ألثقة بالنفس والغرور...ماهو ألفرق؟؟؟شنو رأيك أنتة؟؟؟

[majd_ece]

ألسلام عليكم

شلونكم يا أحلة شباب بدجلة نت

أليوم خلونة نتناقش بموضوع جدا مهم
ألا وهو ألغرور

دائما أكو فد بنات أو ولد بالشعبة ألشعبة كلهة تكول عليهم ذولي مغرورين
أو شايفين نفسهم أو شايلين خشمهم
أي بس ليش
يعني لأن مثلا ما يختلطون وية أي واحد؟؟
يجوز هذا طبعهم؟؟؟
يجوز لأن ألبنية حلوة؟؟
هم هذا من ألله
مو من عدهة
زين أحنة ليش من نشوف واحد يكول على نفسة "آني أفتهم "نكول علي مغرور
ليش ما نكول علي عندة ثقة بنفسة
أو واحد من يجي مكشخ أيكوولك "ترة آني والله حلو"
سواء بنية أو ولد
رأسا نكول شوف هذا غير شايف نفسة
زين هوة شنو ألفرق بين ألثقة بالنفس والغرور؟؟؟



أنتو شنو رأيكم؟؟؟؟

[sweet angel]

مرحبا أخويه ماجد...أني برأيي أن الثقة بالنفس فدشي مطلوب حتى يكدر الانسان يدخل بمجالات الحياة بس لمن تزيد الثقة عن حدها الطبيعي تتحول الى غرور...والشخص المغرور يكوم ينظر لنفسه على أنه أحسن من الناس الي يحيطون بيه .. والغرور قد يكون سببه الشكل و المظهر الخارجي أو الترف المادي
أو تفوقه الدراسي و أكيد أكو هوايه أسباب
و أشكال .. وبس مو شرط الشخص الي نشوفه ميختلط ويه محيطه أن هذا الشخص
هو شخص مغرور قد يكون هو بطبعه خجول ...
وطبعا هذا رأيي الشخصي..و مشكور على طرحك لمواضيع حلوة...

[salwan_salwan]

مشكور على الموضوع....تقبل تحياتي

[CIVILIAN_CAT]

هلو ماجد الموضوع حلو واريد اكول الثقه بالنفس حلوه بس مرات تزيد عن اللزوم
واحب اضيف شي انه اكو ناس طبيعتهم الهدوء او الكلام القليل دائما متهمين بالغرور وانه همه شايفين نفسهم

[majd_ece]

مرحبا أخويه ماجد...أني برأيي أن الثقة بالنفس فدشي مطلوب حتى يكدر الانسان يدخل بمجالات الحياة بس لمن تزيد الثقة عن حدها الطبيعي تتحول الى غرور...والشخص المغرور يكوم ينظر لنفسه على أنه أحسن من الناس الي يحيطون بيه .. والغرور قد يكون سببه الشكل و المظهر الخارجي أو الترف المادي
أو تفوقه الدراسي و أكيد أكو هوايه أسباب
و أشكال .. وبس مو شرط الشخص الي نشوفه ميختلط ويه محيطه أن هذا الشخص
هو شخص مغرور قد يكون هو بطبعه خجول ...
وطبعا هذا رأيي الشخصي..و مشكور على طرحك لمواضيع حلوة...


أولا أحب أشكرج على مرورج ألحلو أختي ألعزيزة سجى

وآني أعتقد أن رأيج جدا صحيح
وطبعا كل واحد هوة وطبعة
أحنة نكدر ننتقد ألشخص على موقف معين أو على كلمات كالها
بس ما نكدر ننتقدة على شغلة ثابتة بي مثل ألطبع

ألف شكر على ألمرور

[majd_ece]

هلو ماجد الموضوع حلو واريد اكول الثقه بالنفس حلوه بس مرات تزيد عن اللزوم
واحب اضيف شي انه اكو ناس طبيعتهم الهدوء او الكلام القليل دائما متهمين بالغرور وانه همه شايفين نفسهم

أولا أحب أرحب بيج أختي ألعزيزة عبير
و أكولج أكو موضوع مال تعارف يا حبذا تفوتين ألة حتى نتشرف بمعرفتج أكثر و أكثر

كلامج جدا صحيح
بس آني سؤالي
شوكت تزيد ألثقة عن أللزوم
مثلا من أوكف كدام ألمراية و أكول"ألله أشكد حلو آني "
والنفرض أن آني صدك جنت حلو (جبتهة كمثال ترة مو عبالكم)
هل هذا ييعتبر غرور
أو من أوكف و أكول "يابة ترة آني أفتهم بفلان شغلة "و آني صدك أفتهم بيهة هل هذا غرور؟؟؟

[sweet angel]

أولا أحب أشكرج على مرورج ألحلو أختي ألعزيزة سجى

وآني أعتقد أن رأيج جدا صحيح
وطبعا كل واحد هوة وطبعة
أحنة نكدر ننتقد ألشخص على موقف معين أو على كلمات كالها
بس ما نكدر ننتقدة على شغلة ثابتة بي مثل ألطبع

ألف شكر على ألمرور


مرحبا اخويه ماجد ... اكو فد ملحوظة صغيرة
......... اني سويت انجل مو سجى ...
مع الشكر الجزيل........
اختك سويت انجل

[majd_ece]

آني جدا آسف أختي ألعزيزة سويت أنجل
صار عندي خبط
كلش سوري
مو مهم ألأسم ألمهم ألرأي

[sweet angel]

مصار شي اخوية ماجد ... عادي تصير هيجي اخطاء مطبعية...

[majd_ece]

أي تصير والله
هع هع هع هع هع

[وسيم المدني]

هلو مجودي حبي بصراحة
شوكت يصير الانسان مغرور
يصبح الانسان مغرور عدما يمتلك صفة معينة او حاجة مادية ويبدي ينتقد من لا يملك تلك الصفة
يعني يحسس المقابل بالنقص فيكون مغرور بالشي الي عندة
هذا بصورة عامة لكن؟
بمجتمعاتنة وبالذات الكلية الغرور ما ينقاس بمفهومة الصحيح
وانما كل ما اشوف واحد حلو او بنية حلوة ومرتبة او شاطر او شاطرة
مع كل الاسف يبدي الباقين وبدافع الغيره انتقاد هذا الشخص ويكولون والله هذا مغرور
اما ناحية الثقة فالثقة بالنفس هي غير الغرور لكن مع كل الاسف احنة
النشوفة احسن منة من ناحية الشكل من ناحية اتخاذ القرار
منعترف بهذا الشي لكن نطعن بيه في سبيل نرضي غرورنه احنة

[وسيم المدني]

اما ما كالته الاخت سويت انجل الثقة تتحول غرور ؟ما اعتقد
لان الثقة بالنفس ترتبط بالتربية الصحيحة
والتربية الصحيحة ماممكن ان تجرح مشاعر الاخرين
وهاي طبعا من سوالف المغرور
هههههههه
نسيت اكلك مشكور حبي ماجد على الموضوع

[majd_ece]

و ألف شكر على ردك ألرائع
وكلامك جدا منطقي

[بغـــــداد لا تتألمـــــي]

الثقة بالنفش شي مطلوب وحلو ان يكون الشخص واثق بنفسة ..
ويكون قوي مو ضعيف ويكدر يتناقش ويكدر يسوي كل شي ولكن بعقل وتفكير صحيح ..
اما الغرور .. هو كل ما زاد عن حده .. يعني يبدي الشخص يحول الثقة الى غرور يعني يبدي يتعامل وية الامور بدون تفكير .. ويبدي يشوف نفسة هو وبس يعني يشوف نفسة احسن العالم وكامل مكمل ..
مع العلم ان الكمال لله وحده ولابد من انو هذا الشخص عندة سلبيات مثل ماعندة ايجابيات ..
شكرا اخي على الموضوع وتقبل تحياتي ومروري .. واسف على الاطالة ..

[majd_ece]

ألف ألف شكرا على مرورك ألرائع أخوية ألعزيز
ومثل ما أتفضلت ألكمال لله

شكرا مرة أخرى

[حيدر لنك]

اخ ماجد مرات الانسان يصير منفرد ما يختلط لاسباب يجوز شخصية ضعيفة ويتضاهر بقوة الشخصية بس صدكني كل واحد عنده شخصية قوية تشوفه انسان اجتماعي ويحاول يكون صداقات والغرور او الانسان المغرور اذا وكع راح يتشمت الاخرين بي وراح يكون تاثير على نفسيته مع الشكر

[جلنار]

اخوية ماجد بداية مشكور على الموضوع الثقة بالنفس ضرورة وخاصة باتخاذ القرارات بس اكو ناس فعلا مغرورة وتنظرالى الغير نظرة استعلاء وتكبر انت تكول الحلوة مثلا ليش يكولون عليها مغرةرة اني هم اسالك ليش هي متكون متواضعة ثانيا الكاشخ على كولتك ليش بكول تترى اني حلو كثرة المدح بالنفس يعني ذمها الواثق من نفسه يعني واثق من شي قد يكون عمل اوطريقة تعامل مع الناس افضل من الوثوق بالنفس للجمال وحلو لمن يكون الشخص واثق من نفسه ومتواضع بالوقت ذاته واعتذر على الاطالة::5:: ::ok::

[majd_ece]

يعني واثق من شي قد يكون عمل اوطريقة تعامل مع الناس افضل من الوثوق بالنفس للجمال وحلو لمن يكون الشخص واثق من نفسه ومتواضع بالوقت ذاته

طبعا أفضل و أنشاء الله ألثقة موجودة للكل
بس آني جبت جمال ألشكل كمثال فقط
ألف شكرا على مرورج

بس صدكني كل واحد عنده شخصية قوية تشوفه انسان اجتماعي ويحاول يكون صداقات


أتفق وياك مية بالمية أخوية ألعزيزومنور ألموضوع

[هند الزبيدي]

صدكني كلشي يزيد عن حدة ينكلب ضدة...........
الثقة بالنفس الزايدة عن الزوم تخلي الشخص مغرور ويشوف روحة احسن من غيرة ويجرح غيرة...........
بس الثقة بالنفس لازم تكون موجودة بس ضمن حدود........
احب اشكرك على الموضوع واتقبل تحياتي.......

[محمد المدني]

هلو حبيبي مجودي اكو اهوايه ناس المقابيله ايشوفه مغرور بس هوه بالعكس لمن يتعرف عليه يطلع غير شي او الثقة الزايده بالنفس اتولد الغرور
تقبلوا مروري

[cinderella_88]

موضوعك حلو
بس الانسن ميكدر يحكم على شخص قبل ميعاشرة ويعرف طبيعتة
جائز هو ايحس بيه مغرور بس من يحجي واه ميشوف اي غرور بيه فميصير نحكم على الانسان من المضهر
وماكو شي يستاهل الانسان ينغر بيه

[zanooba]

هلو ماجد عاشت ايدك على الموضوع
رأي هو الفرق بين الثقة والغرور خيط بسيط الي يتعدة حدود الثقة بالنفس هو مغرور تكولي شلون : اكلك من يبدي ميحجي وية اطياف مختلفة من مثلا طلاب شعبتة بس وية كروب معين ومن يحجي احد وياه من غيرهم ميجاوب او يجاوب بطريقة سخيفة يصير مغرور
الثقة بالنفس هي احدى مميزات الشخصية القويةمن هو متكلم ومحترم ويحترم كل الناس ماعنده فرق بين هذا وذاك
واسفة على الاطالة
بالمناسبة مرات يحكمون الناس بالغلط على الشخص الكتوم بالغرور وهذا غلط

[كوكو الضعيف]

حبي ماجد اني اعتقد في محتمع الجامعي اكو اختلاط بين الامرين اي يعني المغرور ينحسب عنده ثقه عاليه بنفسه وبلعكس بس اكول الي عنده ثقه عاليه بالنفس يكدر يتجاوز هوايه امور ويمشي بحياته على عكس المغرور تلكاه بااسهل الامور جاهل وما يعرف يتصرف(بايك هوه)تسلم على الموضوع

[majd_ece]

الثقة بالنفس الزايدة عن الزوم تخلي الشخص مغرور ويشوف روحة احسن من غيرة

ما أعتقد بالضرورة أن ألشخص راح يصير مغرور بس يجوز يتمادى في بعض ألحالات


هلو حبيبي مجودي اكو اهوايه ناس المقابيله ايشوفه مغرور بس هوه بالعكس لمن يتعرف عليه يطلع غير شي او الثقة الزايده بالنفس اتولد الغرور
تقبلوا مروري


أخوية محمد آني هوة هذا قصدي بالضبط يعني ألناس هم تاخذ على ألظاهر مرات



جائز هو ايحس بيه مغرور بس من يحجي واه ميشوف اي غرور بيه فميصير نحكم على الانسان من المضهر



طبعا أختي ألعزيزة بس أكو قسم حتة ورة عشرة سنة أو سنتين ويبقون ما يميزون


الفرق بين الثقة والغرور خيط بسيط الي يتعدة حدود الثقة بالنفس هو مغرور


و آني أتفق وياج بهذا ألرأي زنوبة
ومثل ما كلنة ألثقة شي مهم جدا


اني اعتقد في محتمع الجامعي اكو اختلاط بين الامرين اي يعني المغرور ينحسب عنده ثقه عاليه بنفسه وبلعكس

كلامك صحيح أخي ألعزيز بس ألعاقل هو أللي يعرف أيفرق بين ألأثنين
ويعانل ألواثق من نفسة بكل أحترام
ويغض ألنضر عن تصرفات ألمغرور

مشكورين على مروركم جميعا وشرفتوني