شلش والرجل العجوز وقناني الغاز

[شلش البغدادي]

شلش والرجل العجوز وقناني الغاز


عندما سمع شلش التاجر الكبير عن وجود نوع جديد من قناني الغاز في سوريا قرر الذهاب لرؤية هذا النوع لتحسن خدمة العملاء بعد أن حضر شلش الدشداشة والعرقجين و تكرمون الشحاطة وحط جم فلس بجيبة واكل بالبقجة واكيد شلش ميحتاج جواز حتى يدخل بسوريا لاسباب تكتيكية يصعب شرحها
بعد ان اجر شلش سيارة تكسي حتى يروح لشركة السفر .....



واثناء الطريق هذا الطريق الطويل استغرق شلش بالتفكير وهو ينظر الى الافق
الملوث بدخان السيارات والمولدات وعلى جانبي الطريق تقف الاسلاك الشائكة تسخر منا وتأمرنا من اين نذهب والى اين نذهب والضوضاء التي امتزج بها
صياح رجال الحرس الوطني وشتائمهم وابواق السيارات وثرثرة سائق سيارة الاجرة التي لا تنتهي عن الوضع واسعار البنزين امتزجت للتحول الى صداع برأس شلش المسكين ...ومما صعب الوضع اكثر اعمال التصليح في الطرق التي حولت العراق الى قرية بدائية فليس هناك طريق ينجو من هذا الوحش المفترس الذي يعرف باعمال التصليح ... فيقطع علينا الطريق ويمزق ظهورنا بسبب الطسات



وبعد ساعات طوال وصل شلش الى السيارة الذاهبة الى سوريا جلس شلش بجانب رجل كبير بالسن وتبدو عليه ملامح الهيبة والطيبة لكن الرجل العجوز كان يحول اخفاء نفسه ... لم يعرف شلش السبب لكن كانت ملامح هذا الرجل مؤلوفة جدا وبقي شلش في حيره هل يسئل الرجل الكبير ام لا ربما يعرفة او ربما مجرد تشابه ملامح



وبعد فترة قرر شلش ان يسئل الرجل من هو وما هي قصته ولماذا يحول التخفي

وهناك ابتسم الرجل العجوز ابتسامة لطيفة وقال (شلش ما عرفتني )
شلش :عمي ولا صغراً بيك بس ماعرفتك اني مشبه عليك كلش

الرجل العجوز : شلش يا اخي العزيز انا (الاحترام) وقررت ان اترك العراق واذهب الى اي بلد ثاني

اندهش شلش من كلام (الاحترام ) فكيف يترك العراق وحاول بشتى الطرق ان يقنعه بالعدول عن قراره


لكن الرجل العجوز استرسل بالكلام وقال : ابني شلش مستحيل ان يكون لي مكان بالعراق فارض لا تحترم ساكنيها وسكان لا يحترمون ارضهم ليس لي مكان معهم
في اليوم نهان الف مرة نهان من الاسلاك الشائكة ومن ضجيج السيارات عندما يسيرون الناس في شهر رمضان وهم يتباهون بافطارهم وعدم صيمهم فلا وجود للاحترام عندما تصبح في بلدك مجرد ضيف فلا وجود للاحترام عندما ننام كل يوم وموجة الحر تذلنا وابو المولدة هو ملك عصره فلا وجود للاحترام



وقال الرجل العجوز... يا شلش اتركني لان صارت ماصخة

شلش : حتى انت يا أحترام فقت الاحترام واصبحت سوقي

وهناك اقتنع شلش بكلام الرجل العجوز وترك فكرة القناني الجديدة فما هي الفائدة من احترام الزبائن في بلد ليس به احترام

[AHMED_AMNIA]

شكرا يا شلش عالقصه الجميله لان بيها عبر هواي
صحيح الاحترام انفقد بالعراق
يعني هم ماكو امان
وهم ماكو كهرباء ولا غاز ولا نفط
وانوب ماكو احترام
هاي اشطلعت
على گولتك راح نهج من العراق
بس وين نروح؟؟
تره ماكو انسان معزز مكرم بلد اكثر من بلده
والعراق اجمل مكان في العالم(حسب رأي الشخصي)
تدري ليش لان بي اهلي وناسي واصدقائي
وهم يسون الدنيا وما بيها
وتحياتي الك عالموضوع الرائع

وعجبتني كلمة صارت ماصخة
لازم مقتبسها من عندي
بس تره حب شلش اني مو قصدي ازعلك
وان شاء الله ماكو زعل بين الاخوه
وتحياتي الك

[الشاعر الحزين]

شلش شا شلوش تحياتي اكل وتحياتي لافكارك البديعة
ومواضيعك الروووعة
ووصلت ومشكور

[زيرو1]

اي والله صحيح شلش
اقلها اليوم شنو راسي صار طبل
بس صافرات الجيش والشرطه وقطع الطرق
الطريق الي كان توصل ربع ساعه صار 3 ساعات ياله توصل
نكول الله كريم
ان شاء الله الوضع يتغير
تحياتي الك شلش على المواضيع الشلشيه

[الافعى السامة]

لالالالالالالالالالالالا ترة مو هيج فد مرة الوضع في تحسن انتو ادعو للعراق والله كريم
وتقبل مروري النتواضع

[الافعى السامة]

المتواضع سوري خطئ مطبعي لا تسويهة قضية

[فرح]

هو الولد حجة حتة يسويهة قضية لالالا اشو عبالك افعى تريد تتعارك وية شلش

[فرح]

وين الرد مالتي على الموضوع ؟؟؟

[فرح]

راح اعيدة وامر لله

طبعا كلش كلش كلش موضواع خرااااااافي
يا ابو النفط والغاز
يعني قصة كلش حلوة بيهة صور فنية وفلسفة كلش عميقة (شلوني بالحجي::31::)
مو بس هاي يعني تتناول قصتك جوانت كثيرة اخلاقية سياسية اقتصادية شاعرية فنية فلسفية
والله ما اذكر بعد شنو كتبت بس الله جان رد خرافي

اي والله ياشلش انتة صاحب القلم الذهبي
والله عاشت ايدك على مواضيعك الزطنية ذات الانتاج اليدوي
الي ميحتاج الهة مصاريف نقل ::50::

[الافعى السامة]

هو الولد حجة حتة يسويهة قضية لالالا اشو عبالك افعى تريد تتعارك وية شلش


لا اني شلون اتعارك وية شلش هذه اخوية وتاج راسي بس الموضوع ضوجني وحسيت بي مبالغة مع احترامي الرئيه الخاص

[فرح]

هلة هلة هلة هلة
وينك شلش
تحجي عليك افعى

..........................................

ترة لحد يزعل مني من ضوجتي ادور على عركة بالمنتدى او اخلق عركة

[الافعى السامة]

هلة هلة هلة هلة
وينك شلش
تحجي عليك افعى

..........................................

ترة لحد يزعل مني من ضوجتي ادور على عركة بالمنتدى او اخلق عركة

اليوصل حدنة نكص ايدة
اي والله اني هم مشتهية عركة

[أنا الذي...]

يا يابة شوف البنات غير شرانيات؟؟؟؟؟؟؟؟؟

[أنا الذي...]

عاشت ايدك شلش عالموضوع الحلو...........
ولو مبالغ بيه شوية لأن الاخلاق موجودة بعدهي بالعراق
وحتة الماعدهم أخلاق أكيد عدهم بذرة من عدهة وأنشالله بهذا الشتة الجاي تمطر الدنية هواي وتخضر أخلاقهم وتكبر وتقدح وبعدين العراق يجني من ثمار اخلاقهم...............
تحياتي

[�MisS Myriama �]

قصة حلوة شلوش
ياي عالافكار الي ماادري منين تجيبها
بس عموما" تسلم ايديناتك
وهذي بمناسبة القصة الحلوة هدية مني الك
هع هع
(هيا بنا ياهرهور نبحث عن السنافر)
http://www.bollywoodserver.net/uploads/0305d533cd.gif (http://www.bollywoodserver.net/)







شفت شكد معتزة بيك اني انت طلبت طلب واني ابدا" متاخرت عليك
يلا سي يووووو

[�MisS Myriama �]

شلووووووووووووووووش
هاي داصيحك لان اخاف متشوفه لشرشبيل لان انت ضايج وداير وجك وحتى شحاطتك واكعة
دير بالك لتنخمط منك اني معلية(الشحاطة)
يلا لتضوج وخفف عن نفسك وماكو شي يسوى

[ساره نظم]

قصه حلوه عاشت ايدك

[الشاعر الحزين]

شلش اني الوحيد المفتهمك يا ورد

[kaesarzaid]

فكرتة القصه وحكمتها كلش حلوووووووووه
عاشت ايدك صديقي

هاي القصص كلها جوه المخده ههههه بيبيتي ماعدها هلكد قصص والله

تحياتي الك يا ورده

[al7lwa]

مشكور شلش على الموضوع والفكرة الحلوة
بس اني اريد اكولك يجوز هنا ماكو احترام وماكو كلشي زين
بس صدكني العراقي باي بلد عربي غير العراق هو مهان ومذلول
اني رحت اكثر من مرة وشفت معاملة العراقين بغير بلد صدكني تنغث وتتمرض
صحيح بغير بلد اكو مي وكربهاء وامان بس مو مثل متكون ببلدك
يعني الاهانة بالعراق ولا تنهان وانت متغرب
واتمنى تتقبلون رأئيي بالموضوع وشكراااااااااااااااااااااااااا

[kaesarzaid]

مشكور شلش على الموضوع والفكرة الحلوة
بس اني اريد اكولك يجوز هنا ماكو احترام وماكو كلشي زين
بس صدكني العراقي باي بلد عربي غير العراق هو مهان ومذلول
اني رحت اكثر من مرة وشفت معاملة العراقين بغير بلد صدكني تنغث وتتمرض
صحيح بغير بلد اكو مي وكربهاء وامان بس مو مثل متكون ببلدك
يعني الاهانة بالعراق ولا تنهان وانت متغرب
واتمنى تتقبلون رأئيي بالموضوع وشكراااااااااااااااااااااااااا


اسئليني اني

والله شوووووووف شلش انتوا كلشي مشايفين من المسأسات لا مو مهانين حلوه احنه هنا بفلوووسنه ونصرف صرف محد يصرفه
يعني المقيم هنا خال بالبنك 13 دفتر ولازم ميتحرش بيها ولا يتدخل بيها . يعني هاي احسن دوله بالعالم تكيف بهيج واحد
بسسسسسسسسسسسسس يعني شنو ماشين بصف الحايط يعني اذا تصير مشكله مو مثل العراق نتعارك هنا نتجنبها حتى لو جانوا همه الغلطانين

وصراحه اني اشوف ابن البلد لازم ايصير هيج هذا صح علمود الدوله تصير زبينه وقويه لازم ابن البلد المفضل هاي بكل مكان بالعالم
تره بس العراق جان ايميزززززززززززز الغريب عن ابن البلد

[الشاعر الحزين]

اني مرة سافرت للكرادة على الجوة وانهانيت ماكو احسن من العراق

[al7lwa]

::29::::29:: شاعرنا الله يخليك مرة لخ من تحجي هيجي مأسي راعي شعور الي ديقره
لان اعصابنا مدتتحمل اني هاي الشغلة الي صارت وياك بدولة الكرادة مراح تروح عن بالي ابد ابد

[الشاعر الحزين]

::29::::29:: شاعرنا الله يخليك مرة لخ من تحجي هيجي مأسي راعي شعور الي ديقره
لان اعصابنا مدتتحمل اني هاي الشغلة الي صارت وياك بدولة الكرادة مراح تروح عن بالي ابد ابد
اني اعتذر حلوتنا بس الموقف مؤثر تخيلي اني واكف بنص الشارع سيارة تفوت تدكلي هورن
اروح اريد اشتري كص ميبيعلي الا بفلوس

[al7lwa]

لالالالالالالالالالالا مستحيل (هيه هاي شلون دنيا )انبوسبل

[الشاعر الحزين]

لالالالالالالالالالالا مستحيل (هيه هاي شلون دنيا )انبوسبل
ايون حلوتنا هذا الواقع اللي عايشين بيه ولازم مننكر هل شي لذلك اخذت جوازي ورجعت للعراق

[عصفورة البرمجيات]

شكرا يا شلش عالقصه الجميله لان بيها عبر هواي
صحيح الاحترام انفقد بالعراق
يعني هم ماكو امان
وهم ماكو كهرباء ولا غاز ولا نفط
وانوب ماكو احترام
هاي اشطلعت
على گولتك راح نهج من العراق
بس وين نروح؟؟
تره ماكو انسان معزز مكرم بلد اكثر من بلده
والعراق اجمل مكان في العالم(حسب رأي الشخصي)
تدري ليش لان بي اهلي وناسي واصدقائي
وهم يسون الدنيا وما بيها
وتحياتي الك عالموضوع الرائع
بس انكول الله كريم وماكو شي يبقى على حاله
بس يرادلها شويه صبر ودعوات الناس الطيبة
حتى ربك يرأف بحالنا ويفرجها علينا

[al7lwa]

يا زين ما اخترت يا شاعرنا

[شلش البغدادي]

السلام عليكم

طبعا شكر لكل اللي ردو على الموضوع واللي مردو مو اشكال اتحاور وياهم حوار حضاري

بس حبيت اكلكم شي مقارنتكم غلط ليش صحيح العراقي بره العراق ممكن ينهان اكثر وهذا شي طبيعي لان هو بلده ما معزز واي ابن بلد من يشوف مجموعة جبيرة من الناس وهما غرباء اخذو فرص العمل واكد سوو ازمة يعني بسورية خلال فترة بسيطة مليونين عراقي هاي زيادة جبيرة خلال وقت بسيط اكيد تصير ازمة

فلهذا امر طبيعي اللي تكولون عليه بس ميصير نسكت ونقارن ونكول يلا عادي

يعني قبل يومين رحت للجامعة جان عندي امتحان داخل الجامعة وهي مكان قمة بالعلم والثقافة اهل الامن يشلعون الارقام مال سيارة لان العميد كال لحد يوكف هنا ولو تشوفون الاسلوب اللي شفته

دخلنا امتحان وعدد جبير من الطلاب صايم والقاعة نار

اخوان رحمة لوالديكم احنا سنة 2008 شفتو الاولمبياة وشفتو الناس وين وصلت اني مرايد شي بس نقر بدخلنا أن الوطن غلطان بحقنا حتى نكدر ان نغير تصرفتنا مع الاخرين ومع انفسنا


واي واحد يحب يطرح فكرة اني جاهز لاي حوار حضاري

[فرح]

اليوصل حدنة نكص ايدة
اي والله اني هم مشتهية عركة
اي والله هية العركات الي تنشط النت
يا يابة شوف البنات غير شرانيات؟؟؟؟؟؟؟؟؟

وين اكو هيج انزك منة ماكو


شلش اني الوحيد المفتهمك يا ورد

انطيني الفين وافهمطك::50::

[الافعى السامة]

لا اخي حقك وموضوعك حضاري على كولتك بس اني من قريتة اتعصبت وفقدت الامل واحنة بالعكس محتاجين الى ان نقوي ثقتنة بالعراق مثل الاعلانات مال العراق للعراقيين وهاي مال العراق 1 والارهاب صفر تقبل مروري وتحياتي الك يامبدع

[شلش البغدادي]

انطيني الفين وافهمطك::50::


اكلج اختي شنو افمطك ترا اني سبع ومحد يكدر يفهمطني عراك اصلي افهمط الدنيا وما خلي احد يفهمطني

[فرح]

السلام عليكم

طبعا شكر لكل اللي ردو على الموضوع واللي مردو مو اشكال اتحاور وياهم حوار حضاري

بس حبيت اكلكم شي مقارنتكم غلط ليش صحيح العراقي بره العراق ممكن ينهان اكثر وهذا شي طبيعي لان هو بلده ما معزز واي ابن بلد من يشوف مجموعة جبيرة من الناس وهما غرباء اخذو فرص العمل واكد سوو ازمة يعني بسورية خلال فترة بسيطة مليونين عراقي هاي زيادة جبيرة خلال وقت بسيط اكيد تصير ازمة

فلهذا امر طبيعي اللي تكولون عليه بس ميصير نسكت ونقارن ونكول يلا عادي

يعني قبل يومين رحت للجامعة جان عندي امتحان داخل الجامعة وهي مكان قمة بالعلم والثقافة اهل الامن يشلعون الارقام مال سيارة لان العميد كال لحد يوكف هنا ولو تشوفون الاسلوب اللي شفته

دخلنا امتحان وعدد جبير من الطلاب صايم والقاعة نار

اخوان رحمة لوالديكم احنا سنة 2008 شفتو الاولمبياة وشفتو الناس وين وصلت اني مرايد شي بس نقر بدخلنا أن الوطن غلطان بحقنا حتى نكدر ان نغير تصرفتنا مع الاخرين ومع انفسنا


واي واحد يحب يطرح فكرة اني جاهز لاي حوار حضاري
شوف اني احب اتفق وياك على نقطة مهمة
انه التعامل بالجامعة مع الطلاب صاير ابدا مو حلو
مثلا رحت اطلع كتاب تئييد تخرج
والله شفت معاملة ابد مو حلوة
هاي واولا
ورئيس القسم شايل خشمة علة منو
سألتة سؤال
وجاوبني من ورة خشمة
لا مع الاسف

[فرح]

اكلج اختي شنو افمطك ترا اني سبع ومحد يكدر يفهمطني عراك اصلي افهمط الدنيا وما خلي احد يفهمطني

ههههههههههههههههههههههههههههههههههههههههههههههه
هههههههههههههههههههههههههههههههههههههههههههههه
ههههههههههههههههههههههههههههههههههههههههههههه
هههههههههههههههههههههههههههههههههههههههههههههههههه ههه
هههههههههههههههههههههههههههههههههههههههههههههههههه ههه
هههههههههههههههههههههههههههههههههههههههههههههههههه ههههههههه
يابة والله اترزلت من وراك هسة لان كلهم نايمين واني ضحكت بحس عالي
والله خربتني ضحك
دعديهة ياعيني ياشلش
قصدي افهمة الشاعر الحزين

[شلش البغدادي]

والله اروح للقسم افهمطهم كلهم

[فرح]

كافي ياشلش والله اني ميتة ضحك

[بنوتة علوم الحاسبات]

موضوع حلو والقصة هم كلش حلوة بس والله كل الي كلته صدك وحقيقي العالم مدري اشبيهم والعراقي منذل لأبعد الحدود والله يعني الواحد يوكف بالازدحام نص ساعة والله شنو يفوتون سيارة سيارة ولمن توصل تلكه ابو الحرس الوطني داير وجها ويسولف وية صاحبه وين الاحترام ؟؟ وعلى رأيك اهل المولدات صايرين هم ملوك زمانهم ويزيدون المذله ومحد يكولهم ليش ... وابسط شي عندك اذا واحد يريد يطلع من فرع وبي ازدحام كلهة تصيح ومحد ينطي مجال لو ابو المرور مسموط ابو ابوه بالحر والعالم كلها لابسته ومحد محترمه ولو نظل هيج ابد مراح يصير براسنه خير همة العالم كلهم تغيروا .. وحضرة عضو البرلمان يحط سبلت ستاند بالحديقة مال بيته والشعب ميت من الحر
طبعا كلش صرت عصبية من اتذكرت هالمواقف بس هم نكول الله كريم ... صارلي ساعة ادور على هالموضوع وتالي طلع رايح للصفحة الثانية
مشكووووووور جدا شلوش

[شلش البغدادي]

زوزو كلامج صح وهذا جزء بسيط من اللي نعانية

تحياتي

[شلش البغدادي]

بس عاشت ايدج والله فرحت بالرد مالتج ::h30::::h30::

[فرح]

ميصير تفرح نسيت ابو عصام

[زيرو1]

يؤؤؤؤؤؤؤؤؤؤؤؤؤؤؤ شلش فرحان
ميصيرر يا عم شو بك يازلمه سنويه ابو عصام لهلا ما طلعت
ما بصير هيك حكي

[روحي لك فداء]

طبعا شلش موضوعك كلش كلش حلو روائي والله لوتصير كاتب مستقبلك كلش حلو مششششكور حته نسميك شلش محفوظ (نجيب محفوظ)