الى شبابنا المغتربين

[NIGHT ANGEL]

الى كل شاب عراقي مغترب دعوة لكم من قلوبنا بأن ترجعو الى عراقكم المجروح وان تساهمو في بنائه وان تضمدو جروح هذا الوطن الذي يجري به نهر الدماء من دون توقف هناك سؤال يحيرنا هل هجرة شبابنا العراقي الى الخارج هل هي في صالحهم وصالح هذا البلد ؟ هناك فرص عمل نعم وهناك الامن نعم (لا سيارات مفخخةولاانكطع الشارع ولا انخطف ولا انكتل على الهوية)وهذا موضوع اطرحه على اعضاء هذا المنتدى المحترم وارجو ابداء ارائكم في هذا الموضوع واني رأي في هذا الموضوع عندي باب الشرجي يسوة لندن وباريس مع خالص شكري وتقديري

[bint Dijlh]

أخي الكريم

من منايحب أن يعيش غربه الروح والبلد الا مجبوراً مقهوراً ! لما آل اليه وضع البلد من تمزيق للهويه العراقيه بأطيافها نريد لبلدنا الرفاهية والنعيم والأزدهار في ظل حكومة قويه وديمقراطيه , كيف الرجوع وهناك أرهاب وخطف وسلب وقتل وكلنا هنا تعودنا مع أطفالنا على وضعية معيشه هادئه ومنظمه وان لم تكن فنحن بأمان
يا أخي أتعلم بأننا اُجبرنا بأختيارنا وليس طوعاً على المعيشه هنا والله يعين كل عراقي بمحنتنا
وان شاء الله ينهض العراق ونرجع بحكومه متحررة وغير فاسدة
أشكرك أخي وتحياتي::27::

[X-Men]

من منايحب أن يعيش غربه الروح والبلد الا مجبوراً مقهوراً

هاااااااااااااااااااااااااااااااي صدك مو واحد يتمناها بس الا مجبور

[ساسوكي شايل سيفه]

والله اخويه اتمنه ارجع حلبوني بالغربه اشتغل شيفتين والله اريد ارجع افيد بلدي بس شون كل العقول العراقيه في الخارج دوله فاسدة دوله مرتشيه مع كل الاسف محد يريد الخير الى هذا البلد كلهم اجوي يريدون يبكون ويطفرون محد عراقي اصيل جذب محد قلبه على العراق اني متخرج صايرلي سنتين بس صايرلي 6 سنين اشتغل وعندي خبرات كلش زينه في ربط الشبكات الدوليه قليلين في العراق الذين يعرفون ربط الشبكات الدوليه وهسه كلهم هاجرو بسبب وضع وعدم توفير حمايه من جماعات لا تريد الخير الى العراق وتريدني ارجع ليششششششششششششششششش

[NIGHT ANGEL]

تسلمون على المرور اني طرحت هذا الموضوع لان اني ايضا مغترب وضايك طعم الغربة جنت عايش اجمل حياة وجنت اتمنى اسافر بس مو بهيج ضروف اني عايش في دبي واهلي كلهم سافرو واريد ارجع اكمل دراستي وما اعرف مصيري وين السبب لان اني عراقي واخر لحضة بحياتي افتخر وامول اني عراقي اخاكم الذي لا ينساكم

[ηιgнтнαωк]

مجبر اخاك لابطلوا

والله الاوضاع حكمت علينا السفر

[قطر الندى]

منو بده يترك بلده غير هاي الظروف ومعظم شبابنا هاجرو وما يقبلون يرجعون

بالنسبه الي وي اهلي من زمان ومجبوره اعيش هنا مو بئرادتي

اتمنى ارجع بلدي واعيش بامان مثل ما عايشه هنا بمريكا

تقبلو تحياتي

[Sparks Weman]

ماذا اقول
وانا اذرف الدموع
انها دموع الغربة والاشتياق
الى تربتي وبلادي
واحبتي واهلي
وحتى الارواح التي زهقت
والاجساد التي دفنت
والذكريات التي التصقت
في مخيلتي الصغيرة

بئس لهم
انهم رعاع الاقوام
الذين جالو وصالو في ارضي
وابادو كل ماهو جميل
كل خير
كل حب
كل وفاء
كل نبتته صدق
وبرعم امل

لا اقصد بقولي الاحتلال
ولكن اعوانهم
الذين اعتبروا انفسهم من ابناء البلد

ووعدو وتعهدو
لكن!!
ياللاسف
لم يكن الهم سوى المناصب
سوى المظاهر الكذابة
لم يكن هدفهم
سوى النهب
السلب
اعتلاء اعلا المناصب

كيف لا وهم خونة عملاء
واوجه قولي
للجميع

هؤلاء هم السبب
ولن اغفر لهم

لانهم ابعدوني عنها
عن حاضنتي
وحبيبتي

عن بلادي

[ೋ ياقوتـــة دجــلة ೋ]

احييك على روحك الوطنية العالية اخي

بالنسبة النا تركنا العراق مجبورين يعني بتهديد يالله طلعنا

والي هددونا ينتظرونا !!

متكولي شلون نرجع::10::

[سجّاد البصراوي]

احييك عزيزي لروحَك الوطنية اللي تشدّك للرجوع للعراق
رغم كُل المصاعب والمخاطر ...

لكن اغلب المُغتربين اذا مو كُلهم
مجبورين ع السفر خارج البلاد .. ليش هيّة الغربه سهلهـ ..!!

صحيح اني مضايگ طعمها ولا اريد اجرّب .. بس شايفها
والله من اروحلي اسبوع أو 5 ايام لكربلاء والنجف .. احس بروحي عطشان عطش
للبصرة بس اريد ادخل حدود البصرة ... ليش ..!!

هذا الحنين لمسقط الرأس ينولد بالفطرة
وية الإنسان .. وشوفلك هسه إنت اي عراقي مُغترب واحچي
گدامه ع العراق وإذا ما بچة عاتبني ...

ترة حبيبي كلها طالعة غصب وتهجير
من جماعات يدّعون الإسلام وهمّة بالحقيقة الاسلام بعيد
كل البعد عنهم ..

وتحياتي القلبية إلك مرة ثانيهـ ..

أخوك الأزغ ـر : سجّآد