تساؤل

[sweet lion]

: جاء في فواتح 29 سورة بالقرآن حروف عاطلة لا يُفهم معناها، نذكرها ومواضعها:
الحروف السورة
اَلَرَ يونس، هود، يوسف، إبراهيم، الحجر
اَلَمَ البقرة، آل عمران، العنكبوت، الروم، لقمان، السجدة
اَلَمَرَ الرعد
اَلَمَصَ الأعراف
حَمَ غافر، فصلت، الزخرف، الدخان، الجاثية، الأحقاف
حَمَ عَسَقَ الشورى
صَ صَ
طَسَ النمل
طَسَمَ الشعراء، القصص
طَهَ طه
قَ ق
كَهَيَعَصَ مريم
نَ القلم
يَسَ يس
ونحن نسأل: إن كانت هذه الحروف لا يعلمها إلا الله (كما يقولون).فما فائدتهالنا؟ إن الله لا يوحي إلا بما يفيد، فكلام الله بلاغ وبيان وهدى للناس.
الموضوع منقول وننتظر الجواب

[arclite]

موضوع خطير جدا!!

[عبقرينووو]

اني اجاوبك
في زمن النبي موسى كانوا القوم مشتهرين بلسحر فرب العالمين انطه للنبي موسى القدرة على القيام بسحر محد مثله واذا تعرفون سالفة العصى الي رماها وتحولت الى ثعبان ، والنبي عيسى القدرة على احياء الموتى ، في زمن الرسول محمد كانوا العرب مشهورين بالشعر واللغة فرب العالمين نزل هاي الحروف في بداية الايات حتى ديكلهم هذا القران نزل بلحروف الي انتوا تستعملوها وتالفون بيها اشعاركم ، فاذا تكدرون كتبوا سورة مثلة والعرب عجزت تكتب سورة مثله وهاي الحروف نزلت استهزاءا بلذين كالوا نكدر نكتب ولكنهم عجزوا عن ذالك

[بــدر الزمــان]

الاخ رامي اولا صحح العبارة واحذف بعض الكلمات اللا اخلاقية مثل " عاطلة" وبعدين اجاوبك واكمل جواب الاخ اللي جاوب قبلي صاحب المشاركة رقم 3 - اسمه صعب-

[sweet lion]

اني اعتذر طير الحب عن كلمة عاطلة(ولو هية كلمة لغوية للحروف التي بدون فائدة)او على الاقل انها تبدو بدون فائدة واني اعتذر اذا جان بيهة كلمات لااخلاقية وانشالله متتكرر
وهاي الحروف نزلت استهزاءا بلذين كالوا نكدر نكتب ولكنهم عجزوا عن ذالك
هاي اول مرة اعرف انو الله يتحدى بشر ويستهزا بخلقه (اذا مو هذا قصدك صححلي)
بالمناسبة شنو ربط هاي الحروف باللي شرحتة حضرتك؟؟وشنو دليلك على انو هذا هو تفسيرها؟

[sweet lion]

والحرف العاطل هو الذي لا يفهم معناه وارجو ان اكون قد وضحت واكرر اعتذاري

[عبقرينووو]

وهاي الحروف نزلت استهزاءا بلذين كالوا نكدر نكتب ولكنهم عجزوا عن ذالك
هاي اول مرة اعرف انو الله يتحدى بشر ويستهزا بخلقه (اذا مو هذا قصدك صححلي)
بالمناسبة شنو ربط هاي الحروف باللي شرحتة حضرتك؟؟وشنو دليلك على انو هذا هو تفسيرها؟


اخي العزيز


اريد اسولفلك قصة هي قصة النبي موسى

يكلك انو القوم في زمن النبي موسى كانو مشتهرين بلسحر ربك اعطى للنبي موسى القدرة على ابطال سحرهم ، وعندما تحدى النبي موسى فرعون تواعدوا على يوم امام الملاْ على وجاب فرعون من اشهر السحرة ورمى كل واحد عصى تحولت الى افعى عادية واجه النبي موسى ورمى العصا باذن الله تحولت الى ثعبان مبين اكلت كل افاعيهم وكل السحرة سجدوا لموسى كلهم سجدوا لله الواحد ، زين النبي موسى من تحدى السحرة عبالك من نفسه ، رب العالمين كله اتحداهم ، يعني رب العالمين من اتحداهم دينزل من نفسه حشة الله

خلي اسولفلك معجزات النبي عيسى

النبي عيسى في زمانه كان القوم يحتاجون الطب بشكل عظيم ، النبي عيسى قام باحياء الموتى باذن الله وشفا المريض باذن الله ، زين الذي يقوم باحياء الموتى هو الله وحده زين شلون النبي عيسى استطاع ، رب العالمين انطاه هذا الشي وهاي المعجزة حتى البشر تامن بوجود الله وتعبده وليبين المهتدي والمشرك والنبي عيسى من كان يحي الموتى كلهم باذن الله احييهم ، وكلهم للقوم اتستطيعون احياء الموتى وهذا هم تحدي لهم وعجزوا كلهم عن ذلك ،

واجه النبي محمد بعد الف واربعميت سنة

وكانوا العرب يتكلمون العربية ويبدعون بلشعر العربي والكلام الموزون والقافية ، رب العالمين نزل القران بطريقة تختلف عن طريقتهم باستخدام اللغة و قواعدها واتحداهم ياتون مثله ومحد جاب مثله او بسورة مثله واتمنى تسوي بحث مراح تلكه شي يشبه القران من حيث الكلام والطريقة الي نزل بيها وطريقة الايات

واجاوبك على سؤالك نعم رب العالمين استهزء بلي كفروا والي كذبوا الرسول محمد ، شخص او شخصين او عشرة الاف او مليون او مليار او البشرية كلها مراح يزيدون الله شيئا ، الحروف نزلت استهزاء بلمشكرين والكفرة و تحدي لهم على ان ياتوا بمثله

نجي لشغلة الخ رب العالمين القادر كلشي شلون يتحدى بشر الي هو لاشي بلنسبة لله ، رب العالمين يتحدى الي اتحداه والشيطان الي هو لاشي بلنسبة لله اتحده الله وربك قبل التحدي والذين اسستهزوا بلقران هم اتباع الشيطان ، رب العالمين استهزاء بيهم واتحداهم على ان ياتوا مثله

انشالله وضحتلك هذا الشي

[عبقرينووو]

الاخ رامي اولا صحح العبارة واحذف بعض الكلمات اللا اخلاقية مثل " عاطلة" وبعدين اجاوبك واكمل جواب الاخ اللي جاوب قبلي صاحب المشاركة رقم 3 - اسمه صعب-


اخي العزيز اسمي العبقري

[arclite]

يعجبني اشارك بالموضوع واسمعكم رأيي

اني قريت الموضوع والتسمية بالحروف العاطلة مو قلة اخلاق واني صراحة تعجبت من تعليق اخوية طير الحب!!!
وقريت اجابات وتوضيحات العبقري وطبعا احنة نعرف قصة ومعجزات الرب على يد موسى اللي بيهة تحدى السحرة اللي كانوا في قصر فرعون بذاك الوقت وبيهة تمجد اسم الرب وقوة ايمان بني اسرائيل بيه

بس المثال اللي ضربته في ما يخص الطب وقدرة المسيح على الشفاء واقامة الموتى شوية غريب مع احترامي لين الناس منذ ان خلقوا والى هذا اليوم ديتمرضون ويموتون ويتمنون لو اكو فد واحد يشفيهم او يعيد الهم الحياة يعني قصدي مو بس بذاك الوقت!!!! بكل الاوقات

وفي ما يخص تفسير الحروف. شلون متفضلت انه الله نزل هذه الحروف وتحدى العرب بذاك الوقت انه يكتبون أو ايألفون شي مماثل اله وكلت انه محد مكدر. زين هو من تتحدة واحد غير تفهمه شنو المطلوب منه؟ اذا هاذي الحروف ما الهة معنة بكل قواميس ومعاجم اللغة العربية بين قوسين ليست من لغة العرب فشلون تريدهم يألفون شي مماثل لهذه الحروف؟ هسة اكدر اني اجي واجمع حروف واتحداك لو تسوي نفس الشي !!!!!

وهمينة انت بتقديمك للموضوع فهمت انه الله يستهزأ من الكفار العرب فقط بما انه تحداهم بلغتهم ماذا عن الاجانب؟

واخيرا يظهر ان القران انزل لعلماء اللغة فقط. ماذا عن الرعاة البسطاء والاطفال؟

[عبقرينووو]

بس المثال اللي ضربته في ما يخص الطب وقدرة المسيح على الشفاء واقامة الموتى شوية غريب مع احترامي لين الناس منذ ان خلقوا والى هذا اليوم ديتمرضون ويموتون ويتمنون لو اكو فد واحد يشفيهم او يعيد الهم الحياة يعني قصدي مو بس بذاك الوقت!!!! بكل الاوقات

وفي ما يخص تفسير الحروف. شلون متفضلت انه الله نزل هذه الحروف وتحدى العرب بذاك الوقت انه يكتبون أو ايألفون شي مماثل اله وكلت انه محد مكدر. زين هو من تتحدة واحد غير تفهمه شنو المطلوب منه؟ اذا هاذي الحروف ما الهة معنة بكل قواميس ومعاجم اللغة العربية بين قوسين ليست من لغة العرب فشلون تريدهم يألفون شي مماثل لهذه الحروف؟ هسة اكدر اني اجي واجمع حروف واتحداك لو تسوي نفس الشي !!!!!

وهمينة انت بتقديمك للموضوع فهمت انه الله يستهزأ من الكفار العرب فقط بما انه تحداهم بلغتهم ماذا عن الاجانب؟


اخوية عيني انت افهمك وجهة نظرنا

انو في وقت السيد المسيح انتشرت الامراض بشكل فضيع كان لابد من شافي والشافي هو الله بس الطريقة لشفاء الناس كانت عن طريق السيد المسيح عليه السلام وكان يقول باذن الله اشفي او باذن الله ابرى فلان منه مرضه ، اما بلنسبة لتعليق الامراض ليهسة موجودة وليش ماكو واحد يشفي هاي حكمة الله محد يعرفها اكيد ربك اله حكمة ، انتوا بنفسكم تعرفون انوا المسيح كان يشفي المرضى بس ليش ماجه واحد همين يشفي المرضى ربك الة حكمة بيها

اجي اجاوبك على سوالك تكول حروف مبيها معنة او اي تفسير ، ومحد يفتهم معناتها بكل القواميس ومعاجم اللغة

حبيبي هاي حروف عادية يعني من كال (الر) يعني قصده حرف الالف واللام والراء او (الم) يعني قصده حرف الالف واللام والميم حروف عادية وديكلهم هاي الحروف الي انتوا تستعمهلوها وهاي نفس حروف القران جيبوا مثله اذا تكدرون هاي مو حروفكم وانتوا الي كتبتوا ابداعاتكم من الشعر والقافية كتبوا مثله بهاي الحروف

وسوالك الخ عن الكفار العرب ماذا عن الاجانب ؟؟

كبل لا اجاوبك اريد اني اسئلك الانجيل بيا لغة نزل ؟؟ وبيا مكان و وين ؟؟؟ وليش خص العرب بلذات بالاديان كلها ؟؟؟

[arclite]

انو في وقت السيد المسيح انتشرت الامراض بشكل فضيع كان لابد من شافي والشافي هو الله بس الطريقة لشفاء الناس كانت عن طريق السيد المسيح عليه السلام وكان يقول باذن الله اشفي او باذن الله ابرى فلان منه مرضه

احب اشكرك على الاجابة اخي الكريم::51:: وعندي تعليقات اضيفهة
الامراض موجودة الى هذا اليوم والاوبئةوالمجاعات والكوارث و و و الخ وانت كلت "كان لا بد من شافي" يعني هسة مو "لا بد من شافي؟؟؟

اكو حادثة تروي شلون تسمم شعب اسرائيل من كانوا بالبرية لين مالوا عن الطريق الصحيح فأرسل الله افاعي بعضات سامة ومن طلبوا من موسى انه يتدخل امره الرب ان يصنع حية نحاسية وكل من ينظر اليها يشفي وهكذا شفي الشعب

وقصص كثيرة تروي حوادث شفاء وبالمناسبة اكو الى حد الان ناس يشفون امراض طبعا بقدرة الله::39:: ... ولهذا مدا اشوف رباط بين مثالك وتفسيرك للحروف...



اجي اجاوبك على سوالك تكول حروف مبيها معنة او اي تفسير ، ومحد يفتهم معناتها بكل القواميس ومعاجم اللغة

حبيبي هاي حروف عادية يعني من كال (الر) يعني قصده حرف الالف واللام والراء او (الم) يعني قصده حرف الالف واللام والميم حروف عادية وديكلهم هاي الحروف الي انتوا تستعمهلوها وهاي نفس حروف القران جيبوا مثله اذا تكدرون هاي مو حروفكم وانتوا الي كتبتوا ابداعاتكم من الشعر والقافية كتبوا مثله بهاي الحروف

القران مو شعر ولا قافية القران المفروض كلام الله شنو معنة هذي الحروف وثانيا اكيد الشعراء يكدرون وبكل بساطة انه يضيفون هذه الحروف وحروف اخرى على قصائدهم ويسوون الحان رائعة منهة واصلا اسهل لين الاحرف اللي حيختاروهة حتكون بصورة عشوائية !! فمحد حيعتب او ينتقد الحانهم (القافية) لين ماكو اساس يستندون عليه ولا قاعدة تحاسبهم!!!!!

وسوالك الخ عن الكفار العرب ماذا عن الاجانب ؟؟


كبل لا اجاوبك اريد اني اسئلك الانجيل بيا لغة نزل ؟؟ وبيا مكان و وين ؟؟؟ وليش خص العرب بلذات بالاديان كلها ؟؟؟

الانجيل انكتب باللغات اليونانية والعبرية والآرامية ولم يخص قومية دون اخرى وترجم الى جميع لغات العالم وانتشر في كل مكان والتلاميذ قبل ميبدون رحلتهم التبشيرية نزل عليهم الروح القدس وبدوا يتكلمون بألسنة يعني بلغات شتى... وبالعهد القديم خص اليهود فقط باعتبارهم شعب الله المختار اللي منه حيخرج المخلص اي المسيح والعهد الجديد اي الانجيل جاء لكل الامم ولم يخص شعب دون اخر...
هسة جاوبني على سؤالي ::13::

[بــدر الزمــان]

بسم الله الرحمن الرحيم
السلام عليكم
اعتذارك مقبول والان يمكنك ان تسمع الجواب.

ان الحروف المقطعة من الامور التي حيرت العالم اجمع وادهشته .
ودعونا الان نترك الحديث عنها لنتكلم عن القران الكريم بصورة اوسع.
لم يكن القران الكريم كتاب ارشادات ونصائح وان كان يحتوي على ذلك وان كان هو الدستور الالهي للبشرية اجمع..
الا اننا علينا ان نعرف انه بالدرجة الاولى معجزة النبي المصطفى محمد المختار صلى الله عليه واله التي كتب لها الخلود الى نهاية البشرية.
وقد قلنا في موضوع سابق ان المعجزة يجب ان تكون من جنس الطبيعة العامة في وقت نزولها.
اي يجب ان تتطابق وثقافة العصر التي تأتي به.
وعند بعثة النبي محمد ونزول القران كان للبلاغة والادب العربي موقعه في الجزيرة العربية.
فلم يكن من المنطقي ان يأتي الرسول محمد صلى الله عليه واله بمعجزة كدليل على صدق نبوته غير البلاغة والا ستكون الحجة عليه لا له.
ومن هنا ننطلق في جوابنا على الحروف المقطعة في القران:
لقد تعددت اراء المفسرين وتضاربت اقوالهم في شرح كنهها والحق يقال ان كل الاقوال لا تخلو من اللطافة والقبول الا ان جلها لم يقم عليه دليل ومن هنا كان بعض تلك الاقوال طرح الاراء جميعا واعتبار ان الحروف المقطعة سر من اسرار الله عز وجل التي اوحاها الى نبيه الكريم كما يفهم من كلام العلامة محمد حسين الطباطبائي رضوان الله عليه في تفسيره الموسوم بالميزان.
الا ان هذا القول وان كان له وجه من الصحة جانب ما الا انه لا يحضى بالرضا لاسباب عدة ليست مح كلامنا.
والجدير بالذكر ان التاريخ لم يحدثنا ان مشركي الجاهلية وكفارها قد اعابوا الامر على الرسول صلى الله عليه واله او انتقدوا تلك الايات وهم الذين كانوا يترقبون الفرص ويدققون في كل شئ لعلهم يجدوا ما يطعنوا به على القران الكريم وان دل هذا على شئ فانما يدل على انهم لم يستغربوا من تلك الايات ولم يكونوا جاهلين بامرها وكأن هذا الاستخدام كان قائما انذاك.
لذا فالحق ان هذه الايات لا تخلو من :
انها اشارة الى ان هذا القران وهذا الكتاب الذي تحدى العالم اجمع بل تحدى كل المخلوقات في كل زمان ومكان انما يتكون من تلك الحروف المتيسرة للجميع.
الا انه وان كان يتكون منها فان ما فيه من جمال العبارة وعمق المعنى يجعله ينفذ الى القلب والروح ويملأ النفس بالرضا والاعجاب ويفرض هيمنته على الفكر العقل.
ففيه من الفصاحة والبلاغة ما يدهش العقل ويحتار الانسان في كنهه وهو يقف امامه.
وفيه من العلم الغزير ما يعجز اللسان عن وصفه وتضيق الكلمات في بيان محاسنه
ولهذا نجد امام الصادقين ومولى المتقين علي بن الامام الحسين عليهم السلام اجمعين يقول " كذب قريش واليهود بالقران وقالوا هذا سحر مبين, تقوله, فقال الله ( الم, ذلك الكتاب...) : اي يا محمد هذا الكتاب الذي انزلته اليك هو الحروف المقطعة التي منها الف ولام وميم وهو بلغتكم وحروف هجائكم فأتوا بمثله ان كنتم صادقين.."
والملاحظ بالامر ان خلف كل تلك الحروف المقطعة يتلو مباشرة ذكر عظمة القران الكريم.

اكتفي بهذا البيان المختصر وامل ان اكون اجبت بما هو مفيد
تحياتي للجميع

[بــدر الزمــان]

اخي العزيز اسمي العبقري
شكرا اخي العبقري...واسف على سوء الفهم في اسمكم
وان شاء الله تكون اسم على مسمى

[sweet lion]

كبل لا اجاوبك اريد اني اسئلك الانجيل بيا لغة نزل ؟؟ وبيا مكان و وين ؟؟؟ وليش خص العرب بلذات بالاديان كلها ؟؟
اعتقد اركلايت جاوبك علة كلهة عدا واحد وهو ليش خص العرب واني رح اجاوبك عليه
والجواب انو مخص العرب ولا احد جاب اسم العرب ولا جان اكو شي اسمة عرب ذاك الوكت
اخي طير الحب مشكور علجواب بس تعليقك يادي الى سؤال
اذا هذا المقصد من الحروف ليش منزلت بشكل صريح(التحدي)وواضح؟

[بــدر الزمــان]

اخي الغالي رامي
لان لافهم تعليقك حول العرب والانجيل فليس كلامنا حول الانجيل الان علما انه لم ينزل باللغة العربيةز
علما ان القران الاسلام ديانة عالمية فليس من المنطقي ان نقول نبي العرب او ما الى ذلك وهذا الامر تكلمنا عنه في موضوعنا العالمية الاسلامية.
واما فيما يخص الحروف المقطعة فانا قلت ضمن كلامي انها لم تنزل مبهمة الى درجة ان مشركي الجاهلية انذاك اسـانسوا بسماعها كأنها مألوفة عندهم ولم يسجل التاريخ اي اعتراض او استفسام منهم بهذا الخصوص..وفي المقابل نجدهم اشكلوا على كلمات كانت مستخدمة عندهم الا ان التعصب انساهم ذلك ومن ذلك كلمة " كبارا" في قوله تعالى " ومكروا مكرا كبارا".
بينما لم نجدهم قد احتجوا على الحروف المقطعة او طعنوا بالقران من خلالها.
ارجو ان يكون الجواب واضحا

[arclite]

بسم الله الرحمن الرحيم
السلام عليكم
اعتذارك مقبول والان يمكنك ان تسمع الجواب.

ان الحروف المقطعة من الامور التي حيرت العالم اجمع وادهشته .
ودعونا الان نترك الحديث عنها لنتكلم عن القران الكريم بصورة اوسع.
لم يكن القران الكريم كتاب ارشادات ونصائح وان كان يحتوي على ذلك وان كان هو الدستور الالهي للبشرية اجمع..
الا اننا علينا ان نعرف انه بالدرجة الاولى معجزة النبي المصطفى محمد المختار صلى الله عليه واله التي كتب لها الخلود الى نهاية البشرية.
وقد قلنا في موضوع سابق ان المعجزة يجب ان تكون من جنس الطبيعة العامة في وقت نزولها.
اي يجب ان تتطابق وثقافة العصر التي تأتي به.
وعند بعثة النبي محمد ونزول القران كان للبلاغة والادب العربي موقعه في الجزيرة العربية.
فلم يكن من المنطقي ان يأتي الرسول محمد صلى الله عليه واله بمعجزة كدليل على صدق نبوته غير البلاغة والا ستكون الحجة عليه لا له.
ومن هنا ننطلق في جوابنا على الحروف المقطعة في القران:
لقد تعددت اراء المفسرين وتضاربت اقوالهم في شرح كنهها والحق يقال ان كل الاقوال لا تخلو من اللطافة والقبول الا ان جلها لم يقم عليه دليل ومن هنا كان بعض تلك الاقوال طرح الاراء جميعا واعتبار ان الحروف المقطعة سر من اسرار الله عز وجل التي اوحاها الى نبيه الكريم كما يفهم من كلام العلامة محمد حسين الطباطبائي رضوان الله عليه في تفسيره الموسوم بالميزان.
الا ان هذا القول وان كان له وجه من الصحة جانب ما الا انه لا يحضى بالرضا لاسباب عدة ليست مح كلامنا.
والجدير بالذكر ان التاريخ لم يحدثنا ان مشركي الجاهلية وكفارها قد اعابوا الامر على الرسول صلى الله عليه واله او انتقدوا تلك الايات وهم الذين كانوا يترقبون الفرص ويدققون في كل شئ لعلهم يجدوا ما يطعنوا به على القران الكريم وان دل هذا على شئ فانما يدل على انهم لم يستغربوا من تلك الايات ولم يكونوا جاهلين بامرها وكأن هذا الاستخدام كان قائما انذاك.
لذا فالحق ان هذه الايات لا تخلو من :
انها اشارة الى ان هذا القران وهذا الكتاب الذي تحدى العالم اجمع بل تحدى كل المخلوقات في كل زمان ومكان انما يتكون من تلك الحروف المتيسرة للجميع.
الا انه وان كان يتكون منها فان ما فيه من جمال العبارة وعمق المعنى يجعله ينفذ الى القلب والروح ويملأ النفس بالرضا والاعجاب ويفرض هيمنته على الفكر العقل.
ففيه من الفصاحة والبلاغة ما يدهش العقل ويحتار الانسان في كنهه وهو يقف امامه.
وفيه من العلم الغزير ما يعجز اللسان عن وصفه وتضيق الكلمات في بيان محاسنه
ولهذا نجد امام الصادقين ومولى المتقين علي بن الامام الحسين عليهم السلام اجمعين يقول " كذب قريش واليهود بالقران وقالوا هذا سحر مبين, تقوله, فقال الله ( الم, ذلك الكتاب...) : اي يا محمد هذا الكتاب الذي انزلته اليك هو الحروف المقطعة التي منها الف ولام وميم وهو بلغتكم وحروف هجائكم فأتوا بمثله ان كنتم صادقين.."
والملاحظ بالامر ان خلف كل تلك الحروف المقطعة يتلو مباشرة ذكر عظمة القران الكريم.

اكتفي بهذا البيان المختصر وامل ان اكون اجبت بما هو مفيد
تحياتي للجميع



صح sweet lion هو المثير لموضوع الحروف بس اني هم من المتشوقين لمعرفة اسرارها وشلون يفسروهة المفسرين واني قريت جواب اخي العزيز طير الحب وبعث بنفسي سؤال وهو انه التاريخ وكل التفاسير نقلتلنة الاحداث بتفاصيلها من ذاك الوقت وفيما يخص لغة العرب وشلون مستنتجت انه العرب في ذاك الوقت كانوا على بينة من هذه الاحرف وكانت مألوفة الهم ولهذا معترضوا عليهة. زين ليش احتاروا المفسرين منهة اذا كانت مألوفة وليش نعتبرهة سر من اسرار الله اذا كانت معروفه في ذاك الوقت؟ يعني قصدي المفروض هسة احنة نكدر نفسرهة ليش صار كل هذا الابهام والحيرة بالموضوع؟

[arclite]

الو؟ شنو نسيتوا الموضوع؟ الى حد الان محصلنة اجوبة قاطعة

[بــدر الزمــان]

عفوا السؤال غير واضح
فما اعرف شنو تريد تعرفه؟؟

[arclite]

واني قريت جواب اخي العزيز طير الحب وبعث بنفسي سؤال وهو انه التاريخ وكل التفاسير نقلتلنة الاحداث بتفاصيلها من ذاك الوقت وفيما يخص لغة العرب وشلون مستنتجت انه العرب في ذاك الوقت كانوا على بينة من هذه الاحرف وكانت مألوفة الهم ولهذا معترضوا عليهة. زين ليش احتاروا المفسرين منهة اذا كانت مألوفة وليش نعتبرهة سر من اسرار الله اذا كانت معروفه في ذاك الوقت؟ يعني قصدي المفروض هسة احنة نكدر نفسرهة ليش صار كل هذا الابهام والحيرة بالموضوع؟

[fuse_err]

اخي الموضوع واضح اذا انت اردت ان تفهم
و لن تفهم شيئاً ما دمت لا تريد ان تفهم

احتار المفسرون في هذا كما احتاروا في تفسير ورود كلمات عديدة ،بعضها تم تفسيره بتطور العلم كما (ورد في وصف السماء وردة كالدهان) ( و انشقاق القمر )و لن ادخل في تفاصيل هذا الموضوع
و بعضها اختلفوا في تفسيره

القرآن ليس لشخص واحد أو لفئة محددة فكل من يقرأه يجد فيه ما يفيد اختصاصه
فهناك كثير من الآيات التي تراها لا تعنيك بشئ ،و لكنها مهمة جداً بالنسبة لغيرك
هذا من جملة ما يميز القرآن عن غيره من الكتب المقدسة و الذي هو ببساطة معجزة الرسول
و اعتقد ان شرح الاخوة لهذا الموضوع واضح جداً و مع هذا بقيت تستفسر

اشتهر الطب في عهد المسيحيةبصورة فضيعة مثل ما اشتهر القتل و الارهاب في هذ الوقت (مثل حي)
و مثل ما اشتهر السحر في عهد موسى و في بداية الاسلام كانت الغة و فنونها هي المسيطرة على عقول الناس فجاءت معجزة الرسول على غرار معجزات الانبياء السابقون في ما يشتهر به اقوامهم


و اذا قلت ان اللغة هي للعرب فقط اقول لك ان السحر كان مقتصراً تطوره عند الفراعنة
ان الدين يأتي لقوم معين و بلغتهم و يحل مشاكلهم في البداية ثم ينتشر لبقية العالم
بالنسبة للغة الانجيل احب اوضح انه ليس في كل الللغات و انما في لغة واحدة و هي التي كانوا يستعملوها آنذاك و ان النسخ الحالية هي مترجمة و حتى انه قد توجد اخطاء في ترجمتها و الدليل ان الموضوع الذي ذكر عمر شخص في الانجيل 26 سنة و في نسخة اخرى 46 و قد عللتم هذا بتشابه رمز ال 2 و ال 4 في اللغة الاصلية علماً ان خطأ الترجمة قديم جداً .

[arclite]

بالبداية احب اشكرك على الاجابة ورح ابدي رأيي بالموضوع





اخي الموضوع واضح اذا انت اردت ان تفهم

و لن تفهم شيئاً ما دمت لا تريد ان تفهم



.

لا طبعا اريد افهم والا مكان سألت





احتار المفسرون في هذا كما احتاروا في تفسير ورود كلمات عديدة ،بعضها تم تفسيره بتطور العلم كما (ورد في وصف السماء وردة كالدهان) ( و انشقاق القمر )و لن ادخل في تفاصيل هذا الموضوع

و بعضها اختلفوا في تفسيره.





الكلمات مو مثل الحروف المتقاطعة. اقلها الكلمات عدهة معنة!







القرآن ليس لشخص واحد أو لفئة محددة فكل من يقرأه يجد فيه ما يفيد اختصاصه

فهناك كثير من الآيات التي تراها لا تعنيك بشئ ،و لكنها مهمة جداً بالنسبة لغيرك

هذا من جملة ما يميز القرآن عن غيره من الكتب المقدسة و الذي هو ببساطة معجزة الرسول



.



الانجيل همينة يشمل كل الناس مهما اختلفوا بالجنس اللون الشكل المكان العمر الحالة المادية والمستوى الاجتماعي والعلمي والثقافي والخ وهو ميشمل العرب فقط حتى يلاحظون الاعجاز اللغوي بيه او علماء اللغة لين حتى مو كل العرب اقوياء باللغه وحتى القران بيه كلمات اعجمية.... ولهذا ما من جديد على الكتاب المقدس! يعني القران لم يتميز عن الكتاب المقدس بالنقطة اللي ذكرتهة.







و اعتقد ان شرح الاخوة لهذا الموضوع واضح جداً و مع هذا بقيت تستفسر .

ليش حرام استفسر شوية زايد؟ وحتى الشرح اشوفه تقليدي حيل ومحدود. يعني شلون مسامعيه حجيتولياه في حين اني اريد شوية نطلع زايد!!! يعني هذا منتدى حوار اسمه ولازم اللي يدخله يتقبل الاخذ والعطاء بالافكار والتساؤلات. هو لا قاعدة ولا قانون!







اشتهر الطب في عهد المسيحيةبصورة فضيعة مثل ما اشتهر القتل و الارهاب في هذ الوقت (مثل حي)

و مثل ما اشتهر السحر في عهد موسى و في بداية الاسلام كانت الغة و فنونها هي المسيطرة على عقول الناس فجاءت معجزة الرسول على غرار معجزات الانبياء السابقون في ما يشتهر به اقوامهم

.



اكو فد شي انت غافل عنه وهو انه الطب مستمر الى هذه الايام مدوخ الناس والامراض الى حد اليوم دتطلع امراض جديدة الطب ميعرفهة ولهذا فشغلة الطب خالدة والطب لم يشتهر بذاك الوقت بصورة فضيعة منين جبت هذا الحجي؟

والمسيح لم يختص بشفاء الامراض فقط. المسيح طلع شياطين وارواح نجسة. المسيح اقام موتى واللي هي من صفات الله فقط. هو الوحيد القادر على اعادة الحياة. المسيح مارس عملية الخلق من خلق عيون. المسيح حول الماء الى خمر . المسيح اهدأ العاصفة وامر البحر فاستجاب له لانه الهه. وتلاحظ فيما يخص الطب مثلا. من كان يشفي الامراض كان يكول للمريض "مغفورة لك خطاياك" في حين النبي العادي من كان يشفي مثلا كان يصلي اولا ويطلب من الله. في حين المسيح كان بقوته الخاصة يعمل معجزات لانه هو الله المتجسد.... وهمينة المسيح اشبع الالاف من الناس بسمكتين وخمسة ارغفة من الخبز.... وما اعتقد هذا طب!!!! المسيح مشى على الماء

وغيرهة معجزات هواية. ولهذا تشوف انه المسيح اختصاصه كان اختصاص اله وليس مجرد نبي واختصاصه شمل كل مجالات الحياة مو بس الطب. وتشوف انه الطب مو بس بذاك الوقت وهسة راحت المودة . الطب الى هذا اليوم مستمر.



والقتل والارهاب اشتهر منذ بدء الخليقة هو مو شي جديد على الناس!!! واول ما بدة الانسان ممارسة الشر على الارض بداهة بخطيئة القتل من قايين قتل اخوه هابيل لين حسد منه وطبعا الحسد همينة كان خطيئة...



والسحر لم يشتهر فقط في عهد موسى بل هو مستمر الى هذه الايام وهو في تطور... وشلون متشوف انه الكتاب المقدس يتكلم عن موسى انه سوة معجزات بأسم الله كانت اعظم من سحر السحرة

بذاك الوقت حتى يثبت انه اله اسرائيل اقوة من اله الفراعنه صارت بمثابة مسابقة!!!! ومعجزات موسى مجتي كالسحر. جانت شي اعظم. حول عصاه الى ثعبان, ضفادع وجراد واوبئة وحول النهر الى دم

بس فرعون ومع هذا كله مقبل يطلق شعب اسرائيل الى اخر معجزة وهي ان الله اخذ ارواح كل ذكر بكر في مصر من حيوانات الى ناس ومن ضمنهم ابن فرعون نفسه واستثنى شعب اسرائيل بأن امرهم انه كل بيت يخلي علامة (دم) على العتبة حتى يعبره ملاك الرب اللي اجه لاخذ الارواح واني ادري هاذي القصة ما موجودة بالقران....لين بيهة اشارة على صلب المسيح وانه دمه هو الذبيحة اللي قدمهة الله عوضا عنا لغفران الخطايا واللي يؤمن بيه وكأنما خلة علامة الدم على عتبة بابه!



بس مال اللغة فشلون متلاحظ جانت مخصتة بذاك الوقت فقط يعني هسة محد مبقة يحجي بلغة العرب ايام زمان والعالم يميل للبساطة والسرعة والعملية بكل شي واذا كان القران متميز باللغة فكان المفروض الناس من ذاك الوقت يقدرون روعة هذه الحروف في بداية الايات والا شلون كان القران معجزة اذا الناس ما فاهميه؟؟؟؟؟

والى حد الان الكل محتار بيهة ولح تبقة لغر للي ميريد يعرف حقيقته ويعتقده معجزة. قصدي قصدي انت لازم تبحث بيهة وتفكر هل هي حقا معجزة؟؟؟ وشلون؟ وهي شي علماء اللغة حاروا بيهة وملكولهة تفسير لين اصلا متكون جمل مفيدة باللغة العربية. هي مجرد حروف مجمعيهة ما الهة معنى. شنو الغرض منهة يا ترى؟ ومنو كال هي معجزة؟ زين محمد شكال عنهة؟



وبالمناسبة هناك ملاحظة مهمة حول المقاصد الالهية الا وهي انه الله مينزل حجي مبهم للناس يحيرون بيه وميعرفون معناه الى بعد مرور فد الف سنة او اكثر يلة يبدون يفهمون .... وشنو حال اهل قبل الاكتشافات اللي ماتوا والحسرة بقلبهم ؟؟؟ وخاصة اذا كانت حروف ما الهة معنة!!! يعني ما بيهة مجال الواحد يعرفهة لو يموت!!! الله من يحجي حجي القصد منه هو هداية البشر ولهذا ومن صفاته انه لازم يكون مفهوم للجميع وواضح وما بيه اي غموض ولا يتحمل التأويل... كلام الله مباشر وما بيه الغاز ومفعوله يبدي من لحظة نزوله والى الابد مو من يجي الانسان يبحث بيه ويفسر ويأول بكيفه.... وانت شلون تتعرف على الهك وعلى صدق الكلام اللي بالكتاب اللي تؤمن بيه اذا كانت بيه كلمات او حروف غير مفهومة؟

مثلا هناك احتمال انه يكون معناها فد شي يجي مناقض للكتاب كله وقد تكون بمثابة شفرة موضوعة تبين بطلانه من الاول للاخر. انت شنو دليلك؟ او شلون تبعد هاذي الشبهات بمجهودك الشخصي وبعيدا عن الاعجاز العلمي؟ او شلون تعرف هذا الكلام صدك منزل؟

ما عندك دليل لين اصلا انت مفاهمهة!!

هسة اكيد انت في بالك جاوبت وكلت انه القران هو كتاب منزل وهو وصّلّك للي تريده بالحياة بس سبب هذا البحث والتساؤلات هو لانه اكو ديانة سبقت الديانة الاسلامية واللي المؤمنين بيهة يعتبروهة خاتمة اقوال الله وهي الديانة الاولى اللى اعتبرت كاملة.... بس كتابك مثلا يحجي عنهة ويكول انها محرفة بس هناك احتمال انه يكون القران غير منزل ويكون هذا الاتهام غير صحيح. مجرد احتمال. ولهذا انت ما عندك دليل كافي ينقض كتاب منزل ولهذا لازم كل واحد ياخذ كل الاحتمالات ويبحث بنفسه حتى يتأكد من صحة ايمانة وبهذا يطمئن ويزداد ايمانه او قد يثبت بطلانه وبهذا لازم يبحث عن الحق واكيد اني دا اقصد نفسي قبل ما اقصد اي واحد واني هم خال احتمال انه ايماني خطأ ويحتاجله تعديل وابد ما عندي مانع اغيره



واني مدا اتعدي بكلامي بس هذا مجرد كلام للنقاش ولا تعتبره تعدي. لازم كلنة نفكر واني هم دا افكر واخذ احتمالات ....

رجاءا اتقبل كلامي برحابة صدر ولا تضوج منه . اني مو قصدي غير انه اوضح فكرتي ولا تظن اني دا احاول اقنعك او اي شي. كل ما في الامر هو اني دا اريد افتح طريق جديد يمكن للانسان من خلاله انه يفكر باسلوب مختلف بعيد عن اللي الناس معودينة عليهة والمفسرين حاجيه... يعني دتشوفني دا اسولف. سولف انته هم وياية وخلينة نستنتج بعيد عن التفكير التقليدي.... واكيد اني همينة اتقبل اي تعليق عن الكتاب المقدس وبرحابة صدر بس مو هسة لين هسة موضوعنة هو الحروف!