هل تتحمل المسؤولية؟؟؟

[بنوتة البايو]

هلو سنتريون وسنتريات اليوم هالموضوع شويه جديات لان اكو هوايه مواضيع ترفيه بالمنتدى بس هذا موضوع اتمنه تردون عليه بجديه وتفكير وتكولولي صح لو غلط


تقدر تتحمل مسؤولية الخارطة مال عراق الي انت لابسها؟؟؟او (التيشرت)الي مرسوم عليه علم العراق؟؟
(خصوصا الي عايشين خارج العراق)
للي راح يقول اي


خلي يتذكر بالبداية انه اي تصرف منك (صح او غلط)راح يعبر عن شعب كامل
يعني مثلا اذا تعرف نفسك متعود على (المسبات)
بأسم (الميانة).....رجاءا لا تلبس الخارطة !!...ما يحتاج.

او اذا تعرف انه انت طالع من البيت حتى تتعارك مع اصدقائك (لان الواحد يثبت شخصيته ورجولته بالعركات)!!!!!رجاءا .....شيل(الكاسكيته) المرسوم عليها علم العراق من راسك!!

وللبنات هم لا تخلون احد يفكر انه احنا (خفيفات و متوفرين للتسلية) باسم الحرية ........لان احنا مو هشكل
اعرف راح تقولون اصابيع ايدي مو سوا (بس اذا اسوي شي غلط ما اقدر اقول اعذروني اصابع ايدي موسوا)
عندي معلمة قالت مرة (ما يحتاج ترسمون خارطة بلدكم.....لان انتم راح تكونون الصورة للبلد)
تمام ما اكو انسان ما يغلط بس لا تخلي غلطك براس البلد...(الي بيه مكفيه)........
اخر ملاحظة .........لا تلبس شي يدل عالعراق
بس اعمل شي زين ومن يسألوك انت من وين؟؟؟؟؟
ذاك الوقت قول بكل فخر اني عراقي.......

[الحلم العراقي]

عاشت الايادي يا بنوته البايو
موضوع رائع
واني اشبّه موضوعج
بموضوع الاسلام عامة

فكذلك ان الغرب اخذوا فكره خاطئة عن الاسلام بسبب اشخاص

الاسلام منهم براء

بفكرهم ومعتقدتاهم وتطرفهم

وديننا يدعو للسلام وهم يدعون للحروب

ديننا يدعو للتسامح وهم يدعون للتطرف

وهكذا هم وتلك هم اخلاقياتهم

فاصبحت صوره الاسلام مشوهه بسبب هؤلاء

ولكن هذه ليست قاعده بل حالة شاذه

لان القاعده هي ان دين الاسلام هو السلام والحق والعدل والمساواة

و ربطا مع موضوعكي

فنفس الشي

العراقي معروف بطيبته واخلاقه وكرمه واصلالته

وكل شي اخر خارج عن هذه المسميات فهي ليست من العراق

وليس كل من رفع علما او علق قلادتا او رسم خارطتا

فهو محب للعراق ووطني كما يقال

لان الحب يكون بالقلب وغير تمثيل لذلك الحب هو انعكاس اخلاقك وطباعك

في اي مكان الذي توجد فيه

وحينها يقال ذلك هو العراقي

ويشار اليه بالبنان

و يتشرف العلم بان يوضع على كتفه الايمن

تحياتي لكي

يا اختي

[شاعر البرامجيات]

رأيي بهذا الموضوع ومع كل الاسف النماذج اللي تسيء لسمعة العراق والعراقيين بدت تستفحل وخاصة بالخارج وعلى وجه الخصوص بدول الجوار وهذا يولد شي مرعب ومخيف وخطر على مستقبل الاجيال القادمة...
عاشت ايدج بنوتة على هذا الموضوع الهادف..
تحياتي...

[بنوتة البايو]

اي والله صحيح اخي
خوش تشبيه
وخاصة اللي بالخارج مع الاسف الشديد ما الهم اي علاقة لا بالاسلام ولا بالوطنية
بس هذولة هم الاقلية والمشكلة انو الاقلية تحكم على الكل والله كريم

[زنبقة]

لا تلبس شي يدل عالعراق
بس اعمل شي زين ومن يسألوك انت من وين؟؟؟؟؟
ذاك الوقت قول بكل فخر اني عراقي.......

والله حجيج كلش صحيح
عاشت ايدج حبيبتي بنوتة البايو
موضوعج اكثر من رائع

[بنوتة البايو]

منورين عيوني زنبقة وشاعر
هذي حقيقة مرة لازم نذكرها
والله اني عندي حجي هواية اذكرة بس شيفيد
تحياتي الكم

[◙mlk♣2l9na3ya◙]

اختي بنوته البايو
هذا الموضوع يدل على صدق مشاعرج تجاه العراق
ووطنيتج العالية اللي نتلمسها من خلال هذا الموضوع الجميل
لايمكن ان نربط تصرفات اشخاص بتصرفات شعب
صحيح ان دول الجوار ينتقدون بعض تصرفاتنا
ويقولون هذا العراقي!!!!!!!
لكن هذا الواقع
لان شعبنا ازدادت فيه الامية
وتوجد فيه نسبه كبيره من الجهلة....مع الاسف
لكن هنالك طبقة واعية ومثقفة
بنت صوره العراق الجميلة عبر البلدان
من خلال العديد من العقود التي مرت
واعتقد هذه هي الصوره التي لا تمحى
تقبلي مروري
ملك الصناعية
::51::

[عمر المهندس]

اخر ملاحظة .........لا تلبس شي يدل عالعراق
بس اعمل شي زين ومن يسألوك انت من وين؟؟؟؟؟
ذاك الوقت قول بكل فخر اني عراقي.......



والله بنوتة ماادري شكلج

بس بصراحة موضوع غاية في الاهمية

تحياتي الج لطرحج هذا الموضوع المهم

انا عراقي بكل فخر

[ليان]

واكول بكل فخر اني عراقي

اي والله مع الاسف
اكو كثييييييير من هالنماذج خارج العراق
سواء ا كانو بنات او شباب
عكسوا صورة سلبية وابدا مو حلوة عن العراقيين
وكلة باسم شي اسمة حرية
ومع الاسف كنت دائمااسمع عبارة
مدامك ببلد محد يعرفك بي سوي اللي نفسك بي

مشكووووووورة عيني بنوتة البايو عالموضوع الاكثر من رائع
تحياااتي الج

[كيمياوي الحب]

شلونكم شباب اني صح مو من جامعتكم بس اني خريج مستنصرية حبيت اشارك وياكم بالمنتدى
اني اريد اشكر بنوتة البايو ع هذا الموضوع والي عجبني بي مو كل الاصبع سوة
ترة الناس ما اعرف شلونهة اني حتى احس الناس كصت ايديهة حتى اتصير سوةةةةةةة واتمنى افتهمتوني ما اريد اكمل.....

[დ҉ BaGhDaD LaDy ҉დ]

(ما يحتاج ترسمون خارطة بلدكم.....لان انتم راح تكونون الصورة للبلد)
هذا الشي اكيد منتهين منة
انو التصرف هو الي يعكس ثقافه بلد كامل
ومع الاسف شفنا ناس هوايه مشرفونا بغير دول
بالتصرفات
يابه شنو محد يعرفنا هذا مو عذر
الي متربي زين وعنده اخلاق وين ميودوه وين ميحطوه يبقى نفسه
ميتغير
عاشت ايدج حبيبتي موضوعج رووووعه ولو بيدي كووومة احجي
بس ماريد اطول عليج
تحياتي الج بنوتة

[بنوتة البايو]

شكراااااااا لكل من رد على الموضوع
واتمنى وصلت الفكرة
تحياتي للكل

[وسام ماستر]

عاشت الايادي على المشاركة والموضوع المميز

[مس اناناس]

اخر ملاحظة .........لا تلبس شي يدل عالعراق
بس اعمل شي زين ومن يسألوك انت من وين؟؟؟؟؟
ذاك الوقت قول بكل فخر اني عراقي.......

اي والله الخير بالي يثبت
هو شنو مو بس بالاسم
والعراق معروف الحمد لله
بس ناقصنة جدية بالموضوع
تحياتي الج عيوني
اني ان شاء الله كد المسوؤلية
لأن الماعنده غيرة عالوطن ماعنده غيره على اهله

[فراشة الامل]

والله يابنوتة حجيج كلة صحيح مع الاسف اكو كثير من النماذج
الي عكست الصورة السلبية للعراقي من خلال تصرفاتهم الغير محسوبة
والغير عقلانية ففهمو الوطنية على انة مجرد شعارات او ملابس او ادوات زينة
لمواكبة الموديلات وصيحات الازياء من خلال هذا الشي بس فهمو الوطنية ..والي
مستحيل تجسد بقلادة او كاسكيتة او شي اخر الوطنية هي انتماء هي شعور
بالمسؤلية وبالاخص الي خارج البلد لانهم يمثلون شعب بكاملة من خلال اسلوب الحوار
من خلال تصرفاتهم من خلال غيرتهم على بلدهم واهلهم وكثير مسائل اخرى تعكس
انتمائهم للعراق الغالي

تحياتي الج ياوردة