سيف المهاجر
09-11-2008, 08:48 PM
كله تقفلت حتى السماوات..........
بعد ياباب ادك مسدده البيبان
وياباب الأفتحه يكلي مسدود
كله تقفلت حتى السماوات
ودعيت هواي لكن ماكو مردود
ذنوب ثكال شايل دكن الميزان
وميزاني ثكل من كثر الجحود
المن اشتكي وشينفع اللوم
ويالوم الالومه وهو موجود
حجيت وكررت بهواك ماعيد
ومو حلو الحجي لو صار معيود
كتلك ماأحب ألمن تريد اهواك
معقوله انصدم بالعقله محدود
زرعتك وأنحصدت بمنجل لغير
هضيمه شلون اشمك وانت محصود
تعاملني بعمل سحر ودغش وخداع
وتكل للناس صار بحبي معكود
وطشيت الحصل بحلوك هذا وذاك
ونبع صاير جنابك وانه صيهود
تبريت وكمت منك فرد نوب
من شفتك صرت لطيوري صايود
جنت اعمى واكودك خايف عليك
وجنت قابل اكون لارضك حدود
وجنت قابل اخلك وسط العيون
وجنت قابل اصير بدربك ورود
اخافن ما اجي لاسامح الله
يدليك العطر لو انه مبعود
وبعد مافتحت شفت الدرب زين
تكل للناس جان بأيدي مكيود
روح الله اليسامح انه مافيد
وميفيد العتب على العقله مسدود
انشاء الله يعجبكم انتظر ردودكم
تحياتـــــــــــــــي
سيــــــــــ المهاجر ـــــــــــف
م , ق
بعد ياباب ادك مسدده البيبان
وياباب الأفتحه يكلي مسدود
كله تقفلت حتى السماوات
ودعيت هواي لكن ماكو مردود
ذنوب ثكال شايل دكن الميزان
وميزاني ثكل من كثر الجحود
المن اشتكي وشينفع اللوم
ويالوم الالومه وهو موجود
حجيت وكررت بهواك ماعيد
ومو حلو الحجي لو صار معيود
كتلك ماأحب ألمن تريد اهواك
معقوله انصدم بالعقله محدود
زرعتك وأنحصدت بمنجل لغير
هضيمه شلون اشمك وانت محصود
تعاملني بعمل سحر ودغش وخداع
وتكل للناس صار بحبي معكود
وطشيت الحصل بحلوك هذا وذاك
ونبع صاير جنابك وانه صيهود
تبريت وكمت منك فرد نوب
من شفتك صرت لطيوري صايود
جنت اعمى واكودك خايف عليك
وجنت قابل اكون لارضك حدود
وجنت قابل اخلك وسط العيون
وجنت قابل اصير بدربك ورود
اخافن ما اجي لاسامح الله
يدليك العطر لو انه مبعود
وبعد مافتحت شفت الدرب زين
تكل للناس جان بأيدي مكيود
روح الله اليسامح انه مافيد
وميفيد العتب على العقله مسدود
انشاء الله يعجبكم انتظر ردودكم
تحياتـــــــــــــــي
سيــــــــــ المهاجر ـــــــــــف
م , ق