تفضلوا عندي مسابقة يمكن حلوة

[mafia_speed]

هلو شباب

عندي مسابقة


المسابقة جميلة وسهلة جداً ... فعليكم فقط كتابة المواقف المثيرة والمضحكة ... التي مرّة في حياتكم... أو من مكان أخر أياً ... كان.....

شروط المسابقة :

1- على المتسابق أن يضع موقف واحد ... ولا يمكن له التعديل أو التغيير ... لذا أروجو الأنتباه ... من كتابة الأحرف صحيحة وإلاّ فعليكم تحمّل .. قرار المراقبين ..

2- ويجب أن يكون الموضوع متحدّث عن موقف مضحك .. ولا يختلط بأي سب أو لعن ..وأتمنّى من عدم ذلك كونها فضائح

3- سوف يتم إعلان الفايز عن طريق التصويت من قبل أعضاء المنتدى ...

4- الإشتراك محدود ... وسوف يكون هناك وقت معيّن يتم فيها قفل الإشتراك وكتابة المواضيع ... وسوف ذلك اليوم على التاريخ التالي اليوم 10الى يوم 12
انشالله عجبتكم المسابقة


راح ابدي اني :-من اجمل المواقف الي صارت عندي اثناء لعب الطوبة فديوم جنت العب وية 4 بساحة صغيرة فبيومهة وكعنة احنة الخمسة سوية اكيد تخيلتو السالفة يعني اللي يلعبون والحارس يعني الطوبة وحدهة بالملعب واحنة متسطرين بالكاع محد يكدر يوصللهة من الضحك فهذا الموقف اثر بية ومراح من بالي ويمكن الموضوع مو حلو لمن ينكتب بس كلش حلو لمن تشوفوا شوكت اتشوفوا الله كريم هههههههههه


mafia_speed

[sweet_boy]

حلو خوش مقف اخوية و اني للأسف ما عندي اي موقف
و بصراحة عندي بس تفاجأت من دخلت لقسمكم و شفت ردي على فد موضوع صارلة اسبوع هو اخر رد بقسمكم
ترة انتو فد مرة تاركين قسمكم و ما تهتمون بي وهذا شي مو حلو و ما مرغوب بي لان قسمكم من الاقسام الحلوة و يا ريت لو تعتنون بي
تعالوا شوفوا قسمنا المواد كل يوم ينزل بي أكثر من 10 مواضيع و مئات الردود
و اسف اذا احد منكم يعتبرني دا اتدخل بس اني من حرصي على منتديات الجامعة التكنلوجية و اتمنى الكم الموفقية

تقبلوا تحياتي
sweet_boy

[1980]

قرار:

على كافة قوات الاحتلال الدخول والمشاركة بهذا الموضوع.


اني فد مرة دانزل من باص وهو ديتحرك فجلبت بشي من الهوسة ما شفت شنو هوة اشو هذا الشي يتحرك اباوع راس مال مرة كاعدة بالباص وهي خطيةولا حجت ولا كالت شي هيه جانت جبيرة ولابسة فوطة وعباية يعني مو زغيرة ولا جان انكتلت ههههههههه بس غير مفاجأة اباوع الكي نفسي لازم راسها هههههههههه.

[1980]

مشكوووووووووووووووووووور مافيا سبيد عالموضوع الحلو

[candle1979]

اني احجيلكم على دكه طيبه سويتهه مره من المرات ...

كنت داخل مسنجر واذا طفرلي واحد من الجات ولزك الي يكول انت بنيه .. يابه اني مو بنيه اني ولد .. وميصدك .. تالي كلتله اي اني بنيه ... وخطيه تقريبا ساعه يقرالي الغزاله واليتيمه وما خله اي شي ما قراه الي .. حتى دار دور والقراءة الخلدونيه ... هههههههه ... ما اطولهه عليكم ... الاخ سالته وين تشتغل انت ؟؟؟ كال بشارع الصناعه بمكتب حاسبات .. كلت اي الله جابك... كلتله تريد تشوفني ..؟؟ كال اي كلتله اني هسه كاعده بمقهى زيتونه ... اكيد تندلونه بفرع تينه ... وانطيته اوصاف فد بنيه حلوة كانت تشتغل هناك .... وكلتله بسرعه هسه تجي لان راح اطلع وره ربع ساعه ... ومن تدخل تعال راسا واكعد يمي علمود لا تجذب انظار احد .... وهوه العزيز انطلق ... وره يومين شفت من عنده اوف لاين ... لك ليش ... مو اني خطيه ... ههههههههههههههههههه