راح اكول الصراحة بس ما اريد احد يزعل لان انتو مثل اخواني ارجو التثبيت وذ

[اسامة البغدادي]

سلام عليكم شباب
اني من تجربيتي الطويلة بالدوام بجامعة الانبار ويمكن اني اخر واحد من دفعة 1981 تبينلي انو طلاب الرمادي يوعدون ويحجون وميوفون بوعده هاي اسولفلكم مرة طلاب رمادي بحداث الفلوجة الثانية كامو يداومون واحنة جماعة بغداد والفلوجة منكدر انداوم لان الطريق مجان سالك من بغداد لرمادي واغلب طالب الفلوجة ببغداد
وهسة المرة الثانية وعدونة يداومون يوم السبت الي راح بس ما اجة يمكن ولا واحد منهم لان صاحبي اجة من بغداد ورجع وكلي ماكو دوام
يا اخون احنة انريد منك انت تلتزمون بحجي مالتكم وتكون عند كلمتكم بنات ولد لان مصير الجامعة مو زين
تحياتي
اسامة البغدادي

[ابن الرياضيات]

شلونك يا اسامه البغدادي
والله كلامك صحيح بس تره مينطبق على الجميع وبعدين اذا كان الطريق مو زين او الجسر مسدود هاي هم اعذار مشروعه بس والله الي يكدر يجي للجامعه وماكو معوقات وميجي _ مقصر _
والله كريم انشاء الله متبقه على هالحال لازم ينطونه حل لان الخيرين كثيرين

[حبجي على الموده]

انشاء الله اخوية احنة راح تلتزم بالدوام بس اشوية خلي اصير همة من الباقين على الدوام
لا كل واحد من عدنة يذبه على لاخر
لان والله بزعنة من الحجي

[اسامة البغدادي]

انشوف يوم السبت والله كريم بلكي الله يفرجة علينة

[ೋ ياقوتـــة دجــلة ೋ]

والله يااخواني حسب مااسمعة بالمنتدى دوامكم السبت ان شاء اله تداومون ومتشوفون شر

والله يحميكم من شر الحوادث

[ميسور الحال]

ان شاء الله نداوم السبت
وكلامك عن احداث الفلوجة الثانية
اني اول واحد تضررت من ورة هاي الصار من طلاب الرمادي
ورسبت سنة من وراهم




اخوكمـ
ميسور الحالـ
بكر الساحر

[rafidain]

عيني اسامة ان شاء الله السبت الجاي الدوام الصدك.... وان شاء الله متشوف الا الخير

[امير المهندسين]

انشالله ايصير دوام يا اخونه اسامه

[ابو التاريخ]

السبت اجيك من السبعة الصبح ولا تدير بال

[كاسبر الحب TOTTI]

سالمين حيل

[I R A Q I 4 E V E R]

اخوية العزيز اسامة ترة عدد اعضاء المنتدى ميتجاوز 30 او 40 عضو يعني وان داومو يضيعون بالجامعة صح لو خطأ موكل اصابعك سوة يااخوية وبعدين باحداث الفلوجة وين اكو دوام اشو انكلبت كل ذيج الصفحة وان اكو كم واحد داوم فمااعتقد مشة الدوام يعني بين قوسين اجوي هيج للكلية بس تعبوا نفسهم لان اني اتذكر كليتي بابوغريب جانت ومكدرنة انداوم شلون عاد اذا بالرمادي ؟؟؟؟؟؟؟؟

[enrique iglesias]

انشاء الله اكو دوام بالرمادي السبت
واتمنى من كل قلبي ان تعود الجامعة مثل ما جانت
اخوكم الماتدور الاسباني

[عديل الروح]

اخويه العزيز لتزعل وان شاء الله كل الطلاب يلتزمون ويداومون السبت وليصير خاطرك اله طيب

واني متخرج من الجامعه ولو بعدني طالب اله اروح من الفجر

تحياتي

[الملاك الضائعة]

اشكرك اسامة بس احنا غير نريد الولد بالاول يداومون وبعدين احنا البنات نداوم

تقبل مروري

[eng_hym]

لالا ان شاء الله نداوم السبت وكل شي يرجع مثل الاول واحسن

[ملك الجامعه]

حبيبي انته خلي نعوف السوالف ونعوف شي اسمه رمادي وفلوجه وبغداد خلي نحجي باسم طلاب جامعة الانبار ان شاء الله السبت يصير والكل يداومون والغايب عذره وياه......وان شاء محد (وثنين) يغيب مع تحياتي.....ملك الجامعه