دريد العبيدي
09-11-2008, 12:36 AM
ننتظر
ننتظر كل لحظة تضوي شموعنه وليل الحزن يصبح نهار
ننتظر وي الكلب دكة علدكة
ننتظر كل ساعة بشرى
نزفها لعيون الزغار
ما يهمنه منهو يحكم بس يهمنه اليِعدِل وبيده القرار
واليهمنه إلي يرد حج اليتامه ويبني بصروح العمار
واليهمنة الرْجَعْ البسمة لحلبجة ونفض عن فيّها الغبار
الغيرته تطفح مراجل وما يجور علينه لو هالزمن جار
اليحكم بزود وشجاعة ومن بطولاته الزلم كلها تغار
واليخلي بلادي جنة وع العدو نار وشرار
الياخذ بثار العذارى التطلب من الجاني ثار
الياخذ بثار الضلوع الغفت سكتاوي تون بعز النهار
الياخذ بثار الدموع النزلت بليل الحزن جمرات نار
واليهمنه مانصالح ولا نصافح ولانسامح
إلي باع بلاده سكته
والي هجّر والي فجّر
والغدر بأهله وزرع موت ودمار
ننتظر باجر يجينه محمل ورود وخضار
ننتظر خل ننتظر صبرج يروحي
مو تعودنا عمر بس إنتظار
روافد الياسري
ننتظر كل لحظة تضوي شموعنه وليل الحزن يصبح نهار
ننتظر وي الكلب دكة علدكة
ننتظر كل ساعة بشرى
نزفها لعيون الزغار
ما يهمنه منهو يحكم بس يهمنه اليِعدِل وبيده القرار
واليهمنه إلي يرد حج اليتامه ويبني بصروح العمار
واليهمنة الرْجَعْ البسمة لحلبجة ونفض عن فيّها الغبار
الغيرته تطفح مراجل وما يجور علينه لو هالزمن جار
اليحكم بزود وشجاعة ومن بطولاته الزلم كلها تغار
واليخلي بلادي جنة وع العدو نار وشرار
الياخذ بثار العذارى التطلب من الجاني ثار
الياخذ بثار الضلوع الغفت سكتاوي تون بعز النهار
الياخذ بثار الدموع النزلت بليل الحزن جمرات نار
واليهمنه مانصالح ولا نصافح ولانسامح
إلي باع بلاده سكته
والي هجّر والي فجّر
والغدر بأهله وزرع موت ودمار
ننتظر باجر يجينه محمل ورود وخضار
ننتظر خل ننتظر صبرج يروحي
مو تعودنا عمر بس إنتظار
روافد الياسري