سؤال

[البايلوجية]

السلام عليكم
ممكن اعرف ان الزي الاسلامي سوف يتطبق السنة في الجامعة

[المهندس العراقي]

والله بصراحة ما سمعنا اي شي عن هذا الزي



تحياتي

[حبجي على الموده]

منو كال هذا الحجي ممكن تردين

[هاكر العلوم]

الى الاخت البايلوجية من ضمن البيان الي نزل بخصوص الدوام بالجامعة ( الي نزلوه مجلس شورى المجاهدين ) يقول على البنات الالتزام بالزي الاسلامي ولم يحدد ماهو الزي الاسلامي

[حبجي على الموده]

اخوية هو الزي الاسلامي شنو ممكن توضح

[captive heart]

والله الصراحه اني داومت وشفت الزي اعتيادي للبنات ونفسه هوه الزي مال كل سنه لان احنه الحمد لله بناتنه محتشمات والله المعين...........

[البايلوجية]

انا طالبة مثلكم لااعرف الزي شنو السنة لكن هذا الي سمعتة وحبيت استفسسر

[ميسور الحال]

والله يا جماعه ميحتاج نوصي بناتنا لان الاصله ذهب مينعاب

[هاكر العلوم]

السلام عليكم اخوان اني هم داومت وشفت البنات نفس البس بس الي اعتقده ( وانا اركز على كلمة اعتقد ) انو الزي الاسلامي المقصود به ربطة وجبة وهاهي

[امواج الحياة]

اختي العزيزه هو بعد مصار دوام حتى نعرف الزي شنو
بس انت حاليا لبسي جبه لحد منعرف الزي شنو لان تره الجماعه ميتفاهمون
وان شاء الله اكون نفعتج
تحياتي

[الحزينه]

ههههههههههههههههههههه الحمد لله ملتزمه بهذا الشي قبل ميذكروه
اختي الزي الاسلامي جلباب مو نقاب
واكيد البنت الي تعرف مصلحته تعرف شلون تصرف

[الحزينه]

يسلم الاخ ميسور الحال والاخcaptive heart
على هذا الكلام الحلو والثقه العمياء في بنات محافظتم
الصراحه كلش فرحت بالرد مالتكم
مننحرم من هيج رفعة راس

[الاختصاصي]

سلام عليكم اختي
بيان اخوانه المجاهدين يكول الالتزام بالزي الموحد لابوشيه ولا غيره

مع تحيات اسود الصوفيه

[ميسور الحال]

تتدللين الحزينة وعيني انتو خواتنه ومنكدر ننطي بيكم
انتو منو الكم غيرنه
والله انتوا رفعة راسنا



اخوكمـ
ميسور الحالـ
بكر الساحر

[زوحل]

هلو اشلونكم باوعوا والله لحالكم تحجون لازي اسلامي ولاهم يحزنون بابا اني البايلوجيه بكيفج شنو تريدين تلبسين لبسي محد يحجي وياج اوكي وهمه شعليهم وترى مراح يضلون راح ينتهون بعون الله والله البارحه المركز الي يم الاقامه تعرفون من فتح لحد الان وهو مصارله 3 ايام لزم لحد الان 45 واحد وسجنوهم زين بالمركز زين هاي ما عدا الي نكتلو بالمواجه مال البارحه ولعلمكم الشارع الرئيسي العام يعني مال المحافضه راح ينفتح عن قريب من الجسر مال التاميم لحد الجسر مال الفلوجه وهسه صارلهم يومين ينضفون بيه للشارع العام وانته الشباب شباب الرمادي لو كلكم اتصيرون ايد وحده وتتتعاونون بعون الله محد يبقه منهم احنه هسه منطقتنه الي يكول بيه اني مجاهد ينعلون والديه والمجاهدين الي يمنه كلهم لزموهم زين والي ماتو وال فلتو

[الكبيسي99]

الى جميع الطالبات بالنسبة للزي الاسلامي ما اعتقد هذا الطلام صحيح لان من جانت الجامعة يم .......ما طبقوا الزي الاسلامي ... هسه شلون وثانيا نفس ماكال الاخ هاكر العلوم ( يمه خفت )::101:: البيان الي نزل من مجلس شورى المجاهدين ما حدد الزي الاسلامي للبنات ... واني رحت للجامعة و اجمي بعض البنات وماكو زي اسلامي انما .............................
اسف للاطالة

[بلال عيد جلال]

السلام عليكم انا بلال طالب جامعه الانبار كليه الحاسبات مرحله رابعه ممكن تقبلوني صديق جديد طبعا هو الزي الاسلامي ضروري للنبت وخاصه بجامعتنه لان ذوه الامريكان موجوديد حتى البنيه لا تتخلى بموقف حرج

[الشاعرة]

مشكور يا اخ ميسور الحال والاخcaptive heart
وبالنسبة للزي الاسلامي اني من اول كلية البس جبة بس هو السؤال القصد بالزي الاسلامي يعني نقاب لو لا

[امير الجامعة]

اختي العزيزة الخوان كالوا الالتزام بالزي الاسلامي ولم يحددوا اي شيء نطلب من عدكم الحشمه ولو انتوا ان شاء الله متحشمات بس حتى ميصير شي احنه منرضة بيه... والله اعلم