قصتي من جنت بفينا

[اخبث مني منو]

اول شي هذا منتدى تحشيش موو لو مومو
وثاني شي اليوم راح اكللكم على رحلتي بفينا
الله على فينا كلش حلوة هالبساتين وهاي الخضار وهاي الطبيعة الحلوة
ليش اكو وساخة بالكاع كاعهم كلهه نظيفة وما بيهه وسخ خوما مثل العراق الي متروس حيشة قدركم زبايل وين ماتروح زبالة لو وساخة ما عدا بعض المناطق طبعا الطكوك
المهم ما طولكم السيارة كول صعدنا بالسالفة ونشوف فايلة اشكد بالغابات مالتهم وهاي الزرافات والقرودة والنمورة والاسودة ما طوللكم السيارة كول صعدنه بالسالفة ومناك رحنه زرنا برج بيزا المايل
وصعدنا بالمصعد مالته اشكد سريع ايباه اشكد حلو ضليت طول الطريق صاعد بالمصعد مالته واكف وكاعد زصاعد ونازل المهم ما طوللكم السيارة كول صعدنة بالسالفة وبعد هذا رحت على برج ايفل يابة اشكد ناصي وصعدت على القمة مالته المهم ما طوللكم السيارة كول صعدنة بالسالفة وبعده احترينه كلنه انروح نسبح بنهر الامزون هناك لكينه الطيارة مال مسلسل lost خطية لحد الان ما شايليهه ما عدهم كرينات هناك كول جبنالهه تاته ام اثمنطعش راكب وطلهناها على السريع ومناك شالوهه الروسيين بالقمر الصناعي مالتهم وذبوهه بمصر المهم ما طوللكم السيارة كول صعدنة بالسالفة ومناك رحنه على الاهرامات الموجودة بسنغافورة صدناها طابوكة طابوكة وعلكنه العلم مالتنة على جبال الهملايا المهم ما طوللكم السيارة كول صعدنة بالسالفة وبعدين رحنه على بابل الموجودة باستراليا وهناك انلاكي سعدي ابو الجنبر ابو الجاي ولكينا يوزع جايات اباب الشرجي بالعلاوي مال الكندا المهم ما طوللكم السيارة كول صعدنة بالسالفة يايابة وهناك كولو المن لكينه بموزنبيق ما تصدكون عيونكم لكينه سعديه ام الخاثر الي تبسط بالكرادة داخل بسطة مال الجكاير خطية امورهه حيل تعبانه لان مداينه خمسين مليون دولار من وزير موروكو الي يحكم افغانستان المهم ما طوللكم السيارة كول صعدنة بالسالفة وبعدين رحنه على ملعب الشعب الموجود بايطاليا بالقرب من ملعب الثور القديم بروما المهم ما طوللكم السيارة كول صعدنة بالسالفة ومناك جانت رحلتنه الاخيرة زرنه السيدة زينب بالجزائر ورحنه ودعينه بلكي الله يفرجه على العراق


وتعذرني ترة طولتهه عليكم المهم ما طوللكم السيارة كول صعدنة بالسالفة بس هيه جانت رحلة قصيرة كلش اطول منه ماكو
وتحياتي الكم محدثكم من ارض النهرين بامريكا الشمالية حشاش مو طبيعي
وان شاء الله تعجبكم هاي القصة القصير الكلش طويله وارجو التثبيت على الحايط مال المجانين مال المستشفى العلوية البلمنصور داخل باب الشرجي قرب كرادة داخل وخارج العلوية
يلا المهم ما طوللكم السيارة كول صعدنة بالسالفة


::31:: ::31:: ::31::

[white duck]

شنو هالخطوط ال جوه الكلمات قابل شدتكتب بالاتيني مو انعمت عيوني
بس القصة ابد مو طويلة بس صدك حشاش
تسلم عالموضوع::45::

[thelovely]

هههههههههههه مشكور على موضوعك المحشش
بس هسة كلي بابل بيهة لا لنكي

[ღღ♥ღZoBaღ♥ღღ]

ما طوللكم السيارة كول صعدنة بالسالفة[/size]



والله حشاش انت::2::::2::
هذي اذا رحله قصيره هيج لو مطول شلون::32::
تسلم عله الموضوع::57::

[هوبي]

هههههههههههههه

[omerking]

ههههههههههههههههههههههههه
عاشت ايدك ياحشاش

[العراقي المحب]

هههههههههه يسلمووو عزيزي

[♥ ملاك الحــب ♥]

هههههههههههههههههههه
عمي انت صدك حشاش محشش هع شكرا على الموضوع

[اشواك ناعمه]

ههههههههههههههههههههههه

[!_red line_!]

هههههههههههههههههههههه
شنو هاي غير حشات
عاشت ايدك حبي

[°.ஐ•i_ اًِنـــت مًـــُـلاكــًــِي_i•ஐ.°]

هههههههههههههههههههههههه

[عامرالسعدي]

ولك حشاش بقى بس القطب الشمالي اللي باستراليا ما رحت اله
خخخخخخخخخخخخخخخخخخخخخخخخخخخخخخخ
صدك حشاش

[Angel Of Death]

ههههههههههههههههههـ عاشت ايدكـ
بس مو راحت عيني من القراية

[اخبث مني منو]

اول شي اخوان واخوات واعضاء وزواء المنتدى وكلمن طب وشاف موضوعي او تحشيشي ما طوللكم السيارة كول صعدنة بالسالفة المهم اشكركم كلكم مو بهارات لا حارة ولا باردة على طبتكم هنا تسلمون حبايب بس اكو جم تعليق اريد افصح عنه واحجي بيه المهم ما طوللكم السيارة كول صعدنة بالسالفة هاي هيج قصة بسيطة كلش لعد لو احجيلكم قصتي من رحت لامريكا الاتينية جان طولت بيه اخوان بس مو مشكلة مادام هيج حجي فد يوم احجيلكمياها وتدللون عيوني حبايب المهم ما طوللكم السيارة كول صعدنة بالسالفة تعليق لبعض الاعضاء الحلوين

white duck عيوني تدلل مراح اخلي خطوط حبيبي جنك على هاي السالفة بيسطة

the lovely مشكور حبيبي على رد اي اشعبالك بابل متروسة لالنكي تصعد على النخلة اتكطع برتقال مو طبيعي خوب العنب اشمحلاتة من تحشة من الكاع والركي اولي احمر كلش حلو يستاهل حلكك خوب ما احجيلك على ال كيوي والعنجاص والمشمش والزيتون مال البرياني بس تدري اطيب شي شنو التين من تحشة من الكاع الله اشكد طيب يستاهل حلكك

زوزو2002 لا عيوني ترة هاي سالفة حيل قصيرة وداعت عيونك والشيخ محشي المطبك على المركة ما طولت عليكم المهم ما طوللكم السيارة كول صعدنة بالسالفة

هوبي ~ْ omerking ~ْ العراقي المحب ~ْاشواك ناعمة ~ْ زيز ~ْانت ملاكي ~ْ angel of death تسلموا على المرور

ملاك الحب حشاش لو مسدس ههعهعهعهعهعهعهعه ::50::

عامر السعدي لا عيوني ترة اني صحيح ما زرت القطب الشمالي الي باستراليا بس اني زرت القطب الجنوبي الموجود بافريقيا الله شنو هالطبيعة الخلابة الجو حارة والجو استوائي مو طبيعي

المهم ما طوللكم السيارة كول صعدنة بالسالفة مشكورين عيوني

[nsma]

::36::::36:: طيط طيط لواء الذيب زعاطيط ::36::::36::


اذا طال الزمان ولم تروني اكيد لواء الذيب علسوني













والله هاى اضبطهن مشكوووووووووور::31::

[اخبث مني منو]

مشكور عى الرد عيوني
بس لا تكل لحد ترة انعلس من صدك هاي بيناتنه اش اش اش

[اسير دجله]

هههههههههههههههههههههههههههه حشاش

[اخبث مني منو]

حشاش لو مسدس ولو هية قديمة مال هاون هاون مال النومي لوكعدي كعدي لو وكفي هعهعهعهعهعهعهعهعهعهعهعهعه
مشكووووووووووووووووووووووووووووووووووووووووووووووو ر على الرد+

[* ωhitε ƒloweя *]

هههههههههههههههههههههههههه
حلو الموضوع
شنو فينا اللي رحتلها مسوية كوبي لكل المعالم من جميع انحاء العالم؟
هههههههههههههههههه

[عراقية والعراق بدمي]

ههههههههههههه
بس الخطوط كتلتني كتل تحشيش مو طبيعي