ماذا حدث لك في الكليه اكتبه حتى يستفيد البقيه(ارجوا التثبيت)

[mwm_x88]

عندي اقتراح بان كل طالب وطالبة يداوم بالكلية خلال الايام الجاية يشرح الوضع اللي يشوفة بالكلية من ناحية اكو دوام لو لا او اي حدث او موضوع مهم يشوفة هناك
ويبدي الموضوع بذكر التاريخ حتى يعرف باقيالطلاب اللي ممداومين شديصير بالكلية بغيابهم
مع تحياتي للكل
اخوكم (قناص المامون)::14::

[salwan_salwan]

مشكور على الموضوع......

[salwan_salwan]

تقبل مروري..

[yasser83]

والله موضوع حلو بالنسبة لليوم جان الدوام حلو والكلية هم حلوة بس المحاظرات بدت والدوام بدى بس شنو المسجل اللي بالنادي صوته مو واضح وشكراً

[mwm_x88]

شكرا حبيبي عله الرد و الديجي ما ادري شبي ناااااااااااصي و ورة ال12 يطفو و الله كفروني و ماضرات نص و نص اني اليوم اوف جنت باجر اداوم لح اكوله يخلي مشتغل الديجي و ما اخلي يطفي بلكت يله اخذو راحتكم .........ز ( قناص المامون )

[king of the dark]

اصلا اني صارلي شهرين من رحت للكلية وجانو بس عمالة وتفاجئت
بس اليوم من رحت بعد ملحو علية اصدقائي انو اداوم واصلا جنت ناوي ااجل الدوام هاي السنة
اليوم بتاريخ 13/11/2006
اتفاجئت من شفت الدوام ماشي والمحاضرات مستمرة وثلاثة ارباع الطلاب جايين فقررت ارجع للدوام رغم الظروف بالعراق
انصح كل الطلاب يداومون
ومشكور على هذا الموضوع المشجع
تحياتي::52::

[mwm_x88]

اي شباااااااااااب اشكركم عله الردود و اكوله العمرررررررررررررررررررر الو عمر حبي ثبت الموضوع لان كل واحد يجي يكتب شصار ويا ب الكليه حبي عمر لو امير بغداد.......... اي اني اليوم داومت و جان دوام حلو جدا و مداومين طلاب و طالبات و الديجي اليوم عاااااالي يعني زوين اي و دخلت محاضرات و صدك الدوام ماشي 14/11/2006 بس الي ضوجني اني مجنت متريك و ضليت ب المحاضرات و مطلعت ابد و رحت ساعه 2 الضهر للكافتريا لكيت مخلصين اكل لاااااااااااااااااا و بقيت بله اكل تقبلوهه لساعه 4 العصر ب الله اكو واحد يقبلهه شلون وياهم يله منا وجاي اجيب ويايه ( لفاتي ) هههههههههههههههههههههه نياااااااااا يله اخذو راحتكم اخوكم ( قناص المامون ) مرحله تاهيلي..........

[ali jubran]

اي والله المسجل يوشوش
مشكور عل موضوع

[الضـــوء الاســود]

والله اني وشوشت ويه المسجل لان مادري اداوم لو لا

بصراحه اني اريد اداوم بس الاهل مانعيني لان امان ماكو

[mwm_x88]

اني احبائي اليوم ممداوم و ضجت لان الطريق مزدوووووود حرامات راحت المحاضرات و وششت ب البيت ب المسجل هههههههههههه

[mwm_x88]

اي احبائي اني ممداوم اليوم الخميس لان اكو اوف عندي و شكرا عله مروركم

[mwm_x88]

يمعوووووووووووووووووود عمر دثبت الموضوع الووووووووو عمر تايوان دجاوب يمعود ::38:: ::38:: ::38:: ::38:: ::38:: ::38:: ::38:: ::38:: ::38::

[lovly cat]

عاشت ايدك على الموضوع ::13:: ::13:: بس اني اللي ديصير ويانة مصاير بأي سنة شو مسويهة الاساتذة جديات ::1:: ::1:: ودك محاضرات ::27:: ::27:: لعد قسم الهندسة شمسوين بيهم ماادري ؟؟؟::237:: ::237:: على العموم داوموا ترة اكو دوام بس بعد حظر التجوال ماادري اداوم وبعديين اكوللكم 27/11/2006..::51:: ::51::

[باهر العبيدي]

والله عاشت ايدك على هذا الموضوع واني انصح كل الطلاب بأن ايداومون لان حرامات اتروح عليهم سنه واكل المنتظر داوم حبي حته لتروح عليك هاي السنه واني لو بالعراق والله اله اداوم ومااعوف الكليه لو حته ايكلولي اكو مفخخه اباب الكليه لان الدوام بكلية المامون حلو وتقبلو مروري

[ali jubran]

اني اليوم داومت اليوم اربعاء
وماكو دوام قليلين طلاب بس اكو محاضرات
كالو عل سبت الدوام

[mshmshon]

هلو شباب اشونكم اريد اخذ رايكم بموضوع وهو انه ما اداوم هذه السنة واني ترة صف ثاني علوم حاسبات وشاطرة ومن بدت السنة داومت واخذنة محاضرات بس منع التجول وعدنة مختبرات من ساعة 1 الى 2 ومدياخذونة وهي اهم شي ومرات محاضرات المفروض تبدي من ساعة 1 الى 2 ونص ويكول الاستاذ يلة على غير يوم ناخذها ومرات نتاخر والخط واكف كلها حيرة ولخبطة والطريق ينسد والاوضاع حتى واهس للدوام راح وفوكاها عدنة اوف احد وثنين وباقي الايام محاضرات وحدة ورة الخ ماكو تنظيم واني كلش كابة اريد وما اريد ااجل شلون حبابين فكروا وياية مشكورين

[الحارثي]

السلام عليكم حبيت اكلكم انو احنه من جنة بالكلية من سنة 1997 ولغاية التخرج سنة 2004 كانت من احلى الايام التي عشناها واله يساعدكم على الدوام هسة لانه الوضعيه هسه كلش تعبانة الله يساعدكم
اخوكم حسام ليث خريج قسم العلوم التجارية الطاك

[المنولـــــــــــــــــيا]

اول شي اكوله هي احلة كلية كليتنا ثانيا الدوام يجنن ومتت الا شوية من صار منع التجوال بعدين كلشي ماكو والممداوميين خل يداومون ترة يتندمون لان جابوا ابو كباب بالكلية ديشوي كباب ومعلاك وتكة وجابوا رولة شاورما بالنادي بعد شيردون اكثر من هالدلال مع الاسف اني السنة رابع وراح اتخرج

[yasser83]

والله صحيح الكلية صايرة حلوة والدوام ماشي بس احنا من يوم الخميس الى اليوم ماكو دوام بس اليوم خابرت شكو واحد بشعبتنا اتفقنا على الدوام يوم الاحد لأن الاوف مالتنا صار السبت وكتلهم لو عشر مفخخات بابا الكلية راح انداوم وعلمود احنا رابع راح نتخرج وبعدنا ممداوميين تحياتي اللكم

هم أبن الجغرافية

[شبعاد العراقية]

شو محد كاتب اليوم شصار بالمامون اكو دوام لا؟؟؟؟؟؟؟؟

[princess al_maammon]

آني والله اليوم داومت وحيل أتونست لأنه ألتقيت بزملائي اللي صار فترة مشايفتهم
بعد طول غياب دام اسبوع
ومدخلت محاضرات ولو أكو بس كنسلتهة
وضليت بالنادي .
ووراهة رجعت لماي هوم.

[الاستاذ الصغير]

اني متخرج بس اليوم رحت للكليه علمود اطلع وثيقه تخرج
على العموم الكليه صايره حلوه بس المشكله طلاب قليلين
والله ايوفقكم ياربي
اي شي تحتاجو اني حاظر مساعده من ناحيه الدراسه
وخصوصا علوم الحاسبات قسمي وصف اول هندسه لان
مادتهم سهله وحتى اي قسم بي درس حاسبات لان اتكون
الماده سهله بالنسبه النه وان شاء الله اكفي واوفي وياكم

[KasperSky]

هاي شباب اني رندة طالبة ب المامون صف ثالث انكليزي اكو دوام لو ماكو

[الفاتنة]

الدوام ماشي ويه المحاضرات بس الله ينتقم منهم ويطلع حوبت الطلاب

[HaNeeN]

هلووو...وهذا احلى موضوع شفته ليحد الان بس ياريت تكولونه الاسبوع الجاي حداومون لو لا ... اني ليحد الان ممداومه فعذروني ماعندي شي اكوله .

[TOTI_wael_TOTI]

اني جنت بعيد عن المفخخه سبع مترات وما متت والله شباب مو بخت ههههههههههههههه

[ali jubran]

والله اني دا اداوم يوميه والدوام ماشي والمحاضرات
وكلشي ماشي والونسه كلش حلوه