غزل ................ شعبي [الأرشيف] - دجلة نت ::: ملتقى شباب العراق

محطم قلوب العذارى

11-13-2006, 10:50 PM

عمــــي يبن الناس سلم مـن تمر

عمـــي يبن النـــاس حــن اعلينه

والله مــــاردنه تطـــــول بل سلام

هــــيـــه بـــس كلمت هلو تكفينه

تدري انته اهواي مـرمرت الكلب

او مـــن جمالك صـــار سكر بينه

انته مـــا تـدري ابجمالك يـا ترف

مـــن نشـــوفـــك نعـثر ابرجلينه

انته غصن الياس والماي العـــذب

ولــو كطعنه الماي مــــن يروينه

انته ذرات الهوى ونــور الشمــس

ولــو تغيب الشمس وك تــــــاذينه

انته ورد الرازقــي وعطره اليفح

اوريح عطرك يـــا ترف سابينـــه

انته تمر البرحي واحله امن العسل

والعســـل منـك أخـــذ كــل زينه

وانته نورك عكس نــور الكهــربا

تطفه هيه ونــــورك امضـــوينــه

وانته تي في وستـلايت والصحن

ولو يــروحن ذنـي شي ظل ليــنه

وانته اثاث البيت يـــا اجمل بشــر

وانته ســــــاس البيت وحياطيـــنه

للحسن انته صـــــــــرت اكبر مثـل

والحسن انتـــه هــــــــذاك ابعينه

انته عنه اهـــــــــواي كلش تختلف

واحنه ندري اوياك مـــــو من طينه

ظلت ابكيفك يعمــي اشمـــا تكول

ردنــه احنـــه ادز ســـــــلامك وينه

ونصبح ابكلبك يغالــي اويه النبض

مـــن يـــدك كلبك يــــــدك طارينه

محطم قلوب العذارى

11-13-2006, 10:52 PM

اسف لتشابك الكلمات خلل فني بحاسبتي

ارجو المعذره

المهندس العراقي

11-13-2006, 10:59 PM

ياريت حبي تعيد ارسالها من جديد
الان صعب قرأتها

تحياتي

Love 4 Ever

11-14-2006, 08:52 AM

اني كلشي مفتمهت من القصيده ياريت ادزها من جديد

الحزينه

11-14-2006, 02:19 PM

سويلها تحرير اخويه يعني تمسحه وتعيده من جديد