الزعيم
11-12-2006, 11:49 PM
.وصفنا شما وصفنا ما وصفنا......
جمالك يرادلة كعدة و صفنا.......
ريتك بكليتنا و صفنا............
اذا تاخذ صفر أنطيك ميه......
عليهم
.وحق الله و سما و فضا و أرضه......
بغيرك لا تظن أقتنع و أرضه.........
عشرتي وياك عشرة خشب و أرضه.....
تلفت أعظاي لما اسكنت بيه.
.أنا الصياد صادتني شبكتك....
و دخيل الله شكثر حلوه شبكتك.......
أدك عليك ! مشغولة شبكتك......
أظن مغلق جهازك بس عليه!!!
اريد اخبط زميج الرمل والحر
وادور عالصديق الوفي والحر
نخيت الله وابو الحسنين والحر
لأزرع طريقك ورد لو عدت ليه
لا راهب عرف علتي ولا قس
وليلى ابتلت مثلي ولا قيس
بعد ما عد ليالي هجرك ولا قيس
لأن كل مااذكرك تشب النار بيه
لغيرك ماجرى دمعي ولاهل
غاب الكمر من شافك ولاهل
مالي جار بالدنيه ولا اهل
بس انت اعز حبيب اليه
وهايه شويه للحدايق الماعندهم رصيد
سل سيفه الدهر بحشاي سنتين
وحسافه وياك من عمري كظت سنتين
اخبرك من رصيدي بقن سنتين
واذا عندك رصيد اتصل بيه
عمي رمشلي احب رقمك ورمشاك
واظل طول العمر امشي ورا امشاك
يريت اصفن على خدودك ورمشاك
دخيلك ابد لا تبعد عليه
حلاوة وطيب للياكل تمرنه
ويظل نافذ كلامك من تمرنه
تميل بغداد كلما من تمرنه
ونهر دجله الك ياخذ تحيه
يا لايم لا تلوم الكلب بس عاد(بس رجع)
شفت ناس بظليمه وناس بسعاد
يهل تنحب بتالي الليل بس عاد(كافي)
تذكرني بوليفي العم عليه
ياعاذل لا تلوم الروح خلها
وعساها تموت بعد فراك خلها
مسك ايدي الطبيب وكلت خلها
لأن الالم بالكلب ماهو بيديه
حبيبي لو زرت ديارنا مرهه
ونفسك ع الوفا والطيب آمرهه
انه عشرتك ضكت حلوتهه ومرهه
طلع مرهه امر من المنيه
يراس المال انت والتجارة
وعليك العين تدمع واتجارة
عونه الصار جارك وانت جارة
يشوفك كل صباح وكل مسيه
انه خلافك اسامر من وانــــادم؟(النديم يعني الصديق)
وعلى شوفتك متحسف ونـــادم
عيون الناس مي تبجي وانا دم
وتهل العين من فركاك غصبا عليه
اعرفـــــت كل شينك وزينك وعابيك(عيوبك)
وكلبي من الزغر ما وعى بغيرك وعى بيك
أشور بيك تدريني واعابيك(لأن اني علويه)
وعلي ان جانك تريد تخون بيه
احبك وماحب على الارض سواك
سبحان الذي من طين ســـــــواك
بشر لكن ويه الكمر ســـــــــاواك
حبيبي انت الوحيد وبعيد عليه
خيالك ساكن بعينـــــي ولا راح
وعكبك ماشفت ونسه ولا راح
يريت العقل شت منــي ولاراح
وفركاك يالحبيب اثر عليه
يحبك ودعـــــــــــــــــاه الكلب ونشال
عبنك مادريته شكثـــــــــــر ون شال
انه بمحبتك بس اخيط جروح وانشل
شخيط بعد والعله خفيه؟
اجه طيفــــــــــــك بعز نوم وعاني
وشكثر لجلك متحمـــــــل واعاني
جيتك معتني لدارك واعـــــــــاني
عليش انت نذل ماتسأل عليه
بس اني زماني ويــــــــــــــــاي خوان
خلاني وحيد وبـــــــــــــــــــدون خوان
دورت عالصـــــــــــــديق وطلع خوان
ثاري اهل هالوكت مامنهم رجيه
يولفـــــــــــــي الشوك طشرني ولمني
وداء الهجــــــــــــــــــر تعبني وآلمني
انه حاضر تعال اعتب ولمني(لومني)
وخلي شمايصير يصير بيه
وهايه اهديها لناس ابعاد عن عيني
تراني بضيم يااحبابي وراكـــــــم
وعجاج الضعن سد عيني وراكم
تجوني بحلم لو يقضه واراكـــــم
يريت الحلم والصحوة سويه
طيور الفرح فوك الروس حلت
وروحي بدار اهل المحب حلت
الليله الشمس عدنا يهل الطيبين حلت
بليله العيد والفرح انجمعن سويه
ضكت كل ضيمكم ياهلي ومركم
وصرت مابين امر الله وامركم
لابد يوم اوصلكم وامركم
واعاتب كل محب ما مر عليه
سهرت الليل يامحبوب منطر
وبقت عيني على البيبان منطر
شفت وجهك عبالي الفجر من طر
كمت صليت غصبا عليه
احبك يابو شامه والوجه دوار
وكلبي عليك من الصغر دوار
لعوفن هلي واشتغل دوار
واشوفك كل صباح وكل مسيه
تذكرني رسوم الدار بيهم
سباع وجنت اكيد العدو بيهم
ثلاث حالات لو دورت بيهم
المراجل والمروة والطباع الابيه
من امس واليوم شخصك مالفاني(ما وصل يمي)
وشكثر اشعار لجلك مألف اني
رحت بهيمه مألف اني
ادور عليك يالضعت من اديه
اذا انت صدك ردت تنكر حناني
لحط على الروح واخبزها حناني
وسفه والف ياحيف الك وكتي حناني
نسيت الحب كمت تعطف عليه؟؟؟
زرعت الصبر فوك جلاي ورد( نبت فوك جلاي )
وسكيته من دمع العين ورد
حبيبي عليك اسأل الراح والرد( الراح والإجه )
عليش انته نذل ما تسأل عليه
اريد ارحل عن الديرة ولاعود
وربابه بعدك ماتسليني ولاعود
وجكارة مابقت عندي ولاعود
وفلوس التتن حصرة عليه
وهايه احلى ابوذيه بالنسبه الي
على ضيم الهوا ياروحي علمي ( بمعنى تعلمي على الضيم)
وبيها من هاليوم انه رفعت علمي (يعني الرايه)
وسألتها المستوى وتكول علمي
بخامس ب يالتسأل عليه
جمالك يرادلة كعدة و صفنا.......
ريتك بكليتنا و صفنا............
اذا تاخذ صفر أنطيك ميه......
عليهم
.وحق الله و سما و فضا و أرضه......
بغيرك لا تظن أقتنع و أرضه.........
عشرتي وياك عشرة خشب و أرضه.....
تلفت أعظاي لما اسكنت بيه.
.أنا الصياد صادتني شبكتك....
و دخيل الله شكثر حلوه شبكتك.......
أدك عليك ! مشغولة شبكتك......
أظن مغلق جهازك بس عليه!!!
اريد اخبط زميج الرمل والحر
وادور عالصديق الوفي والحر
نخيت الله وابو الحسنين والحر
لأزرع طريقك ورد لو عدت ليه
لا راهب عرف علتي ولا قس
وليلى ابتلت مثلي ولا قيس
بعد ما عد ليالي هجرك ولا قيس
لأن كل مااذكرك تشب النار بيه
لغيرك ماجرى دمعي ولاهل
غاب الكمر من شافك ولاهل
مالي جار بالدنيه ولا اهل
بس انت اعز حبيب اليه
وهايه شويه للحدايق الماعندهم رصيد
سل سيفه الدهر بحشاي سنتين
وحسافه وياك من عمري كظت سنتين
اخبرك من رصيدي بقن سنتين
واذا عندك رصيد اتصل بيه
عمي رمشلي احب رقمك ورمشاك
واظل طول العمر امشي ورا امشاك
يريت اصفن على خدودك ورمشاك
دخيلك ابد لا تبعد عليه
حلاوة وطيب للياكل تمرنه
ويظل نافذ كلامك من تمرنه
تميل بغداد كلما من تمرنه
ونهر دجله الك ياخذ تحيه
يا لايم لا تلوم الكلب بس عاد(بس رجع)
شفت ناس بظليمه وناس بسعاد
يهل تنحب بتالي الليل بس عاد(كافي)
تذكرني بوليفي العم عليه
ياعاذل لا تلوم الروح خلها
وعساها تموت بعد فراك خلها
مسك ايدي الطبيب وكلت خلها
لأن الالم بالكلب ماهو بيديه
حبيبي لو زرت ديارنا مرهه
ونفسك ع الوفا والطيب آمرهه
انه عشرتك ضكت حلوتهه ومرهه
طلع مرهه امر من المنيه
يراس المال انت والتجارة
وعليك العين تدمع واتجارة
عونه الصار جارك وانت جارة
يشوفك كل صباح وكل مسيه
انه خلافك اسامر من وانــــادم؟(النديم يعني الصديق)
وعلى شوفتك متحسف ونـــادم
عيون الناس مي تبجي وانا دم
وتهل العين من فركاك غصبا عليه
اعرفـــــت كل شينك وزينك وعابيك(عيوبك)
وكلبي من الزغر ما وعى بغيرك وعى بيك
أشور بيك تدريني واعابيك(لأن اني علويه)
وعلي ان جانك تريد تخون بيه
احبك وماحب على الارض سواك
سبحان الذي من طين ســـــــواك
بشر لكن ويه الكمر ســـــــــاواك
حبيبي انت الوحيد وبعيد عليه
خيالك ساكن بعينـــــي ولا راح
وعكبك ماشفت ونسه ولا راح
يريت العقل شت منــي ولاراح
وفركاك يالحبيب اثر عليه
يحبك ودعـــــــــــــــــاه الكلب ونشال
عبنك مادريته شكثـــــــــــر ون شال
انه بمحبتك بس اخيط جروح وانشل
شخيط بعد والعله خفيه؟
اجه طيفــــــــــــك بعز نوم وعاني
وشكثر لجلك متحمـــــــل واعاني
جيتك معتني لدارك واعـــــــــاني
عليش انت نذل ماتسأل عليه
بس اني زماني ويــــــــــــــــاي خوان
خلاني وحيد وبـــــــــــــــــــدون خوان
دورت عالصـــــــــــــديق وطلع خوان
ثاري اهل هالوكت مامنهم رجيه
يولفـــــــــــــي الشوك طشرني ولمني
وداء الهجــــــــــــــــــر تعبني وآلمني
انه حاضر تعال اعتب ولمني(لومني)
وخلي شمايصير يصير بيه
وهايه اهديها لناس ابعاد عن عيني
تراني بضيم يااحبابي وراكـــــــم
وعجاج الضعن سد عيني وراكم
تجوني بحلم لو يقضه واراكـــــم
يريت الحلم والصحوة سويه
طيور الفرح فوك الروس حلت
وروحي بدار اهل المحب حلت
الليله الشمس عدنا يهل الطيبين حلت
بليله العيد والفرح انجمعن سويه
ضكت كل ضيمكم ياهلي ومركم
وصرت مابين امر الله وامركم
لابد يوم اوصلكم وامركم
واعاتب كل محب ما مر عليه
سهرت الليل يامحبوب منطر
وبقت عيني على البيبان منطر
شفت وجهك عبالي الفجر من طر
كمت صليت غصبا عليه
احبك يابو شامه والوجه دوار
وكلبي عليك من الصغر دوار
لعوفن هلي واشتغل دوار
واشوفك كل صباح وكل مسيه
تذكرني رسوم الدار بيهم
سباع وجنت اكيد العدو بيهم
ثلاث حالات لو دورت بيهم
المراجل والمروة والطباع الابيه
من امس واليوم شخصك مالفاني(ما وصل يمي)
وشكثر اشعار لجلك مألف اني
رحت بهيمه مألف اني
ادور عليك يالضعت من اديه
اذا انت صدك ردت تنكر حناني
لحط على الروح واخبزها حناني
وسفه والف ياحيف الك وكتي حناني
نسيت الحب كمت تعطف عليه؟؟؟
زرعت الصبر فوك جلاي ورد( نبت فوك جلاي )
وسكيته من دمع العين ورد
حبيبي عليك اسأل الراح والرد( الراح والإجه )
عليش انته نذل ما تسأل عليه
اريد ارحل عن الديرة ولاعود
وربابه بعدك ماتسليني ولاعود
وجكارة مابقت عندي ولاعود
وفلوس التتن حصرة عليه
وهايه احلى ابوذيه بالنسبه الي
على ضيم الهوا ياروحي علمي ( بمعنى تعلمي على الضيم)
وبيها من هاليوم انه رفعت علمي (يعني الرايه)
وسألتها المستوى وتكول علمي
بخامس ب يالتسأل عليه