اختبر معلوماتك المعمارية نياااااااااااااااااا

[المعماري النبيل]

السلام عليكم

حاب اشارك اليوم بفقرة بسيطة
واعتقد راح تكون مفيدة

الفقرة ببساطة عبارة عن سؤال وجواب

راح ابدأ انا بسؤال
وانتظر عضو يعرف الاجابة عليه
وصاحب الاجابة الصحيحة يسأل سؤال ثاني
او يعتذر عن السؤال حتى يسأل عضو غيره
وهكذا

طبعا موضوع الاسئلة كل ما يختص بالعمارة
معماريين واعمال معمارية ونظريات في العمارة وتسميات وغيره

يالله نشوف الثقافة المعمارية وينها وخاصة للمتخرجين (الحمد لله بعدني ما متخرج )....

متى بني قوس النصر بفرنساو من هو الذي بناه؟؟؟؟؟؟

[المعماري النبيل]

شباب وشابات المعماري شنو السالفة اشو ماكو جواب شنو السالفة يمعودين وينكم نريد شويه نسترجع ذاكرتكم ونقوي عزيمكتم لو بس نقرا ونطلع يالله انتظركم

[حارس الارض]

ما ادري والله مستحي منك بس يلة هسة اكو الي يجاوب

[المعماري النبيل]

لا يمعود ان شاء الله ماكو مستحا وعادي كلش عادي بس خلي ننتظر اذا اكو احد يعرف الجواب ونشوف الجواب الصحيح بعدين ومشكور على الزيارة

[المعمارييية]

السلام عليكم
اولا مبروك الرجعة مالت المنتدى كلش فرحت من رجع لان صدك الواحد يحس هنا بين اهله واخوانه وخواته وجماعته
ما اريد اطول عليكم والله ولا ادري منو بناه (شكد عيب ) هاي عود دارسين تارخ عمارة
بس اتصور نابليون اخونا السائل المعماري النبيل شنو الجواب يمعود ما عندك اصعب من هيج ترة والله حيرني الجواب

[المعماري النبيل]

يابه اريد هلهولة على شغلتين اول شي هلا بيك يا معماريية وثاني شي عفيه عليك والله جوابك صحيح الذي بناه هو نابليون بونابرت عام 1806 وبارك الله فيك وعفية بس اشو لعد غير تسالين ماشي على المرة القادمة المهم سؤالي الاخر هو
كم يبلغ طول سور الصين العظيم والذي هو الشي الوحيد الذي بناه الانسان و يرى من القمر ؟

[المعمارييية]

يمعود اني رح اهلهل جديات فرحت من طلع الجواب صحيح بس يراد واحد يفكرله بمنطقية
لالالالا اصدق وما سالت سؤال لان جان عبالي الجواب غلط المهم
جواب هذا السؤال اعذرني ما اعرف بالتحديد بس اعرف كلششششششششششششششش طويل يمتد لعدة كيلو مترات او يمكن اميال بس ما اعرف الرقم بالظبط
شكرا على الاسئلة وادامكم الله

[النجم الساهر]

خوش فكرة الاسئلة والاجوبة حلوة وشلون احنة نحب درس التاريخ ومنفوت ولامحاضرة.......
اما الجواب فجوابي حيكون عالسؤال الجاي لانه ممحضر نفسي.

[المعماري النبيل]

ها النجم الساهر بدينا بالتاجيل يل عيني اطلع من الدور الاول وتعال حضر نفسك نيااااااااااا المهم عفيه بالمعمارية ونريد جواب بعد لهذا السؤال حتى نشوف السؤال اللي وراه شنو يالله همتكم شباب و شابات المعماري

[المعمارييية]

يمعودين كافي حجي دي انطينا الجواب يمعود المعماري النبيل يلا عاد كافي مجاملات المعماري ما يجامل عفية يمعودين فد موضوع معماري بحت شوية والله مشتاقين للمنتدى وللمواضيع وين الهمممممممممة

[عمر تايوان]

همزين اني ماعرف الجواب

[هولاكو]

الله يساعدك يا معماري يا نبيل خلوك وحدك بهالموضوع
المهم اني الي اعرفه هوه كلش طويل (4000)كم او اكثر شويه
وعاشت ايدك حبي

[شمس المعماري 23]

اني معلوماتي صفر بالتاريخ خخخخخخخخخخخخخخخخخخ

[المعماري النبيل]

اوكي شباب راح اكول الجواب هو يبلغ طول سور الصين العظيم ما يقرب من 6,400كم وانتظر احد منكم ان يسال سؤال ويشارك بالموضوع على ان يعرف الاجابة او على راحتكم وهولاكو اجابتك كانت قريبة عفية عليك وانتظر من المعماريية ان تشاركنا بسؤال وشمس المعماري عادي ما بيه شي اذا ما تعرفين بس مشاركتك كافيه

[المعماري النبيل]

لا اعرف لماذا لا يوجد تفاعل مع هذا الموضوع..
أنا أرى فيه الفائدة الكثيرة فنحن بحاجة إلى تنمية ثقافتنا المعمارية ...
يعني أي سؤال ببساطة ممكن نعرف إجابته من البحث في جوجل وبالتالي بنكون
بحثنا واستفدنا معلومة لو شنو رأيكم؟؟؟

[المعماري النبيل]

سؤالي أين توجد قبة الألفية وماذا تعرفون عنها؟؟؟

[المعمارييية]

اني اني اني اعرف
توجد بلندنو تسمى
london dome
ها شنو رايك ها وصدك بالمناسبة جانت مهددة بالانهيار شنو رايك بهل المعلومة البسيطة وبالمناسبة هماتين اني كلش مهمتمة بهذا الموضوع بس ما ادري محد دي يشارك ما اعرف ليش عبالك جان قبل المنتدى غير شكل المهم نريده يتعمر بينا احنا المعماريين ؟ها شنو رايكم بهذا الموضوع تتذكرو؟
اما عن السؤال فهو ولو شوية سهل بس نريد مشاركات
منو رواد الحركة التفكيكية وارجو ذكر اكثر من اثنين ؟؟؟؟؟؟؟؟؟؟!!!!!!!!!

[المعماري النبيل]

عفيه عليك يا المعماريية سنظل صامدن لحين يأتي الاخرون (شنو هاي شاعر طلعت اني نياااااااا ) و بالنسبة لسؤالك الحلو رواد الحركة التفكيكية هم المؤسس جاك داريدا و بيتر ايزمان و زهاء حديد و بيرنارد تشومي (ها شلوني )

[المعمارييية]

عفية عليك بس وين سؤال؟؟؟؟؟؟؟؟؟ ها يابة هاي وحدة عليك

[Miss. Arch]

سنظل صامدن لحين يأتي الاخرون (شنو هاي شاعر طلعت اني نياااااااا )

احلى شي الصمود ....
وين السؤال ؟ ترى الموضوع كلش حلووو

[Miss. Arch]

زين اسأل سؤال ؟

من أنشأ مجموعة Coop- Himmelblan ( المجموعة الزرقاء ) و في اي عام ؟

[miss_babylon]

هذه المجموعة ( مجموعة السماء الزرقاء ) أنشاها وولف بركس وهلموت سوزنيسكي عام 1968

................................

بالمناسبه اني طلعتها من الكوكل وما عندي سؤال لان اني مو معمارية

لا اوكي راح اخلي سؤال

هندسة معماري شكد تحتاج معدل اني راح اروح للسادس و دا اقرة

و مدمرة نفسي علمودها

اعرف كلسنه شكل بس تقريبا كمعدل شكد؟

((((((((( طلعت خارج الموضوع )))))))))خخخخخ

[المعمارييية]

ما احجيلج شكد بعيدة عن الموضوع ومس بابلون شتسوين بالمعماري والله كله تعب وسهر بس والله يخبببببببببل انت بس تعبي نفسج والله كريم
ومس ارك عفية فد مشاركة صغيرة منج ووين يونتي ويت هولاكو وين كرافي وين ناصر وين اليقية يمعودين دي رجعو للمنتدى حيوته ترة والله مشتاقين للمعلومات المفيدة (افيدووووووووووونا افادكم الله)
وين الهمة؟؟؟؟؟؟؟؟؟؟؟؟؟!!!!!!!!!!!!!!!!!!!

[نونة القلب]

هلو معماري نبيل على سؤالك طول سور الصين اتصور 33 كم وبعدني مشايفه مرور البقيه فاذا مجاوبين عليه اكون تاخرت

[المعماري النبيل]

هلو مس بابيلون ومشكورة على المرور وان شاء الله تنقبلين بالمعماري و تظلين ويانا مشاركة وهلا فيك و مشكورة مس على السؤال و مشكورة المعمارية على الاستمرار و انتظروا مني السؤال الجاي

[Miss. Arch]

اي مس بابيلون الجواب صحيح
اوكي اخونا منتظرين السؤال الجاي

[المعماري النبيل]

زين هذا السؤال ويايه انتوا مو اكيد مستعدين راح اسال اقروا السؤال من هو مصمم
Westin Awaji Island وما هو هذا المبنى و اين يقع ؟

[نونة القلب]

يابه بعد مااجاوب على اسئلتك لان جاوبتك على سور الصين ومارديت علي شكرا معماري

[Miss. Arch]

الصدك ما سامعة بيه ::1:: ...
بس شنو بحثت و الحمد لله المصمم طلع عرف ::55::
نرجع للجواب .........
المصمم الياباني تاداو اندو ...
الموقع باليابان
حسب الي قريته هو ( مصيف و مركز مؤتمرات ) تابع لجزيرة Awaji ؟

http://images.worldres.com/property/a24500/24666/hotel.jpg

خوش صورة هاا ::16::

[المعماري النبيل]

لا نونة القلب يمعودة ما نكدر على زعلك بس ترة اني جاوبت السؤال واني مشكور هواية منك لو ترجعين تقرين شكد طوله و ارجوا ان يكون ماكو زعل ( ترة ابطل )
و بالنسبة لمس ارك اشكرك على الصورة الحلوة و الاجابة وانتظر سؤال منك

[نسمة عراقية]

هلو للكل .........

شباب اشو اني فشل بكل هاي الاسئلة السابقة ..؟؟؟
والله عيب علية اكول اتخرجت هل سنة ...

عيب عليج يا نسمة ... والله عيب ...

بس حلو الموضوع ...
عاشت ايدكم عليه ... ومن الكة شي اعرف اجاوب عليه تلكوني سابقتكم بيه ... وراسا ...

سلااااااااااااااام ...

[المعماري النبيل]

عيب عليج يا نسمة ... والله عيب ...

تره والله حلو ان الواحد يعاتب نفسه ما بيه شي اني شفت فد يوم واحد كتل نفسة بالله عليكم مو سامعين مثلا واحد كتل نفسة على القرأة نياااااااااااااااا
المهم هلا فيكنسمة وعادي ما بيه شي بس كلنا السؤال اللي ما تعرفوه سووله بحث بالكوكل ويطلع الكم

[المعماري النبيل]

ما هو اكبر قبر في العالم (سؤال معماري سهل)؟وما هي معلوماتك عنه

[المعمارييية]

ها معماري نبيل هاي شنو تدري ما عرفت الجواب الا من كلت سؤال معماري سهللللللللللللل صدك سهل
الاهرامات يعني يريدلها روحة للقاضي
ونسمة منتظرين سؤالج والله اني ما عندي سؤال عندي اسسسسسسسسسسسئلة بس الله كريم

[Miss. Arch]

انا ايضا تصورت الاهرامات عود لأن دارسيها !
بس لا يجوز مو صحيح ( بعد ما ادري)
لأن قارية اكبر قبر موجود باليابان ...

[المعماري النبيل]

هاي شنو مس يمعوده الاهرامات جواب صحيح صدك جذب و الله عفية المعمارية جاوبتي اخيرا

[Miss. Arch]

مو الاهرامات مجموعة مقابر .....
اكبر قبر موجود باليابان بكيفكم لا تصدكون لا من صدك ترى !
اجيبلكم معلومات عنه و فد صورة من اسافر لليابان !!

[المعماري النبيل]

يالله يابه عود ننتظر صورة منك مس بس اشوكت ما تروحين لليابان عود دزيلي خبر حتى اوصيلك حراس سيطرة الحدود اليابانيين حتى يفتحولك الطريق نياااااااااااا

[Miss. Arch]

زين انطيك خبر ....
بس هسة نريد خبير بسالفة القبور و تاريخيها
ترى بعدني ما مقتنعة !! (مزعجة مو ؟ )
يلا اسألوا غير سؤال

[المعماري النبيل]

سؤال ماشي هذا سؤال
من هو المعماري الذي تميز باستخدام الخرسانة
حتى اعتبره المعماريون ولقبوه ب(ابو الخرسانة المسلحة) ؟؟

[Miss. Arch]

تاداو اندو مو ؟
ترى هالمرة الجواب من الذاكرة
ما بحثت و لا شي

[Miss. Arch]

بس تاداو اندو يسمى شاعر الخرسانة
ما ادري الجواب صح لو لا ؟

[المعمارييية]

يبو عزززة هسة صارت شغلة معمارية بس تصدكون يمكن قاريتها بس مدا اتذكر منو عود اشوفلكم الجواب وارجع

[نسمة عراقية]

اشو اني مسامعة بيهة ابد .......

وبعدين يا عمي ليش هي ناقصة مسلحيييييييييييييين ؟؟ ؟

بس على سالفة اكبر قبر اني اول مخطر ابالي تاج محل .....
بس طلع غلللللللللللط ...

[المعماري النبيل]

عاشت ايدكم فكروا بعد نيااااااااااااااا

[المعماري النبيل]

طبعا الاجابة صحيحة اوجست بيريه هو ابو الخرسانة المسلحة اتمنى احد من المعماريين الشباب يشاركنا من بغداد لا تتالمي و الاخ كرافي و بعد الباقين و حارس الارض ( و كلهم على بالي بس هسه اتذكرهم ) و اتمنى من البنات يسالون يا معودين ترة هذا لمصلحتكم والله معلومات زايدة

[Miss. Arch]

صدك اخوية المعماري هالموضوع مفيد جداا سواء للطلاب او حتى المتخرجين
المعماري اوجيست بيريه ما سامهة بيه قبل , يعني جاي نضيف معلومات جديدة على معلوماتنا .....
تاداو اندو الي اتصورته الجواب الصحيح يلقب بشاعر الخرسانة , ايضا يستعمل الخرسانة و يخليها على حالها دون مواد انهاء و لذلك اجا على بالي ....
الف شكر اخوية عالمعلومات ....
يله اسألوا لو انا اسأل

[Miss. Arch]

س : من صمم المعهد البايولوجي سالك Salk Institut في كاليفورنيا و في اي عام تم انجاز البناء ؟
و اذا عرفتوا منو المهندس المدني الي نفذه ( خير على خير ) ؟
ترى السؤال سهل

[Miss. Arch]

يااااااابة السؤال سهل
ماكو معماري ما يعرفه

[Witness]

يمكن عبد فلك على ما اعتقد
وبالسنة الي نزل بيها شريطة الاول
والله اعلم

[Miss. Arch]

هههههههه حلوة منك وتنس
ليش هيج ؟

[Witness]

اي شسوي مدا اعرف شو الدنية مكلوبه هنا
موتزعلون بس حبيت اشاقة ويه النبيل

[المعماري النبيل]

لا عيني وتنس ماكو زعل ان شاء الله بس عادي اللي ما يعرف خلي يكول اني ما اعرف لان اني هم ما عرفت الجواب وهذا شي عادي وننتظر بعد مشاركات واذا ماكو احد عرف هذاك الوكت خلي مس وطبعا مشكورة على مشاركاتها خلي تجاوب على سؤالها

[نونة القلب]

هاي معمارنبيل كيف الاحوال والله حيرتني باجابة سور صين لعد شون سامعتها هيج عالعموم خيرها بغيرها ومشكور على الاسئله

[المعماري النبيل]

لا نونة عادي مابيها شي بس هسه منو اللي يجاوب على سؤال اختنا مس ارك

[المعماري النبيل]

اخوان اذا كلنا ما نعرف راح اخلي غير سؤال ماشي بعد موافقة مس ارك وتكون مشكورة اذا جاوبتلنا عليه

[Miss. Arch]

س : من صمم المعهد البايولوجي سالك Salk Institut في كاليفورنيا و في اي عام تم انجاز البناء ؟
و اذا عرفتوا منو المهندس المدني الي نفذه ( خير على خير ) ؟

ج: المعماري لويس كان ,تم انجاز البناء سنة1965
المهندس المدني الي نفذ المشروع اوغست كومندان

[المعماري النبيل]

مشكورة مس على الموضوع وبارك الله فيك على المعلومات القيمة
وانتظروا سؤالي او اي سؤال من الاعضاء

[Miss. Arch]

http://members.lycos.co.uk/waseimuk/uploading/83877.jpg



هذه صورة لمعهد سالك , كالفورنيا

ننتظر سؤال ....

[المعماري النبيل]

في فترة الثلاثينيات من القرن الماضي حدث شيء خاص بالنسبة للعمارة في العالم .....
هو ظهور طراز معماري ....
ما هو ذلك الطراز ؟؟؟
وشنو مميزاته؟؟

[المعمارييية]

عززززززززززززززززة راح الطم شنو
الحداثة مو ؟؟؟؟؟؟؟؟؟؟؟
international style
والمميزات كلش هواية مو مال واحد يذكرها هنا يرادلها اطروحة ماجستير
واذا تريدون كولو

[نسمة عراقية]

ياعمي والله راح ابجي دا احس نفسي كللللللللش غبية بالعمارة بس المشكلة انه اني مو هيجي ...

بس ليش مدا اعرف اجاوب شي؟؟

[بغـــــداد لا تتألمـــــي]

اي مثل مكاتل المعمارية ظهور الحداثة ..
بس المميزات هواية .. بس المميزة بيهن انو همة اهتمو بالوظيفة وعافوا الشكل ..

[نسمة عراقية]

يابة والله والله عرفت .......
بس خفت اكول كلت لايطلع غلــــــــــــــــــــــــــــــــــــــــط ...

[المعماري النبيل]

طبعا مشكورين وحاب اضيف على جوابكم وقارنوا بين الاجوبة و ان شاء الله الاستفادة للجميع و مشكورين على التواصل
بالنسبة للطراز الذي ظهر في الثلاثينات هو الطراز الدولى وهو احدي نتائج النظرية الوظيفية تاسست على يد معماريين مقلديين
اما عن مميزاته :1 اعتماد الاشكال البسيطة في التصميم
2- اتباع النظرية الوظيفية
3- استخدام التسقيف المستوي
4- استخدام مساحات واسع كبيرة من الزجاج
وهذا الطراز ظهر لفترة قصيرة وطمست هويته في منتصف الثلاثينات
لان الجميع اخذوا عليه طمس الهوية الفردية للمصمم المعماري والمالك
ولانه طراز على شاكلة الطرز اللي انقرضت من زمان مثل الروماني وغيره

[المعمارييية]

لالالالالا يمعود شلون انطمر بمنتصف الثلاثنيات لعد هاي السنوات شجانت هيجي قابل يمعود اللي اعرفه بقت بس مو هواية بس ما انطمرت بالثلاثنيات استرم لحد معين جتي وراها اللي تعرف بالحداثة المتاخرة وما بعد الحداثة يعني تزامنو تقريبا بنفس الفترات الزمنية

حبيبتي نسومة مو كلنا كولو الجواب واذا غلط مو مشكلة تسلمين نسومة ننتظر مشاركاتج بهل الموضوع ونريد منج سؤال زييييييييين؟؟؟؟

[المعماري النبيل]

والله يا المعماريية انت ما شاء الله معلوماتك ممتازة ومشاركتي اللي شاركت بيه هي من المصدر اللي اني معتمد عليه وبارك الله فيك على هذه المعلومات وامنيه حياتي تسالين فد سؤال

[Miss. Arch]

شكرا اخوية نبيل على جوابك .... صح هذه مواصفات الطراز بس بصراحة التسمية غير مألوفة بالنسبة لي اول مرة اسمعها .... اتذكر من معماريي فترة الثلاثينيات المعماري ميس فان دروه دائما بتصاميمه البسيطة و الي تتميز بمساحات نظيفة و مرتبة و كان كثير يستخدم الزجاج في الواجهات... لكن ميس استمر حتى بعد فترة الثلاثينيات , بس كل تصاميمه تنطبق عليها النقاط الي ذكرت .....


يله اخواني نريد فد سؤال ؟؟
لو اسأل ؟

[المعمارييية]

مس ارك ننتظر سؤالج يلا

[Miss. Arch]

تدللين ::49:: ::49::
بس ورة الفطور ::41::

[المعماري النبيل]

شنو هاي ما شاء الله دتشتغلون من ورايا يالله هو الزين
بس هذا نداء للمعماريية تدرين راح ادعي بكل صلاة حتى تكتبين سؤال

[Miss. Arch]

س: معماري يمكن ان يصنف من معماريي ما بعد الحداثة من مشاريعه ( مشروع تحويل مستودع البان الى مسكن خاص ) في نيوجرسي سنة 1990 , من هو ؟
للعلم اغلب مشاريعه نفذت في اليابان و هو معماري امريكي.

نشوف تعرفوه ::16::

[المعمارييية]

والله الصراحة مس ارك ما عرفته بس يمكن ما ادري استنتاج لو بس حجاية والله ما ادري
يمكن روبرت فنتوري؟؟؟؟؟؟؟؟؟وسوري اذا غلط
معماري نبيل انتظر الفرج قريبا ان شاء الله بمناسبة الشهر الفضيل

[المعماري النبيل]

والله لو روبرت فنتوري لو ما اعرف

[الناصر79]

اشو معماري محاط سؤال ...؟؟؟؟؟؟

[شمس المعماري 23]

مس ارك يلة وين الجواب

[المعماري النبيل]

يا اخوية الناصر غير نعرف الجواب الصحيح لفائدة المشتركين وبعدين تدلل نحط سؤال

[Miss. Arch]

س: معماري يمكن ان يصنف من معماريي ما بعد الحداثة من مشاريعه ( مشروع تحويل مستودع البان الى مسكن خاص ) في نيوجرسي سنة 1990 , من هو ؟
للعلم اغلب مشاريعه نفذت في اليابان و هو معماري امريكي.

نشوف تعرفوه ::16::

بما انه محد جاوب على السؤال صحيح
الجواب هو المعماري مايكل جريفز
المشروع الي تكلمت عنه بانه حول مستودع البان الى مسكن مع المحافظة على الطابع المعماري الريفي للمبنى , بالمناسبة مصمم الاجزاء الداخلية للمسكن هو ماريا بوتا كان مسؤول عن المفروشات و الاثاث .

اترك لكم حرية السؤال ....
و اذا ماكو سؤال ارجع اسأل

سلااام

[الناصر79]

ماذا تعني Riba ؟؟؟؟

[Miss. Arch]

اختصار --------- Royal Institute of British Architects
المعهد الملكي للمعماريين البرطانيين

[المعماري النبيل]

ايباه سبقتني مس ارك مشكورة على اجوبتك وبارك الله فيك اخوية الناصر واتمنى تشاركنا بعد في هذا الموضوع

[المعماري النبيل]

سؤال من هو مصمم برج القاهرة وكم يبلغ ارتفاع هذا البرج ؟

[Miss. Arch]

سؤال من هو مصمم برج القاهرة وكم يبلغ ارتفاع هذا البرج ؟

مصمم البرج المهندس الراحل نعوم شبيب (رحمه الله )
ارتفاع البرج 187 متر ....
بالمناسبة هو اعلى برج بالعالم مبني من الخرسانه ,بني بزمن جمال عبد الناصر و قصة بناءه طريفه ( بزمن الاحتلال و منين جابوا فلوس ) ::2::

[المعماري النبيل]

عاشت ايدك مس ارك الجواب صحيح وانتظر منك سؤال؟

[المعمارييية]

يابة هم هلوووو شلونكم
واخيررررررررررررا عندي سؤال يابة فد هلهولة
ولو حرامات ما جاوبت سؤال ناااصر لان اعرفههههههه

زين منو صمم مبنى التجارة العالمي
سؤال سخيف بس المصيبة ما احضر اني السؤال
ليلا المرة الثانية احضرلكم سؤال طاك

[بغـــــداد لا تتألمـــــي]

البرجين صممهما المعماريان مينورو ياماساكي وإميري روث .. اعتقد..

بس برج التجارة العالمي الجديد صممة المعماري لامريكي ديفيد تشايلدز ...(متأكد ) ..
واذا تريدون موضوع على برج العالمي الجديد الي بعدي ممبني موجود عندي بالصور..

[الناصر79]

و الله حبي ياريت لو اتنزله الموضوع لان اني مشايفه لي هسه !!!!!

[المعماري النبيل]

يابة هم هلوووو شلونكم
واخيررررررررررررا عندي سؤال يابة فد هلهولة
ولو حرامات ما جاوبت سؤال ناااصر لان اعرفههههههه

زين منو صمم مبنى التجارة العالمي
سؤال سخيف بس المصيبة ما احضر اني السؤال
ليلا المرة الثانية احضرلكم سؤال طاك


::14:: يابه هذه هلاهل مو بس هلهوله

وهلا فيك يا المعماريية وانتظر منك اسأله مو سؤال واحد بس
ومشكور بغداد على المشاركة وياريت تنونا بالموضوع اللي كلت عنه حضرتك وهلا فيك يا اخوية الناصر

[المعماري النبيل]

يابه هلاهل مو هلهولة و كل الهلا فيك يا المعماريية اشو ماكو صارلك يومين
ومشكور يا بغداد على جوابك وارجوا ان تنورنا بموضوعك
ويا اخوية الناصر مشكور على زيارتك بس لو تسألون سؤال

[المعماري النبيل]

شباب العفو صار خطا بالارسال المهم عندي الكم سؤال

ماذا تعرف عن (عين لندن) ؟

[بغـــــداد لا تتألمـــــي]

تعتبر عجلة "عين لندن" أعلى عجلة استطلاع في العالم حيث تمكن الزائر من رؤية يبلغ مداها 40 كيلومترا الكثير من معالم مدينة لندن و ضواحيها خصوصا عندما تكون الرؤية واضحة . تبلغ مدة الرحلة الدائرية على هذه العجلة نصف ساعة و توفر متعة و رؤية بانورامية لمدينة لندن لا مثيل لها ..
يصل ارتفاعها 135 متر ..

[architect_g2004]

حبي معماري شكرا على هاي المشاركه الحلوه والنفيده بنفس الوقت...الجواب على الؤال حسب معلوماتي ان طول سور الصين العظيم يبدأ من نهر يالوه شرقا وينتهي عند ممر جيا يو قوان غربا بلغ إجمالي طوله 7000 كيلومتر.....اخوك معماري...واترك السؤال الك حبي اذا جاوبي صح

[architect_g2004]

حبي معماري سوري
وصل الجواب متاخر ...اني شكد قديم ههههههههه... وان شاء الله انضم للمشاركه وي اخوتي المعماري...

[المعماري النبيل]

مشكور بغداد على الجواب وان شاء الله اتمنى ان تسأل سؤال لان جوابك صحيح

و اخوية معماري 2004 مشكورعلى جوابك وان شاء الله تتواصل والمهم ان شاء الله تستفيد من الموضوع كله لان من بدايته الى حد الان هو عبارة عن مجموعة اسئلة و اتمنى منك ايضا ان تسأل وتشاركنا بالاسئلة

[architect_g2004]

شباب اني اول مره اشارك بهاي الاسئله المفيده وراح اسأل سؤال ان شاء تستفادون من عنده....
س|من هو مصمم متحف كوكنهايم الذي يعد من روائع العماره الراقصه ؟ واين يوجد هذا المتحف؟

[بغـــــداد لا تتألمـــــي]

المعماري ... فرانك جيري ...
المدينــــة ... بلباو بأسبانيا.....

[المعمارييية]

هاي شنوو بغداد عفية خلوني اجاوب هههههههه
يلا بغداد وين سؤالك
عاشت ايدك اخوناarchitect_g2004
ننتظر اسئلتك ومشاركتك ويانا بهل الموضوع

[المعماري النبيل]

شباب من كنت اعمل بحث وجدت هذه الصور لكن ما شاء الله بغداد سبقني في الاجابة بس قررت ان انشر هذه الصور الكم
من اروع ما صمم المعماري الأمريكي فرانك جيري... هذا المعماري المعروف بصاحب العمارة الراقصة ..والذي تخلى عن كل قواعد وقوانين العماره التقليديه ليخرج لنا بهذه المجموعة المميزة والغربية في الشكل ...كل مبنى من مبانيه يحوي الكثير من الديناميكيه ...

متحف كوكنهايم....هذا المبنى يفوق العادة بروعة تصميمه ...وهو عباره عن تراكب عدة أشكال مختلفه لتخرج بالنهاية إلى الكتلة الرائعة والمذهلة ...

استخدمت بلوكات الحجر الجيري و صفائح التيتانيوم ذات الانحناءت المختلفه(لتعطي احساس قشر السمك)... والزجاج المعالج كمواد بناء رئيسة للمبنى ...كل قطعة من مواد البناء هذه تم تصميمها بإستخدام تقنيات متطورة بإستخدام الحاسوب ...

الزجاج كان معالجا بشكل جيد جدا بحيث يتم حفظ مقتنيات المتحف من تاثير اشعة الشمس وفي نفس الوقت يمكن الاستفاده من الاضاءة الخارجية...

هذا المتحف اعتبر مركز دوليا للفن الحديث والمعاصر ...ووجودة في مدينة بالباو الاسبانية كان من اهم اسباب كونها اهم المدن الاسبانية...


ملامح الواجه الشمالية:

البركه الضحله تعكس واجهة المتحف .

http://www.bluffton.edu/~sullivanm/spain/bilbao/gehryguggenheim/20045.jpg


http://www.bluffton.edu/~sullivanm/spain/bilbao/gehryguggenheim/20043.jpg


http://www.bluffton.edu/~sullivanm/spain/bilbao/gehryguggenheim/20030.jpg



http://www.bluffton.edu/~sullivanm/spain/bilbao/gehryguggenheim/20003.jpg



http://www.bluffton.edu/~sullivanm/spain/bilbao/gehryguggenheim/20006.jpg


http://www.bluffton.edu/~sullivanm/spain/bilbao/gehryguggenheim/20004.jpg


http://www.bluffton.edu/~sullivanm/spain/bilbao/gehryguggenheim/20005.jpg


http://www.bluffton.edu/~sullivanm/spain/bilbao/gehryguggenheim/20007.jpg


http://www.bluffton.edu/~sullivanm/spain/bilbao/gehryguggenheim/20012.jpg



http://www.bluffton.edu/~sullivanm/spain/bilbao/gehryguggenheim/20008.jpg



تفاصيل للواجه الشمالية تظهر التيراس والبركة التي استخدمت لعكس واجهة المتحف


http://www.bluffton.edu/~sullivanm/spain/bilbao/gehryguggenheim/20028.jpg


http://www.bluffton.edu/~sullivanm/spain/bilbao/gehryguggenheim/10065.jpg


http://www.bluffton.edu/~sullivanm/spain/bilbao/gehryguggenheim/10064.jpg


http://www.bluffton.edu/~sullivanm/spain/bilbao/gehryguggenheim/20017.jpg


مناظر من خلال جسر يقع على النهر المجاور للمتحف:

http://www.bluffton.edu/~sullivanm/spain/bilbao/gehryguggenheim/20048.jpg


http://www.bluffton.edu/~sullivanm/spain/bilbao/gehryguggenheim/20055.jpg



http://www.bluffton.edu/~sullivanm/spain/bilbao/gehryguggenheim/20061.jpg




مناظر قريبه للواجهة الشمالية:


http://www.bluffton.edu/~sullivanm/spain/bilbao/gehryguggenheim/20002.jpg


http://www.bluffton.edu/~sullivanm/spain/bilbao/gehryguggenheim/20042.jpg



http://www.bluffton.edu/~sullivanm/spain/bilbao/gehryguggenheim/20029.jpg



http://www.bluffton.edu/~sullivanm/spain/bilbao/gehryguggenheim/20031.jpg



الواجهة الجنوبية:


http://www.bluffton.edu/~sullivanm/spain/bilbao/gehryguggenheim/10016.jpg


http://www.bluffton.edu/~sullivanm/spain/bilbao/gehryguggenheim/10022.jpg


http://www.bluffton.edu/~sullivanm/spain/bilbao/gehryguggenheim/10027.jpg


http://www.bluffton.edu/~sullivanm/spain/bilbao/gehryguggenheim/10024.jpg


المدخل الرئيسي:

لا يشبه المتاحف المعتاده بوجود سلم يقود اليه ...هنا الزائر يمشي بإتجاه الاسفل وذلك بوجود درج يقود الى الاسفل الى الدور الرئيسي للمتحف ...


http://www.bluffton.edu/~sullivanm/spain/bilbao/gehryguggenheim/10028.jpg


http://www.bluffton.edu/~sullivanm/spain/bilbao/gehryguggenheim/10047.jpg


http://www.bluffton.edu/~sullivanm/spain/bilbao/gehryguggenheim/10032.jpg


http://www.bluffton.edu/~sullivanm/spain/bilbao/gehryguggenheim/10031.jpg




ثلاث مواد بناء رئيسه استخدمت في هذا المتحف ... صفائح التيتينيوم..التي تمتاز بمقاومه وديمومه عاليه ..استخدمت في تكسية الواجهات ...الحجر ...والزجاج المعالج وهو الاهم في تنقية الضوء الداخل الى المبنى ...

http://www.bluffton.edu/~sullivanm/spain/bilbao/gehryguggenheim/10040.jpg


http://www.bluffton.edu/~sullivanm/spain/bilbao/gehryguggenheim/10046.jpg


http://www.bluffton.edu/~sullivanm/spain/bilbao/gehryguggenheim/10043.jpg


واجهات جنوبيه

http://www.bluffton.edu/~sullivanm/spain/bilbao/gehryguggenheim/10023.jpg


http://www.bluffton.edu/~sullivanm/spain/bilbao/gehryguggenheim/20040.jpg


http://www.bluffton.edu/~sullivanm/spain/bilbao/gehryguggenheim/10026.jpg



الواجهة الشرقية للمتحف:

http://www.bluffton.edu/~sullivanm/spain/bilbao/gehryguggenheim/10051.jpg


http://www.bluffton.edu/~sullivanm/spain/bilbao/gehryguggenheim/10025.jpg



http://www.bluffton.edu/~sullivanm/spain/bilbao/gehryguggenheim/10048.jpg



http://www.bluffton.edu/~sullivanm/spain/bilbao/gehryguggenheim/10049.jpg


http://www.bluffton.edu/~sullivanm/spain/bilbao/gehryguggenheim/10052.jpg


http://www.bluffton.edu/~sullivanm/spain/bilbao/gehryguggenheim/10053.jpg


http://www.bluffton.edu/~sullivanm/spain/bilbao/gehryguggenheim/10056.jpg


http://www.bluffton.edu/~sullivanm/spain/bilbao/gehryguggenheim/10055.jpg


http://www.bluffton.edu/~sullivanm/spain/bilbao/gehryguggenheim/10054.jpg


http://www.bluffton.edu/~sullivanm/spain/bilbao/gehryguggenheim/10059.jpg


http://www.bluffton.edu/~sullivanm/spain/bilbao/gehryguggenheim/10058.jpg


http://www.bluffton.edu/~sullivanm/spain/bilbao/gehryguggenheim/10057.jpg



مناظر مختلفة من الواجهة الشمالية الشرقية



http://www.bluffton.edu/~sullivanm/spain/bilbao/gehryguggenheim/10062.jpg


http://www.bluffton.edu/~sullivanm/spain/bilbao/gehryguggenheim/10061.jpg


http://www.bluffton.edu/~sullivanm/spain/bilbao/gehryguggenheim/10063.jpg


http://www.bluffton.edu/~sullivanm/spain/bilbao/gehryguggenheim/20020.jpg



http://www.bluffton.edu/~sullivanm/spain/bilbao/gehryguggenheim/20052det.jpg


http://www.bluffton.edu/~sullivanm/spain/bilbao/gehryguggenheim/20024.jpg


http://www.bluffton.edu/~sullivanm/spain/bilbao/gehryguggenheim/20055det.jpg


http://www.bluffton.edu/~sullivanm/spain/bilbao/gehryguggenheim/20023.jpg


http://www.bluffton.edu/~sullivanm/spain/bilbao/gehryguggenheim/20022.jpg



واجهات جنوبية غربية

http://www.bluffton.edu/~sullivanm/spain/bilbao/gehryguggenheim/10039.jpg



http://www.bluffton.edu/~sullivanm/spain/bilbao/gehryguggenheim/10034.jpg


http://www.bluffton.edu/~sullivanm/spain/bilbao/gehryguggenheim/10038.jpg

[المعماري النبيل]

عندي سؤال

ما هي OMA ؟ وما هي اعمالهم ومن هم مكونيها ؟

[Mus6afa]

شكرا على الموضوع

[Miss. Arch]

عاشت ايدك اخوية الوردة المعماري النبيل
و مشكور على المجهود العظيم

[الناصر79]

مكتب معماري واسمه :
the Office for Metropolitan Architecture (OMA).
اسسه المعماري Rem Koolhaas
من مشاريعهم :
Dee and Charles Wyly Theater و Casa da Musica
مشاريع مميزه.....مشكور على السؤال .....

[architect_g2004]

اخويه الناصر شكرا لمشاركتك ونتمنى شارك ويانه اكثر واكثر...واضيف معلومات اكثر لسؤال اخويه المعماري عن oma....
أوما : OMA
أنشئت مؤسسة أوما ( مكتب مترو بوليتان المعماري ) 1975 ـ نيويورك وقد أرست مبادئها في أوائل السبعينات وكان المكونون لهذه المؤسسة هم : رم كولهاس ـ ايليا زنجليس ـ زها حديد ( 1977 ـ 1979 ) ـ زيو زنجليس ـ أ .م . انجرز .
ولد أيايا زنجليس في اليونان 1937 وتلقى دراسته في مركز العمارة ـ لندن ، ولقد أكمل دراسته في مركز العمارة ـ لندن ، ولقد أكمل دراسته في عدد من الجامعات الأخرى مثل معهد العمارة بلندن ن جامعة كلومبيا ، جامعة كاليفورنيا ، جامعة لوس أنجلوس بالولايات المتحدة الأمريكية .
ولقد أزدهرت المؤسسة في منتصف السبعينات وبدأت في أقامة فروع لها في أنحاء العالم مع بداية الثمانينيات حيث نجد فروعا لها في لندن ، هولندا ، أثينا ، روتردام .
من أشهر أعمال هذه المؤسسة فندق أبو الهول ـ لوس أنجلوس ـ 1975 ، وفندق أرض الرفاهية 1976 ـ 1977 ، باواوس شتيلونج ـ برلين ـ 1984 ، فندق ثيرما ـ أثينا 1985 .

[architect_g2004]

هلو اخوتي معماري اليوم لكيت سؤال ان شاء الله تستفادون منه....
س\ما هو الـ Deconstruction...؟ما هي اتجاهاتها..؟ومن هو رائد هذه الحركه..؟

[المعمارييية]

هلووووووو
هاي شلون سؤال ثكيييييييييل
والله الdeconstruction
هي الحركة التفكيكية ظهرت بداياتها بالتسعينات فكرتها الاساسية تحويل الكل الى اجزاء وفهمه كاجزاء وليش ككل متكامل اي فصل النص الى اجزاء وفهمها كاجزاء
رواد هذه الحركة بيتر ايزنمان وزها حديد وفرانك جيري وغيرهم كثيييييييير
شكرا ع السؤال باجر اجيبلكم خووش سؤال يشبه هذا

[المعمارييية]

ها صدك ترة كلش ببساطة الكل يكدر يجاوب على هل السؤال بطرق متعددة لان الحجي بهل السؤال يطوووووووووووووووووووول تسلمون

[architect_g2004]

شكرا اختي المعماريه على الجواب ونتظر السؤال....

[الناصر79]

شباب ماهيه الفكره الانشائيه لمشروع شينكاهاي بنك ؟؟؟ ومن صممه ؟؟

[Miss. Arch]

شباب ماهيه الفكره الانشائيه لمشروع شينكاهاي بنك ؟؟؟ ومن صممه ؟؟
مصمم البنك المعماري المبدع نورمان فوستر
اعتقد كان الاهتمام كبير بادخال الضوء الطبيعي للمبنى وبالتالي يسهم في خلق مجال عمل مفتوح سخي و مضئ لا يشبه تفاهة المكاتب في الابراج التقليدية , و ان يسهم المبنى في اغناء المنظر المديني .
و فكرته الانشائية هي فكرة السقفيات المرتفعة على جميع المستوياات ....سقفيات خفيفة ومقاومة... تشبه تلك المستخدمة بالطائرات...بنيته عموما فولاذية اعمدة بينها عارضات .

[شون كونري]

ياريت تخلون صور عن هذا المشروع مشروع البنك المعماري اللي تكلمتوا عنه وعاشت ايد كل من يساهم في هذا الموضوع وجزاكم الله كل خير

[المعماري النبيل]

اهلا فيك يا اخوية شون كونري وحجايتك صحيحة وبارك الله فيك

[architect_g2004]

هلو معماريين....
س\هذا السؤال الى اخويه المعماري النبيل ...شلون احمل مجموعه صور بالمشاركه بموضوع معين يعني ارفق صور بيه مثل ما انت رفقت مال متحف كوكنهايم بلا زحمه حبي اشرح بالتفصيل لان جربت ومفتهمت...لان اريد اسوي مجله معماريه بيه اروع المشاريع انشارك بيه كلنه المعمارين مدعومه بالصور...انتظرك

[architect_g2004]

شباب السؤال لهذا اليوم يكول...شيكول..
س\من هو المعماري مصمم مشرع مبنى الهيكل الاعظمي ومبنى اعشاش العصافير..؟
حلو اسم المشروع مو...تره هذا مشروع منفذ...يله همتكم معماريين اريد الجواب...

[architect_g2004]

شباب سوري ابد معرفتوا حل السؤال يله.....هههههههههههه

[الناصر79]

اختي مس اركي .....اعتقد ان الفكره الانشائيه هي الشد ......انو اكو كولومات اساسيه ...وكيبلات للشد مثل م اتوضح الصور...مو و احب اسمع ردج..وفعلا الفكره خلق فضاءات رحبه و هذا الشي واضح....
حبيب شون كونري هاي الصور و مشروع مهم ...وفعلا مس اركي نورمان فوستر مبدع مبدع و احي كل اعماله ه ه ه ه ...
و هاي الصور خمطته من موقعه.....www.fosterandpartners.com

http://www3.0zz0.com/2006/10/01/23/64834722.jpg
http://www3.0zz0.com/2006/10/01/23/27537411.jpg
http://www3.0zz0.com/2006/10/01/23/50763089.jpg

[الناصر79]

بسم الله المصمم هو:Antoni Gaudi (http://www.greatbuildings.com/architects/Antoni_Gaudi.html)
وهاي صور...منقوله من موقع المعماري... على الرابط http://m3mary.com/vb/showthread.php?t=14120
بس لاتفزون منه لان اتخوف .....هاااا
http://data.greatbuildings.com/gbc/images/cid_2340344.jpg
http://data.greatbuildings.com/gbc/images/cid_2466692.jpg
http://data.greatbuildings.com/gbc/images/cid_1041642447_SagradaFamiliaNativity3.jpg

[الناصر79]

بس اركيتيكت انت منطي الحل لو شنو ههههههه
المهم اني دورت بالنت و عرفته و جبت الصور...

[architect_g2004]

اي حبي الناصر جنت ممسحر بيومه كاعد انشر صوره مال المشروع الهيكل الاعظمي الي انت نشرته بالتالي نشرت صوره المعماري انطوني جودي والاسم مكتوب يالاسفل...بس عاشت ايدك حبي الناصر على الاحل كلش تعبك مو هههههههههههه....

[architect_g2004]

س\ما اسم هذا المشروع الذي موضح بالصوره والذي يعتبر الكنيسه الاولى عالميا..؟واين يوجد..؟
ان شاء الله مو صعب...احنه معماري ماكو شي يصعب علينه ان شاء الله...

[الناصر79]

هههه
و الله اسم المعماري خمطه من الصوره مالتك و اني اظحك ههههه
بس الصدك
اني مو هيج بديت اخذت الاسم و سرجت
لكيت المشاريع ووراها...نزلت الصور....
بعدين صفت كلت معقوله حاط الحل
عبالي التوقيع مالتك هاي الصوره
بعدين بموقع دخلت الاسم جان يدطلع المشروع
هههه

[سنفوره معماريه]

والله ما يصيير معماري2004 شوي تكبر الصور ....لا يمكن اسم المشروع مكتوب عليها هههههه

[ملكة المعماري]

هلو سنفورة دائما مسويتلي احراج بسبب تشابه الاسماء

[سنفوره معماريه]

ليش ؟؟؟؟؟ خو ما جان اسمج سنفوره معماريه ؟؟ لان انا ورة ما رجع الموقع غيرت اسمي...

[المعماري النبيل]

هاي شنو اركيتيكت يمعود شويه كبر الصور (اللي ما يعرف يلعب يكول الكاع عوجه )ههههههه

[architect_g2004]

حبي هي مال تقرا اسم المشروع وين يوجد.....هههههههههههههه

[architect_g2004]

من اتأيسون من حل المشروع احجوا اني احله...ههههههههه

[سنفوره معماريه]

ازين شويه سهله..يعني بيا مكان مثلا موجوده

[المعماري النبيل]

لا سنفورة مو هذه الشغلة لازم نسأل شنو اول اسم مو اول حرف لا اول اسم للي صمم هذا المشروع
مشكور حبي اركيتيكت وعلى راحتك اذا تريد تجاوب بس تسأل غير سؤال وبارك الله فيك

[architect_g2004]

حل السؤال ...والله يساعدكم تعبتوا في حل السؤال ....
هذا المشروع هو بازليكا ساينت بتروSaint Peter Basilica
موجود في الفاتينكان Vatican ويعتبر الكنيسة الأولى عالميا....

[المعماري النبيل]

مشكور على المعلومة القيمة وجزاك الله خير بس وين السؤال

[architect_g2004]

حبي معماري السؤال بصفحه 12 الي وياه الصوره ... مفاطر معماري هههههههه

[المعماري النبيل]

هاي شنو اركيتيكت هاي هيجي تشككني بقدراتي ادري السؤال موجود هناك بس اقصد وين السؤال الجاي لالالالالا هاي وحده وياك

[المعماري النبيل]

اما سؤالي فهو

من هو مصمم بيت مارتين ؟

مع العلم ان المصمم مشهور كثير

هاي صورة البيت
http://www.architectureweek.com/2001/0307/images/11020_image_1.150.jpg

[architect_g2004]

سوري معماري النبيل طلعت اني الي مفاطر...هههههههههههههههههههه

[سنفوره معماريه]

جواب سؤال المعماري النبيل / المعماري فرانك لويد رايت

[سنفوره معماريه]

السؤال///// من هو مصمم هذا المنزل؟؟؟؟ وهو لمعماري مشهور حصل من خلال هذا المنزل على الماجستير...
http://www.TiT2.com/up/uploads/df060bf23c.bmp

[الناصر79]

ست سنفوره .......اشو ماكو صوره ....ليش ش

[الناصر79]

سوري هسه طلعت .....بس ما اعرف

[المعمارييية]

صدك وين السؤال ؟
طبعا والله والله والله ردت اجاوب سؤال اركتيكت على مال القديس بطرس بالفاتيكان عرفته لانه بس كمت على الكتاب مال hisotry of architecture
دا اشوف اسم المعماريين
تصورو ا بوقتها انكطعت الكهرباءءءءءء
شلون حظ اني والكهربااااااء

[hayderghost]

هاي شنووووووو اول مرة ادري انه المعماري يدرسون تارييييييييييييييييييييييخ

[المعماري النبيل]

هاااااااااا اركيتيكت زين لعد الله يتقبل صيامك
مشكورة سنفورة على الاجابة وعاشت ايدك ومشكورة على السؤال
هلا بالناصر
وهلا بالمعممارية والله مشكلتنا الكهرباء هو هذا اللي يصيحولة الدمار الشامل يعني انت تريدين تسوين فد شي وراسا الكهرباء تنكطع حبابيين يحبونا

وهلا فيك يا حيدر شبح بس شنو السالفة شنو لعد اللي تدري عن المعماري المعماري كلشي يقرا بس نشيد ماكو
مشكور على مرورك

[سنفوره معماريه]

هاي شنو محد يعرف هذا البيت المن!!!!
راح اسهللكم الجواب شوي....
اسم البيت (البيت الزجاجي)
وانتو عليكم اسم المعماري اللي صممه

[المعمارييية]

اي ندرس تاريخ عمارة مختص بدراسة الفترات المعمارية المختلفة وحسب نشوها وسبب ظهورها وتطورها ومن ثم اندثارهاو سبب هذا الاندثار
هسة السؤال وهلولة بالله الله عليكم
يلا فد سؤال مرتب وحلو جنه مال امتحان تاريخ وهو على التاريخ
تتبع القبات المعمارية حسب ظهورها بطريقة مختصرة بسيطة مع ذكر امثلة معمارية ؟؟؟؟؟؟؟؟؟!!!!!!!!!
ها شنو رايكم هذا مال كل المراحل يلا جاوبني اتمنى اشوف رددودكم

[المعمارييية]

كلش سوري سنفورة اني اعتذر ما شفت السؤال
اذا شبابا وبنات ناجل سؤالي الى حين نعرف جواب سؤال الحجية سنفورة
سنفورة لا تزعلين اني كل بنية سميها حجية خو ماكو زعل مو؟؟؟؟
والله اني الجواب ما عرفته بس اكيد مليون بالمية من معماري الحداثة ولو مار الاسم وفشلة بس سهلوها

[المعماري النبيل]

والله اني يا اختي المعماريية بعدني تعرفين في أي مرحلة ولهذا السؤال ما اعرف عنه اي شي اعذروني

[المعماري النبيل]

اقصد سؤال الاخت المعماريية وان شاء الله نستفاد من اجوبتكم والاستفادة للجميع

[Miss. Arch]

جواب سؤال سنفورة :
الي صمم البيت الزجاجي هو المعماري فيليب جونسن
و بهذا البيت ظهر فيه تأثير ميس فان دروه على اعماله و للعلم المعماري فليب جونسن بنى هذا البيت لنفسه سنة 1949 ...

و بالنسبة لسؤال اختي المعمارييية شوية يرادله صفنه و ترتيب للجواب

[سنفوره معماريه]

جواب مس ارك صحيح ...عفيه عليج

[قلب الاسد]

السلام عليكم
احب اضيف سؤال اليوم
من هو مصمم متحف ميلووكي ؟

وأين يوجد هذا المتحف ؟

وأكتب نبذه عن هذا المتحف ؟

[سنفوره معماريه]

تتبع القبات المعمارية حسب ظهورها بطريقة مختصرة بسيطة مع ذكر امثلة معمارية ؟؟؟؟؟؟؟؟؟!!!!!!!!!


والله معماريييه اللي اعرفه انو اول ظهور للقباب كانت عند الرومان بعقود بجميع الاتجاهات ومن الامثلة معبد البانثيون...
وبعد انتو كملو الجواب ::2:: ::2::

[سنفوره معماريه]

السلام عليكم
احب اضيف سؤال اليوم
من هو مصمم متحف ميلووكي ؟
المعماري الاسباني سانتياكو كالترافا

وأين يوجد هذا المتحف ؟
located on Lake Michigan (http://en.wikipedia.org/wiki/Lake_Michigan) in Milwaukee (http://en.wikipedia.org/wiki/Milwaukee), Wisconsin (http://en.wikipedia.org/wiki/Wisconsin)

وأكتب نبذه عن هذا المتحف ؟


شكرا قلب الاسد على السؤال