موالي ورافضي وشيعي (عباس جيجان)

[جواد الحسيني]

موالى ورافضى وشيعى

هذنى اوصافى كلهن بى متونس عليهم بالدرب شمعه

موالى ورافضى وشيعى

هذنى ثيابى اللى البسهن جديدات واجدد من العيد مابيهن ولا لكعه

موالى ورافضى وشيعى

هذنى عقال فوق الراس وهذنى حجاب للنسوان وهذنى لاهل الشرف سمعه

موالى ورافضى وشيعى

هذنى القاب وراحت بال وبصدر النواصب خلفن وجعه

موالى ورافضى وشيعى

منهو قالك دمى بجى ودموع هذنى من فرحهم تذرف الدمعه

موالى ورافضى وشيعى

قلب اللى مايحب ويذوب باهل البيت شلك بيه مد ايدك عليه وشلعه

موالى ورافضى وشيعى

بهذنى أدخل على الفردوس وياهن وصل من الكرار موقعه

موالى ورافضى وشيعى

معصومين من النار ياشيعه على الكرار قالها النبى المختار ومد ايده علينا وأشر بصبعه

موالى ورافضى وشيعى

عليا يا ولى الله بس اصل الشريف يحبه ويتبعه

موالى ورافضى وشيعى

اذا حب النبى وآل النبى بدعه جا طاعه ابو سفيان شتسميه هو وجوكته وربعه

موالى ورافضى وشيعى .


عباس جيجان
مع تحياتي
جواد الحسيني

[Mus6afa]

شكــــــــــراً على الشعر الجميل ...

[قائد قوات علج ابو السهم]

عاشت ايدك حبيبي
وهاي قصيده همين لعباس جيجان


انطيني من وقتك ثواني
ما أكلك آني وآني
شاعر من أهل العراق
عربي وأصلي عدناني
قريشي ومن نسل قحطان
لا تركي ولا مدغوش بأفغاني
لك الزمان ابيوم ذر الناس
الزمان عليك ذرّاني
وأخذ يردف علي ضرباته باليافوخ
لحد ما حيل خَوّاني
لكن بي طبع ما طيح
روح اسأل عليّ واشهودي عدواني
مو انسان يحجي وياك
جرح يمشي عله طوله وشمعه بصواني
ما عندي لجوء ايجتف الانسان
ولا مربوط بلساني
وك استاتس عندي من عمان
وسياسي... كوفي اعنان سمّاني
عراقي آني
من زاخو لعد الفاو عنواني
دجله أمي....وأبوي اسمه الفرات
وليلي مرجاني
عمت عين الزمان اشلون ذَبّاني
ولو حز ابضميري الجوع
بس ما غير ألواني
إيخسه التاريخ إذا مو باول أحروفه
يحط اسم العراق ويشطب الثاني
عراقي آني البكلبي على الساني
آنه الماصحت يوم أحاه
وعلى امتوني تكطع صوت سجاني
وأظن ما قصريت أوياه
أخويه الجان ينخاني
يِأَشِّر بيده من ابعيد
جديم الكوم يلكاني
عطش مره... شلت نهر الفرات وجيت
وشفت دجله على الجولان يتناني
عراقي آنه
واليبيعن سكاير على الرصيف اليوم نسواني
والماتوا بحسرة علبة حليب اطفال
هذوله أطفال خُوّاني
ما آغَنّي بعد بلاد العرب أوطاني
من الشام لبغدانِ
ومن نجد الى يمنٍ
الى مصر فتطوانِ
عراقي آني
ولو تعرفني كل الناس بس أعطيك برهاني
من داروا عليّ عرب آخر زمان وحتى جيراني
ما هزوا وحك عيناك
شعره من شعرات وجداني
عراقي آني ....
--------------------------------------------------------------------------------
عباس جيجان


تحياتي

[aus73]

مشكووووووووووووووووووووورين اخواني الاعزاء على الشعر الجميل

[angel_girl]

شكرا على الشعر الرائع
دمت بخير

[شاعر الاحزان]

تحياتي واما عباس فهو بطل من ابطال العراق

[MuKaRaM1]

مشكوووور اخوية الورد بس سبقتني وحطيتها
اخخخخخ منك غلبتني
هههههه
مشكور

[•·.·´¯`·.·•عراقي عسل•·.·´¯`·.·•]

مشكورين على الكلام الحلو

مع تحياتي لكم

[جواد الحسيني]

مشكورين شباب واخواني الابطال ممنون احبتي اما سيد مكرم فل الكلوب سواجي مو هههههههههههههههههههههه

[عاشق النساء]

ناااااااايس كلك ذوق حبي الحسني



اخوك عاشق النساء

[عاشق جروحك]

مشكوووووووووووووووووور على الشعر الجميل

تحياتـــــــــــــــــــــــــــــــــــــــــــــ ــــــي

[جواد الحسيني]

مشكوررررررررررررررررررررررررين على الرد الحلو
ممنون
مع تحياتي
جواد الحسيني


http://www.bluetoothy.com/data/media/26/6.psd.jpg

[عاشقة ترابك يا عراق]

الله عليك يا جواد على كلماتك الحلوة وعلى المعاني التي كانت في طيات ابداعاتك
تقبل تحياتي مع خالص الشكر
اختك عاشقة ترابك يا عراق

[جواد الحسيني]

مشكورة عاشقة على المرور اللطيف والجميل تقبلي مني ارق التحيات
مع تحياتي
جواد الحسيني