ام دم العســـل وينج .... تعال برنس حبي وياها ....!!

[الكـون لهُ اسـْرار]

يابه مرحبا اخوان

شلون الصحة والأحوال

طبعاً مشتاقلكم هواية وبكل موضوع اكتب مشتاقلكم

بس عن جد اني مشتاقلكم كل يوم من الاعضاء القدماء والجدد


نجي على الموضوع هذة واذا اني غلطان فأ اعتذر من هسة بس حبيت اتدخل

بخصوص اخت هنا اسمهه ام دم العسل

طبعاً اني قليل افوت نت ومن افتح نت اجي ركض على قسم السوالف لأن احبه هواية

فأقرة مواضيع الأعضاء ومرات ما الحك ارد عليهن المهم اقراهن

وره فترة ارجع ارد عليهن

المهم هاي الأخت ام دم العسل كل ما اقرالهه موضوع الكاه منقول

يجوز الأخت مقارية قوانين القسم بس مستعجلة

وهذة حق المشرف ان ينقل الموضوع

بس اخر موضوع الهه جان موضوع حلو واعتقد هي جديدة هنا

فمن نزلت موضوعهه بعيد ميلادهه ورجعت ورة ساعة داقراه شفته منقول

زين مثل ما اعرف اني هسة لو انزل موضوع عيد ميلادي مراح ينقل

او اي عضو معروف ينزل موضوع عيد ميلاده مراح ينقل

وكل مواضيع اعياد الميلاد بخصوص اعضاء السوالف تنزل هنا

والكل تجي تبارك ونفرح بعامة الجديد

فهسة اني حجيت هواية ومابيه حيل اكتب بعد

بس ردت من برنس الوردة والقائمين على هذة القسم

ان يراعون حق هاي الأخت بمواضيعهه لأن هي جديدة

وتحب تشارك وياكم

واني كتبتلهه رد بأخر موضوع الهه وجاملتهه بالرد في سبيل تبقى هنا

لأن العضو الي بالسوالف من يبقى فترة وجيزة بقسمة راح يكوم يبدع هواية

وماحب اذكر اسماء المبدعين ماشاء الله ترس عينك هم

فهسة ممكن يابرنس الوردة وممكن يا منوليا

تعتبروني عضو واخ يطلب منكم ترجعون موضوعهه مال عيد ميلاد

واذا لا براحتكم واسف منكم

وتحياتي واحترامي للكل

[ρяіисє Of sаdиеѕѕеѕ]

هههههههههههههه
لكـ هاي شمسويه بيك الدنيه علاوي هههههههههههههههه

وصدكـ أنته صاير قديم
وماتعرف بقوانين السوالف الجديده

وبعدين حسابك عسير
تره آني دائماً في نصرة المضلومين
من ابناء شعبنا الغيارا

حبيبي علاوي
تم تحديث قوانين سوالف دجله
بتاريخ 4-2-2008

ونصت على الآتي
يُمنع منعاً باتاً
عمل مواضيع اعيــاد الميلاد
والاحتفالات بكافة انواعهــا
باي منتدى من المنتديات

وتُعمل حصراً في
مُنتدى الترحيب والتهــاني

............

وبلغ أم دم العســـل تحيــــــاتي
::50::

[ॐღhard g!rlღॐ]

والله يسلمووووو ع المبادرهـ
الحلوووة منك خيووو
وكل عام وهي بألف خير

[الكـون لهُ اسـْرار]

هلو حبي برنس

ماعرف اكتب رد فشلت هواية واعتقد صرت غشيم بالمواضيع الي ينزلن
حبي دشوف لعد مواضيعي يمكن على القوانين الجديدة ينرادلهن نقل

واسف منك هواية وردة وهسة ابلغ ام دم العسل

وتحياتي الدمك العسل

[ρяіисє Of sаdиеѕѕеѕ]

هههههههههههههه
لك علي

القرار مو مني والله العظيم
من حيدر الساعدي
ونزله بلاداري
وعممه عله كل المنتديات

وبعدين ماعش اللي يفشل
الكون

انته تاج علراس
وتبقه
واذا احد في يوم نسه منو انته

تره آني بلمرصاد
أنته العين واقرب من جفنهــا أنته

واذا في يوم نسيتنــي
تره اعلم
فضلك ماينسي
واللي سويتــه
يبه علراس طول العمر

[¸ღ¸ وليد المصلاوي ¸ღ¸]

http://www.yelims.com/IPB/Invision-Board-France-342.gif شكد انتا حساس تجاه مشاعر الاعضاء كنون

بس شتسوي حكم القوي ممنوع تبقى مواضيع مال تهاني بالسوالف

[الكـون لهُ اسـْرار]

هههههههههههههه

لك علي

القرار مو مني والله العظيم
من حيدر الساعدي
ونزله بلاداري
وعممه عله كل المنتديات

وبعدين ماعش اللي يفشل
الكون

انته تاج علراس
وتبقه
واذا احد في يوم نسه منو انته

تره آني بلمرصاد
أنته العين واقرب من جفنهــا أنته

واذا في يوم نسيتنــي
تره اعلم
فضلك ماينسي
واللي سويتــه
يبه علراس طول العمر

حبي برنس واخوية الوردة
اني من نزلت هالموضوع مو حتى تكلي سويتلي فضل وواني عينك ورمشها
اني السويته بدجلة سووا قبلي هواية ويمكن احسن

وثق بالله العظيم انت مبدع وميحتاج الكون لو غيرة يكلك هذة الشي

واكثر شي تعرفة بنفسك شوف اعضاء دجلة شكد يحبوك

فهذة برنس ومقياسة هنا ولا احتاج اني اكول هو منو

واحترم قرار غيرك وردة

واسف علـ الأطالة بالرد

تحياتي

[الكـون لهُ اسـْرار]

http://www.yelims.com/ipb/invision-board-france-342.gif شكد انتا حساس تجاه مشاعر الاعضاء كنون


بس شتسوي حكم القوي ممنوع تبقى مواضيع مال تهاني بالسوالف


لا حبي مو حكم القوي بس هي قوانين جديدة نازلة ومقاريهه اني

وصدكني اليوم منشول هواية ومريض ومن وراهه صرت حساس يمكن !

نورت حُبي

[ρяіисє Of sаdиеѕѕеѕ]

حبي برنس واخوية الوردة
اني من نزلت هالموضوع مو حتى تكلي سويتلي فضل وواني عينك ورمشها
اني السويته بدجلة سووا قبلي هواية ويمكن احسن

وثق بالله العظيم انت مبدع وميحتاج الكون لو غيرة يكلك هذة الشي

واكثر شي تعرفة بنفسك شوف اعضاء دجلة شكد يحبوك

فهذة برنس ومقياسة هنا ولا احتاج اني اكول هو منو

واحترم قرار غيرك وردة

واسف علـ الأطالة بالرد

تحياتي

آنــي مُبدع بفضلكـ
واللـي وصلتلــه هم بفضلكـ
وافتخـر بهلشــي واشيلــه وســـام
واذا اكــو سبب نجــاح لدجلــه نت
فهــو أنتـــه

...

يا أخــي شماتقــسو عليــه
احبكـ

....

ومشتـــاق لاحلــى ايــام الكون
انشاء الله ياربي تبقــه شمــعه منيــره بدرب السوالف

...

علاوي بربك صاير خوش احجي مو
::50::

[الكـون لهُ اسـْرار]

آنــي مُبدع بفضلكـ

واللـي وصلتلــه هم بفضلكـ
وافتخـر بهلشــي واشيلــه وســـام
واذا اكــو سبب نجــاح لدجلــه نت
فهــو أنتـــه

...

يا أخــي شماتقــسو عليــه
احبكـ

....

ومشتـــاق لاحلــى ايــام الكون
انشاء الله ياربي تبقــه شمــعه منيــره بدرب السوالف

...

علاوي بربك صاير خوش احجي مو
::50::


ماعاش الي يقسى عليك الكبد مال اني

اني هم مشتاقلك عضيدي وكل يوم تكبر بعيني وتحلى

وصاير خوش تحجي مبين شارب ميزو اناناس ::41::

[ρяіисє Of sаdиеѕѕеѕ]

ههههههههههههههه
علاوي ورب الكون احبك
اتذكر اطلبك بوسه مو

::50::

[الكـون لهُ اسـْرار]

ههههههههههههههه

علاوي ورب الكون احبك
اتذكر اطلبك بوسه مو

::50::

هههههههه
بالعيد انطيكياهه وانطيك وياهه كليجة

[ρяіисє Of sаdиеѕѕеѕ]

فد لا ام التمر
تره تسوي عندي جالي ههههههههههه

[الكـون لهُ اسـْرار]

صديقي اهديلك هاي الكلمات خليهه بذكرك اليه بدجلة

واعتبرني اخ يحبك ويقدرك طول مسيرتة بدجلة


:


:


:


صبيت الدمع بس للا سف والله
ماتسوى الدموع الجانت امفرعه
ولك انة الأخو الماخنت وياك
روح وشوف غيري وفنك اجرعه
ولك صعبة الحبيب بهل وكت تلكاه
صاير طير ايفكر غير بل شلعه
الغريب بهل وكت مثل الذهب تلكاه
ومن اطيح صدك تختفي اللمعه
لابد ياصديقي ايمر عليك الليل
مو ذني الليالي ام ساعة التسعه
اقصد بليالي البيهة هم وحزان
مو قصدي الشماتة ولقصد الرجعه
صدك مااريد الرجعه لا والله
ولا اريدك تمرلي وعينك امدمعه
لان خليت كَلبك مصادق الدكتور
مو بس جرح واحد ميت الف وجعه
جنت وياك انة مغمض العينين
وانتة اوياي صاير بوسه للرجعه

[•(-•DORGAHM•-)•]

::2::::2::

[ρяіисє Of sаdиеѕѕеѕ]

المنـــاضر للبــشر تمتزج بيهــا الوان
وأنت الكل جزء منك اصبــح بمنضــر

ألصــور ناخذها حته انعــاين عله الناس
وأنته الكامرات عليك تتفكــــــر

قيــس ان جان يعلم ماعشكـ ليلاه
جان انجن عليكـ ولجلك اتهستـــر

وجان استسلمت كل عارضة ازياء
لوشافت ميولك حين تتبختــر

يوسف من جماله تبترت جم ايد
ومو ايد لجمالك ركاب تتبتر

عرش بلقيس أخر هدهد سليمان
ومو هدهد لعرشك كلنه نتاخر

عليك الخالقك لاتعله عليحبوك
وعليك الله الجليل اعليه تتكبر

...........

مني الكـ حُبي
بقلم حُســـــام العيكـاشي

[الكـون لهُ اسـْرار]

صح اختيارك حبي
وهاي القصيدة وزنهه مختل شوية مال واحد مستعجل بس يمكن حتعجبك





قررت انسة الصدك جذاب اصير
احجي بالعالي واطير فيالة
املس الساني يضل ناعم حرير
خل اجرب بلة هاي الحالة
وكتي تعبني لان حجيي صريح
كلة صوجي اتنكبت طاكيتي
عمري عشتة بضيج ابد مامستريح
وكمت اجمل تالي فوك لحيتي
كالوا عني الناس كالو مومريح
هيجي صاير بعد واكثر صيتي
موضوع مااكتب بعد اطحن شعير
اليجي ويروح احمل اجلالة
هذا منهاجي وعلية ابقة اسير
شيريد مني المستمع يجرالة
راح اكتب علزمال اشكد فهيم
منتبه دومة ولامرة صفن
عذب صوت اغرابنة وجدا حميم
جنة موسيقى اشكثر يحمل شجن
بهذة منتدانه ابد ماكو فقير
سهل ويانة ولاقاسي الزمن
والأعضاء منتظمة وعدل كلهة تسير
والأقسام ماكو بيهة زبالة
الجذب راحة وينسيك الهموم
ايهون بي كلشي ويذلل كل صعب
يلة كروب نأسس خل نكوم
كلنة نهتف يحيى ويعيش الجذب
عيب واحد بالجذب لوبس يدوم
جان مانهوة بعد غيرة ونحب
وكون ماكو شي بعد اسمة ضمير
الضمير اعروضي مدري شمالة
جان واحدنة ملك وكتة يصير
اشك طريقة وعدل يمشي بفالة
صعب دوم انسة واعيشن بالخيال
اكمش العاكول واتخيلة ورد
وصعب ابني قصور ضخمة منلرمال
وانة كل ساعة علي روجة تهد
المثلي مايكدر ابد هذا محال
شلون ادفة واني كاتلني البرد
انة مااكدر ابد جذاب اصير
والي يكدر علجذب هنيالة

[ρяіисє Of sаdиеѕѕеѕ]

ههههههههههههههههههههههههههههههههههه
خربحضك هههههههههههههه
وربي تحفه
مسويها زنجيل كلساع وزن
هههههههههههههههه
وربي عاشت ايدك

[الكـون لهُ اسـْرار]

ههههههههه حبي دخت بهاي القصيدة
عبالك جلفراي وكلسع حاطله ملح

مو بس بيهه خلل بالوزن لازم اعدلهه بأسبانه 12 هههههههه

[ρяіисє Of sаdиеѕѕеѕ]

ههههههههههههه فدوه لعيونك يمعود
............

من اسمك مبينه ومايحتاجلها تفسير
انته الاصل واسمك الكون

دوم امقصرين بيك ومايحتاجلها عذر
وانته لاجلنه تطيح العيون

يل عشت بعالم قذر
وأنت اصلك من اليوفون

لوبيدي الفك بحرير وورد
لجن اخاف عليك من اليشوفون

.........


حجي مسفط
أنتاجي وتأليفي الك
::50::