مع شديد ألأسف

[الفاروق80]

لقد سجلت في هذا المنتدى وبدأت أشارك فيه وأتفاعل وربما كانت المرة ألأولى التي أتفاعل فيها مع منتدى..ولكن يبدو أن المشرفين على المنتدى لا يتقبلون الرأي الآخر ويريدون ان يضعوا فقط الآراء التي تعجبهم..فقد تعرضت الى ألإقصاء بسبب رد..ثم يتهموني بتهمة باطلة بأني كنت أتجاوز على آل بيت رسول الله (صلى الله عليه وعلى آله وصحبه وسلم)..لقد سجلت بإسم ثاني وأنا أقولها لكم واذا أصر المشرفون على حرماني فهذا شأنهم ولكن حبيت أن أوضح رأيي..

[The Promise]

حبيبي انت الفاروق
اني اهنا من زمان ومحد طردني يااخي
كل ماهناك اذا كان نقاشك مابية تفضيل لناس على ناس او مابية تجاوز محد يگدر يندگ بيك
كلنا النا افكار وكلنا نتعصب احيانا لااهلنا بس مالازم ننسى بلدنا اللي هو اصل الكل
فاذا كان ردك منطقي صدقني محد يتهمك
واني شوف قدامك محد طردني لاني احجي بسياسة ومااتعصب لطائفتي
ورغم اني مو من جماعة المتدينين بس الحمد للة اعرف احترم المقابل واجبرة يحترمني
اني وياك مرات المشرف هم يعصب بس مو معناة انو يهمشك ابدا
اسلم لي
ابن بعقوبة اشلونك شنو اخبار البرتقال واللة اشتاقينا لبرتقال اهلنا
شكرا الك ياطيب

[الفاروق80]

ميخالف مو كتلك..احنة نبقة ثابتين على مبدئنة وما يهزنة أحد..نحب الرسول (صلى الله عليه وسلم) وآل بيت الرسول وصحابة الرسول..

[The Promise]

ميخالف مو كتلك..احنة نبقة ثابتين على مبدئنة وما يهزنة أحد..نحب الرسول (صلى الله عليه وسلم) وآل بيت الرسول وصحابة الرسول..
العراق وشعبة دولة اسلامية ترة محد قال انو يكرة الرسول وال بيتة
فرجاءا هالسوالف ابتعدوا عنها واذا عدكم نقاش بالمسائل الفقهية فاكو منتدى الدين تناقشوا بية بالحسنى
اهنا منتدى سياسي
شكرا الكم

[The Promise]

كلامك غلط وردك مو بمكانه ابد
اخي ال البيت انت تعرفهم علمود تتكلم عليهم اخوية العزيز رجاءا اسحب كلمتك رجاءا رجاءا كلة الة الكلام على ال البيت والصحابة باكملهم ترة هذا كفر وميصير هيج تتكلم تذكر انك سوف تحاسب يوم القيامة على كلامك هذا
حبيبي لاتتسرع الولد ديبين غلط زميلة موقصدة اهانة

[الفاروق80]

أخوية الغالي (The Promise) أشكرك على ردك الرائع..وهدوئك الجميل..بس صدكني مظلوم..يعني أول شي تجي مشاركات غاية في الغلط والمهانة المبطنة مرات والصريحة مرات أخرى وتلكة المشرف يشكر اللي كاتبين الموضوع!!! فمرات واحد يفقد أعصابة..وآني اكلك ليش انطردت؟لأن غلطت عالحكومة..وشنو يعني؟ بس همة أضافو تهمة أخرى حاشا لله أن اسويهة ويكولون تتجاوز على آل بيت الرسول؟؟؟!!! فهل أصبحت الحكومة آل بيت الرسول؟؟الحكومة ما تمثل كل الشعب ومن حق أي واحد يحجي اللي يريدة..وما دام أكو ناس تغلط ومحد يردهم آني اظطر لهيجي ردود حتى يكون توازن.....

تحياتي ألك يا أخوية العزيز..

[I R A Q I 4 E V E R]

اما بالنسبة لموضوع الاخ العزيز اني لاحظت انه البارحة موضوع كان عنوانة قناص بغداد الي هوة ضد الاحتلال اليوم تفاجئت بانه محذوف من المنتدى ليش ماادري ممكـــــــن احد يفهمني مع العلم هذا الشخصية هي ضد الاحتلال الامريكي

[FluidMan]

للأسف الكلام الي شفتة بهذا الموضوع صدمني الصراحة
شخص تافه مواليد 1990 يتجرا على اعضم اشخاص في العالم.
محمد وآل محمد.

تم ايقاف ابن ديالى بشكل نهائي وحذف كل الردود والاقتباسات المتعلقة بردوده.

الاخ صاحب الموضوع المشرف كفيل بالرد على موضوعك واتمنى ان تعدل عن قرارك وتبقى معانا.

[The Promise]

أخوية الغالي (The Promise) أشكرك على ردك الرائع..وهدوئك الجميل..بس صدكني مظلوم..يعني أول شي تجي مشاركات غاية في الغلط والمهانة المبطنة مرات والصريحة مرات أخرى وتلكة المشرف يشكر اللي كاتبين الموضوع!!! فمرات واحد يفقد أعصابة..وآني اكلك ليش انطردت؟لأن غلطت عالحكومة..وشنو يعني؟ بس همة أضافو تهمة أخرى حاشا لله أن اسويهة ويكولون تتجاوز على آل بيت الرسول؟؟؟!!! فهل أصبحت الحكومة آل بيت الرسول؟؟الحكومة ما تمثل كل الشعب ومن حق أي واحد يحجي اللي يريدة..وما دام أكو ناس تغلط ومحد يردهم آني اظطر لهيجي ردود حتى يكون توازن.....

تحياتي ألك يا أخوية العزيز..
حبيبي الفاروق السياسة هي علم المستحيل
اشلون يعني ااذا اتصورت واحد يكرهك لازم تشوف اسلوب يخلية مايعرف شيسوي وياك اذا ماحبك اصلا
اذا كان الموضوع مال قناص بغداد مثل ماقال الاخ فاني شاركت بية ومابية اي غلط بالعكس
الا اذا ادخلوا البعض اللي يحبون يسبون ومااعرف شنو اللة اعلم
عل العموم اني اشوف المشرفة اليوم مال قهوة عزاوي واطالبها بتفسير واردلك خبر
لاتضوج حبيبي
اني متاكد انو انت قلبك محروق على بلدك فلا تفكر الا بالوسائل اللي ترجع البلد واهلة الطيبين اما اللي ينفخون بالطائفية ترة حاشاك ذولي وقتيين مالازم يعطلون شغلنا
اسلم لي

[I R A Q I 4 E V E R]

اخوية العزيز ابو شهوبي الاجراءات الي اتخذتهة صحيحة
بس استفسار البارحة موضوع قناص بغداد الي هوة ضد الاحتلال ليش انحذف من المنتدى ؟؟؟؟

[FluidMan]

اخوية العزيز ابو شهوبي الاجراءات الي اتخذتهة صحيحة
بس استفسار البارحة موضوع قناص بغداد الي هوة ضد الاحتلال ليش انحذف من المنتدى ؟؟؟؟
شكرا جزيلا
اخوية لست انا الذي حذف الموضوع.
والاخت المشرفة غير ملزمة بتبرير حذف المواضيع لكن اذا كانت تحب ان توضحلك سبب الحذف فهي حرة.

[I R A Q I 4 E V E R]

شكرا لك اخوية العزيز ابو شهوبي لتوضيح الصورة واسف اذا كنت قد تعديت على اوامر المشرفة

[hp 960]

أيها الفاروق
انا معك في ـاسفك الشديد على حال هذا المنتدى ، والذي ان دل على شيء فهو عدم فهم بعض الاعضاء للمواضيع المطروحه ( اسمحوا لي ان اقولها ) وحتى ان شاركوا بردود فاغلب ردودهم عاطفيه ليس فيها شيء من حريه التعبير .
اخواني الاعضاء قد اكون جديداً بينكم ولكن اسمحوا لي ان اتكلم بصراحه وكلي امل في تحملكم لي ، اننا في هذا النتدى نمثل شريحة واسعه من شعبنا فاذا كنا قد اختلفت اراءنا وبدنا نكتب بروح الانتماء الى الطائفه او غيرها ... فاننا سنصبح محط سخريه للعالم الذين منهم كثير يدخل الى هنا ويقراء مواضيعنا .
يجب ان يكون كل موضوع هنا لصالح الوطن سواء من خلال طرحه او الردود عليه ومناقشته ، واما من كتب عن العراق شيء لايليق فلا يجب ان نرد عليه بالشتائم وامنا نحاول ان نغير الفكره التي رسخت في باله عنا

هذا وتقبلوا احترامي وتقديري لكم جميعاً
واتمنى ان نرقى بهذا المنتدى ليكون الواجهه المشرقه لدجله نت .

[FluidMan]

شكرا لك اخوية العزيز ابو شهوبي لتوضيح الصورة واسف اذا كنت قد تعديت على اوامر المشرفة

لا حبيبي بالعكس بس اني حبيت اوضحلك انه اني مو مسؤوليتي ومن حقك انك تسأل المشرفة وتدلل
تحياتي

[bint Dijlh]

أخي عراقي
موضوع قناص بغداد بردوده الأخيرة بدأ ينحى منحى طائفي وخرج عن سياق الموضوع الخصوصي
ندعو لقناص بغداد بأن يسدد الله رميته للمحتل ويدحر ولو جزء بسيط من هذا الأحتلال
أدعو جميع أعضاء المنتدى الى الحيادية وعدم الخروج عن سياق الموضوع الأصلي
وسيُحذف مستقبلاً أي موضوع أو رد يمس طائفة على حساب طائفة أخرى
وسيُطرد مستقبلاً أي عضو ينحو منحى التعصب واللعن والتطاول ويثير الفتنة بين العراقيين
هدفنـا توحيد الصف العراقي قدر الأمكان ونبذ التطرف
وقد أُعذِر من أنذر
تحيـاتي..

[I R A Q I 4 E V E R]

أخي عراقي
موضوع قناص بغداد بردوده الأخيرة بدأ ينحى منحى طائفي وخرج عن سياق الموضوع الخصوصي
ندعو لقناص بغداد بأن يسدد الله رميته للمحتل ويدحر ولو جزء بسيط من هذا الأحتلال
أدعو جميع أعضاء المنتدى الى الحيادية وعدم الخروج عن سياق الموضوع الأصلي
وسيُحذف مستقبلاً أي موضوع أو رد يمس طائفة على حساب طائفة أخرى
وسيُطرد مستقبلاً أي عضو ينحو منحى التعصب واللعن والتطاول ويثير الفتنة بين العراقيين
هدفنـا توحيد الصف العراقي قدر الأمكان ونبذ التطرف
وقد أُعذِر من أنذر
تحيـاتي..

شكرا اختي العزيزة بنت دجلة لتوضيح سبب حذف الموضوع
بس ملاحظة اني دائما ادخل لكهوة عزاوي وبصراحة اكو هواية مواضيع يصير بيهة نقاش طائفي اللاحظ بصراحة ان المشرفين يكتفون بمسح اوحذف الرد الطائفي فقط
اما قناص بغداد فهذا الرجل كل العراقيين يفتخرون بي واعتقد اذا احد كتب شي طائفي فهذا مااعتقد يحب الخير للعراق واهل العراق جميعا
وشكرا لتوضيحك يااختي العزيزة

[القسام]

لقد سجلت في هذا المنتدى وبدأت أشارك فيه وأتفاعل وربما كانت المرة ألأولى التي أتفاعل فيها مع منتدى..ولكن يبدو أن المشرفين على المنتدى لا يتقبلون الرأي الآخر ويريدون ان يضعوا فقط الآراء التي تعجبهم..فقد تعرضت الى ألإقصاء بسبب رد..ثم يتهموني بتهمة باطلة بأني كنت أتجاوز على آل بيت رسول الله (صلى الله عليه وعلى آله وصحبه وسلم)..لقد سجلت بإسم ثاني وأنا أقولها لكم واذا أصر المشرفون على حرماني فهذا شأنهم ولكن حبيت أن أوضح رأيي..

لاتعليق ، لا للاحتلال ، لا للبعث
نعم للعـــــــــــــــــــــــــــــــــراق

[شجــن العراق]

اسويهة ويكولون تتجاوز على آل بيت الرسول؟؟؟!!! فهل أصبحت الحكومة آل بيت الرسول؟؟

**************************
اني انتبهت انه اكثر ردود اله ,, الي بيها
صدام تاج العرب وما الى اخره ..........

اما تجاوز .. ماشفت ومادري اذا اكو ام لا .. اكيد الادارة ادرى

بس قناص بغداد ليش انحذف ؟
واذا تبند .. غريبة تنحذف ردوده كاملة ,,

بس يمكن لان بيها :: صدام ... !!

[شجــن العراق]

أخي عراقي
موضوع قناص بغداد بردوده الأخيرة بدأ ينحى منحى طائفي وخرج عن سياق الموضوع الخصوصي
ندعو لقناص بغداد بأن يسدد الله رميته للمحتل ويدحر ولو جزء بسيط من هذا الأحتلال
أدعو جميع أعضاء المنتدى الى الحيادية وعدم الخروج عن سياق الموضوع الأصلي
وسيُحذف مستقبلاً أي موضوع أو رد يمس طائفة على حساب طائفة أخرى
وسيُطرد مستقبلاً أي عضو ينحو منحى التعصب واللعن والتطاول ويثير الفتنة بين العراقيين
هدفنـا توحيد الصف العراقي قدر الأمكان ونبذ التطرف
وقد أُعذِر من أنذر
تحيـاتي..


يا اختي العزيزة ...

اللي ديصير ,, لمن ينزل اي موضوع ميعجب احد الاطراف ..

يقومون بردود خارج المحتوى الاصلي للموضوع .. ويستفزون الطرف الاخر ..

والغاية من هالشي ان يستمر النزاع ومن ثم يحذف الموضوع ..


وماشاء الله .. ديلكون نتيجة لغايتهم ..


واتأكدي انهم رح يستمرون على هالطريقة ... وترة مو صعبة ,, الكل يكدر يسويها

تحياتي الج

[I R A Q I 4 E V E R]

اسويهة ويكولون تتجاوز على آل بيت الرسول؟؟؟!!! فهل أصبحت الحكومة آل بيت الرسول؟؟

**************************
اني انتبهت انه اكثر ردود اله ,, الي بيها
صدام تاج العرب وما الى اخره ..........

اما تجاوز .. ماشفت ومادري اذا اكو ام لا .. اكيد الادارة ادرى

بس قناص بغداد ليش انحذف ؟
واذا تبند .. غريبة تنحذف ردوده كاملة ,,

بس يمكن لان بيها :: صدام ... !!

لا اختي العزيزة شجن بالنسبة للباند لانه تكلم على ال بيت رسول الله