اوري العراقي
09-10-2008, 05:24 AM
من روائع الديواني سالم الشباني
الواقع لا يعني التشائم
ولا يغير الله مابقوم حتى يغيروا ما بانفسهم
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
يگولون الوكت دولاب دوار
والدنيه رحاها بحالنا اتدير
والدولاب ندري اشلون لو دار
عمودي وهاي ما تحتاج تفسير
يعني الچان ناصي وي النجم صار
والمنجم گبل بالناصيه يصير
اشمعنه الفوگ ظلوا ويه الاقمار
والناصين ظلوا بالطوامير
اثاري الوكت ثابت واحنه نختار
قدرنه وما صعدنه بسوء تقدير
الانسان يصنع كل الادوار
الوكت والرحّه ابد ما الهه تاثير
بعد لحد يلوم الوكت ما صار
لوموا ارواحكم مو اصل تغيير
اشبينه الشكل نفسه ونفس الاعمار
ماكوا بشر اصلي وبشر تحوير
وعدنه للصمود اسباب واسرار
تحسدنه الشعوب اعليه وتغير
تاريخ وحضاره وعمق واثار
واخبار وكتابات واساطير
وثورات وقيم ورموزنه اكبار
علم وعلوم واعلام وتفاسير
اهوار ونخل وجبال وانهار
ومعادن كافيه وتزود تصدير
ومدارس ومهات اطيهه مشوار
اصايل تعبن كل المشاوير
وجمال واحاسيس وهمس سمار
وحبايبنه ازدحام اعله العطاطير
وهله وحي الله وشلونك وصار
واغاتي وصبحاك الله بالخير
وعدنه گاع طيبه اطيب الاشجار
خير اتفيض من تفتر نواعير
العراق اول رقم والعالم اصفار
والمزاد يفره اليوم تصفير
العراق ومن يمر اسمك بالاخبار
تتهزر اضلوعي اعليك تهزير
تدير العين لينه وما مش انصار
وحيد ودايره اعليك الصواطير
شرق وغرب والوبار فجار
خنث واعله ابن عمهم مغاوير
غير الينتخي يتبشر يبشار
هلك غدروك من مكحول يا شير
ولا كلمن يجاهد عمر مختار
يمك ما تجاهد يبوا التكفير
واذا هو المعزب صار خطار
چا خطارنه يشيل المخاسير
احنه الداخ بينه الوكت واحتار
لا نتعلم ولا عدنه تدبير
ولا فرقنه بين النور والنار
عمر وانخبز ما بين التنانير
نعم قرونه نار ونور والدار
وابشرنك تالى من الدار تهجير
اذا نرتاح يوم انحارب الجار
كل مره ونرد احنه المجاسير
واحنه اثنين چنه وصرنه طشار
واذا نلتم جمعنه جمع تكسير
عبدنه الصنم لمن مل الاحجار
طاح وطحنه بين الغزو وتحرير
عگب ما طاح كلهه اصبحت ثوار
چــــــا..أمي الگبل تكتب تقارير؟!
ندور اعله اليحط برگابنه اسوار
مانعرف نعيش ابلا تصاوير!
يذكرون الحواسم وصمة العار
ظل زيج الوطن من غير تزرير
متساوين بيهه اخيار واشرار
ولا خير طلع يزمخ بشرير
ناخذ رشوه حتى انصير تجار
كل تتعين تلگله اگباله تسعير
عياده ومن تطب دكان جزار!
والماعنده خله يموت للجير !
مدام الكارتات بخمسه دولار
تنّج والله كلهه ابلايه تحضير
ملايين المشت لحسين زوار
ترد تاكل بعض مثل المناشير
غير حسين عبره وغيره وايثار
اذا بس المراسم هذه تحذير
ناكل بعض ونظمظم بالاكتار
چا .. ظلت عله لحم الخنازير
تسكت تكفر تحچي اشلون تحتار
ذيچ وتايهه ابسوگ الصفافير
يالشاعر يعمي بطل اشعار
خافن تطگ منهو بحالك يحير؟
هم زين انه عمي اشتغل نجار
وافرغ نار گلبي بالبسامير
سالم الشباني / الديوانيه
م|ن
::55::
الواقع لا يعني التشائم
ولا يغير الله مابقوم حتى يغيروا ما بانفسهم
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
يگولون الوكت دولاب دوار
والدنيه رحاها بحالنا اتدير
والدولاب ندري اشلون لو دار
عمودي وهاي ما تحتاج تفسير
يعني الچان ناصي وي النجم صار
والمنجم گبل بالناصيه يصير
اشمعنه الفوگ ظلوا ويه الاقمار
والناصين ظلوا بالطوامير
اثاري الوكت ثابت واحنه نختار
قدرنه وما صعدنه بسوء تقدير
الانسان يصنع كل الادوار
الوكت والرحّه ابد ما الهه تاثير
بعد لحد يلوم الوكت ما صار
لوموا ارواحكم مو اصل تغيير
اشبينه الشكل نفسه ونفس الاعمار
ماكوا بشر اصلي وبشر تحوير
وعدنه للصمود اسباب واسرار
تحسدنه الشعوب اعليه وتغير
تاريخ وحضاره وعمق واثار
واخبار وكتابات واساطير
وثورات وقيم ورموزنه اكبار
علم وعلوم واعلام وتفاسير
اهوار ونخل وجبال وانهار
ومعادن كافيه وتزود تصدير
ومدارس ومهات اطيهه مشوار
اصايل تعبن كل المشاوير
وجمال واحاسيس وهمس سمار
وحبايبنه ازدحام اعله العطاطير
وهله وحي الله وشلونك وصار
واغاتي وصبحاك الله بالخير
وعدنه گاع طيبه اطيب الاشجار
خير اتفيض من تفتر نواعير
العراق اول رقم والعالم اصفار
والمزاد يفره اليوم تصفير
العراق ومن يمر اسمك بالاخبار
تتهزر اضلوعي اعليك تهزير
تدير العين لينه وما مش انصار
وحيد ودايره اعليك الصواطير
شرق وغرب والوبار فجار
خنث واعله ابن عمهم مغاوير
غير الينتخي يتبشر يبشار
هلك غدروك من مكحول يا شير
ولا كلمن يجاهد عمر مختار
يمك ما تجاهد يبوا التكفير
واذا هو المعزب صار خطار
چا خطارنه يشيل المخاسير
احنه الداخ بينه الوكت واحتار
لا نتعلم ولا عدنه تدبير
ولا فرقنه بين النور والنار
عمر وانخبز ما بين التنانير
نعم قرونه نار ونور والدار
وابشرنك تالى من الدار تهجير
اذا نرتاح يوم انحارب الجار
كل مره ونرد احنه المجاسير
واحنه اثنين چنه وصرنه طشار
واذا نلتم جمعنه جمع تكسير
عبدنه الصنم لمن مل الاحجار
طاح وطحنه بين الغزو وتحرير
عگب ما طاح كلهه اصبحت ثوار
چــــــا..أمي الگبل تكتب تقارير؟!
ندور اعله اليحط برگابنه اسوار
مانعرف نعيش ابلا تصاوير!
يذكرون الحواسم وصمة العار
ظل زيج الوطن من غير تزرير
متساوين بيهه اخيار واشرار
ولا خير طلع يزمخ بشرير
ناخذ رشوه حتى انصير تجار
كل تتعين تلگله اگباله تسعير
عياده ومن تطب دكان جزار!
والماعنده خله يموت للجير !
مدام الكارتات بخمسه دولار
تنّج والله كلهه ابلايه تحضير
ملايين المشت لحسين زوار
ترد تاكل بعض مثل المناشير
غير حسين عبره وغيره وايثار
اذا بس المراسم هذه تحذير
ناكل بعض ونظمظم بالاكتار
چا .. ظلت عله لحم الخنازير
تسكت تكفر تحچي اشلون تحتار
ذيچ وتايهه ابسوگ الصفافير
يالشاعر يعمي بطل اشعار
خافن تطگ منهو بحالك يحير؟
هم زين انه عمي اشتغل نجار
وافرغ نار گلبي بالبسامير
سالم الشباني / الديوانيه
م|ن
::55::