الكـون لهُ اسـْرار
09-15-2008, 08:51 AM
تحية طيبة وصافية كصفاء القمر على كلام العاشقين عندما يمارسون دور الحب على اضواء الرومانسية
الله شنو هاي اني
مساء الأحتفال والنرجس وكل شي لم يكن ولم يكون على احبتي وعناقيد ذاتي
ونور قلبي وشمس حبي ودمع خدي وخبز امي المكسب ونشوة الصمون البغدادي الحجري
تحية الق وصباح ارق من الهدوء الصامت خلف قضبان الحديد المترامية على سفوح الشوق والوداد
هذا اليوم وفي هذة الساعة سيتم كتابة اكبر واطك موضوع الي بدجلة
استمتعوا بالقرائة ولكم الحب والحنان والوجدان وشهر ميسان واب وتموز
عنوان الموضوع
((( اجواء العيد السعيد)))
1
2
3
بلي جيمــ
مرحبا
اتذكر قبل سبع سنين لو ثمانية بس يمكن تسعة
قبل العيد بيوم احضر نفسي للعيد السعيد
وقبلهه لابس بجامه مخططة وتشيرت احمر طالعة منه صرتي
وبجيب البجامة 13 كليجة مختلطة الشكل منها على شكل ظفيرة ومنها الخفيفي ومنها ام التمر
وكانت جعبتك تحمل مع الكليجة كلاص شربت رنا ابو اثنين بربع
وتروح الجماعتك تتواعدون وين تطلعون اول يوم العيد
بس قبلهه تروح للحلاق يزين شعرك والحلاق من نوع رجال جبير عمرة ثمانين واذا حددلك زلف لازم
يحددلك بكطف مال جكارة لأن عينة عمية واذا احترك زلفك برمل ويطفيك
المهم يزينك ويصمط فروة راسك وترجع البيتكم عيونك حمر عبالك جنت بمعركة
بصراحة بهاي الأثناء تطب للحمام تغسل وصابون يطب بعينك وتطلع مصلخ تبجي تريد الخاولي
فتاخذ الخاولي وتنشف عينك وتباوع عل المراية وتضحك لأن باجر عيد
طبعاً متكدر تنام لأن بس تريد الصبح يصير وتطلع تفتر
ويصير الصبح وتكعد الساعة بالستة كبال عين امك وتبوسك وتكلك ابني كل عام وانت حبي وحناني
شكد احب الأم وحنانهه بس شكد اضوج من اتدزني على صمون
المهم انت تبوسهه وتروح لأبوك تلكاه بعده نايم وكرعيتة طالعه من البطانية
وتكلة بابا بابا اكعد اليوم عيد
هو يكلك تعال بابا بحظن ابوك وريحتة كلهه جكاير وتحظنة وتبوسه
بعدين تتريكون وتباوع وراهه كارتون فتيان السلاحف
بعدين تركض للكنتور على ملابسك الجديدة بنطرونك كابوي ازرك وقميصك حاط بي ريحة طيبة
وحذائك ماخذة من باتا جركز ومن تلبسة اظافيرك تطلع هههه
المهم تكمل اناقتك ويجون جماعتك عليك تروحون للسينما تشوفون الفلم نفسة 30 مرة
وراهه يطلعون المدينة الألعاب وتطب هناك وتشوف نماذج الي عينك مشافتهم
جماعة من الشعلة لازمين دنابك ويدكون طبعاً شنو ملابسهم اني اكلك
الي لازم الدنبك لابس بنطرون قماش وشحاطة اسفنج وقميص وردي وكذلتة صفح
والي يغني بيهم لابس تراكسود كامل وشحاطة عالية
والي يركص لابس دشداشة سودة وبلوز ابو الركبة جوة الشداشة طالع عبالك دفان
ونماذج كومة بعد
وتمشي انت وجماعتك تشترون فلافل وتصعدون سيارات سباق
والمنخل كلساع تصعدوا لان اكو بنات بي وبس تريد وحدة تباوع عليك حتى تنجكل
وبالاخير وحدة تباوع عليك ومتكول الجماعتك حتى لحد يوغفلك
تلحكهه يم سيارات المداعمة وتكللهه .... انتي مو قبل شوية جنتي بالمنخل
هي علساس تستحي تكلك اي وتشرد
انت تلحكهه وتروح ركض وراهه تشتري النفسك بطل بيبسي ونستلة مارس حتى تشوفك
وتطلع موبايلك الالف ومية من الجلداية الحاطهه ابنطرونك ورصيدك فول لان اليوم عيد
بعدين تعوفك وتروح ويه اهلهه وانت تتخبل وترجع للبيت بتكسي وحدك
ابو التكسي ديغني اغنية مال سعدون جابر
ويكلك شلون جو اليوم مال ركي وعل الشط وكاسيت غزلان
انت بكَلبك تكول ياغزلان يا ركي خل اوصل للبيت جعت
من توصل تلكة بيت جدك وبيت خالاتك وعماتك بالبيت
يبوسنك ويحجن وياك وانت تروح للمطبخ تلكه الباميا بعدهه ممستوية
يجيك ابن خالتك من نوع طويل ووغف وذكي بنفس الوقت
يكلك ليش متطور حاسبتك
حتى اعلمك شلون تنزل برامج حلوة وتتعلم منها
طبعاً ابن خالتك يصلي عل الفلس ومن اشترة حاسبتة وراهه حتى اللحم مظاك طعمة
وتعوف ابن خالتك وتنام للمغربية
بهذة الوقت نجي عل البنات الحلوات وسوالفهن بالعيد
طبعاً البنية بالعيد متبدل من وكت تسوي نفسهه ممهتمه وهي بس تريد تطلع تفتر ويه اهلهه
بس الحجي بيناتنة تطلع حلوة خوما مثلك رايح صاعدلي بمنخل حتى تصادق وحدة ظفايرهه تك وتك
اي عيني نكمل .... هي تصير العصرية تلكة البنية مبدلة وطالعه فلة ومتحضرة ويه اهلهه تطلع
اول يوم يروحون بكازينو عائلي ... تظل كاعدة وتبيع مالاتهه عل الشباب من الثكل
ومتباوع حتى لو وائل كفوري باوعلهه
بس بالاخير تضوج وتطلع تفتر بمراجيح الكازينو تاخذ وياهه جاهل صغير وتلعبة
وتشتري شعر بنات وتخلصة بأربع ساعات علساس معدتهه رقيقة
هي الشعر بنات كلة بس انفخ علّي يطير هي تخلصة بساعتين
ومن تخلص من الشعر بنات ترجع يم اهلهه وتاخذ فلوس وتروح تلعب بلي 2
تكول لابو الاتاري اي شي شغل للجاهل وابو الاتاري من نوع اللوكي ويكلهه العبي وياه
يشغللهم تكن مصارعة وتاخذ الجويستك هي وتضرب الصغير دفرات علساس متدري
هي اكبر لوتية وكلشي تعرف بالبلي تو حتى التومب رايدر خاتماته
بعدين تضحك وتكول لابو الاتاري شكد اخوية فلوس
هو يكلهه الفين دينار
تنطي خمستالاف وتروح علساس متهتم للفلوس
هو يصيحهه يكلهه هاج الباقي هي ترجع وبكل فهاوة تاخذ الباقي تحطة بجيب البوت
مو احنة كاعدين بالمكسيك
بعدين يصير الليل والولد والبنات يتونسون هذة الي على ابو نؤاس وهاي الي كاعدة ويه اهلهه بالكازينو
وهذة الي مصادق وحدة جديدة وبس يريد يرجع وتخابره
وهاي الي منتظرة حبيبهه يخابر لان قبل العيد بيومين محاجي وياهه
وداعتي فد سوالف عند شبابنة اله تموت
شوكت اكمل ماعرف بس تعبت
الى هنا وانتهي من الموضوع
تلكوني بالعيد يم الكوسترات اصيح العاب العاب
الله شنو هاي اني
مساء الأحتفال والنرجس وكل شي لم يكن ولم يكون على احبتي وعناقيد ذاتي
ونور قلبي وشمس حبي ودمع خدي وخبز امي المكسب ونشوة الصمون البغدادي الحجري
تحية الق وصباح ارق من الهدوء الصامت خلف قضبان الحديد المترامية على سفوح الشوق والوداد
هذا اليوم وفي هذة الساعة سيتم كتابة اكبر واطك موضوع الي بدجلة
استمتعوا بالقرائة ولكم الحب والحنان والوجدان وشهر ميسان واب وتموز
عنوان الموضوع
((( اجواء العيد السعيد)))
1
2
3
بلي جيمــ
مرحبا
اتذكر قبل سبع سنين لو ثمانية بس يمكن تسعة
قبل العيد بيوم احضر نفسي للعيد السعيد
وقبلهه لابس بجامه مخططة وتشيرت احمر طالعة منه صرتي
وبجيب البجامة 13 كليجة مختلطة الشكل منها على شكل ظفيرة ومنها الخفيفي ومنها ام التمر
وكانت جعبتك تحمل مع الكليجة كلاص شربت رنا ابو اثنين بربع
وتروح الجماعتك تتواعدون وين تطلعون اول يوم العيد
بس قبلهه تروح للحلاق يزين شعرك والحلاق من نوع رجال جبير عمرة ثمانين واذا حددلك زلف لازم
يحددلك بكطف مال جكارة لأن عينة عمية واذا احترك زلفك برمل ويطفيك
المهم يزينك ويصمط فروة راسك وترجع البيتكم عيونك حمر عبالك جنت بمعركة
بصراحة بهاي الأثناء تطب للحمام تغسل وصابون يطب بعينك وتطلع مصلخ تبجي تريد الخاولي
فتاخذ الخاولي وتنشف عينك وتباوع عل المراية وتضحك لأن باجر عيد
طبعاً متكدر تنام لأن بس تريد الصبح يصير وتطلع تفتر
ويصير الصبح وتكعد الساعة بالستة كبال عين امك وتبوسك وتكلك ابني كل عام وانت حبي وحناني
شكد احب الأم وحنانهه بس شكد اضوج من اتدزني على صمون
المهم انت تبوسهه وتروح لأبوك تلكاه بعده نايم وكرعيتة طالعه من البطانية
وتكلة بابا بابا اكعد اليوم عيد
هو يكلك تعال بابا بحظن ابوك وريحتة كلهه جكاير وتحظنة وتبوسه
بعدين تتريكون وتباوع وراهه كارتون فتيان السلاحف
بعدين تركض للكنتور على ملابسك الجديدة بنطرونك كابوي ازرك وقميصك حاط بي ريحة طيبة
وحذائك ماخذة من باتا جركز ومن تلبسة اظافيرك تطلع هههه
المهم تكمل اناقتك ويجون جماعتك عليك تروحون للسينما تشوفون الفلم نفسة 30 مرة
وراهه يطلعون المدينة الألعاب وتطب هناك وتشوف نماذج الي عينك مشافتهم
جماعة من الشعلة لازمين دنابك ويدكون طبعاً شنو ملابسهم اني اكلك
الي لازم الدنبك لابس بنطرون قماش وشحاطة اسفنج وقميص وردي وكذلتة صفح
والي يغني بيهم لابس تراكسود كامل وشحاطة عالية
والي يركص لابس دشداشة سودة وبلوز ابو الركبة جوة الشداشة طالع عبالك دفان
ونماذج كومة بعد
وتمشي انت وجماعتك تشترون فلافل وتصعدون سيارات سباق
والمنخل كلساع تصعدوا لان اكو بنات بي وبس تريد وحدة تباوع عليك حتى تنجكل
وبالاخير وحدة تباوع عليك ومتكول الجماعتك حتى لحد يوغفلك
تلحكهه يم سيارات المداعمة وتكللهه .... انتي مو قبل شوية جنتي بالمنخل
هي علساس تستحي تكلك اي وتشرد
انت تلحكهه وتروح ركض وراهه تشتري النفسك بطل بيبسي ونستلة مارس حتى تشوفك
وتطلع موبايلك الالف ومية من الجلداية الحاطهه ابنطرونك ورصيدك فول لان اليوم عيد
بعدين تعوفك وتروح ويه اهلهه وانت تتخبل وترجع للبيت بتكسي وحدك
ابو التكسي ديغني اغنية مال سعدون جابر
ويكلك شلون جو اليوم مال ركي وعل الشط وكاسيت غزلان
انت بكَلبك تكول ياغزلان يا ركي خل اوصل للبيت جعت
من توصل تلكة بيت جدك وبيت خالاتك وعماتك بالبيت
يبوسنك ويحجن وياك وانت تروح للمطبخ تلكه الباميا بعدهه ممستوية
يجيك ابن خالتك من نوع طويل ووغف وذكي بنفس الوقت
يكلك ليش متطور حاسبتك
حتى اعلمك شلون تنزل برامج حلوة وتتعلم منها
طبعاً ابن خالتك يصلي عل الفلس ومن اشترة حاسبتة وراهه حتى اللحم مظاك طعمة
وتعوف ابن خالتك وتنام للمغربية
بهذة الوقت نجي عل البنات الحلوات وسوالفهن بالعيد
طبعاً البنية بالعيد متبدل من وكت تسوي نفسهه ممهتمه وهي بس تريد تطلع تفتر ويه اهلهه
بس الحجي بيناتنة تطلع حلوة خوما مثلك رايح صاعدلي بمنخل حتى تصادق وحدة ظفايرهه تك وتك
اي عيني نكمل .... هي تصير العصرية تلكة البنية مبدلة وطالعه فلة ومتحضرة ويه اهلهه تطلع
اول يوم يروحون بكازينو عائلي ... تظل كاعدة وتبيع مالاتهه عل الشباب من الثكل
ومتباوع حتى لو وائل كفوري باوعلهه
بس بالاخير تضوج وتطلع تفتر بمراجيح الكازينو تاخذ وياهه جاهل صغير وتلعبة
وتشتري شعر بنات وتخلصة بأربع ساعات علساس معدتهه رقيقة
هي الشعر بنات كلة بس انفخ علّي يطير هي تخلصة بساعتين
ومن تخلص من الشعر بنات ترجع يم اهلهه وتاخذ فلوس وتروح تلعب بلي 2
تكول لابو الاتاري اي شي شغل للجاهل وابو الاتاري من نوع اللوكي ويكلهه العبي وياه
يشغللهم تكن مصارعة وتاخذ الجويستك هي وتضرب الصغير دفرات علساس متدري
هي اكبر لوتية وكلشي تعرف بالبلي تو حتى التومب رايدر خاتماته
بعدين تضحك وتكول لابو الاتاري شكد اخوية فلوس
هو يكلهه الفين دينار
تنطي خمستالاف وتروح علساس متهتم للفلوس
هو يصيحهه يكلهه هاج الباقي هي ترجع وبكل فهاوة تاخذ الباقي تحطة بجيب البوت
مو احنة كاعدين بالمكسيك
بعدين يصير الليل والولد والبنات يتونسون هذة الي على ابو نؤاس وهاي الي كاعدة ويه اهلهه بالكازينو
وهذة الي مصادق وحدة جديدة وبس يريد يرجع وتخابره
وهاي الي منتظرة حبيبهه يخابر لان قبل العيد بيومين محاجي وياهه
وداعتي فد سوالف عند شبابنة اله تموت
شوكت اكمل ماعرف بس تعبت
الى هنا وانتهي من الموضوع
تلكوني بالعيد يم الكوسترات اصيح العاب العاب