الى كل من يدخل قهوة عزاوي ارجوا الدخول...... [الأرشيف]

مشاهدة النسخة كاملة : الى كل من يدخل قهوة عزاوي ارجوا الدخول......

EmPeRoR

11-11-2006, 01:15 AM

السلام عليكم

الحقيقة اني البارحة دخلت لقهوة عزاوي بالرغم من الفترة اللي اني موجود بيها بدجلة

(http://www.dijlh.net/forums/forumdisplay.php?f=17)قهوة عزاوي (http://www.dijlh.net/forums/forumdisplay.php?f=17)
منبر السياسة والحوار العراقي..
(http://www.dijlh.net/forums/forumdisplay.php?f=17)

المهم

حسب مااقراه انه قهوة عزاوي هية منبر للسياسة والحوار

اني دخلت وجدت اعلان عن افتتاح قنواتhttp://www.dijlh.net/forums/images/icons/116.gifفهذا الذي يقول قناة الزوراء وذاك الذي يقول الفيحاء

وطبعا لا ننسى الحـــــــــــوار الذي دار بين الاعضاء

المهم مالغاية من موضوعي هذا

الغاية منه هو رسالة مني لكم

وسؤال في نفس الوقت

اذا كنتم تدعون نفسكم سياسين وتحبون العراق

ممكن تكولولي حالة العراق الان 2006 لا اتكلم عن قبل هذي الفترة ولا اتكلم عما بعدها

هذي الحالة شنو سببها القتل الدمار الاخوف الرعب الذي يعيشه كل من سكن دار السلام بالاخص والعراق طبعا عموما

فمثلا كم طالب اجل هذي السنة خوفا من الاوضاع

كم عراقي ترك بغداد او العراق للينجوا بحياته

كم عراقي خطف

كم عراقي ضُلم

وغيرها م الحلات الغريبة

فرسالتي هذي موجهة للموجودين وطبعا مو كلهم انما البعض منهم ممن يدعي المفهومية وهو لا يعرف حتى نسبة واحد بالف من السياسة

ارجو من اي شخص يرد لا يعقب على الموضوع

فقط يجاوبني شنو سبب اللي احنا بي الان

وطبعا رح انطيكم رأيي بعد ان ارى ارائكم

واني متأكد سوف يدخل الكثير ولا يردون لأنهم يحبون مواضيع الرد على ردود الاعضاء لخلق مشكلة

وشكرا...........

l_u_a_y

11-11-2006, 01:30 AM

مشكور أخويه العزيز ... على هذا الكلام الاكثر من رائع .. والكلمات الجميله ... صحيح .. اخي .. لقد أصبح منتدى قهوه عزاوي ... فيه من الحساسيات الكبيره بين الاعضاء ... ونسوا العراق وجرح العراق الذي كان وما زال ينزف دماً .... والان في هذه الايام ... لقد حدثت أمور كثيره سببت أضطرابات في المنتدى ... وحدثت تجاوزات كبيره على قوانين المنتدى .... وأصبح كل عضو يوضح جريمه أو يوضح فكرته في أمر ما ... يأخذه أخاه الرد ... العنيف ... وذلك لحد مايجر الموضوع للطائفيه ... وفي مواضيع كثيره حدث هذا الامر ...
هذا هو الامر الاول .. الذي كان من قبل الاعضاء
والامر الثاني ... هو تساهل المشرفين .. تساهله للاأقرب منه عقيده وفكر وأحب هنا أكون صريح جدا في هذه النقطه الى ماتنتمي له طائفته ... وهذا مبين من خلال ردودهم ... لان حدث الكثير على التطوال على الرموز الدينيه المهمه في العراق ولها ثقلها ... ولم تطبق القوانين .. على حذافيرها في هذا الامر ...
مما جعل أصحاب الرأي ألاخر يتعصبون أكثر .. مما أوصل قهوه عزاوي الى هذا المستوى المتدني ... في الردود والمواضيع ....

وشــــــــــــــــــــكراُ ........

MuKaRaM1

11-11-2006, 01:32 AM

والله يا اخي انا شوف السبب الاول والريسي للي احنا بي الان هو المحتل والسبب الثاني هم الناس اصحاب العقول الصغيرة والمحدودة التفكير اللذين لايعرفون شي عن السياسة وفجاة اصبحوا سياسين ويحللون مواضيع ولكن بفكر خاطي اخي والله ما اعرف شبيهم يعني العراق الان يمر باصعب مرحلة بتاريخه على الاطلاق والناس تاركته وهذا يقول سدوا فلان قناة وافتحوا فلان قناة وغيرها من المواضيع التي لاتخدم العراق بل على العكس تولد الحقد والكرهاية بين العراقين عامة واعضاء المنتدى خاصة
شكرا اخي
مكرم

EmPeRoR

11-11-2006, 02:03 AM

شكرا على ارائكم انتظر اراء بقية الاخوة الاعضاء

iraqia

11-11-2006, 02:07 AM

الموضوع كلش حلو...
انا بالنسبة الي اعتقد سبب الوضع الحالي انو بعض العراقيين كانو يخافون من النظام السابق مو من الله ولما سقط النظام مابقى شي يخافون من عنده لهذا اصبحو يتصرفون هوايا تصرفات لم يكونو يتصرفونها قبل
اما السبب الثاني هو الايادي خارج العراق التي استطاعت اغراء الكثيريين للقيام باعمال سيئة سواء اكان ذلك بالمال ام بزرع الافكار المسمومة في عقولهم وللاسف وجدت اذان صاغية من الكثييرين ووجدت عراقيين مستعدين لتنفيذ هذه الافكار وذلك لتحقيق مصالح خاصة هي بالتأكيد لاتحمل ولا حتى ذرة مصلحة للعراق والعراقيين....
اسفة للاطالة

ساسوكي شايل سيفه

11-11-2006, 02:35 AM

مشكور اخي على الموضوع والله سبب دخولي هو معرفه اخبار العراق ومعرفه اين وصل فكر المواطن العراقي بعد انفتاح ودمقراطيه ومع اسف يوجد بعض من الموجودين لا يعرف معنه الدمقراطيه والحوار يقوم بتهجم على طائفه معينه وهذا لايجوز يجب على المواطن العراقي يفتهم معنى الدمقراطيه ومعنه الحريه التى مع اسف بعض من الموجودين لايعرف هذا

EmPeRoR

11-11-2006, 04:05 AM

اشكركم على ارائكم

الم اقول سوف تكون ردود قليلة
ههههههههههههههه

ها قد فاتت 3 ساعات ولم واحصل على اراء كافية بمقدار السياسين الموجودون هنا

EmPeRoR

11-11-2006, 04:09 AM

طبعا لي ان شاء الله تعقيب على ارائكم

Destruction

11-11-2006, 04:30 AM

اخويه العزيز امبرو والله حجيك كله صح وتحياتي الك وعلى مفهومك للواق
وح صار قوة عزاوي مو مكان حوار صار مكان مصارعات سياسيه
واني اقترح على منتدى دجله ان تكون قهوة عزاوي مكان حوار مو مكان اخبار سياسيه
بأنه طلعت مضاهره بتكريت وبعدين واحد يكتب طلعت مضاهره بمدينتة الصدر
وتصير مشاحنات سياسيه فا الاحسن انه يكون منتدى حوارسياسي مو اخبار
سياسه وشكرا
وتحيه لك اخ امبرو على المضوع المفيد

شجــن العراق

11-11-2006, 07:33 AM

......

اخي الكريم ...

سلامٌ من الله عليك ورحمة والف بركة ،،

طبعا موضوعك اول مانزل قرأته .. واصلا كنت انتظره ... ولم اتجاهل الرد سوى اني اجلته ..
وكعادة المواضيع الحيادية ... واللاجدالية .. لا يلقى ذاك الصيت ... !!

اخي ,

" الفتنة نائمة لعن الله من ايقظها "

الايدي الخارجية .. ابتداءا من امريكا .. ام غيرها من ايران ودول الجوار ..
كلها تكاتفت لاشعال نار الفتنة .. والفتنة تخدمهم كلهم ... لانها النار التي يتغذون منها ..

وماكان من الصعب .. ان يفتن قومنا " العراقيين " فاستجابوا لها دون ان يعلموا بذلك ،

واستمروا بها ولا دراية لديهم انهم بذلك يخدمون اعداء العراق .... والضحية هو الدم العراقي ..

ولايخفيك علما .. كيف ان قبيلتي من قبائل العرب :: اذ كانو متخاصمين قبل الاسلام .. وتصالحوا به .........
وكيف ان الفتنة .. اشعلت نارها " بلحظة خاطفة " ..

حتى ان رسول الله قال لهم ..

" أبدعوى الجاهلية وانا بين ظهوركم !! "

نعم الفتنة والتعصب من مظاهر الجهل والجاهلية الاولى وليست من الاسلام والحضارة ..!!

" أبدعوى الجاهلية وانا بين ظهوركم "

وكأن رسولنا العظيم كان يعلم ان الفتنة ستشب وهو ليس بيننا ...

ادعو كل المسلمين ان يضعوا هذا الحديث نصب اعينهم ..

وان لا يخذلوا ديننا ورسولنا .....

وان " يعتصموا بحبل الله جميعا "

تحياتي لكم وعذرا على الاطالة

وتحية اخص بها امبراطور ....

شجــن العراق

RAMII

11-11-2006, 12:46 PM

للذي يسأل " سكوال حسب ما فهمت هذا مو شخصية من final fantasy اللعبة ! دا اكول وين شايف هل اسم المهم بما انك من محبي ال فاينل فانتاسي فا اظن شنو الي بالك "

عزيزي احنة حالتنة حالة جهل وفقر وامية حتى المثقف صار امي مع الاسف
هذي حالة العراق الحالية ومن يدعي المفهومية فا احب اكلك الشعب العراقي خلق جيل جديد فريد من نوعة جيل العنف والسلاح والسب والضغينة واتحدى اي شعب بالعالم عندة هيج نوع من الكراهية مثل شعبنة ! سواء كانت الاحزاب " الي يسمع يصدك احزاب " او مليشيات " الي همين يصدق مليشيات اني اسميهم مساكين يركضون ورة اي شي بس يريدون يثبتون وجودهم بالمجتمع " والي يسمع يصدك مجتمع لان حتى علوم الاجتماع والانثروبولجيا ما تكدر اتفسر هل مجتمع العراقي "الفريد من نوعة "
وهذا مو بس منبر سياسي وانما اجتماعي ايضا ! للعلم

شكرا

RAMII

11-11-2006, 12:57 PM

......

اخي الكريم ...

سلامٌ من الله عليك ورحمة والف بركة ،،

" الفتنة نائمة لعن الله من ايقظها "

وعليكم السلام
اختي الفتنة اصبحت وسيلة نهرب من واقعنة
الشخصية العراقية شخصية ضائعة بمتاهات وصعوبات الدنيا وبين اثبات الوجود بالكرة الارضية
اصبحنا بلا ملجئ في ارضنا وارض الغرباء
اصبحنا نريد ان نمسك في اي شي حتى نقول انا عراقي
مع الاسف الانا العراقية جلبت الويلات لنا منذ القدم قبل السقوط وبعده
ابو بالاحرى بالقرن الجديد!!!!
واقنعة العراقي مؤلم والي يتابع تاريخ العراق يشوف الويلات والدمار سواء النفسي السيكولوجي الاجتماعي الي اصاب مجتمعنة وحتى قبل فترة البعث ... مع الاسف
عندما اقرأ تاريخ الدول والحضارات اشوف نهاية مشرقة وسعيدة لباقي الشعوب
ولكن اي نحن !! نحن لسنا في طائفية
ولسنا في جهل
وانما في خضوع قاتل لما يسمى " اثبات الوجود العراقي داخل المجتمع العراقي الضائع بين تراكمات الماضي والمستقبل وبين الحروب والويلات والمأسي الاجتماعية الي صابتنة .

اقرأ تاريخ يابان وانظر ماذا فعلو بعد النكبة الي حلت بيهم بعد الحرب العالمية . وايضا اقرأ تاريخ المانيا
مع الاسف العراق. ليس الخطأ من اي احد وانما الخطأ منا نحن العراقيين .. هذا واقعنة

شجــن العراق

11-11-2006, 05:55 PM

......

اشكرك اخي الكريم على مداخلتك وكلامك الواقعي

تحية الك ولردك ..

حسين العراق

11-11-2006, 06:37 PM

ان شاء الله سينتهي ما يدور في عزاوي على يدي ..بحول الله وقدرته
اما عن ما يدور على ارض العراق فكل هذا من فعل الجهلة ممن سولت نفسهم وضع ايديهم بيد الامريكان
ودول الجوار دون استثناء ..
كل دول الجوار العربية الغبية تتسارع لخدمة اليهود في دمار العراق ..
ولن اناقش اكثر من ذلك عزيزي امبيرور

علي البغدادي

11-11-2006, 08:56 PM

السبب الوحيد العقول المتحجره الموجوده الان في كل مكان من العراق

JOjo.91

11-11-2006, 11:06 PM

شكراااااااااا امبراطور على هذة المبادرة الحلوووووووة منك
اكييد اني الكي بقهوة عزاوي اخر الاخبار وهذا شئ مفيد
بس المزعج هو بعض او الكثير من الاعضااء الطائفيين الذين مع جهة وحدة تتكلم علة الجهة الثانية
واذا كنت من الجهة الثانية فانك سوف ترد على الجهة الولى لان هذا حقك بالكلام و الحلرية

تحياااااتي .......

مقاوم من العراق

11-12-2006, 03:43 AM

حبيبي الغالي موضوع جيد ولاكن يجب الخروج من هذا الموضوع بخلاصة هذه الخلاصة يجب ان تنفذ على الايام القادمة .
اما بالنسبة لنظرتي اقول لكل فعل رد فعل . عندما توجه التهمة لطائفة معينة او لرمز معين فهذا يثير حفيظة المؤيدين لهذا الرمز او هذه الطائفة . طبعا قبل الاحتلال ماكو زيد من الناس من الجنوب وعبيد من الوسط وكامران من الشمال بس المحتلين واذنابهم والسياسين المرتبطة مصالحهم بالامريكان من اجو بيه للعراق ..........................................
المهم الي ديصير مثل مكلت تهجم على رمز معين او طائفة فيكون الرد عنيف وفيه تجاوز احيانا .
اتمنى من المشرف ان يبين صلاحيات العضو في كتاباته وان يفعل الصلاحية الممنوحة له بحذف اي موظوع يراه مخالفا
وهذا رأي المتواضع مع شكري وتقديري الك

The Promise

11-12-2006, 05:13 AM

الغاية منه هو رسالة مني لكم

وسؤال في نفس الوقت

اذا كنتم تدعون نفسكم سياسين وتحبون العراق
عزيزي امبراطور
شكرا لسؤالك الحقيقة منتدى عزاوي لم يعد كما كان لعدم وجود عناصر كفؤة بالنقاش لااسباب معروفة
الامر الذي جعل ان يكون المنتدى فارغ من المواضيع الهادفة
هذا مختصر مفيد
اشكر لك اصغائك

فراشة البرامجيات

11-12-2006, 05:24 AM

مشكور ياخوية علة هالموضوع الحلو الي قليل نشوفة بهالمنتدى وبصراحة اني اول مسجلت بمنتدى دجلة مجنت افوت علة كهوت عزاوي وبعدين جذبني الاسم لان ذكرني بايام بغدادالقديمة وتوقعت الكة ناس بغداد القديمة بس الي لكيتة كلة ناس تتهجم علة ناس وناس حاقدة علة ناس بوكت انه لازم علة كل عراقي يداوي جرح اخو ويساعدة ويساندة احنة لا بالعكس ناس دوس بطن ناس وبدل ميداوي جرح اخو لا يدوس علية ويكتلة ولهذة مرح تمر هاي الازمة بسهولة علة كل عراقي
وحتة اني كمت اكرة منتدى دجلة لان بس تلكة اشياء تقهر وتعصب مداوي جروح تفتح جروح
واخر شي اني اسفة لان طولت شوية واتمنة تتقبل مروري ومشكور

*** أمير الظلام ***

11-12-2006, 05:50 AM

جوابي لسؤالك هو أنه العراق وصل الى هذه المرحله بسبب السياسيين اللي موجودين الآن بالحكم لأنهم سوو أنتخابات طائفيه يعني الأئتلاف للشيعه والتوافق للسنه والتحالف للأكراد والعراقيه للي يريدون العراق يصير علماني مو ديني والحوار للبعثيين ... وصارت الأنتخابات على هذا الشكل وصعدوا للحكم كل قائمه تريد تضمن حصتها الطائفيه من السلطه بالعراق وبقوا 4 او 5 اشهر يريدون يسوون حكومه ومتصير الى أن نزل الوحي عليهم وسوو الحكومه صارت (( حكومه طائفيه بمعنى الكلمه )) وكل طائفه عرفت وزاراتها وقسموا الدفاع للسنه والداخليه للشيعه ... والشعب يتفرج عليهم الى أن خلوا الشعب العراقي يفكر بفكر طائفي تلقائيآ وبدون شعور .... فغلطتنا أنه نأخذ موضوع العراق موضوع مذهبي وقومي وطائفي ... والمفروض أنه نأخذ موضوع العراق كموضوع وطني بحت ليس له أي علاقه بالدين

أتصور هو هذا السبب ......

RAMII

11-12-2006, 11:07 AM

لحد هسة كل الردود الي اقراها هروب من واقعنة الخطأ
دائما انقول دول الجوار ودول الاحتلال والسياسين مع العلم النخاع الاجتماعي هو السبب الرئيسي الي كاعد يحصل بينة والي يقول شنو دخل الاجتماع بالسياسة اقول له هو اساس الحضارات .....
الاعتراف بالخطأ فضيلة
time is a vartue and we shall see!

neo_lover

11-12-2006, 10:36 PM

السلام عليكم
حب السالفة وما بيها
امريكا رادت من البداية ان تلعب سالفة السنة والشيعة بالعراق
بس المشكلة احنا العراقين ساعدناها على انجاح هذا الشي
وتدري العراقين الي ساعدوها
الحكومة ومع كل الاسف هية الي سوت هاي الفتنة الطائفية بالعراق
اذا همة من البداية قسمو الكراسي
هذا سني هذا شيعي هذا كردي هذا مسيحي هذا وهذا وهذا
كافي كافي عاد شنو هذا الحجي بدال ميكول اني سني او اني شيعي او اني مسيحي
كول اني عراقي
مو هيج الحجي لو اني غلطان
المفروض
على كل عراقي مسلم مسيحي
ميكول اني هيج
اني عراقي
بس وية منو تحجي

بس الله كريم اخوية
ان شاء الله تفرج وبعون الله تفرج ويرجع العراق مثل قبل واحسن
قولوا امين

nabaawest

11-13-2006, 01:34 AM

اي والله اخويه حجيك صح احنه كلشي منفتهم بل السياسه بس هي ردت فعل يعني الواحد من يدخل قهوة العزاوي يصير كتله اعصاب

nabaawest

11-13-2006, 01:37 AM