عاجل لكل من يضوج من الدوام

[Martha Stewart]

شلونكم شباب وصبايا ...
شلونهه العطلة وياكم ان شاء الله متونسين حتة لو ماكو كهرباء بس هم احسن من الدوام والطلعة من الصبح ...
شنو اخبار الدوام احد منكم سمع شوكت الدوام . وشنو رأيكم لو تأجل الدوام لبعد شهر رمضان ؟ يعني احنة نتفق ومنداوم . خاصة سمعت ان الاساتذة اكثرهم مسافرين . اريد رأيكم بصراحة
تحياتي ::51::

[The AI]

صح العطلة حلوة بس الدوام هم حلو بس بهذه الظروف الله يساعدنة
أما عن الدوام بعد شهر رمضان يكون أحسن بس أذا صار الدوام برمضان لازم أنداوم مو بكيفنة
مشكورة Sarah على الموضوع

[Mus6afa]

شكرا على الموضوع بس والله الدوام يضوج

[KALIMERO]

اكو احلى من الدوام !!!!!

[ೋ ياقوتـــة دجــلة ೋ]

الله هنيالكم ياريتني ممتخرجة السنة وعايدتها عمت عني عليج يالتكنولوجية بعد مااشوفج

بابا روحو داومو حتى الجمعة داومو صدك واحد ميحس بقيمة الشي الا يفتقده

[شلش البغدادي]

طبعا صدك اكو احلا من الدوام وهي الجامعة كلششش حلوة وتخبل بس بيها عيب واحد هو الدراسة يعني لو ماكو دراسة جان الله شكد حلوة الحياة

[Martha Stewart]

تسلمون عيني على ردودكم المميزة . والله آني هم لو بيدي اداوم حتى الجمعة ترة الدوام ونسة بس لو ما هل ظروف الي تخلي الاكبر منا يخافون يروحون لاشغالهم .
عموما اي واحد منكم يسمع شي على الدوام خل يخبّر البقية وان شاء الله ماكو شي نروح ونرجع بالسلامة.
تحياتي للجميع

[حجر الدم]

اي والله الدوام يخبل...
من صدك..شجاني واتخرجت السنه...
بس شلش والله قسمنا بالدراسه ماكو احلى منه..غير الصدك...
اتمنى ارجع نص يوم..بعد يون اشوف قسمنا...
واساتذتنا..اللي جانو ..بيهم ينحطون على الجرح يطيب...
عمي..روحوا داوموا..هو اني صديقاتي وجماعتي يداومون وهمه متخرجين...
وانتو اهل الكليه مداومون...

[Malak_Al_Janah]

شنو احلى من الدوام والله يخبل
وين يله يجي الدوااااااام والله كعدت البيت كابة
وصح الجو ميساعد بس الدوام الا كارثة من ما هالكد حلو وونسة ::55::

[al7lwa]

هو منو يضوج من الدوام اني اتمنى باجر يبدي صحيح بيه دراسة بي مو احسن من كعدة البيت

[lulwa]

هو شحلاة الدوام بلا الدراسة ..............طبعا اني مو قصدي الدراسة حلوة
وانما هو اكو دوام ونضرب المحاضرة ومندخل لو ندخل بس تغير جو ............::2:: هذا الحلو
بس يعني تخيلوا ترحون للكلية وماكو دوام ؟؟؟ محلووووة تصير
بالنسبة الي الدوام هواية احلى واحسن من كعدة البيت وبعدين اني مسائي يعني اكعد بال10 كلش كافي وزايد اصلا ::39::

[الشاعر الحزين]

هلو لسارة شكرا للموضوع الدوام 1\10 من مصدر موثوق رفيع المستوى
اما بالنسبة لحجر الدم و عاشقة سامو زين مرحب بيكم الف مرة تجون وتنورون القسم ولولوة مو اتفقنا السنه الجاية تصيرين حقنه مشكورييين الكل والدوام نعمه والعطلة نقمة
الدوام مفخخات ووجه عليه الف بسمة

[Martha Stewart]

تسلم ياشاعر ياحزين على الرد المميز .... بس شمعنة عيني اشو دوام المدارس هم 1\10 واحنة هم وياهم لازم اكو فرق بيناتنا شنو ممعتبرينة احنة جيل المستقبل لازم يعبّرونا شوية ....

[الشاعر الحزين]

لا احنا عجايز المستقبل
صدك ذكرتيني بنكته
مدرس سأل طالب كله من تكبر شتريد اتصير كلة اريد اصير حجي
الله كريم المدارس 20\9 خوش
مشكورة ساره

[فرح]

اللـــــــــــــــــــــــــــــــــــــــــــــــ ـــــــــــــــه اكو احلى من الدوام وايام الدوام والصديقات والمواقف الحلوة والمحرجة واني اجفص هواية فمواقفي لا تحصى ولا تعد فلهذا احب الدوام بكل ما فية بحلوة وبمرة
ارجو ان لا اثقلت بمشاركتي

[Unity of iraq above all]

يمعودين شنو

هوة الدوام ورة رمضان
وحته لو سووها برمضان
يعني شنوو شكو هالسج بهل الظرووف وبالحر وبالانفجارات
شنو
نكعد بالبيت الا ان يخلص رمضان
شيكدرون يسووولنا
بس هوة العتب مو علينا علة السجاجين

[Martha Stewart]

تسلم عيني unity of iraq هسة يالله واحد جاوب بجواب يداوي الجرح .
شلون الواحد يداوم بهل اوضاع والازدحامات خاصة اذا اجانا استاذ مثل ابو الرياضيات الله يذكرة بالخير . اول محاضرة ونوصل فد ربع ساعة من بادية المحاظرة ونلكة طايرة نصهه . بس على كل حال بنهاية السنة كلش ساعدنة .
وثاني شي شهر رمضان اضرب الكم مثل شلون تطلعون من المحاظرة متريدون فد عصير وجبس وعدكم الحساب اذا جرّت على لفة وقوطية ببسي . اكيد سويتلكم واهس للدوام . بس يعني شوية دوخة دوام ومحاظرات . بس والله آني كلش احب الدوام والمحاظرات خاصة اذا كانت شوية بيهه ضحك . ومن نطلع من المحاظرة شلون يبدي التصنيف . بس ميخالف نتفق ونداوم بعد العيد ...
::51::تحياتي ::51::

[al7lwa]

يا عاشقة سامو ويا حجر الدم انتوا اشوكت اتخرجتوا من يا فرع وصباحي لو مسائي

[emil]

هلاو شلونكم
شلونكم وية الدوام
انشاء الله زينين
يابا الدوام بادي انتوا وين نايمين
و دة يسجلون غيابات

[Martha Stewart]

يا دوام يا بطيخ مبين انت دتداوم . روح للجامعة وكابل ابو محمد لان ماكو احد غيرة بالجامعة . صدك يجوز تلكى الحارس عود سلملي علية ...

[The AI]

زينين والدوام حلو بس ماكو طلاب بالجامعة وماكو محاضرات و أصلاً الجامعة فارغة
emil إذا دتداوم سلمنة على الحارس

[al7lwa]

عيني هذا يا دوام الابتدائية بعدهم ما مداومين انشاء الله على 1/11

[Martha Stewart]

شنو Ai انت مداوم !!! ليش ياخط ديطلع هسة . كلهم كاعدين ببيوتهم لو لازمين سرة على البانزين خانة وديتحظرون على الدوام . عفية الحلوة آني وياج اداوم 1\11 حتى بلكي الوضع شوية متحسن . لأن يا أهل يقبلون يدزون بناتهم بهل ظروف التعبانة اسمعي اخبار فد ساعة وانت احكمي بنفسجك . . .
تحياتي

[INVISIBLE]

هية اول تالي محد يطب محاضرت غير بعد رمضان بس هسة واحد يروح يكضي وقت

[The AI]

أني دا روح للجامعة بخط اليد