اقتراح علمود المحاضرات

[mohammed_opel]

اخوان و خوات كلنة نعرف موضوع المحاضرات اللي علة النت و اللي ما راح تنزل الى ان يبيض الديج فعندي فد اقتراح انو من كل قسم يجي ممثل و نروح لرئيس الجامعة نقابلة و نتفاهم ويا و نفهمة انو مو كل الطلاب عدهم حاسبات بالبيت و مو كل واحد عندة حاسبة عندة نت و ومو كل واحد عندة نت عندة طابعة بالبيت يعني شغبة المحاضرات اللي بالموقع شغلة تعبانة فاذا ماكو عدكم مانع نجتمع كلنة بالسنتر و نتفاهم ويا بحيث كل ممثل قسم يجيب تواقيع من طلاب القسم يايدون الفكرة و نروح لرئيس الجامعة و نشوف النة حل لان ترة الشغلة لاصت
اخوكم محمد اوبل
قسم السيطرة

[prince of materials]

والله فكرة حلوة

[سفير المواد]

ان شاء الله خير

[BARCA]

و الله يا اخوية هي فكرة حلوة بس بنفس الوقت مو اي واحد يكدر يسحبها
و حتى لو تكدر تسحبها رح تكون مكلفة لان رح تستعمل انترنت و طابعة يعني اغلى مما تستنسخها
بس هي فكرة حلوة حتى الكل يعرفون شنو المادة الي ناخذها
بس للطلاب تبقى المحاضرات استنساخ افضل

مشكور عالفكرة

[queen of romance]

اي الاستنساخ هوايه احسن ,,,, لان شويه الموقع ثكيل ماعرف هو هيج لو النت يمي موزين !!

[butter fly]

احنا محضارتنا دتنزل على النت وتنزل استنساخ وومرات يردها

اي استاذ اول ميفوت نكولة منكدر نسحبها فراسا هو ينزلها استنساخ

[The AI]

أخي العزيز هذه الفكرة مطبقة في كل دول العالم المتطور وهذه الفكرة يجب أن ندعمها لكي تتطور لأنها تعود بالفائدة الكبرى على الطالب بالدرجة الأولى , ونحن الطلاب الشريحة المثقفة في هذا البلد فكيف نريد أن يتطور العراق ويكون في مصاف الدول المتطورة ونحن نعارض ابسط حالات التطور إما بالنسبة لبعض حالات التلكؤ التي سوف تحدث فهذا الشيء طبيعي لأناس انقطعوا عن التكنولوجيا لفترة طويلة وان شاء الله تتطور جامعتنا وتكون في مصاف الجامعات العالمية