ابو اماني الحجامي
09-10-2008, 06:55 AM
السلام عليكم
دارميات من كتاباتي
واتمنه تعجبكم
كلفت ملك الموت دمك يهدره
واعتذر ملك الموت خايف تغدره
***
شفه على شفه وياك حد يوم الوداع
لو جانه ملكت الموت انكله شبساع
***
تفصال افصل الروح كونك تحبهه
بس من تطب گبور بالك تسبهه
***
فكر وشعر واخلاق يبقه العراقي
شهم ويظل للدوم لللخوه راقي
***
سنه ويه شيعه اخوان والفكر راقي
تاج وتظل عل راس انته العراقي
***
يعرفني التاريخ تشهدلي الاعوام
هاذانه ابن ذي قار والاصل حجام
***
هذا الجمال البيك لا مو طبيعي
سني الجسم مفتول والوجه شيعي
***
سنه ويه شيعه اخوان صفينه الگلوب
ليش الحزن بغداد ليش اسود الثوب
***
خبلني هاذا الوكت لازم اصير ثنين
بالكرخ اسمي عمر بصوب الرصافه حسين
***
اصل وفصل واخلاق بنت العراقي
حسن وجمال وذوق والفكر راقي
***
شنتظر من تموز يمطرلي حالوب
وانا بشته جوريد ما ندت الثوب
***
زين البخت وياك الميت يگوم
انه الادفنه يصيح ناوشني الهدوم
***
وين البخت يفلان وتگلي مبخوت
وانا طلعت محسود حتى على تابوت
***
صدگني ما ناسيه هوه النسانه
قيمته بالدولار قيمني عانه
***
زين انتي عندج عين وتشوف الاحباب
انا النظر محروم بفرا گ المصاب
***
اصبر صبر ايوب بس لو تصبرين
وشيصبر المفطوم والعمره سنتين
***
اشتعل جده الگال العشگ موده
انا حرگت بغداد كلهه على موده
***
تدري شكثر اهواك يابعد العيون
يمكن بعد شهرين تلگاني مجنون
***
انته الملح والزاد وانته الحلاوه
متفق كلشي وياك بس لا عداوه
***
مياده ما جازيج لو عمري ميه
رخصيني من الگاج اخذ تحيه
***
يكثر دلال هواك جي لن تحبه
لز گه ويصير وياك بس مره سبه
***
زين الصديج وكال عيرلي من هاي
ابن امي هوه الكال ويمرد اجلاي
***
الگلب مدري شبييه كل لحظه نغمه
والضغط صاعد فول ونگول رحمه
***
لا تنخه هاذا وذاك ويداوي الجروح
انخه الذي مينام بابه الله مفتوح
***
شدة عداوه وياي سوتني هندي
يوم القيام يصير يوميه عندي
***
يهلن دموع العين لو ردت احاجيج
مياده رب الكون هوه اليجازيج
***
هسه طلعت مو خوش وتملني يهواي
جنت العسل بشفاك تغسلني بالماي
***
الدنيا بس وياي شدة عداوه
ولا واحد من الناس لجروحي داوه
***
تدري شكثر اهواك وشكد احبك
من كثر ما اشتاك مرات اسبك
***
عاجل خبر وانطوه بس عالجزيره
الما عايد المحبوب ماعنده غيره
***
كل عام وانتو بخير ولكل لاهلنه
صح البلد مجروح بس يبقه جنه
***
غالي وعزيز هواي يابعد اهلنه
لو بيدي للطيبين احجز الجنه
***
مايحله ابد للعين بس ساهي العيون
ساهي ويظل للدوم وبحبه مجنون
***
وحدك تظل بالروح حاكم عليهه
لو جاهه ملك الموت انته اوله بيهه
***
كلش گضاها الظيم والگلب حاير
ما ظنهه دگتك هاي دگت عشاير
***
دلالي ما معيوب مات بمكانه
وماتت بگايه الروح من فارگانه
***
سالم يبعد الروح كون انته سالم
والله تظل للدوم بالكلفه غانم
***
ماقصرت وياك لو بينه مريت
احنه النظل خطار وانتم اهل بيت
***
كل دمعه بوسه تريد اقبل يمحبوب
دمع الهلمته عليك خلاك مطلوب
***
لاجلك صمت رمضان والدمع جاري
دهر انا اصوم عليك لو صرت جاري
***
زين انته عمي تنام تحلم بالاحباب
ماغمضت سنتين وانطر على الباب
***
طيبتي ظعفي واظل وابقه حنون
انا من اشتاك الكم اشعر بحالة جنون
***
شلي بحياتي اليوم لو صار الفراك
متشابك انا وياك والروح تشتاك
***
من جاني ملك الموت بس فكرت بيك
صارن علي صعبات جلمات احاجيك
***
من جسمي خل تنباك روحي بمظيفك
يبقى الجسد وياك وانته على كيفك
***
لتون بعد يهواي لتهم زمانك
لو جاك الموت انا بمجانك
***
كلش علي صعبات لحظات الوداع
اتمنى كون وياك تبلعني الكاع
***
وعلى الجمر يفلان واتعنى حافي
وين الكه بين الناس مثلك يوافي
***
للنجف زتني هناك لو زفته تفوت
سيارة العريس اكلبه تابوت
***
شكرا وزير الكهربه ماقصرت ويانه
شفتين شغلتوا الشمس بس الشمس عطلانه
***
اتمنى كون هواي هم مثلي شاعر
نتبادل انا وياه حب ومشاعر
***
حرت وزماني وياك حيرني كلش
انته البنيت البيت وانته تفلش
اجمل تحياتي
دارميات من كتاباتي
واتمنه تعجبكم
كلفت ملك الموت دمك يهدره
واعتذر ملك الموت خايف تغدره
***
شفه على شفه وياك حد يوم الوداع
لو جانه ملكت الموت انكله شبساع
***
تفصال افصل الروح كونك تحبهه
بس من تطب گبور بالك تسبهه
***
فكر وشعر واخلاق يبقه العراقي
شهم ويظل للدوم لللخوه راقي
***
سنه ويه شيعه اخوان والفكر راقي
تاج وتظل عل راس انته العراقي
***
يعرفني التاريخ تشهدلي الاعوام
هاذانه ابن ذي قار والاصل حجام
***
هذا الجمال البيك لا مو طبيعي
سني الجسم مفتول والوجه شيعي
***
سنه ويه شيعه اخوان صفينه الگلوب
ليش الحزن بغداد ليش اسود الثوب
***
خبلني هاذا الوكت لازم اصير ثنين
بالكرخ اسمي عمر بصوب الرصافه حسين
***
اصل وفصل واخلاق بنت العراقي
حسن وجمال وذوق والفكر راقي
***
شنتظر من تموز يمطرلي حالوب
وانا بشته جوريد ما ندت الثوب
***
زين البخت وياك الميت يگوم
انه الادفنه يصيح ناوشني الهدوم
***
وين البخت يفلان وتگلي مبخوت
وانا طلعت محسود حتى على تابوت
***
صدگني ما ناسيه هوه النسانه
قيمته بالدولار قيمني عانه
***
زين انتي عندج عين وتشوف الاحباب
انا النظر محروم بفرا گ المصاب
***
اصبر صبر ايوب بس لو تصبرين
وشيصبر المفطوم والعمره سنتين
***
اشتعل جده الگال العشگ موده
انا حرگت بغداد كلهه على موده
***
تدري شكثر اهواك يابعد العيون
يمكن بعد شهرين تلگاني مجنون
***
انته الملح والزاد وانته الحلاوه
متفق كلشي وياك بس لا عداوه
***
مياده ما جازيج لو عمري ميه
رخصيني من الگاج اخذ تحيه
***
يكثر دلال هواك جي لن تحبه
لز گه ويصير وياك بس مره سبه
***
زين الصديج وكال عيرلي من هاي
ابن امي هوه الكال ويمرد اجلاي
***
الگلب مدري شبييه كل لحظه نغمه
والضغط صاعد فول ونگول رحمه
***
لا تنخه هاذا وذاك ويداوي الجروح
انخه الذي مينام بابه الله مفتوح
***
شدة عداوه وياي سوتني هندي
يوم القيام يصير يوميه عندي
***
يهلن دموع العين لو ردت احاجيج
مياده رب الكون هوه اليجازيج
***
هسه طلعت مو خوش وتملني يهواي
جنت العسل بشفاك تغسلني بالماي
***
الدنيا بس وياي شدة عداوه
ولا واحد من الناس لجروحي داوه
***
تدري شكثر اهواك وشكد احبك
من كثر ما اشتاك مرات اسبك
***
عاجل خبر وانطوه بس عالجزيره
الما عايد المحبوب ماعنده غيره
***
كل عام وانتو بخير ولكل لاهلنه
صح البلد مجروح بس يبقه جنه
***
غالي وعزيز هواي يابعد اهلنه
لو بيدي للطيبين احجز الجنه
***
مايحله ابد للعين بس ساهي العيون
ساهي ويظل للدوم وبحبه مجنون
***
وحدك تظل بالروح حاكم عليهه
لو جاهه ملك الموت انته اوله بيهه
***
كلش گضاها الظيم والگلب حاير
ما ظنهه دگتك هاي دگت عشاير
***
دلالي ما معيوب مات بمكانه
وماتت بگايه الروح من فارگانه
***
سالم يبعد الروح كون انته سالم
والله تظل للدوم بالكلفه غانم
***
ماقصرت وياك لو بينه مريت
احنه النظل خطار وانتم اهل بيت
***
كل دمعه بوسه تريد اقبل يمحبوب
دمع الهلمته عليك خلاك مطلوب
***
لاجلك صمت رمضان والدمع جاري
دهر انا اصوم عليك لو صرت جاري
***
زين انته عمي تنام تحلم بالاحباب
ماغمضت سنتين وانطر على الباب
***
طيبتي ظعفي واظل وابقه حنون
انا من اشتاك الكم اشعر بحالة جنون
***
شلي بحياتي اليوم لو صار الفراك
متشابك انا وياك والروح تشتاك
***
من جاني ملك الموت بس فكرت بيك
صارن علي صعبات جلمات احاجيك
***
من جسمي خل تنباك روحي بمظيفك
يبقى الجسد وياك وانته على كيفك
***
لتون بعد يهواي لتهم زمانك
لو جاك الموت انا بمجانك
***
كلش علي صعبات لحظات الوداع
اتمنى كون وياك تبلعني الكاع
***
وعلى الجمر يفلان واتعنى حافي
وين الكه بين الناس مثلك يوافي
***
للنجف زتني هناك لو زفته تفوت
سيارة العريس اكلبه تابوت
***
شكرا وزير الكهربه ماقصرت ويانه
شفتين شغلتوا الشمس بس الشمس عطلانه
***
اتمنى كون هواي هم مثلي شاعر
نتبادل انا وياه حب ومشاعر
***
حرت وزماني وياك حيرني كلش
انته البنيت البيت وانته تفلش
اجمل تحياتي