادخل الطب
بس هذا البطر مااستمر هواية جبرتنة الظروف انه نغادر العراق وكلنه نعرف وضع العراق طلعت لسوريا ومااطول عليكم السالفة هناك قدمت بجامعاتهم بس اتاخرت اوراقي ووراهة قدمت ع التعليم الموازي ودفعت 5000$ وهم اتأخرت يوم واحد وراحت عليه سنة كاملة بسبب هاليوم ورجعوا المصاريف وهسة لابيه ارجع للعراق من بعد ماطلع قبولي بصيدلة جامعة بغداد ولابيه اداوم هنا، اخر امل انه ادخل جامعة خاصة ومعناهة اكعد الوالد ع الحديدة لانه لازم ادفع 11000$ سنوياً لذلك قررت اصبر هالسنة والله كريم بس بصراحة كمت اتحسس من اشوف طلاب الجامعات... ضوجناكم

[high class]

اهلا وسهلا بيكي معنا وان شالله الله يعوضج بالخيررررررررررررر

[طب الانبار]

الاخت نسمة العراق.. تحياتي الج و اهلا و سهلا بيج اخت و صديقة عزيزة بهذا المنتدى الجميل..
يا نسمة.. اذا تكولين انتي حلمج السنة متحقق و مداومتي بالصيدلة فباذن الله السنة الجاية اتداومين بيها و تتخرجين بتفوق ,قابل اذا عفتي هاي السنة راح تنكلب الدنيا ؟؟ ثم انتي مدتشوفين وضع البلد عموما ووضع بغداد الحبيبة خصوصا شلونه يجوز الله سبحانه و تعالى رادلج الخير هاي السنة ! و اتذكري دائما قول الله تعالى (( و عسى ان تكرهوا شيئا و وهو خير لكم ... الاية)) .. تحياتي و عذرا على الاطالة

[طبيب العيون]

10000000 هلا ومرحبا باختنا العزيزه ,,,, نسمـــــــة العراق.....
اللي صار هذه ارادة رب العالمين ,,,,,, يجوز يريدج تداومين بالعراق
بس مو هذا انشالله اللي احسن منه ...... الله كريـــــــــــــم
نورتي منتدانا ,,,,, وكلنا هنا اخوانج اي شي تحتاجينــــــــــــــــــه
تحياتـــــــــي
طبيب العيـــــــــــون

[طبيب اسنان محترف]

شلوووووووووووووووووووووونك نسمة
اني متاكد انه هذا الحل هو الاحسن الك بان تداومين السنه الجاية
لان اصلا الوضع بالعراق حيل حيل متخربط

[نسمة العراق]

والله اتشرف باخوتكم ياطبيب العيون وطب الانبار وهاي كلاس وبطـــــــــل طب الاسنان واشكركم الشكر الجزيل للنصح

[عيون المستحيل]

نسمه العراق.......اولا اهلا وسهلا بيك...ثانيا.....صدقيني هي صح صعبه الواحد تروح عليه سنه او سنتين بس المهم انه يكون بخير .....وخاصة بوضع مثل وضع بلدنا...اني هم راحت عليه سنتين ..سنه الاعداد اللي هي ما موجوده بالعراق.....والسنه الثانيه وهي في فتره الامتحانات صار لي ظرف طارئ في بغداد واضطريت اترك امتحاناتي واسافر للعراق ....يعني ......الله كريم.......واعذريني على الاطاله بس اهم شئ لا تندمين وخلي عيونج الى الامام دائما .....وخلي حلمك هو هدفك .

[القديس بغدادي]

اهلا و سهلا اختي العزيزة بالمنتدى.
المنتدى زاد نوره بيج.

[نسمة العراق]

تسلم اخوية القديس المنتدى منور بأصحابه الطيبين امثالكم ::51::