خدمة جديده بس توب ورخيصه لاتفوتكم

[المالكي]

اليوم شغلت مظومتي على خدمه جديده تعتمد على صحنين صحن مال ستلايت عادي على ان لايقل عن 180سم موجه القمر استراء بلموقع المداري 31 درجه شرقاً يعني يم العرب سات 2b ويتركب عليه لاقط ما يختلف عن لاقط الستلايت الاعتيادي وطبق ثاني مال منظومة انترنيت مشدود عليه البيوسي مال الاقط مال المنظومه(نورمل) وكانت النتيجه توب تحميل روعه يوصل لسبعين كيلو بايت بلثانيه وتصفح كلش راقي وقت الذروه الخدمه تقل بشكل طفيف جدا
علما ان اشتراكي هو 512/128
وسعر مفاجئه بعدين اكلكم بيه
والعروض متوفره والمجهز انسان راقي وتوب وان شاء الله جربون تشفون الفرق ورخيصه لاتفوتكم

[ubuntu]

اخوبه العزيز هذه خدمة الون وي
ومعروفه من زمان وتكلمنا عليها سابقا
حيث ان صحن الستلايت يستقبل ون وي داوون بود
اما صحن المنظومه يرسل الاب لود بشتراك اب لود فقط
والمعروف ان ون وي الداوون لود سريع ورخيص

[khalid engineer]

i think it 's one way

[المالكي]

اخوبه العزيز هذه خدمة الون وي
ومعروفه من زمان وتكلمنا عليها سابقا
حيث ان صحن الستلايت يستقبل ون وي داوون بود
اما صحن المنظومه يرسل الاب لود بشتراك اب لود فقط
والمعروف ان ون وي الداوون لود سريع ورخيص


بس الجميع كان يتكلم عن خدمة الون وي الكروت الستلايت محد تكلم عن خدمه مدمجه بلاوبشن للمودم

[ubuntu]

نعم صحيح
مو كان حديثنا عن استخدام كارت الستلايت للمشترك المنزلي
وانت تعرف ان كارت الستلايت امكانيته فقط استلام
ومع هذا اقول لك ان استخدام الون وي من خلال مودم المنظومه
لم يفتح موضوعه سابقا . بل فتح الموضوع باستخدام كارت الستلايت
واكرر واقول ان هذا النوع من الخدمه التي ذكرتها انت
هي اقوى من خدمة الدي دي كيتد
تحياتي

[Ameer Baghdad]

طبعا ردت انقل الموضوع الى موضوع شارع الصناعة و خدمات الانترنت بس اللي لزمني انه اكو فكرة جديدة او طرح جديد ما سبق انه احد طرحة و هو دمج خدمتين من قمرين بواسطة المودم و ليس بواسطة سيرفرات ... هذا شيء لو صار فراح يقلل استهلاك الكهرباء و ينهي مشاكل السيرفرات ... و اكيد ينطي خدمة جيدة اذا كان المجهز جيد .. اطرح فكرتك اخوي كلنا اذان صاغية ... تحياتي ..

[المحب2]

اخي اني مشترك بنفس الخدمة ومن الممكن ادبرلكم هاي الخدمة
واسعارهة جدا خحلوة
واني خطي شبيه بالدتكيت
مع تحياتي
والي يريد اشتراك يدزلي رسالة شخصية
وكلي اذان صاغية

[HayderAliraqe]

السلام عليكم
شو كله الغاز ومحد يفيد الثاني بالمعلومة
وخاص وبعدين اكول الكم
الي عنده شي خلي يكتبه ورحمة الله على والديه

الي جاي يريد يتفيك وكل يوم يحجي شكل الله وياه
المنتدى مال معلومات مو مال الغاز وحزر فزر

[عادل جوده]

اخواني احبائي هو منو ماريد خدمه حلوة شبه الدكيتيد واسعارها حلوة يعني هو واحدنا شيريد على كولة المثل حار ورخيص ومكسب فياريت بدون منودي رسائل خجولة على الخاص او ترجي
خل يكون واحد يعلن الاشتراكات واسعارها والكل يستفاد سواء المجهز او ابو المنظومه بعد عليمن ها الخاص مايردله روحه
للقاضي وياريت ينفتح باب المنافسه للمجهزين (البروفايدريه) حتى نحصل على شي حلو اذا امكن واسف لاني طولت وارجو مازعلت احد منكم تحيااااااااااااااااتي

[كبوتر]

ما أعرف .... يحتاج نوديلكم وية الرسائل الخاصة شيوخ عشائر حتى تحل القضية لو ميحتاج ؟؟؟

ويريدون يصير براس العراق خير ........ مع كل الأسف

[ubuntu]

اخوان على كيفكم بالردود
هو الاخ المالكي عرض خدمه
واذا عجبتكم الفكره اسلوه عن تفاصيلها
بس خلوا ببالكم ما تخلو من مشاكل..؟
لان هو قمر واحد ويوميه اكو صيلنه وعطلات
هالمره قمرين من يشتغل هذا ...الاخر يعطل
شلون راح تراوسون الخدمه بين مجهزين كل واحد ماله علاقه بالاخر
ومن تكول لواحد راح يكلك صوج المجهز الاخر.....
مو كل فكرة تطرح لازم نروح طياره عليها
لان هذا المجال كل شي بالتجربه

[المالكي]

طبعا ردت انقل الموضوع الى موضوع شارع الصناعة و خدمات الانترنت بس اللي لزمني انه اكو فكرة جديدة او طرح جديد ما سبق انه احد طرحة و هو دمج خدمتين من قمرين بواسطة المودم و ليس بواسطة سيرفرات ... هذا شيء لو صار فراح يقلل استهلاك الكهرباء و ينهي مشاكل السيرفرات ... و اكيد ينطي خدمة جيدة اذا كان المجهز جيد .. اطرح فكرتك اخوي كلنا اذان صاغية ... تحياتي ..
فعلا اخي امير بغداد الخدمه كلش حلوه ولود بوقات الذروه طبيعي وكأنك تشتغل الصبح انا ما اشتغل بسيرفر ابث بواسطة اكسس بوينت تي بي لنك مع ذلك التصفح مقبول والتحميل مقبول رغم ان عدد المشتركين اون لاين تجاوزوا العشرين مشترك وهذا شيء مثالي اتصور انا كنت مشترك بالعرب سات (بدر4) ب550$ مع ذلك الخدمه ماتجي ربع هذا الاشتراك

والله يوفق الجميع

[المالكي]

السلام عليكم

شو كله الغاز ومحد يفيد الثاني بالمعلومة
وخاص وبعدين اكول الكم
الي عنده شي خلي يكتبه ورحمة الله على والديه


الي جاي يريد يتفيك وكل يوم يحجي شكل الله وياه
المنتدى مال معلومات مو مال الغاز وحزر فزر

اخي العزيز ابو كرار:
ابد موالغاز بس اني كاتب انه امس اشتركت ومن طيبة كلبي بس شفت الخدمه ركضت للمنتدى هذا الحلو حتى اخبر الناس الحلوين ياطيب
الاشتراك 512/128 شير 20 وسعر الاشتراك 300$.....بس كأنما تشتغل شير واحد.......وأنا خادم لكل العراقيين.......

[A.V.A.T.A.R]

مشكووووووور حبيبي الغالي على معلومتك

[HayderAliraqe]

اخي العزيز ابو كرار:
ابد موالغاز بس اني كاتب انه امس اشتركت ومن طيبة كلبي بس شفت الخدمه ركضت للمنتدى هذا الحلو حتى اخبر الناس الحلوين ياطيب
الاشتراك 512/128 شير 20 وسعر الاشتراك 300$.....بس كأنما تشتغل شير واحد.......وأنا خادم لكل العراقيين.......

::57::
حبيبي الغالي يا طيب
ممنون الك والله وتسلم على معلوماتك والله يوفقك
خادم ربك يا ورد
موفق ان شاء الله::51::
ولا توخذنا بالرد السابق::41::
متاسفين
احترامي الك::57::
::45::

[محمدصادق]

السلام عليكم اخوتي الافاضل
نرجو اعطاء فكرة كاملة عن ترتيب هذه الخدمة
ومجهز هذه الخدمة ايضا واكون ممنون منكم

[IT-IRAQ]

السلام عليكم اخوان ...

موضوع خدمه الوان وي موضع صح موجود بكروت الستلايت لاكن هنا السؤال ..؟؟

هل هو ناجح... ؟؟ مشاكل؟؟ قوي؟؟

الجواب واحد غير ناجح من اتكلم على هذا الموضوع انا مجهز خدمات انترنت في البصره وجربت هذا الخدمه على كارت الستلايت ما تفيد والان اعمل على دمج الخدمه على الاوبشن فايل ما اريد ان اقول وامدح من يريد هذه الخدمه والاسعار انا مستعد وعطي فحص(TEST)يومان جرب وشوف بعينك هذا موقع الشركه وايميلي (WWW.IT-IRAQ.NET (http://www.IT-IRAQ.NET) ) (admin@it-iraq.net)تستطيعون المراسله


تحياتي IT-IRAQ

[المالكي]

السلام عليكم اخوان ...

موضوع خدمه الوان وي موضع صح موجود بكروت الستلايت لاكن هنا السؤال ..؟؟

هل هو ناجح... ؟؟ مشاكل؟؟ قوي؟؟

الجواب واحد غير ناجح من اتكلم على هذا الموضوع انا مجهز خدمات انترنت في البصره وجربت هذا الخدمه على كارت الستلايت ما تفيد والان اعمل على دمج الخدمه على الاوبشن فايل ما اريد ان اقول وامدح من يريد هذه الخدمه والاسعار انا مستعد وعطي فحص(test)يومان جرب وشوف بعينك هذا موقع الشركه وايميلي (www.it-iraq.net (http://www.it-iraq.net) ) (admin@it-iraq.net)تستطيعون المراسله


تحياتي it-iraq


وهذا المجهز هل اجا واي سوئال هو بنفسه يجاوب وانا نفسي ما منطي تيست يومين

[المالكي]

وهذا المجهز بنفسه يجاوب وانا شخصياً ما نطاني تيست يومين

والله يوفق الجميع

[ali_spaceman]

تحياتي الكم انتو عراقين شرفاء الف رحمة على والديكم ممكن تشرحلنة شوية لخدمة الة عل نورمل ولصحن شلونة ولاشتراك لازم وين ندفعة ولتيست شلون اني مشترك هسة اريد تيست وبعدين ارجع عل خدمة مالتي لنهاية لشهر يلة اكدر اذا مضبوطة احول لان دافع اشتراك هسة ممكن هذا واذا ممكن تكتب بعد تفاصيل

[Ameer Baghdad]

بارك الله بيك .. اخي العزيز ايتي عراق .. يا ريت تنظم موضوع خاص بتفاصيل الخدمة و نوع المنظومة و الاجزاء الاخرى بالتفصيل مع قائمة باسعار الاشتراكات .. حتى نثبت الموضوع لمدة معينه حتى الكل يشوف العرض و يكدر يستفاد .. تحياتي الك و للاخ المالكي اللي طرح الموضوع ..

[الجندي الجنوبي]

والله الموضوع حلو ومفيد ياريد احد يكدر يشرح الموضوع بشكل اوسع

[IT-IRAQ]

السلام عليكم ...

اخوان الموضوع بسيط الخدمه تشتغل على (iDirect 3100 ) تعمل على طبقين :

الاول / طبق منظومات انترنت با با البيو سي نورمل على القمر (Hellsat 39E) شغله بسيطه طلع القمر على الستلايت بتردد (11512 افقي 30000) زاوية الفيدهورن (حاظن البيويس) بين الساعه 12 و 11 .

الثاني / طبق الستلايت بتوجيه على القمر (Astra 5 31.5E) والتوجيه على الاي سايت يتراوح قطره حسب المنطقه بختصار (بغداد بتجاه الشمال من 90 الى 120 قطر الطبق ) والجنوب (من 120 الى 180 ) بلاقط خاص مبرمج با الاوبشن موجود عندي بسعر (50 الف عراقي) ..

با النسبه الى الاوبشن اجهزه بوقت (24 ساعه ماعدا يوم السبت والاحد لان عطلة البروفايدر )..

با النسبه الى القمرين مجهز واحد اي بروفايدر واحد وينربط القمرين على المنظومه اي (rx ) على طبق الستلايت اي (Download ) والثاني على المنظومه ايضا (tx) من الطبق الانترنت اي (upload) .

جرب وشوف بعينك اكو مثل عراقي (ضوك ياله تكول سمسم ) مدة فحص الخدمه يومين...مع تحياتي



ملاحظة تستطيعون المراسلتي على الخاص IT-IRAQ

[ali_spaceman]

عندك مكتب بغداد

[IT-IRAQ]

اخي انا في البصره راسلني وكلشي سهل


ملاحظه / حتى لو المنظومه مقفوله انا مستعد افتحا وشغلك على هذه الخدمه (مقفوله tx )

[ali_spaceman]

اريد اشترك يمك شو اميلك مدا ينضاف عندي عندك ( ال ان بي) مين اشتري وشكد سعر لبي سي يو نورمل رحمة لواديك

[IT-IRAQ]

اخي ضيفني على الياهو الي هو bakersukaini@yahoo.co.in

[hatham]

اليوم شغلت مظومتي على خدمه جديده تعتمد على صحنين صحن مال ستلايت عادي على ان لايقل عن 180سم موجه القمر استراء بلموقع المداري 31 درجه شرقاً يعني يم العرب سات 2b ويتركب عليه لاقط ما يختلف عن لاقط الستلايت الاعتيادي وطبق ثاني مال منظومة انترنيت مشدود عليه البيوسي مال الاقط مال المنظومه(نورمل) وكانت النتيجه توب تحميل روعه يوصل لسبعين كيلو بايت بلثانيه وتصفح كلش راقي وقت الذروه الخدمه تقل بشكل طفيف جدا
علما ان اشتراكي هو 512/128
وسعر مفاجئه بعدين اكلكم بيه
والعروض متوفره والمجهز انسان راقي وتوب وان شاء الله جربون تشفون الفرق ورخيصه لاتفوتكم


مشكور اخي على النصيحة واني مشترك بهاي الخدمة الاب لود هيلا سات والداونلود يورو اسيا سات والخدمة كانت جيدة جدا بس شنو الفايدة شهر واحد والخدمة ماتت وحاليا على استرا 5 وصار تقريبا شهر من مشترك بيهة والخدمة 512 128 وبهل ايام دا الاحظ انو الخدمة بهبوط يومي وهوة هذا الشير من يصير حمل على الهب تبدي تتعب عند المشتركين

[hatham]

صحن مال ستلايت عادي على ان لايقل عن 180سم موجه القمر استراء بلموقع المداري 31 درجه شرقاً يعني يم العرب سات 2b ويتركب عليه لاقط ما يختلف عن لاقط الستلايت الاعتيادي




لا اخي العزيز انتة متوهم الاقط يختلف عن لاقط استقبال القنوات الفظائية يعني مو يونفيرسل
ويعمل على نفس تردد منظومات استقبال النت يعني نفس لاقط المنظومة 10700/ 11700


وترة العملية هية نفس استلام المنظومة العادية بس الفرق ابو الهب مختار قمر للأب لود وقمر للداونلود

[ali_spaceman]

يجوز لخدمة تنزل بعد شهر لان شير 20 احتمال جبير لان 512تقسيم 20 تساوي 25.6كيلو بت حصتك اذا لشير مقبط لان ممعقولة 400 مستمرة شتكولون

[wissam-1981]

يجوز لخدمة تنزل بعد شهر لان شير 20 احتمال جبير لان 512تقسيم 20 تساوي 25.6كيلو بت حصتك اذا لشير مقبط لان ممعقولة 400 مستمرة شتكولون

السلام عليكم

اخواني مثل مكال الاخ ali_spaceman الخدمة لازم تنزل ..... بس السؤال شكد تنزل ؟؟؟
اني اجاوبكم على هذا السؤال
الخدمات العادية ( ام القمر الواحد) لمن ايقبط الهب الخدمه اتصير زبل واقصى شي يوصلك من الباند الي ماخذه هو الربع( هاي اقصى شي) راح انطيكم مثال
خدمة 512\256 20:1 لمن ايقبط الهب راح يوصلك تقريبا 128 كيلو بت.
بس بالنسبة لهاي الخدمه ( ام القمرين) راح ايكون فرق جبير لمن ايقبط الهب (بالنسبة للداونلود)
والسبب واضح لان الداونلود عن طريق الون وي

وهاي هيه ... وعاشوا عيشه سعيدة
بالمناسبة اني مجهز لهاي الخدمه واي واحد يريد يجرب اني حاضر خلي ايراسلني على الماسنجر
wissammohamed2004@yahoo.com
واي سؤال اني حاضر


تحياتي

[dr. angel]

ثانكيوووووووووووو

[hatham]

السلام عليكم

اخواني مثل مكال الاخ ali_spaceman الخدمة لازم تنزل ..... بس السؤال شكد تنزل ؟؟؟
اني اجاوبكم على هذا السؤال
الخدمات العادية ( ام القمر الواحد) لمن ايقبط الهب الخدمه اتصير زبل واقصى شي يوصلك من الباند الي ماخذه هو الربع( هاي اقصى شي) راح انطيكم مثال
خدمة 512\256 20:1 لمن ايقبط الهب راح يوصلك تقريبا 128 كيلو بت.
بس بالنسبة لهاي الخدمه ( ام القمرين) راح ايكون فرق جبير لمن ايقبط الهب (بالنسبة للداونلود)
والسبب واضح لان الداونلود عن طريق الون وي



اخي العزيز هاي الخدمة مالهة علاقة بال وان واي الخدمة تو وي والهب نفسة الي يرسلك الأب لود هوة نفسة يرسلك الداونلود بس الفرق الوحيد قمر الاستلام يختلف عن قمر الارسال والاقط يعمل على نفس تردد المنظومة بس يكون منفصل ويباع 40 دولار بشارع الصناعة وراح تلكة اغلب مكاتب الصناعة تجهزك بهاي الخدمة والي تتعامل ويا الهيلاسات . ومثل مكلت بردي السابق اني كنت مشترك
هيلاسات اب وداون يورو اسيا سات وكنت مشترك 512 وباول شهر مينزل عن 475 كيلو بت
وبنهاية الشهر 11 الصبح اسوي testميتجاوز 100 كيلو بت يعني الخدمة ماتت وغيرت هسة على
استرا 5 والأبلود هيلاسات . هسة الخدمة احسن بس شي اكيد وميقبل نقاش انو الخدمة راح تنزل
لآن هذا هوة الشير

[wissam-1981]

اخي العزيز هاي الخدمة مالهة علاقة بال وان واي الخدمة تو وي والهب نفسة الي يرسلك الأب لود هوة نفسة يرسلك الداونلود بس الفرق الوحيد قمر الاستلام يختلف عن قمر الارسال والاقط يعمل على نفس تردد المنظومة بس يكون منفصل ويباع 40 دولار بشارع الصناعة وراح تلكة اغلب مكاتب الصناعة تجهزك بهاي الخدمة والي تتعامل ويا الهيلاسات . ومثل مكلت بردي السابق اني كنت مشترك
هيلاسات اب وداون يورو اسيا سات وكنت مشترك 512 وباول شهر مينزل عن 475 كيلو بت
وبنهاية الشهر 11 الصبح اسوي testميتجاوز 100 كيلو بت يعني الخدمة ماتت وغيرت هسة على
استرا 5 والأبلود هيلاسات . هسة الخدمة احسن بس شي اكيد وميقبل نقاش انو الخدمة راح تنزل
لآن هذا هوة الشير

حبي اولا انت غلطان .. الداونلود هو ون وي واني متاكد من كلامي هذا
خلي احجيلك... البروفايدر شاف اكوا طلب كلش جبير على الون وي وشاف اكوا طلب على ربط الون وي بالتو وي فخترع خدمه جديده سموه dualsat
ربط الون وي بالتو وي على نفس الهب

ثانيا بالنسبة للخدمه الي جانت على الترك سات فهذا جان البروفايدر يتاكد انه ماكو مشاكل بالخدمه وجان مدة التسيت شهر و ثبتت الخدمه نجاح باهر

[IT-IRAQ]

حبي انا مجهزه على هاي الخدمه بسوء الحالات ما توصل رديئه تعرف صارلي 3 اشهر ما وجهت مشكله من
يوزر واكو شي ثاني الاقط يعمل على الستلايت ولاتناقشني لان انا المجهز ومن تتكلمون على شي تكلمو وعرفون انا اكو من يجهز موجود انا موجو وكل خل يعرف اي يواحد يشترك مثال (512 ونزلت 00 3 الكل شاهد احسبله الشهر مجانا وهي شير .. وبعقد

اخي الفكره هي الداون لود من قمر ثاني تعرف يمته تنزل اذا snr نزلت تعتمد على الاشاره اخي


مع تحياتي

[ali_spaceman]

عاشت ايدك اخوية بعد شتريدون اذا هيج لخدمة رهيبة وضمان
دوختني لاشتراكات يومية قمر بلبداية زين وبعدين تنتهي اني اول واحد حشترك هنا انشاء الله
وانشاء الله ابقة وياك مدام هيج خدمة متفشل مثل بقية لاقمار
حروح للصناعة اشتري لشغلات لازمة

[عادل جوده]

خوش حجي نريد عرووووووووووووووووووض

[yami-return]

والله يا اخوان واحدكم مدوخ روحه دوخه ما الها الول ولا اخر

واحدكم خلي يروح ياخذ منظومه ديتم او ادفاتج احسن اله وللمشتركين ومن هاي الدوخه مال المزودين

وخلي ياخذها مستعمله واذا على الاشتراك اني اعرف واحد ينطي scpc 2200$
/ $1900 dvb
والدايتم كمنظومه مو غاليه وكذلك الادفاتج
شركه اسمها الاماني بالنجف الاشرف

[IT-IRAQ]

السلام عليكم...


با المناسبه عندي منظومه جديد اسمها(newtec) رخيصه وخدمتها رهيبه تعمل على طبق 90 وحجم المنظومه كبر راوتر الديلنك وتعمل اوتو ايبي...


راسلوني على الخاص وانا با الخدمه

[hamoodee]

ياعيني اللي يريد يفيدنه بدون الغاز اكو شي زين خلي يكلنه واحنه بالمنتدى لازم واحد يفيد الثانيومو واحد يضم على الثاني تره والله تعبنه لو احجي لو اسكت يرحم اهلك؟

[IT-IRAQ]

هذه اسعار الخدمه حمل هذا الملف مع تحياتي

اضغط هنا (http://www.geocities.com/bakersukaini/IT-IRAQ.doc)

[reddragon]

هذه الخدمة موجودة عند مكتب السارية واعتقد انها خدمة كلش ممتازة من خلال كلام احد المشتركين معهم واني احتمال اجرب هذه الخدمه عن قريب بس اريد صحن متر ونص بيضوي ثابت الى عنده او يلكه هيجي صحن ياريت يكلي وين ترى وكعن رجليه من باب الشرقي للكراده وماكو فايده

[reddragon]

هذه الخدمة موجودة عند مكتب السارية واعتقد انها خدمة كلش ممتازة من خلال كلام احد المشتركين معهم واني احتمال اجرب هذه الخدمه عن قريب بس اريد صحن متر ونص بيضوي ثابت الى عنده او يلكه هيجي صحن ياريت يكلي وين ترى وكعن رجليه من باب الشرقي للكراده وماكو فايده

[حبيبتي للابد]

اوك انجرب ونحكم
شكرااااا

[panorama4love]

شكرا اخي على المعلومه عاشت الايادي

[دبيان]

السلام عليكم
اشكركم جدا على هذه المعلومات الرائعة ، اخواني اتمنى انه تردوا على استفساري وهو
اذا اخذت خدمة دو وي طبعا عبر كارت الستلايت كيف ممكن ارح يكون التوزيع قصدي هل المايكروتك يتعامل مع هذه الطريقة او اي سيرفر ثاني وماهي الاعدادات

تسلمون::32::

[saadalmnara]

هذي الخدمه الجديدة تنجح على الاي دايركت 3000 وممكن مجهز في بغداد مع التنصيب الكامل

[ammar.a.h]

شباب هاي الخدمه موجوده عندنه

[مايكل ابو ليث]

بعد التحية والسلام واخص بالسلام حيدر الي حاط صورة سكوفيلد (حبيب البي) اكول لو تصير فريق عمل مرتب افضل من من المشاركات الهواية دون تصفية هذا رايي والكل راح يشوف الفرق بالمشاركات الهادفة والى الامام. ونظر رد منك حيدر وسلامي للجميع::28::

[zxzxzxz66]

الحمد لله ما عدكم محطة ناسا الفضائيه لكان خبلتوا العالم عمي شنو رساله شنو خاص الي عنده معلومه خل يفيد الناس مو يدور مصالح شخصيه والى متى نضل بس نحب انفسنه وما نسوي خير البشر

[ضبية الهندسة]

مشكووووور عالموضوع ولو اني كلشي مفتهمت ::41::الى حد الان ههههههههههه بس حملت الملف وراح اشوف وياريت لو تكولي شلون صايرة ههههههه وهل هية مضمونة؟؟مثل اشتريت اتصالنا واتورطت اول شي جانت خدماتهم شكل ومن الناس اقبلت عليهم صارت غير شكل مشكوووور::h30::بلكت تطلع خوش خدمة حتة واحد يشترك

[saadalmnara]

شباب ممكن شرح اكثر على هاي الخدمه و المكاتب الي اتوزع هاي الخدمه وكذلك خواص ومواصفات الاي دايركت x3 وهل توجد منها عدة انواع ام نوع واحد .

[hazimvisa]

نعم هناك (نحاسة) في عرض المعلومة ... وأشارك أخي حيدر العراقي وأخي كوبتر في طروحاتهم .. ليش هيج؟!!!

[ammar.a.h]

شباب ممكن شرح اكثر على هاي الخدمه و المكاتب الي اتوزع هاي الخدمه وكذلك خواص ومواصفات الاي دايركت x3 وهل توجد منها عدة انواع ام نوع واحد .
حبي اني انصح بل ايدايركت اكس 3 لان خدمتهه مو طبيعيه

[A7MED AL-FATLLAWY]

عااااااااااشت الايادددددي

[حامد1974]

ليش هاي الشغلات بس عدنه بالعراق ؟؟؟؟مو الدول الثانية تشترك وياه وراسك بارد خاصة من غير العرب ؟؟؟؟؟؟