الكـون لهُ اسـْرار
11-07-2006, 07:55 PM
آنه وانت بلا حدود.. بلاسواتر
لهفه تجدح نار وتذوب المسافه
أعله النواظر
ليش تزرع بالجفوف الغافيه.. عبوة ملذه ؟
تنفجر رغبه وشظاها ايصير واهس
ليش حشّمت الورد من سيريت
وبيّه فراشات مكسورة خواطر ؟
وليش بستان الثلج غش القميص
وباك اول(دكمه) من فوك المواقع ؟
ليش تتعجب اذا اصفن عليك
وصفنة البلبل على الورده خواطر ؟
انت حضرت الحجي وكتلي تعال
وطولك المكتظ ترس خلكي مطامع
يعني هذا الصار مو يعني تجاوز ؟
من اشوف بطولك اجيوش العسل
لبست بنادق
ومن اشوف الهدنه كسرتها المفارز
ومن اشوف اعيونك اتوزع بيان
وشعب مملكتك تحضّر للمعارك
سلاح ابيض جيّشت فوك الحدود
والمسافه البينه بلايه مسافه.. بلاحواجز
من تطش عطرك علي يعني احتلال
وآنه من حكي أذن لو ردت أدافع
من اشوف المستحه بعينك هجوم
وآنه فيلق من جمر واكف أباوع
يعني اتوقع مدن طولك تثور
وتدخل الرغبه بزمن حرب الشوارع
حرب تصنعها السطور المالكه اطراف الأنامل
والأدين التشتهي تسيّر سوالف
يعني احنه أثنينه أندين الحدود
ندين كل التفرقه بهاي الخرايط
يعني باجر من أمد أيدي عليك
تلكه مابين المدن جف ومضايف
آنه متأكد مثل هاي الحروب
راح تتفجر عسل فوك الشفايف
((الكون له اسرار))
لهفه تجدح نار وتذوب المسافه
أعله النواظر
ليش تزرع بالجفوف الغافيه.. عبوة ملذه ؟
تنفجر رغبه وشظاها ايصير واهس
ليش حشّمت الورد من سيريت
وبيّه فراشات مكسورة خواطر ؟
وليش بستان الثلج غش القميص
وباك اول(دكمه) من فوك المواقع ؟
ليش تتعجب اذا اصفن عليك
وصفنة البلبل على الورده خواطر ؟
انت حضرت الحجي وكتلي تعال
وطولك المكتظ ترس خلكي مطامع
يعني هذا الصار مو يعني تجاوز ؟
من اشوف بطولك اجيوش العسل
لبست بنادق
ومن اشوف الهدنه كسرتها المفارز
ومن اشوف اعيونك اتوزع بيان
وشعب مملكتك تحضّر للمعارك
سلاح ابيض جيّشت فوك الحدود
والمسافه البينه بلايه مسافه.. بلاحواجز
من تطش عطرك علي يعني احتلال
وآنه من حكي أذن لو ردت أدافع
من اشوف المستحه بعينك هجوم
وآنه فيلق من جمر واكف أباوع
يعني اتوقع مدن طولك تثور
وتدخل الرغبه بزمن حرب الشوارع
حرب تصنعها السطور المالكه اطراف الأنامل
والأدين التشتهي تسيّر سوالف
يعني احنه أثنينه أندين الحدود
ندين كل التفرقه بهاي الخرايط
يعني باجر من أمد أيدي عليك
تلكه مابين المدن جف ومضايف
آنه متأكد مثل هاي الحروب
راح تتفجر عسل فوك الشفايف
((الكون له اسرار))